12
§3. Təsərrüfat fəaliyyətinin təhlilinin predmeti
Müəssisə və təşkilatlarda plan tapşırıqlarının yerinə yetirilməsi prosesində
həyata keçirilən bütün təsərrüfat əməliyyatları istehsal-təsərrüfat fəaliyyətləri
adlanır.
İqtisadiyyatın ahəngdar inkişafının qanunauyğunluqlarının öyrənil məsində
istifadə edilən iqtisad elmlərindən biri də təsərrüfat fəaliyyətinin təhlili elmi he-
sab olunur. İqtisadiyyatın ayrı-ayrı sahələrinin – sənaye, kənd təsərrüfatı, tikinti,
nəqliyyat, maddi-texniki təchizat, ticarət və başqa sahələrin iqtisadiyyatının öy-
rənil məsində istifadə olunan elmlər (sənayenin, kənd təsərrüfatının, maddi-
tex niki təchizatın, ticarətin, tikintinin, nəqliyyatın iqtisadiyyatı, təşkili, plan laş-
dı rılması, statistika, mühasibat uçotu, maliyyə, pul tədavülü və kredit, təsər rüfat
fəaliyyətinin təhlili, təftiş və nəzarət) və ictimai elmlər bir-biri ilə qarşılıqlı su-
rətdə öyrənilir. Hər bir elmin özünün predmeti olur. O cümlədən iqtisadi təhlil
elminin də özünəməxsus predmeti vardır.
Təhlilin nəticələrinə əsasən müəssisə və təşkilatlarda plan göstəri cilərinin
real lığı təyin edilir, əmək resursları və əmək haqqı fondundan, əsas istehsal
fond larından, o cümlədən istehsal avadanlıqlarından, yeni texnika və istehsal
tex nologiyasından, materiallardan, yanacaq və elektrik enerjisindən və başqa
istehsal ehtiyatlarından düzgün və səmərəli istifadə edilməsinə obyektiv qiymət
verilir. Deməli, iqtisadi təhlil maddi-texniki təchizat, məhsul istehsalı və satışı
və digər plan göstəricilərinin yerinə yetirilməsinə, norma və normativlərin göz-
lə nilməsinə və istehsalın texniki inkişaf səviyyəsinə operativ rəhbərlik və ope-
rativ idarə vasitələrindən biridir.
Obyektiv və subyektiv amillərin təsiri altında formalaşan, iqtisadi infor ma-
siya sistemində öz əksini tapan müəssisənin, şirkətin və i.a. iqtisadi sosial inki-
şafı və fəaliyyətinin son maliyyə nəticələri iqtisadi təhlilin predmetini təşkil
edir. Bu, müəssisə və birliklərin təchizat, istehsal və satış proseslərinin cəmiy-
yətin xeyrinə səmərəli təşkili və inkişafı səviyyəsini, onların sərəncamında olan
əmək ehtiyatları, əmək vəsaiti və əmək əşyalarından istifadə edilməsi səviyyəsini
öyrənmək, istifadə olunmamış daxili ehtiyat mənbələrini aşkar etmək, məhsul
istehsalı və satışı, əmək məhsuldarlığı, məhsulun maya dəyəri, əmək və material
tutumu, mənfəət və rentabellik göstəriciləri üzrə planların maliyyə və hesab laş-
ma vəziyyətini, dövriyyə vəsaitindən, dövlət vəsaiti bank larının kreditlərindən
nə dərəcədə məqsədəuyğun və səmərəli istifadə edilməsi səviyyəsini öyrənmək
deməkdir.
13
§4. Təsərrüfat fəaliyyətinin təhlilinin obyektləri
Təsərrüfat fəaliyyətinin müxtəlif tərəfl ərinin səbəb-nəticə əlaqələrini açıqla-
maqla bu və ya digər amilin təsiri hesabına təsərrüfat fəaliyyətinin əsas nəticə-
lərinin necə dəyişdiyini asanlıqla hesablamaq, əsaslandırılmış idarəetmə qərarını
hazırlamaq, mənfəət məbləğinin necə dəyişdiyini, satışın zərərsiz həcmini, ma-
liyyə sabitliyi ehtiyatını, istənilən istehsal situasiyası dəyişən şəraitdə məh sulun
(işin, xidmətin) maya dəyərini hesablamaq mümkündür. Deməli, təsərrüfat
fəaliyyətinin müxtəlif səbəb-nəticə əlaqələri təhlilin predmetinin təyin edilməsi
üçün əsas sayılır.
Beləliklə, müasir dövrdə iqtisadi təhlil elmində daha məhsuldar alim sayılan
prof. Q.V.Savitskayanın fi krincə, iqtisadi hadisə və proseslərin səbəb-nəticə
əla qələri iqtisadi təhlilin predmetini təşkil edir. Bizim fi krimizcə, müəllifi n bu
fi kri mübahisəli olsa da, bəzi alimlər tərəfi ndən tənqid edilsə də, onunla ra zı-
laşmaq olar.
Bununla belə, qeyd olunanları ümumiləşdirərək, bizim fi krimizcə, iqtisadi
təh lilin predmetinə aşağıdakı kimi tərif vermək olar:
İqtisadi və digər informasiya sistemində öz əksini tapan, obyektiv və sub-
yek tiv amillərin təsiri nəticəsində əmələ gələn iqtisadi proses və hadisələrin
səbəb-nəticə əlaqələrinin tədqiqi iqtisadi təhlilin predmetini təşkil edir.
İqtisadi təhlilin predmetini bilməklə yanaşı, bu predmetin obyektlərini də,
yəni nəyi tədqiq etdiyini də bilmək zəruridir. Məsələn, istehsal müəssisələrində
məhsul istehsalı və satışı, məhsulun (işin, xidmətin) maya dəyəri, əsas fond-
lardan materiallardan, əmək və maliyyə resurslarından, torpaqlardan və s. isteh-
sal resurslarından istifadə, istehsal satış fəaliyyətinin maliyyə nəticələri və on-
lar dan istifadə, kapitalın strukturu və onun səmərəliliyi, avans edilmiş kapitalın
verimi və s., ticarət təşkilatlarında mal ehtiyatları, topdan və pərakəndə mal sa-
tışı, tədavül xərclərinin səviyyəsi, ümumi gəlir və s. iqtisadi təhlilin obyektləri
hesab edilir.
§5. Təsərrüfat fəaliyyətinin təhlilinin prinsipləri
Bütün elmlərdə olduğu kimi, iqtisadi təhlil elminin də metodu və meto do lo-
gi yasını dialektik materializm təşkil edir. Ona görə də iqtisadi təhlilin əsas prin-
sipləri dialektikanın əsas prinsiplərinin bazası əsasında qurulmalıdır. İqti sa di
təhlilin həyata keçirilməsi prosesində əsaslandığı ən mühüm dialektik prin sip-
lərə – hər şey hərəkətdə dərk edilir; müəyyən əlaqə, qarşılıqlı əlaqə, birinin
digərindən asılılığı, birinin digərinə təsiri, birinin digərindən törəməsi; səbəb və
nə ticənin bir-birinə bağlılığı, tabeliyi; əlaqələndirmə, kiçiyin böyüyə tabeliyi,
xid mət etməsi müəyyənliyi; zərurilik və təsadüfən təzahürü; birlik və tərs
14
mütənasibliyə qarşı mübarizə; kəmiyyətdən keyfi yyətə və keyfi yyətdən yenidən
kəmiyyətə keçid; inkara inkar aiddir. İqtisadi təhlilin əhatə dairəsindən asılı ola-
raq onun prinsiplərinə praktiki nöqteyi-nəzərdən proses və hadisələrin müəssisə,
idarə və təşkilatların təsərrüfat fəaliyyətinə təsirinin kompleks öyrənilməsini;
sis temli yanaşmanı; obyektivlik, konkretlik və dəqiqlik; təsirlilik; planlılıq; de-
mo kratikliyi; səmərəliyi; elmliyi; təhlil və sintezin vəhdətliyini, operativliyin və
s. aid edilməsi məqsədəuyğun olardı.
İqtisadi təhlilin məzmunu onun həyata keçirdiyi funksiyalardan (hərfi mə-
nası başqa bir hadisədən asılı olan və o dəyişdikcə dəyişən hadisə) irəli gəlir.
İqti sadi təhlil bir elm kimi özündə xüsusi birlikləri əks etdirdiyi üçün onun
funk siyaları da həmin birliklərin tələblərindən irəli gəlir. Beləliklə, iqtisadi təh-
lilin əsas funksiyaları – obyektiv iqtisadi qanunların və subyektiv faktorların tə-
siri altında iqtisadi proseslərin və onların qarşılıqlı əlaqələrinin tədqiqi; elmi
cəhətdən əsaslandırılmış biznes-planın yerinə yetirilməsinin obyektiv qiymət-
ləndirilməsi; istehsal, yerinə yetirilmiş iş və xidmətlərin nəticələrinə müsbət və
mənfi təsir göstərən amillərin və onların təsir dərəcələrinin kəmiyyətcə müəyyən
edilməsi; subyektin inkişaf tendensiyası və nisbətini açıqlamaqla təsərrüfatdaxili
(subyektdaxili) istifadə edilməmiş ehtiyat mənbələrinin aşkar edilməsi və aşkar
edilmiş ehtiyatların istifadəyə cəlb olunma imkanları üzrə tədbirlər planı hazır-
lamaqdan; iqtisadiyyatı inkişaf etdirmə, daxili imkanlardan istifadə səviyyəsinə
görə subyektin təsərrüfat fəaliyyətinin nəticələrinin qiymətləndirilməsi; elmin
və texnikanın yeniliklərindən, qabaqcıl təcrübədən istifadə etməklə, optimal
ida rə etmə qərarlarını qəbul etməklə istehsalın iqtisadi səmərəliliyinin yüksəl dil-
məsi imkanlarının aşkar edilməsi.
§6. Təsərrüfat fəaliyyətinin təhlilinin vəzifələri
İqtisadiyyatın bütün sahələrində, eyni zamanda müəssisə və təşkilatlar üzrə
plan tapşırıqlarının vaxtında və artıqlaması ilə yerinə yetirilməsi, istehsalın inki-
şafı və iqtisadi səmərəliliyinin yüksəldilməsi ən çox müəssisə və onun ayrı-ayrı
sex, sahə və bölmələrində istifadə edilməmiş ehtiyat mənbələrinin aşkar edil mə si
və onların səfərbər edilməsi səviyyəsindən asılıdır. Müəssisədə istifadə edil mə-
miş ehtiyatlar, başlıca olaraq, təsərrüfatdaxili ehtiyatlardan ibarətdir. Tə sər rü-
fatdaxili ehtiyat mənbələrinə müəssisədə istehsalın inkişafı, məhsul isteh salı və
keyfi yyətinin yüksəldilməsi, satış həcminin artırılması imkanı, məhsulun maya
dəyərinin aşağı salınması, material ehtiyatlarına qənaət, əmək resurs larından
səmərəli istifadə edilməsi, əmək məhsuldarlığının yüksəldilməsi, ma liyyə nəti-
cə lərinin yaxşılaşdırılması üzrə ehtiyat mənbələri aid edilir.
Müəssisə və təsərrüfat birliklərində istifadə edilməmiş ehtiyat mənbələri on-
ların aşkar edilməsi və istifadə edilməsi müddətlərindən asılı olaraq cari və
Dostları ilə paylaş: |