Teqvim-2017. pdf
Tarixdə bu gün Аzərbаycаn Dövlət Himni
Yüklə 5,26 Mb. Pdf görüntüsü
|
- Bu səhifədəki naviqasiya:
- Ə d ə b i y y a t
176 Tarixdə bu gün Аzərbаycаn Dövlət Himni 1992 MA Y Azərbaycan Respublikasının Dövlət himni onun əsas dövlətçilik atribut- larından biri olub Vətənimizin dövlət müstəqilliyinin və ölkəmizin mil- li birliyinin müqəddəs rəmzidir. Hər bir müstəqil dövlətdə olduğu kimi, Azərbaycanın da müstəqilliyini, mil- li mentalitetini və dövlətçiliyini əks etdirən özünəməxsus milli himni - Dövlət himni vardır. Dövlət him- ni dövlət müstəqilliyinin musiqi və sözlə ifadə edilən müqəddəs simvolu, rəmzi, atributu olaraq milli və dövlət bayramlarında, tarixi günlərdə, rəsmi mərasimlərdə, beynəlxalq tədbirlərdə, təhsil müəssisələrində və mövcud qanunvericiliklə müəyyən edilən digər hallarda həmişə ayaqüstə, böyük coşqu ilə, milli qürurla oxunur və dinlənilir. 28 may 1918-ci il tarixində Azərbaycanın istiqlaliyyəti elan olunduqdan sonra Azərbaycan Xalq Cümhuriyyətinin Dövlət bayrağı və gerbi ilə bərabər, Dövlət himninin də yaradılması və qəbul edilməsi məsələsi qarşıya çıxmışdı. 1920-ci il yanvarın 30-da Azərbaycan Xalq Cümhuriyyətinin Nazirlər Şura- sı milli himnin hazırlanması haqqında qərar qəbul etdi və bu məqsədlə Xalq Maarif Nazirliyi tərəfindən müsabiqə elan olundu. Bununla əlaqədar bəstəkar Üze- yir Hacıbəyli və şair Əhməd Cavad “Azərbaycan marşı” adlı əsər yaz- dılar və müsabiqəyə təqdim etdilər. Lakin 1920-ci il aprelin 28-də Xalq Cümhuriyyətinin süqutu Azərbaycanın milli himninin qəbuluna imkan vermədi. 1991-ci ildə ölkəmiz yenidən müstəqillik əldə etdikdən sonra Azərbaycan Respublikasının Dövlət himninin qəbulu məsələsi gündəmə çıx- dı. 1992-ci il mayın 27-də Milli Məclis “Azərbaycan Respublikasının Dövlət himni haqqında” Azərbaycan Respubli- kasının Qanununu qəbul etdi. Qanuna əsasən, 1919-cu ildə musiqisi böyük bəstəkar Üzeyir Hacıbəyli və sözləri Əhməd Cavada məxsus “Azərbaycan marşı” Azərbaycan Respublikasının Dövlət himni kimi təsdiq olundu. 1993-cü il Azərbaycan Respublika- sı Milli Məclisinin 2 mart tarixli qərarı ilə Azərbaycan Respublikası Dövlət himninin əsasnaməsi təsdiq edilmişdir. Bütün dövlət rəmzlərinə, dövlətçilik atributlarına, o cümlədən də Dövlət himninə dərin hörmət və məhəbbətlə yanaşmaq, himnimizin səslənməsindən böyük milli iftixar hissi keçirmək hər bir Azərbaycan vətəndaşının Konsti- tusiya ilə müəyyənləşən vətəndaşlıq vəzifəsidir... Ə d ə b i y y a t Abbas, İ. Himnimizin müəllifi... /İ.Abbas; red.: Ə.Tanrıverdi.- Bakı: Elm və təhsil, 2015.- 98 s. Bayrağımız, gerbimiz, himnimiz /tərt.ed.: H.Cəmilzadə (Xudiyev).- Bakı: Nağıl evi, 2000.- 20 s. Əliyev, İ. Azərbaycan Respublikasının Dövlət rəmzləri /İ.Əliyev, E.Məhərrəmov; red. Y.Mahmudov; AMEA A.Bakıxanov ad. Tarix İn- tu; AMEA Arxeologiya və Etnoqrafiya İn-tu.- Bakı: Nurlan, 2008.- 54 s. Mərdanov, M. Azərbaycan Respublikasının Dövlət rəmzləri /M.Mərdanov, Ə.Quliyev; elmi red.: R.Mehdiyev.- Bakı: Çaşı- oğlu, 2007.- 272 s. Dövlət himni //Mədəni həyat.- 2012.- №5.- S.6. Qaraqoyunlu, S. Dövlət himnimiz və biz //Ədalət.- 2010.- 8 oktyabr.- S.3. 27 25 illiyi 177 Tarixdə bu gün Respublika Günü 1992 MA Y 1918-ci il 28 may müsəlman Şərqində ilk demokratik res- publikanın - Azərbaycan Xalq Cümhuriyyətinin elan olundu- ğu və Azərbaycan dövlətçiliyinin bərpa edildiyi gündür. Həmin gün Azərbaycan Milli Şurası- nın iclasında 6 bənddən ibarət Azərbaycanın İstiqlal bəyannaməsi qəbul olundu. İlk konstitusiya aktı - İstiqlal bəyannaməsinin qəbulu ilə Azərbaycan dövlətçiliyi dünyəvi Xalq Cümhuriyyəti formasında elan edildi. Milli Şuranın iclasında bitərəf Fətəli xan Xoyskinin başçılı- ğı ilə Xosrov Paşa bəy Sulta- nov, Məmmədhəsən Hacınski, Nəsib bəy Yusifbəyli, Xəlil bəy Xasməmmədov, Məmməd Yusif Cəfərov, Əkbər ağa Şeyxülisla- mov, Xudadat bəy Məlik-Aslanov, Camo bəy Hacınskidən ibarə t ilk Azərbaycan hökuməti yaradıldı. Azərbaycan Xalq Cümhuriyyəti hökuməti 1919-cu ilin 21 mayında 28 may istiqlal gününün bayram edilməsi haqqında qərar qəbul et- miş və bayramın keçirilməsi üçün komissiya yaratmışdı. 1919-cu il mayın 27-28-də istiqlaliyyətin bi- rinci ildönümü münasibətilə Bakı- da və bölgələrdə təntənəli bayram mərasimləri və kütləvi tədbirlər ke- çirildi. Azərbaycan Xalq Cümhuriyyəti 1920-ci il aprelin 28-də beynəlxalq hüquq normalarını kobudcası- na pozan Sovet Rusiyasının hərbi müdaxiləsi nəticəsində aradan qal- dırıldı. Azərbaycan Xalq Cümhuriyyəti cəmi 23 ay yaşasa da, Azərbaycan xalqının tarixində silinməz iz burax- mış, milli dövlətçilik ənənələrinin yaşamasında və inkişafında mü- hüm rol oynamışdır. 1991-ci ildə Azərbaycan öz dövlət müstəqilliyini bərpa edəndən sonra Azərbaycan Respublikası Prezidentinin Fərmanı (1992) ilə 2 8 May – Respublika Günü elan edilərək, hər il dövlət və ümumxalq bayramı kimi təntənəli şəkildə qeyd olunur.
Yüklə 5,26 Mb. Dostları ilə paylaş:
|