səsli xatirələr
45
USTAD
dərgisi \ Fevral 2016
44
USTAD
dərgisi \ Fevral 2016
haqqında xatirələri toplayıb,
yenidən nəşrə
hazırladıq. Həmin xatirələr içərisində dərc
edilməyənlərin bir neçəsini məxsusi olaraq
“Ustad”ın oxucularına təqdim edirik.
“O sanki iki aləmdə
yaşayırdı”...
S
adəlik onun geyimində də,
rəftarında da dərhal nəzərə
çarpırdı. O, süni təvazökarlıqdan
uzaq idi. Xahişi də tələb şəklində edirdi:
elə bil ki, belə də olmalı idi, başqa cür ola
bilməzdi. O, sanki iki aləmdə yaşayırdı:
biri adi, həyati, gündəlik aləm idi – o
səninlə görüşürdü, danışırdı, mübahisə
edirdi, yeyirdi-içirdi… Lakin elə bu zaman
onun gözlərində
nə isə başqa bir aləmin
şüaları parlayırdı. O düşünürdü, ehtimal ki,
yaradıcılıq aləmində yaşayırdı. Bəzən ikinci
aləmin şüasından bir parça birinci aləmə
düşür və qəribə bir hal əmələ gətirirdi:
danışıqda məntiqsizlik, mühakimədə qırıqlıq
və rabitəsizlik yaradırdı…
Mənə elə gəlir ki, “Vurğun” təxəllüsü
ona çox uyğun idi. Ona görə yox ki, şair
cavanlığında hansı qıza isə dəlicəsinə
vurulmuşdu;
məhz ona görə ki, Səməddə
həyata da, şairliyə də, Vətənə və xalqa da
dərin məftunluq, vurğunluq hiss olunurdu.
Şair özü də Vurğun adına vurulmuşdu.
1927-ci ildə Səməd “İnqilab və
mədəniyyət” jurnalına “Hazır olunuz!” adlı
bir şeir göndərmişdi. Məsələyə o zamankı
ötkəm proletar şairi mövqeyindən yanaşan
Süleyman Rüstəm “Vurğun” təxəllüsünü
meşşanlıq əlaməti bilib, redaksiyada onu
“Məsrur” təxəllüsü ilə əvəz etmişdi. Şeir
jurnalda “Səməd Məsrur” imzası ilə çıxmışdı.
Əlbəttə, bu yeni imza əvvəlkinin ziddinə
olsa da,
ciddi seçilməmişdi, o qədər də
məqsədəuyğun deyildi. Səməd Vurğun nəinki
“Məsrur” təxəllüsünü qəbul etmədi, hətta
“Vurğun” təxəllüsündən də heç vəchlə əl
çəkmək istəmədi.
Zahirən laübalı və sadəlövh görünən
Səməd Vurğun heç də prinsipsiz adam
deyildi. Əksinə, böyük bir sadəliklə bərabər
onda çox qüvvətli alicənab bir vüqar vardı.
Bu, lovğalıq deyildi. Lovğalıq yüngüllük
əlamətidir, belə bir xasiyyət əksəriyyətlə
Aslan Salmansoy,
filologiya üzrə fəlsəfə doktoru
Məmməd Arif
səsli xatirələr
45
USTAD
dərgisi \ Fevral 2016
44
USTAD
dərgisi \ Fevral 2016
içi boş adamlarda olur. Səməd Vurğun
daxilən bütöv, möhkəm əqidəli, öz mənəvi
təmizliyinə və qüvvəsinə inanan və öz
inamında güzəştə getməyən adam idi.
Onun prinsipiallığı da bu möhkəm və
sağlam bünövrəyə əsaslanırdı. Bu, tərslik
deyildi, möhkəm daxili qənaətdən doğan,
humanizmə və xeyirxahlığa əsaslanan
məqsədəuyğunluq idi.
1930-cu
ildə Səməd Vurğun bir neçə
şair yoldaşı ilə bərabər ali təhsilini davam
etdirmək üçün Moskvaya getmişdi.
Getməmişdən əvvəl “Səriyyənin ölümü” adlı
şeirini “İnqilab və mədəniyyət” redaksiyasına
vermişdi. Jurnalın əməkdaşı olduğum
üçün şeirin son bəndindəki “bədbinliyi”
yumşaltmağı mənə tapşırmışdılar.
Azərbaycan qızı Səriyyə Xəlilovanın cəhalət
qurbanı olaraq öldürülməsi, əlbəttə, faciəli
və ağır bir hadisə idi. Buna baxmayaraq,
Səriyyənin ölümünə həsr edilmiş şeiri
bədbin cümlələrlə bitirmək olmazdı (şeirin ilk
variantı yadımda qalmadığı üçün bədbinliyin
dərəcəsini indi təyin etmək çətindir). Şeiri
Moskvaya, şairə göndərmək,
onun təshihini
gözləmək çox vaxt tələb edirdi, jurnal gecikə
bilərdi. Çarə ona qalırdı ki, qələmi əlimə alıb
şeirə bir neçə nikbin misra artırım. Elə də
etdim. Şeirin 8-ci bəndini bu şəkildə yenidən
yazdım:
Acı xəbər rüzgar kimi yayıldı diyar-diyar,
Səni təşyi etmək üçün coşqun gördüm
şəhəri.
Min bir azad qadın gördüm, həpsi səni
salamlar
Və deyərdi: “Biz yaparıq, yapmadığın
işləri”.
Şeir jurnalda (1930-cu il,
№ 2-3) bu
şəkildə dərc olundu. Səməd Vurğun öz şeirini
jurnalda oxuyanda tərs-tərs üzümə baxdı.
Bu barədə ona
əvvəlcədən xəbər verməyimə
baxmayaraq, məndən narazı qaldığı aydın
idi. Onun töhmətli və bir az da təbəssümlü
baxışlarından hiss etdim ki, əlavə etdiyim
misralar “qızıl” da olsa, Səməd Vurğun onları
qəbul etməyəcək. Yaxşı ki, şair şeirinin ilk
variantının sonunu özü də bəyənmədi və
sonrakı nəşrlər üçün “Səriyyənin ölümü”
şeirinə “Tabut keçərkən” sərlövhəsi altında
bir parça əlavə etdi.
Öz yazısına, fikrinə bu qədər həssas
yanaşan Səməd Vurğun lazım bildiyi
əsərlərini çapdan əvvəl yoldaşlarına oxumağı,
rəy və məsləhətlərə qulaq asmağı da sevirdi.
İki belə oxunuş mənim yaxşı yadımdadır.
Birinci “Vaqif” dramına aiddir. 1938-ci
ildə tamaşaya qoyulan “Vaqif”i bir neçə ay
əvvəl Səməd Vurğun Yazıçılar İttifaqında
oxudu. Əsər geniş müzakirə edildi, şairə
bir sıra maraqlı məsləhətlər verildi. O,
məsləhətlərə çox diqqətlə qulaq asır,
xoşuna
gələn qeydləri təkrar etdirirdi, məlum olurdu
ki, deyilən sözlər ürəyinə yatmışdır. Bu
müzakirədə bir epizod mənimlə əlaqədar
olduğu üçün yadımda daha yaxşı qalmışdır.
Mən müzakirədə əsasən Vaqifin müsbət
idealları üzərində dayanıb dedim ki, bu
ideallar, yəni Vaqifin nəyin uğrunda mübarizə
etməsi əsərdə daha konkret göstərilsəydi,
yaxşı olardı, Vaqifin müsbət arzuları,
xəyalları aydınlaşar, bu da bir xalq qəhrəmanı
kimi onun surətini qüvvətləndirərdi. Bu,
S.Vurğunun çox xoşuna gəldi. Nəticəsi o
oldu ki, şair 2-ci pərdənin 3-cü şəklində
Vaqifin dialoquna “Kor kimi qalmasın
insan...” sözləri
ilə başlanan bir neçə
misranı əlavə etdi. Onun bu əlavəsi məni
çox sevindirdi, çünki bu sözlər, doğrudan
da, Vaqifi xalq mənafeyi, yüksək ictimai
arzularla yaşayan bir qəhrəman kimi
səciyyələndirməyə kömək edirdi.