9
Tolerantlıq: bildiklərimiz və bilmədiklərimiz
fəsli tolerantlıq anlayışına, onun tarixinə, yaranma səbəblərinə,
ikinci fəsli xalqımızın tolerantlıq tarixinə, üçüncü fəsli isə müasir
dövrümüzə – müstəqil Azərbaycan dövlətinin tolerantlıqla bağlı
ölkə daxilində və beynəlxalq miqyasda həyata keçirdiyi siyasətə
və fəaliyyətə həsr olunub.
Şübhəsiz, kitab tolerantlıqla bağlı qələmə alınmış nə ilk, nə
də son kitabdır. Oxucular üçün də tolerantlıq yeni mövzu deyildir.
Bu baxımdan “Tolerantlıq: bildiklərimiz və bilmədiklərimiz” adı
təsadüfi seçilməyib.
Onu da qeyd etmək lazımdır ki, Azərbaycan xalqının tolerant-
lığının səbəbləri, fərqli və üstün cəhətləri ilk dəfədir ətrafl ı şəkildə
təqdim olunur. Ona görə də, kitabda xalqımızın tolerantlığının
əsas səbəbləri kimi etnik, coğrafi , sosial-iqtisadi və dini-mədəni
amillərin izahının oxucular üçün maraqlı olacağını güman edirik.
Gələcəkdə qeyd olunan amillərin daha dərindən araşdırılacağı və
ortaya başqa faktların qoyulacağı da şəksizdir.
Kitabda Azərbaycanın müasir dövrünə, xüsusilə Ulu Öndər Heydər
Əliyevin və hazırda Azərbaycan Prezidenti İlham Əliyevin tolerantlıq
və multikulturalizm sahəsində həyata keçirdiyi ardıcıl siyasətə xüsusi
yer ayrılıb. Ötən əsrin 90-cı illərində dünyada tolerantlığı, dinlərarası
dialoqu dəstəkləyən və bu prosesdə aktiv iştirak edən Azərbaycanın
hazırda dinlər və mədəniyyətlərarası dialoqun aparıcı qüvvəsinə
çevrilməsindən, Bakının adı çəkilən mövzularda beynəlxalq konfrans
və forumlara ev sahibliyi etməsindən, eləcə də Azərbaycan hökumətinin
qarşısına qoyduğu məqsədlərdən ətrafl ı bəhs olunub.
Geniş oxucu kütləsi üçün nəzərdə tutulmuş kitabın tolerant-
lıq və multikulturalizm sahəsində tədqiqat aparan mütəxəssislərə,
o cümlədən tarixçilərə, dinşünaslara, politoloqlara, hətta, din
xadimlərinə faydalı olacağını güman edirik.
Mübariz Qurbanlı,
Azərbaycan Respublikası Dini Qurumlarla
İş üzrə Dövlət Komitəsinin sədri
I FƏSİL
TOLERANTLIQ:
KEÇMİŞDƏN BU
GÜNƏDƏK
12
Gündüz İsmayılov
TOLERANTLIQ VƏ TARİXİ
Tolerantlıq bu gün mütərəqqi dünyanın ən çox müzakirə et-
diyi məsələlərdən biridir. Çünki bəşəriyyətin gələcəyi tolerantlıq
prinsiplərinin necə və hansı səviyyədə bərqərar olmasından ası-
lıdır. Dünyada yüzlərlə din, məzhəb və təriqət var, eyni zaman-
da, minlərlə xalq və etnik qrup mövcuddur. Amma insanlar yal-
nız bir planetdə yaşaya bilərlər: Yer kürəsində. Deməli, yüzlərlə
dini etiqadın və minlərlə etnik qrupun nümayəndələri Yer kürəsini
bölüşməyə məhkumdurlar.
Tarixdə dini və milli zəmində çoxsaylı müharibələr olub və
milyonlarla insan bu müharibələrin qurbanına çevrilib. Lakin
müharibələrin heç biri Yer kürəsinin məhvi ilə nəticələnməyib.
Hətta, dini və milli zəmində baş verən münaqişələr çox vaxt lokal
xarakterli olub. Bu gün isə vəziyyət tamam başqadır. Qloballaşma
dövründə dini zəmində baş vermiş kiçik bir insident qısa müddətdə
regional və qlobal müharibəyə çevrilə bilər. Ən dəhşətlisi odur ki,
XX əsrin insanı artıq bir əsr öncəki insana bənzəmir. İndi insan bü-
tün dünyanı məhv edə biləcək nüvə silahına malikdir. Təəssüf ki,
dünyanın taleyi onu bir göz qırpımında məhv edə biləcək “qüdrətli
insan”ın ani bir qərarından asılıdır.
Bütün bunlardan sonra hər kəs razılaşır ki, bu gün dünyamızın
tolerantlığa ehtiyacı həmişəkindən daha çoxdur. Tolerantlıq dün-
yamızın gələcəyi üçün alternativsiz xilas yoludur. Ona fərqli yana-
şanlar, müxtəlif izahlar verənlər ola bilər, amma tolerantlığı inkar
edənlər əsla olmamalıdır.
Mədəniyyətin mühüm elementi olan tolerantlıq bu gün müxtəlif
inanc, mədəni ənənə, siyasi məslək daşıyıcısı olan insanların ictimai
vəhdətləşməsinin zəruri şərti kimi qəbul olunur. Eyni zamanda, to-
lerantlıq vətəndaş cəmiyyətinin əsas əxlaq prinsipidir. Əslində, dün-
13
Tolerantlıq: bildiklərimiz və bilmədiklərimiz
ya mədəniyyəti və fəlsəfəsində tolerantlıq anlayışı antik dövrlərdən
tətbiq olunmağa başlayıb. O dövrdə ayrı-ayrı fərdlərin, fərqli görüş
və inancların nümayəndələri arasında yaranmış xoş münasibətlər
tolerantlıq nümunəsi idi. Amma təbii ki, o vaxtki anlayış və sosial-
mədəniyyət fenomenləri bungünkündən çox fərqlənirdi.
Tolerantlıq nədir?
Latın sözü olan
“tolerancia”nın hərfi
mə nası dözümlülük
de məkdir. Ancaq tole-
rantlığın mahiyyəti və
izahı ilə bağlı müxtəlif
variantlar mövcuddur.
Fərqli izahların olma-
sına baxmayaraq, hər
kəsin qəbul etdiyi bir
həqiqət var: tolerantlıq müxtəlifl iyin mövcudluğuna təminat verən
hüquqi borc və mənəvi tələbatdır.
Tolerantlıq elmi və siyasi ədəbiyyatlarda daha çox dini, milli
və irqi müxtəlifl iyin etirafı və ona hörmətlə yanaşılması kimi izah
olunur. Lakin “dini və milli tolerantlıq” terminləri ilə yanaşı, siyasi,
mədəni, hətta, sosial tolerantlıq ifadələri də işlədilir. Şübhəsiz ki,
daha çox istifadə olunan “dini tolerantlıq – dözümlülük” ifadəsidir.
Çünki tolerantlıq ilk dəfə dini dözümlülük mənasında işlədilib və
zaman keçdikcə ifadənin “əhatə dairəsi” genişlənib. Bu gün də to-
lerantlıq dedikdə həm hüquqi, həm də elmi müstəvidə daha çox
dini dözümlülük nəzərdə tutulur.
“Tolerant” sözü Azərbaycan dilinə “dözümlü” kimi tərcümə
olunsa da, bəzən onun əvəzinə Anadolu türkcəsindən götürülmüş
“xoşgörü” kəlməsindən istifadə edilir. Hətta, “tolerant” kəlməsini
“hörmət” kimi tərcümə edənlər də var. Bu cür müxtəlifl iyin ya-
ranması təkcə tərcümədəki fərqlilikdən deyil, həm də tolerantlıq
anlayışına verilən ayrı-ayrı izahlarla bağlıdır. Həmin izahların
Dostları ilə paylaş: |