Teqvim-2017. pdf
Musiqi.Opera.Balet Leyla Vəkilova
Yüklə 5,26 Mb. Pdf görüntüsü
|
- Bu səhifədəki naviqasiya:
- Ə d ə b i y y a t
- İ n t e r n e t d ə
20 Musiqi.Opera.Balet Leyla Vəkilova 1927-1999 Y ANV AR Leyla Məhəd qızı Vəkilova 1927-ci il yanvar ayının 29-da ziyalı ailəsində dünyaya göz açmışdır. Orta məktəbdə oxumaqla yanaşı 1935-ci ildə Bakı Xo- reoqrafiya Məktəbinə daxil olmuşdur. 1943-cü ildə Xoreoqrafiya məktəbini uğurla bitirən gənc balerina Azərbaycan Dövlət Opera və Balet Teatrının balet truppasına solist kimi qəbul olunmuş- dur. 1945-1946-cı illərdə SSRİ Dövlət Akademik Böyük Teatrının nəzdindəki Moskva Xoreoqrafiya məktəbində xü- susi təhsil almışdır. Görkəmli balet ustası 1946-cı ildən ömrünün sonuna kimi Azərbaycan Dövlət Opera və Balet Teatrının so- listi olmuş, 1953-cü ildən ömrünün son gününə kimi Bakı Xoreoqrafiya Məktəbində klassik rəqslər fənnindən dərs demiş və 1992-ci ildən həm də bu təhsil ocağına bədii rəhbərlik etmişdir. “Qu gölü” baleti Leyla Vəkilovanın sənət taleyinin əbədi nəğməsi idi. O, səhnəyə ilk dəfə bu baletlə ayaq aç- mış, səhnə həyatı boyu dəfələrlə həmin baletdəki Odetta və Odiliya obrazlarını ifa etmişdir. Leyla Vəkilova “Qız qalası” baletində Gülyanaq, “Gülşən” baletində Gülşən, “Yeddi gözəl” baletində Aişə, “Yatmış gözəl” baletində Avrora, “İldırımlı yol- larla” baletində Sari, “Jizel” baletində Jizel, “Məhəbbət əfsanəsi” baletində Şi- rin rolları, “Qırmızı lalə” baletində Tao Xoa, “Bağçasaray fontanı” baletindəki Zarema partiyalarını ifa etmişdir. Opera teatrında tamaşaya hazırlanan “Aleko”, “Leyli və Məcnun” operalarına rəqs qu- ruluşları vermişdir. O, müxtəlif vaxtlarda Moskva və Tiflis balet teatrlarının kollektivləri ilə birgə səhnələri bölüşmüş, Varşavada keçirilən Beşinci Dünya Gəncləri Festi- valının iştirakçısı kimi xüsusi mükafata layiq gorülmüşdür. Həm mahir ifaçı, həm də böyük bir ba- let məktəbinin yaradıcısı kimi ömrü boyu Azərbaycan incəsənətinin əsl fədaisi və yorulmaz təbliğatçısı idi. 1976-cı ildən 1982-ci ilə kimi Azərbaycan Dövlət Rəqs Ansamblının bədii rəhbəri kimi, milli rəqsimizin ən gözəl nümunələrini bir çox dünya səhnələrində uğurla başqa xalqlara nümayiş etdirmişdir. Milli balet sənətinin inkişaf və tərəqqisində göstərdiyi xidmətlərinə görə, Leyla Vəkilova 30 aprel 1955- ci ildə Azərbaycan Respublikasının “Əməkdar artist”, 26 aprel 1958-ci ildə “Xalq artisti”, 31 oktyabr 1967-ci ildə “SSRİ Xalq artisti” fəxri adlarına layiq görülmüş,balet sənətinin inkişafındakı xidmətlərinə görə 1997-ci il yanvarın 29-da “Şöhrət” ordeni ilə təltif olun- muşdur. Leyla xanım Vəkilova 1999-cu il fevral ayının 20-də Bakıda vəfat etmiş, Fəxri Xiyabanda dəfn edilmişdir. Ə d ə b i y y a t Əlioğlu, Y. Qu quşunun nəğməsi...: Xalq artisti Leyla Vəkilovaya həsr olunur /Y. Əlioğlu; elmi red. İ.Rəhimli; [baş red. S.Bektaşi; burax. məsul S.İsmayılova; dizayner G.Qurbanova].- Bakı: Şərq-Qərb, 2014.- 102, [2] s. Ləman, F. Leyla Vəkilova //Ləman F., Əhmədli S. İncilər: Qazax-Ağstafa: [ensiklopedik toplu] /red.: Ş.Bünyadova, Q.Xəlilova.- Bakı, 2011.- S.83. 29 90 illiyi Balet ustası 21 Teatr. Kino Mikayıl Mirzə 1947-2006 Y ANV AR Mikayıl Şahvələd oğlu Mirzəyev 1947-ci il yanvar ayının 1-də Şamaxı rayonunun Talış kəndində (indiki Ağsu rayonu) anadan olmuşdur. 1969-cu ildə ADİİ-nin (indiki ADMİU) dram və kino aktyorluğu fakültəsini bitirmişdir. Azərbaycan Dövlət Teatr İnstitutunda görkəmli rejis- sor və pedaqoq, SSRİ Xalq artisti, pro- fessor Mehdi Məmmədovun kursunda dərs almışdır. İnstitutu bitirdikdən son- ra bir müddət Tədris Teatrında çalışmış, 1976-cı ilin yanvar ayından Akademik Milli Dram Teatrına dəvət edilmişdir. Teatr sənətinin sirlərinə dərindən yiyələnmək qabiliyyəti Mikayıl Mirzəyə səhnəmizdə bir-birindən maraqlı, dol- ğun obrazlar yaratmağa imkan vermiş, ona əsl xalq məhəbbəti qazandırmışdır. Azərbaycan teatrının səhnəsində ya- ratdığı Aslan (M.İbrahimov “Kəndçi qızı”), Mirzə Ələkbər Sabir, Tərs Tahir (Anar “Sizi deyib gəlmişəm”, “Adamın adamı”), Qoca (L.Frank, “Yad adam”), Eyvaz, Muratov (İ.Əfəndiyev “Tənha iydə ağacı”, “Qəribə oğlan”), Zahid, Şair (B.Vahabzadə “Fəryad”, “Yollara iz düşür), Bəxtiyar (A.Şaiq “Fitnə”), İxtiyar (H.Cavid “İblis”) və başqa rolla- rı aktyorun istedadının müxtəlif çalarla- rını açır. C.Məmmədquluzadənin “Dəli yığıncağı” (Cinni Mustafa), S.Vurğunun “Vaqif” (Kürd Musa), C.Cabbarlının “Od gəlini” (Elxan) tamaşalarında akt- yorun yaratdığı surətlər bu pyeslərin böyük uğurunu təmin etmiş, sənətçiyə şöhrət gətirmişdir. M.Mirzəyevin Akademik Milli Dram Teatrında quruluş verdiyi C.Cabbarlının “Aydın” tamaşası teatr sənəti tarixində layiqli səhnə əsəri kimi qiymətləndirilir. O, “Dədə Qorqud”, “Yeddi oğul istərəm”, “Uzun ömrün akkordları”, “Babək”, “Qatır Məmməd” və onlar- ca digər ekran əsərlərində bir-birindən fərqli surətlər qalereyası yaratmışdır. Mikayıl Mirzəyevin “Günahsız Ab- dulla” (Abdulla), “Topal Teymur” (Şair Kirmani) kimi teletamaşalarda yarat- dığı təkrarolunmaz rolları milli televi- ziyamızın tarixində ayrıca bir mərhələ təşkil etmiş, tamaşaçılar tərəfindən böyük rəğbətlə qarşılanmışdır. “Bir aktyorun teatrı”nı yaradan sənətkar televiziyada A.S.Puşkinin “Motsart və Salyeri”, “Qaraçılar”, H.Cavidin “Azər”, X.Rzanın “Məhəbbət dastanı”, M.İsmayılın “Saz”, R.Rzanın “Qızıl- gül olmayaydı...”, C.Novruzun “Qərbi Berlin” mono-tamaşalarında bir-birinə bənzəməyən obrazlar qalereyasını ta- maşaçı yaddaşına əbədi həkk etmişdir. Mikayıl Mirzə Azərbaycanın ictimai- siyasi həyatında da fəal rol oynamışdır. O, iki çağırış 1995-2000-ci və 2002- 2005-ci illərdə Milli Məclisin deputatı seçilmişdir. Akademik Milli Dram Te- atrında aktyor kimi çalışmaqla yana- şı, 1992-1995-ci illərdə həm də Bakı Mədəni-Maarif Texnikumunun direkto- ru vəzifəsində işləmışdir. Azərbaycan teatr və kino sənətinin inkişafındakı xidmətlərinə görə Mika- yıl Mirzəyev 1987-ci ildə Azərbaycan SSR-in “Əməkdar artist”, 1991-ci ildə isə “Xalq artisti” fəxri adlarına layiq gö- rülmüşdür. Mikayıl Mirzə 2006-cı il iyun ayının 3-də vəfat etmiş, Bakıdakı II Fəxri Xi- yabanda dəfn edilmişdir.
Yüklə 5,26 Mb. Dostları ilə paylaş:
|