1. FÖVQƏLADƏ HALLAR VƏ ONLARIN TƏSNİFATI
Atom elektrik stansiyalarında, dəmir yollarında, güclü təsirli zəhərli
maddələr istehsal edən müəssisələrdə baş verən qəzalar, böyük maddi itkilər,
insan tələfatı ilə nəticələnən təbii fəlakətlər və digər fövqəladə hadisələr sülh
dövründə mülki müdafiənin həyata keçirdiyi tədbirlərin vacibliyini yeni
mövqedən qiymətləndirməyi tələb edir.
Sülh mənşəli fövqəladə halları yaradan səbəblərə aşağıdakılar aiddir:
texnogen xarakterli fövqəladə hallar: bunlar nəqliyyatda baş verən
qəzalardan, qurğuların qəflətən uçulmasından, elektrik enerjisi sistemində
və digər həyat təminatlı kommunal sistemlərdə, təmizləyici quğularda baş
verən qəzalardan, hidrodinamik qəzalaran və s.-dən ibarətdir;
təbii xarakterli fövqəladə hallar: bunlara geofiziki (zəlzələ, vulkan
püskürməsi, meteorit düşməsi), geoloji (uçqunlar, sürüşmələr, sellər, qar
uçqunları, torpağın çökməsi, toz çovğunları), meteoroloji, aqrometeoroloji
(firtına, qasırğa, tufan quraqlıq), dəniz-hidroloji (siklon, sunami) və
təhlükəli hidroloji hadisələr, təbii yanğınlar, habelə heyvanların, bitkilərin
və insanların infeksion xəstəlikləri aiddir;
ekoloji xarakterli fövqəladə hallar: bunlara torpağın, hava mühitinin,
hidrosferin, biosferin, biosferin vəziyyətilə əlaqədar olan hallar aiddir
sosial-siyasi xarakterli fövqəladə hallar: bunlara millətlərarası münaqişələr,
narkobiznesin törətdiyi genişmiqyaslı narkomaniya və s. aiddir.
Dostları ilə paylaş: |