TəSDİq ediRƏm təhsil işləri üzrə prorektor dos. Məmmədov Q.Ə

Kafedra müdiri dos. İsmayılov Ş.Z.

Sillabusu tərtib edən

II. İzahat vərəqi.
Fənnin tədrisinə 2-ci kursda 4-cü semester 45 saat mühazirə, 15 saat məşğələ və 30 saat laboratoriya nəzərdə tutulur.

050606 – “Neft-qaz mühəndisliyi” ixtisasına tədris olunan «Neft və qaz laylarının fizikası» fənni tədris planının ümumi peşə hazırlığı bölümünə aid olaraq, ixtisas fənlərinin mənimsənilməsində mühüm rol oynayır.

Fənnin tədrisində qarşıda duran əsas məqsəd gələcək neft-qaz mühəndislərinə neft, qaz və qazkondensat yataqların işlənməsinin texnoloji proseslərində rast gələn dağ süxurlarının kollektor, mexaniki və istilik xüsusiyyətlərini neftin, qazın, kondensatın və suyun tərkibi və fiziki xassələrini, maye və qazın məsaməli mühitdə süzülmə qanunauyğunluqlarını, karbohidrogen sistemlərinin faza hallarını, maye və qazın məsaməli mühitlərdə sıxışdırılmasını və layların karbohidrogen verim əmsallarının fiziki əsaslarını müəyyən edən və onların idarə olunması qayda-qanunlarının öyrənilməsidir.

Cədvəl 1-də 050606- “Neft-qaz mühəndisliyi” ixtisası üzrə tədris planında nəzərdə tutulan fənnin tədris yükü;

Cədvəl 2-də tədris olunan mövzular üzrə mühazirə, məşğələ və laboratoriya dərslərinə ayrılan saatlar;

Cədvəl 3, 4, 5 –də uyğun olaraq fənnin proqramının mövzuları üzrə mühazirə, laboratoriya və məşğələ dərslərinin məzmunu göstərilmişdir.

Fənnin lazımı səviyyədə mənimsənilməsinin tətbiqi ilə sessiyaarası yoxlamanın aparılması nəzərdə tutulur. Fənnin mənimsənilməsində auditoriyadan kənar vaxtlarda fənni tədris edən müəllimin tələbələrlə sərbəst işləməsi də vacib sayılır.