Üç aylıq ədəbiyyat dərgisi
43
doymaq bilmirdi. Onlara minnətçi
düşməkdənsə hava qaralanda suvarmaq
Əfiqəyə daha sərfəli göründü. Bitkilər
üçün də axşam sərinində sulanmaq çox
xeyirli idi. Suvarma lap gecəyədək
uzansa da neyləməli, evinin ruzisinə
görə, hər əzaba qatlaşıb dözməli idi.
Əvvəllər qaynının uşaqları belə işlər
olanda
gəlib
kömək
edərdilər.
Münasibətləri soyuyandan sonra onlar
da gəlmirdilər. Öz uşaqları da ki, balaca,
heç bel boyda deyildilər. İş görmələri
özlərinə qalsın, iki dəqiqə gözün
üstlərində olmadı üst-başları lil-löhməyə
bulaşırdı.
Əkdiyi
bostan
bitkiləri
arasında sulama çağı ən çətinlik
yaradanı
paxla
kollarıydı.
Yerə
sancılmış
hündür,
şax
budaqlara
dırmanmış paxlalar ağacdan-ağaca sıx
sarmaşıb ləklərin arası ilə keçməyi də
çətinləşdirmişdilər.
- Zəhrimarlar elə sarmaşıb
qarışıblar
ki,
altında
gizlənsən
tapılmazsan, - Əfiqə cərgədən-cərgəyə
keçməyə çətinlik çəkdiyinə görə, hər
dəfə dodaqaltı mızıldanırdı, - adam
gündüz qorxur bunların arasına girməyə,
qalmışdı ki, alatoranlıq ola…
Bir
axşam
yenə
uşaqları
yedirəndən sonra bostanı suvarmaq
üçün deyinə-deyinə cərgələrin arasına
girib bayaqdan yönəltdiyi suyun ləklərin
axırına çatıb-çatmamasını yoxlamaq
istədi. Xışıltı eşitdi. Qorxudan ürəyi
əsdi. Görəsən nədir, - fikirləşdi. Cahidlə
axırıncı görüşündə də eynən belə xışıltı
eşidib qorxmuşdu. Cahidin ona toxtaqlıq
verib «yəqin qurbağadır» deməsindən də
sakitləşməyib tez özünü evə çatdırmışdı.
İndidəmi qaçsın? Bəs, suvarma nə
olsun? Dişini-dişinə sıxıb dözməli idi.
Ətrafa boylandı. Yaxınında hənirti
duydu. Kimsə arxa tərəfində durmuşdu.
Dönüb
baxmağa
macal
tapmadı.
Arxadan qalın barmaqları olan iki əl
qəfil
gözlərini
tutdu.
Gözləri
görmədiyindən
elə
bil
onu
alatoranlıqdan naməlum bir zülmətə
atdılar. Ürəyi döyündü, səsi içində
qırıldı. Bilmədi nə etsin? Çığırsınmı,
yoxsa yalvarsınmı? Görəsən kim ola?
Papiros iyi gələn yoğun barmaqlarından
kişi əli olduğunu yəqin etdi. Bəs niyə
belə edir, nə istəyir ondan, səsini də
çıxartmır. Hər kimdirsə onunla ərkyana
zarafat edir. Əlindəki beli buraxdı. Sonra
hər iki əlini gözlərini tutan
əllərin üstünə
qoyub
onları
aralamağa,
kənarlaşdırmağa çalışdı:
- Sən kimsən? Çək əllərini
görüm. Səsini çıxar.
Daş kimi ağır barmaqları
qoparmağa gücü çatmadı.
Kimdir onunla belə rəftar edən.
Yoxsa Cahiddir? Olmaya kefi ala
buluddadır, əhvalı saz çalır, könlünə
məzələnmək düşüb. Axı, o, ehtiyatsız
hərəkət
eləməzdi.
Nədən
özünə
güvənib? Ayrı kimin cürəti çatar
gözlərini örtməyə?
Sullarına cavab gəlmədiyini
görüb, fikrini qətiləşdirdi. Ürəyinin səsi
səbrinə üstün gəldi:
-
Cahid,
sənsən?
Burax
gözlərimi. Nədi, uşaqlığın tutub?
Deyəndə uşaqsan, acığın gəlir. Çək əlini,
neçə dəfə deyim, gizlənpaç oynayan
vaxtın keçib…
- Yox! Tapmadın…
Gözləmədiyi, eşitdiyi yad səs
Əfiqənin tamam varlığını sarsıtdı.
Əllərini çəkib hiyləgər gözləri ilə onu
yeyən, bic-bic hırıldayan həmyaşıdı
Təyyarı qarşısında görəndə gözləri
kəlləsinə çıxdı. Qışqırmaq istədi.
Heyrətindən dili boğazında qurudu.
Bircə bu çatmırdı, ay Allah. İndi
neyləyim, - dəhşətlə düşünüb, onun
əlindən çıxmağa çabaladı.
- Aaz, dayan görüm, çabalama.
Gözləmirdin, eləmi? Elə bildin aşnandı?