ləhət və praktik kömək üçün müraciət etdikləri adam da odur. Oğuzların
məclisində o, boylarda deyildiyi kimi özü düzəltdiyi qopuzunu çalır.
Onuncu boyda deyilir ki, qardaşını yatılı tapan Əgrək onun qopuzunu
götürür. Yuxudan oyanan Səgrək onu qılıncla vurmaq istəyərkən (qar-
daşlar heç vaxt bir-birlərini görməyiblər) onun əlindəki qopuzu görür və
deyir: “Dədə Qorqud qopuzu xatirinə səni vurmuram, əgər əlindəki qopuz
olmasaydı səni iki yerə bölərdim.”
Dədə Qorqudun həqiqi bir şəxs olub-olmamasi ilə bağlı məsələlərin
dərinliyi nə varmağa ehtiyac yoxdur və onun varlığını inkar edən elə bir
dəlil də yoxdur. Tarixçi Rəşid əl-din (1318-ci ildə vəfat edib) yazır ki, 295
il yaşayan bu şəxs oğuz xanı İlan Syr Yavkuy Xan tərəfindən peyğəm-
bərin yanına elçi göndərilib. Orada o, müsəlmanlığı qəbul edib. Böyük
xanın seçkisində iştirak edən Dədə Qorqud xana məsləhətlər verər və
uşaqlara ad qoyarmış.
Müasir türkmənlərdə Qazax-Qırğızlarda belə bir məsəl var “Qorqud
qəbri qazma”. Bu misal çox güman ki, mümkün olmayan iş görməyə cəhd
etməklə vaxtını itirmə mə`nasını verir, ya onun uzun ömürlü olmasına, ya
da onun adi insanlara xas olmayan boyuna işarədir (əsas fikir belədir). Bu
məsəl belə bir mə`na da verə bilər. “Artıq görülmüş bir işi görməyə səy
etməklə vaxtını itirmə”. Orta Asiyada yayılmış qorxunc bir əfsanəyə əsas -
lanan bu fikrə görə o, adi insan ömründən uzun bir ömür yaşamış, hara
getmişsə orada qəbir qazanları iş başında görmüşdür. “Bu qəbir kimindir”
deyə soruşduqda ona “Bu, öz qəbrini axtaran Qorqud adlı bir şəxsin
qəbridir” deyə cavab verirmişlər. Buna görə də o, həmin yerdən qaçar,
hara gedərdisə, eyni mənzərə ilə qarşılaşar və eyni cavabı alarmış. Sonda
300 yaşında o, belə bir qəbrin yanında vəfat edir. Aral dənizindən təx -
minən 150 km şərqdə Qazaxıstanın Qızıl-Orda şəhəri ilə Novokazalinski
şəhəri arasında olan və onun adını daşıyan Korkut şəhərinin yaxınlığında
onun qəbri var. Onun başqa bir qəbrinin Dağıstanın Dərbənd şəhərində
olduğu deyilir. Bir alim onu 1153-cü ildə oğuzları Xorasanda Səlcuq hök-
mdarı Səncərə qarşı qiyama qaldıran Qorqud adlı bir nəfərlə eyni -
ləşdirməyə cəhd etmişdir. Lakin bu Qorqudun atası adından göründüyü
kimi müsəlman olmuşdur – Abd al-Həmid. “Kitab”ı oxuyan hər kəs çətin
belə bir faktla rastlaşa bilər ki, bizim Dədə Qorqud müsəlman ailəsində
anadan olmuşdur. Bu adı daşıyan şəxsın əfsanəvi şöhrətini nəzərə alsaq,
Qorqud adının xarakterik bir ad olması heç də təəccüblü deyil.
On iki boyun dördündə aydın şəkildə deyilir ki, Dədə Qorqud “bu oğuz
2011/
III
32
PDF created with pdfFactory Pro trial version
www.pdffactory.com
boylarını düzüb-qoşmuşdur”. Digər tərəfdən boyların indiki halı belə bir
fərziyəni təsdiqləmir ki, bunlar onun qoşduğu ilk variantdır. Boyların
axırıncı paraqrafları bunu deyir. Dədə Qorqud bu boyların, əksəriyyətində
özünün də iştirak etdiyi hadisələri təsvir etməklə, düzüb-qoşmuşdur.
Lakin boyların yarısında kiçicik fərqlə “hanı dediyim bəy ərənlər, əcəl
aldı yer gizlədi” şe`r parçası ilə başlayan bir hissə var və bu bizə deyir ki,
bunlar Dədə Qorqudun sözləri ola bilməz. Birisi Dədə Qorqudun qeyri
adi uzunömürlülüyünü əsas gətirərək belə bir əks fikir söyləyə bilər ki, o,
artıq ölmüş əvvəlki yoldaşları haqqında danışır, lakin kitabda onun uzun -
ömürlülüyü haqqinda heç nə deyilmir. Onun beşinci (eləcə də yeddinci)
boyun sonunda dediyi “qoy bu boy Dəli Domrul boyu olsun. Məndən
sonra ər ozanlar onu söyləsin, eyibsiz ərənlər ona qulaq assınlar” sözlər
bizi düşünməyə vadar edir. Biz belə bir nəticə çıxara bilərik ki, boyların
həqiqi şərhçisi, on üçüncü boyda deyildiyi kimi bunları Dədə Qorqudun
dilindən “söyləyən” “ər özanlardan” biridir. Biz kitabın kim tərəfindən
tərtib edildiyini çətin ki, bilək. Aydındır ki, o, çox böyük poe-tik istedada
malik bir şərhçidir. Dastan ritim, alliterasiya, assonans kimi poetik
fiqurlarla zəngin olan nəsr və qafiyələr əsasında yazılmış söyləmələrdən
ibarətdir. Dastanın dili daim dəyişir, o həm qeyri-adi dərəcədə poetik və
möhtəşəm, həm də rəngarəng və canlıdır. Mən bütün bunları öz tər-
cüməmdə saxlamağa çalışmışam. Əsərdəki xarakterlər canlıdır. Həbsdən
qurtarmaq üçün özünü ölüyeyən kimi göstərən Qazan, ölümü öz xanına
xəyanət etməkdən üstün tutan bahadır Beyrək, Dədə Qorqudun acgöz
birələrin köməyi ilə ram etdiyi tərs Dəli Qarcar və oxucuların tanış ola-
caqları bir çox digər qəhrəmanlar. Hətta Təpəgöz də adi bir quldur deyil.
O, özünə xas xarakteri olan bir obrazdır və onun xarakteri ölüm səh-
nəsində söylədiyi (“mən isdəyirdim ki, ..... oğuz bəyləri ilə bağladığım
sazişi pozum ......., bir daha doyunca insan əti yeyim”) dəhşətli etirafında
aydın şəkildə özünü göstərir. Əsərdəki qadın qəhrəmanlar unudulmaz
tə`sir bağışlayır. Cəsur və şahanə Burlaxatun, cəsur, sevimli Selcan, Banu
Çiçək və əsas personajlardan olmayan qırx oynaşlı Boğazca Fatma.
Hər nə qədər iste`dadlı şərhçi olsa da, bir redaktor kimi müəllifin bəzi
çatışmazlıqları var. Dördüncü boyda Bəylərin adlarının sadalanması və
döyüş səhnəsinin təsviri ikinci boyda da sözbəsöz təkrar olunur. Qazan ka -
fir xanı Şöklünü iki dəfə öldürür. İkinci boyda o, onun üstünə hücum edir
və üçüncü boyda o, onun başını kəsir; dördüncü boyda da o, onun qanını tö -
kür və onu əsir alır; doqquzuncu boyda Şöklü ölümün caynağından islamı
2011/
III
33
PDF created with pdfFactory Pro trial version
www.pdffactory.com
Dostları ilə paylaş: |