Tug’ulganda dadamlarga umr tilab, Era-yu kech ostirdingiz boshin silab

Buvijonim
Tug’ulganda dadamlarga umr tilab,
Era-yu kech ostirdingiz boshin silab.
Farishtalar sizdan olsinlar andoza,
Yuragingiz kundan toza, oydan toza.
O’zimni oq ko’ngilligim, gulchiroyim,
Buvijonim! Yuzga kirib yuring doim.

Nabiralar yoningizda yelib-yelib,

Yursa siz ham yashang doim o’ynab kulib.
O’tmishning g’am-qayg’ulari unutilsin,
Yuzingizda faqat kulgi kulib tursin.
Chechaklarga to’lib-toshgan bahoroyim,
Buvijonim! Yuzga kirib yuring doim.