Bevosita moliyaviy operatsiyalarni amalga oshirish natijasida XYuS tomonidan olingan daromad tarkibiga quyidagilar kiradi:
XYuS tomonidan aksiya va boshqa qimmatli qog‘ozlarni emissiya qilish asosida bozorda joylashtirishdan olingan dividendlar;
boshqa emitentlar qimmatli qog‘ozlarini sotib olishdan olingan dividendlar;
banklardagi pul omonatlaridan olingan foiz daromadlari;
XYuS foydasidagi valyutalar kurslari bo‘yicha farqlar va boshqalar
Korxona qiymatini aniqlash maqsadida rentabellik ko‘rsatkichlarini ikkita asosiy guruhga ajratish mumkin:
a) kapital yondashuvni aks ettiradigan ko‘rsatkichlar (asosiy va moliyaviy kapitaldan foydalanish ko‘rsatkichlari): korxonaning barcha mulklari rentabelligi; ishlab chiqarish fondlari rentabelligi; asosiy kapital, jumladan, ustav kapitali rentabelligi; umumiy kapital rentabelligi;
b) mahsulot chiqarish va sotish (ishlarni bajarish, xizmatlar ko‘rsatish) jarayoni xarajatlarini aks ettiradigan ko‘rsatkichlar: sotilgan tovar tannarxi va sotuvdan olingan foyda hajmini hisobga olgan holda sotilgan mahsulot (ish, xizmatlar) rentabelligi; asosiy faoliyat bo‘yicha sotuv (aylanma) rentabelligi; operasion va boshqa faoliyat rentabelligi; operasion faoliyat rentabellik darajasi (xarajatlarni qoplash); har bir mahsulot turi bo‘yicha rentabellik omillar tahlili; korxonaning aylanma aktivlari rentabelligi.
Sotuv rentabelligi (Return On Sales, Net Profit Margin, ROS) ishlab topilgan har bir so‘mda foyda ulushini ko‘rsatadi. Odatda belgilangan davr uchun sof foydaning (soliqqa tortishdan keyingi foyda) xuddi shu davrda pul mablag‘larida ifodalangan sotuv hajmiga nisbati sifatida hisoblab chiqiladi.
Dostları ilə paylaş: |
