17
yalnız ədəbi-bədii inkişafın xüsu-siyyətlərini öyrənməklə
kifayətlənməmiş, eyni zamanda ayrı-ayrı nəzəri-estetik
problemlərin təhlili və təbliğində fərqlənmiş, orijinal elmi
mülahizə və qənaətləri ilə ədəbi ictimaiyyətin diqqətini cəlb
etmişdir. Müasir ədəbiyyat tarixçiliyi və ədəbiyyatşünaslıq
irsimizin öyrənilməsi sahə-sində bu günkü nailiyyətlərimiz
bilavasitə görkəmli alimin elmi və elmi təşkilatçılıq xidmətləri
ilə bağlıdır. XX əsr Azərbaycan bədii fikrinin öyrənilməsi
yönümündə mötəbər tədqiqatların müəllifi olan K.Talıbzadə
milli ədəbi tən-qidimizin bütöv bir mərhələsinin ilk elmi
tarixinin yara-dıcısıdır. Həmişə elmin fundamental
vəzifələrinin həllində yaxından iştirak edən, bir ədəbiyyatşünas
və tənqidçi kimi mühüm ədəbiyyatşünaslıq vəzifələrinin həyata
keçiril-məsində xidmətləri ilə seçilən alimin zəngin elmi
fəaliy-yəti ədəbiyyatşünaslığın müxtəlif sahələrini əhatə
edir. Lakin onun elmi yaradıcılığında üç problemin – XX əsr
Azərbaycan romantizmi, Azərbaycan
− rus ədəbi əlaqələri,
milli estetik fikrin inkişaf tarixinin öyrənilməsi və tədqiqi
xüsusilə fərqlənir. Bu üç problem K.Talıbzadə tədqiqat-larının
daimi predmeti kimi alimin ədəbiyyatşünaslıq elminə töhfə
etdiyi dəyərli fundamental əsərlərin əsas mövzusu
olmuşdur.
Onun XX əsrin görkəmli sənətkarı Abbas Səhhətə həsr
etdiyi monoqrafiya həm mühüm ədəbi şəxsiyyətlərdən birinin
həyat və yaradıcılığının ilk dəfə geniş tədqiqata cəlb edilməsi,
həm də klassik romantizmə o dövrkü ədəbiy-yatşünaslığın
ideya və estetik münasibətinin müəyyənləş-məsində
əhəmiyyətli rol oynamışdır. Onu da qeyd etmək lazımdır ki,
18
ədəbiyyatşünaslığımızın inkişafında əvəzsiz xidmətləri olan
alim məhz bu tədqiqat əsəri ilə elm aləminə qədəm
qoymuş, bir tənqidçi və ədəbiyyatşünas kimi püxtələşdikdən
sonra isə gənclik illərində qələmə aldığı «Abbas Səhhət»
monoqrafiyası üzərində yenidən işləyərək onun
təkmilləşdirilmiş nəşrinə müvəffəq ola bilmişdir. Zəngin faktik
materiallar əsasında yazılan monoqrafiyada K.Talıbzadə milli
romantizmin təşəkkülü və inkişafında Abbas Səhhət
yaradıcılığının rolunu aydınlaşdırmış, şairin romantik lirikasını
XX əsr ədəbi prosesinin qabaqcıl meylləri ilə vəhdətdə təhlil
etmişdir. O, monoqrafiyada klassik Azərbaycan ədəbiyyatının,
eləcə də digər xalqların romantik ədəbiyyatının A.Səhhət
yaradıcılığı timsalında milli romantizmin inkişafına təsirini də
göstərmişdir. Azərbaycan romantizminin sonrakı tədqiqi
üçün səmə-rəli nəzəri və metodoloji bünövrə olan bu
fundamental tədqiqat əsəri milli romantizmşünaslığın ilk
nümunələ-rindən biri kimi yeni dövr
ədəbiyyatşünaslığımızda özü-nəməxsus yer tutur.
K.Talıbzadənin Azərbaycan-rus ədəbi əlaqələrinə həsr
etdiyi «Qorki və Azərbaycan» monoqrafiyası isə onu ədəbi
əlaqələr sahəsinin görkəmli mütəxəssislərindən biri kimi
şöhrətləndirmişdir. Milli filologiyamızın inkişafında bö-yük
əhəmiyyəti olan əsərin ümdə elmi məziyyətlərindən biri
burada ədəbi əlaqə və təsirin birtərəfli izah olunmaması,
problemin milli ədəbiyyatların qarşılıqlı əlaqə və təsiri
kontekstində tədqiq edilməsi idi.
Öz ədəbi-elmi axtarışlarının on ilini klassik ədəbi-estetik
fikrimizin tarixi haqqında monumental tədqiqata həsr edən
19
K.Talıbzadənin mühüm elmi xidmətlərinin zirvəsində
«Azərbaycan ədəbi tənqidinin tarixi» (1984) monoqrafiyası
durur. X1 əsrin nadir elmi təfəkkür sahib-lərindən olan dahi
Azərbaycan filoloqu Xətib Təbrizidən başlayıb, XX əsrin
görkəmli tənqidçisi Seyid Hüseynə qədərki çoxəsrlik ədəbi
estetik fikir tariximizi özündə əks etdirən «Azərbaycan ədəbi
tənqidinin tarixi» monoqrafiyası novator əsər kimi
ədəbiyyatşünaslıq elmimizin ilk və bütöv tarixi mənzərəsini
yaratdı. Tədqiqatçı bu qiymətli elmi əsəri ilə milli tənqid
tarixinin monoqrafik planda ilk funda-mental tədqiqinin
müəllifi kimi nəinki Azərbaycanda, bütün türkdilli filologiyada
tənqidşünaslıq elminin və məktəbinin banisi kimi tanınmışdır.
Milli ədəbi tənqidimizin 900 illik böyük bir tarixi inkişaf
yolunu işıqlandıran bu monoqrafiya dövrün görkəmli sənət və
elm xadimləri tərəfindən yüksək qiymətləndirilmiş, müəllifinə
ümümittifaq səviyyədə yüksək nüfuz qazandırmışdır.
«Azərbaycan ədəbi tənqidinin tarixi» monoqrafiyasından ali
təhsil müəssisələrinin filologiya fakültələrində tənqid tarixinin
tədrisinə dair anoloqu olmayan, yeganə dərslik kimi istifadəsi
bu əsərin elmi-təcrübi cəhətdən də əvəzsizliyi, mühümlüyü
faktını bir daha təsdiq edir.
Elmi fəaliyyətini ədəbiyyatşünaslığın ən aktual prob-
lemlərinin öyrənilməsinə və tədqiqinə həsr edən alimin bu
fundamental monoqrafiyalarından başqa onlarla məqalə və
oçerklərində, məruzələrində öz əksini tapan mülahizə və
qənaətləri milli ədəbiyyatşünaslığın inkişafını şərtləndir-mişdir.
Alimin çağdaş Azərbaycan ədəbiyyatının bir sıra vacib
problemlərini işıqlandıran məqalələri, tədqiqatları bu
20
cəhətdən təqdirəlayiqdir. Həmin əsərlərində ədəbiyyat
nəzəriyyəsinin, tənqidin ən mühüm məsələlərini işıqlan-dıran,
dövrün görkəmli yazıçı, ədəbiyyatşünas və tənqidçi-lərinin
yaradıcılığını tədqiq və təhlilə cəlb edən tədqiqatçı müasir
ədəbiyyat, çağdaş ədəbi proses haqqında konkret, aydın
təsəvvür yaratmışdır. Onun hər hansı ədəbi hadisə və ya əsəri
təhlil edərkən gəldiyi nəticələr, dərin nəzəri ümumi-ləşdirmələr
milli ədəbiyyatımızın ən mühüm məsələlərinin həllinə kömək
edib, bədii sənətin və elmin düzgün inkişaf istiqamətlərini
müəyyənləşdirmişdir.
Akademik K.Talıbzadənin ədəbiyyat tarixçisi və
mətnşünas kimi gördüyü işlər də elmi fəaliyyətinin ayrılmaz bir
hissəsini təşkil edir. Onun səmərəli xidmətləri mətn-şünaslıq
elmimizin qiymətli bir tarixi mərhələsini yaratmış-dır.
Azərbaycan ədəbiyyatı klassiklərinin ədəbi irsinin tərtibi və
nəşr edilməsində, onlara geniş müqəddimələr, izahlar və
şərhlər yazılmasında, üç cildlik Azərbaycan ədə-biyyatı
tarixinin işıq üzü görməsində tədqiqatçının müəllif və təşkilatçı
kimi əvəzsiz əməyi olmuşdur. O, milli ədəbiyyat tariximizin
1960-cı ildə nəşr edilmiş ikinci cildinin əsas müəlliflərindən və
redaktorlarından biri idi. Kamal Talıb-zadə əsil elm fədaisi
kimi ömrünün son illərində də bu sahədə fəaliyyətini
yorulmadan davam etdirir, Azərbaycan MEA-nın Nizami adına
Ədəbiyyat Institutunda hazırlanan altı cildlik «Azərbaycan
ədəbiyyatı tarixi» üzərində səylə işləyirdi.
K.Talıbzadə həm də görkəmli elm təşkilatçısı idi. O,
respublika səviyyəsində hazırlanan mötəbər elmi tədbirlərin,
konfrans və müşavirələrin, yubileylərin, simpoziumların təşkil
Dostları ilə paylaş: |