İzahlı şəriət hökmləri
197
Məsələ 840: Sinədən qızıl həmayil asmaq, ipək paltar
geyinmək, barmağa qızıl üzük taxmaq, qızıl eynək vurmaq və
qızıl saat taxmaqla bəzənmək, kişilər üçün haram və onlarla
namaz qılmaq batildir. Amma qadının namaz və ya qeyri-
namazda, qızılla bəzənməsinin eybi yoxdur.
Məsələ 841: Əgər bir kişi üzük və ya paltarının qızıldan
hazırlandığını bilməyib və ya unudub, yaxud da şəkk etsə,
onunla namaz qılsa, ehtiyat-müstəhəb budur ki, namazı yenidən
qılsın. Əgər vaxtı keçmişsə qəzasını qılsın.
ALTINCI ŞƏRT
Məsələ 842: Namaz qılan kişinin paltarı, hətta araqçını,
şalvarının bağı (kəmər), ehtiyat-vacibə görə, gərək xalis ipəkdən
olmasın. Namazdan başqa vaxtlarda da onun geyilməsi, kişiyə
haramdır.
Məsələ 843: Əgər paltarın astarının hamısı, yaxud bir hissəsi
xalis ipəkdən olsa, onun geyilməsi kişi üçün haram, onunla
qılınan namaz da batildir.
Məsələ 844: Paltarın, xalis ipəkdən və ya başqa şeydən
hazırlandığını bilməyirsə, əgər namazdan qeyri halda geyinərsə
eybi yoxdur. Amma ehtiyat-müstəhəbə görə onunla namaz
qılmasın.
Məsələ 845: İpək dəsmal və bu kimi şeylər kişinin cibində
olsa eybi yoxdur, namazı da batil etmir.
Məsələ 846: Qadının namazda və qeyri-namazda ipək paltar
geyməsinin eybi yoxdur.
Məsələ 847: Çarəsizlik üzündən qəsbi, xalis ipəkdən və ya
qızıldan toxunan, murdardan hazırlanan paltar geyməyin
maneəsi yoxdur. Həmçinin, paltar geyinməsi gərəkli olan bir
şəxs, bunlardan başqa paltarı yoxdursa, bu paltarlarla namaz qıla
bilər.
198
NAMAZIN HÖKMLƏRİ
Məsələ 848: Əgər qəsbi və ölmüş heyvandan hazırlanmış
paltardan əlavə paltarı olmasa və paltar geyməyə naçar olmasa,
çılpaqların hökmündə deyilənlərə uyğun olaraq namaz
qılmalıdır.
Məsələ 849: Əgər əti haram olan və ya murdar olmuş
heyvandan hazırlanmış paltardan başqa paltarı olmasa, əgər bu
paltarı geyməyə məcbur olsa, həmin paltar ilə namaz qıla bilər.
Amma naçar olmasa, çılpaqların namazında deyilən göstərişlərə
əsasən namaz qılsın. Ehtiyat budur ki, bir dəfə də həmin paltarda
namaz qılsın.
Məsələ 850: Əgər kişinin xalis ipək və ya qızıldan toxunmuş
paltardan başqa paltarı olmasa, bu halda həmin paltarı geyməyə
məcbur olmasa, çılpaqların namazında deyilən göstərişlərə
əsasən namaz qılmalıdır. Ehtiyat budur ki, bir dəfə də həmin
paltarda namaz qılsın.
Məsələ 851: Əgər namazda övrətini örtmək üçün bir şey
olmasa, vacibdir ki, kirayə və ya pulla almaqla da olsa, paltar
əldə etsin. Amma həmin paltarı almaq üçün çoxlu pul tələb
olunursa və bu pullar onun var-dövlətinə nisbətən çoxdursa,
yaxud bu pulları həmin paltarı almağa xərcləsə, madi vəziyyətinə
zərər yetirəcəksə, bu halda çılpaqların namazının göstərişlərinə
əsasən namaz qılsın.
Məsələ 852: Paltarı olmayan bir şəxsə başqası paltar bağışlasa
və yaxud ariyə versə, bu halda onu qəbul etmək o şəxs üçün
çətin deyilsə (ki, adətən buna dözmürlər), qəbul etməlidir. Hətta,
əgər ariyə götürmək, yaxud bəxşiş istəmək onun üçün çətin
deyilsə, paltarı olan şəxsdən bəxşiş istəməli və yaxud ariyə
almalıdır.
Məsələ 853: Parçası, rəngi və tikilişi onun üçün adi olmayan
(elm əhlinin hərbi paltar geyib, təhqirinə səbəb olacağı kimi)
şöhrət paltarı və ya təhqir paltarı ki, geyinəcəyi təqdirdə
İzahlı şəriət hökmləri
199
barmaqla göstəriləcək hala gələrsə, geyinilməsi haramdır. Amma
o paltarla namaz qılsa eybi yoxdur.
Məsələ 854: Ehtiyat-vacibə görə kişi qadın paltarı, qadın da
kişi paltarı geyməsin. Amma o paltarda namaz qılsalar, eybi
yoxdur.
Məsələ 855: Uzanan halda namaz qılmalı olan bir şəxsin,
yorğanı əti haram olan heyvanlardan olsa, çılpaq olmasada
onunla namaz qılmaq icazəli deyil. Əgər nəcis və ya ipək olsa
onlar ilə örtülüb deyilsə onunla namaz qılmaq icazəli deyil.
Amma üstünə çəkməsinin heç bir eybi yoxdur. Namaz üçün də
heç bir maneə yaratmır. Amma döşəyin heç bir halda maneəsi
yoxdur. Əgər döşəyə bürünüb deyilərsə döşəyin hökmü yorğanın
hökmündədir.
NAMAZ QILANIN PALTAR VƏ BƏDƏNİNİN PAK
OLMASININ LAZIM OLMADIĞI HALLAR
Məsələ 856: Təfsilatı sonradan deyiləcək üç halda, namaz
qılanın bədəni və ya paltarı nəcis olsa, onun namazı səhihdir:
1-Bədənində olan yara, (cərahət) və ya çiban səbəbilə paltarı
və ya bədəni qana bulaşarsa;
2-Onun paltarı və ya bədəni, dirhəmdən az təqribən, “şəhadət”
barmağının axır bəndi miqdarında qana bulaşarsa;
3-Nəcis paltar və ya bədənlə namaz qılmağa naçar olsa; əgər
namaz qılanın təkcə paltarı nəcis olsa, iki halda namazı səhihdir:
1).Onun kiçik paltarı (corab və arağçın kimi) nəcis olarsa;
2) Uşaq saxlayan qadının paltarı nəcis olarsa. Bu beş halın
hökmləri, sonrakı məsələlərdə təfsilatı ilə deyiləcək.
Məsələ 857: Əgər namaz qılanın bədənində və paltarında
yara, yaxud çiban qanı olsa, bu halda bədənin və paltarın suya
çəkilməsi, yaxud dəyişdirilməsi əksər camaat üçün çətindirsə, nə
qədər ki, onun yarası, yaxud çibanı sağalmayıb, o şəxsin özü
üçün çətin olmasa da, o qanla namaz qıla bilər. Həmçinin qanla
Dostları ilə paylaş: |