Üç aylıq ədəbiyyat dərgisi
49
əslində məndə heç bir günah yoxdur.
Sənlikdir.
- De görüm, uzatma. Hə, nə
düşüb könlünə, nə istəyirsən?
- Mən? Mən heç nə istəmirəm.
Narahatlığım başqa şeydəndir. Səhv
etmirəmsə, deyəsən uşağa qalmışam…
O, son sözlərini günahkar kimi
çəkinə-çəkinə deyib gözlərini Şamxalın
təəccüblü baxışlarından qaçırtdı.
- Uşağa qalmısan? Hə, nə olsun,
bundan ötrü qanını qaraltma. Boş şeydir.
Günü sabah apararam səni həkimə,
götüzdürərik, qurtarıb gedər. Bəlkə,
saxlamaq istəyirsən, hə?
- Yox, yox, - Əfiqə ərinin
təmkinli tövrünə sevindi, - elə mən də
onu düşünürdüm, İkisinin əzabı azmış,
üçüncüsünü neynirəm…
Ertəsi gün Şamxal onu həmişə
müraciət etdikləri tanış, yaşlı həkimin
qəbuluna apardı. Müayinə zamanı
Əfiqənin «gümanı» təsdiqləndi: o,
hamilə
idi.
Həkim
müayinəni
qurtardıqdan sonra dəhlizdə gözləyən
Şamxalı otağına dəvət etdi. Üzünü
Əfiqəyə tutub dedi:
- Qızım, ərini də çağırdım ki, o,
da mənim sözlərimi eşitsin. Belə başa
düşdüm
ki,
siz
abort
etdirmək
istəyirsiniz. Mən məsldəhət görürəm ki,
tələsməyəsiniz. Gedin evinizə, oturub
düşünün. Bəlkə abort etdirməyəsiz.
Çünki artıq uşaq on iki həftəlikdir. Belə
olanda əməliyyat zamanı baş verə
biləcək ağır fəsadlar sizi gələcəkdə bir
daha ana olmaqdan məhrum edə bilər.
Sonrakı peşmançılıq isə heç vaxt fayda
verməyib….
- Neçə həftəlik dediniz? –
Şamxal səbirsizliklə onun sözünü kəsdi.
- On iki həftənin tamamıdır…
- Ola bilməz, - Şamxalın
təmkinsiz sualının mənasını başa düşən
Əfiqə hisslərini cilovlaya bilməyib
həkimin sözünə etiraz etdi, - səhviniz
var, düz demirsiniz, o qədər ola bilməz,
bir də yoxlayın…
Əfiqə yalanının üstü açılan uşaq
kimi həyəcanından pörtmüşdü. Onun
qara
qışqırığından
özünü
itirmək
dərəcəsinə çatan həkim sakitləşməyi
xahiş edirdi:
- Mənim balam, sakit ol.
Sakitləş, imkan ver sözümü deyim. Mən
nəyə görə yalan danışmalıyam. Sənin
yaşın qədər stajım var. Ola bilər ki,
vaxtını bir həftə, on gün irəli, səhv
deyəm, artıq yox. Bir də ki, sənin canına
yazığım gəldiyinə görə deyirəm. Mənə
nə var, xoşun gəlmir işimi görüb
haqqımı istəyəcəyəm. Dilindən də kağız
yazdırıb razılığını alacağam, vəssəlam.
- Həkim düz deyir, - Şamxal
təsdiqlədi, - fikirləşmək gərəkdi. Sən çıx
çöldə gözlə, mən həkimdən söz soruşub
gəlirəm.
Həkimin onun qayğısına qalaraq
Şamxalı çağırıb hamiləliyin vəziyyəti
barədə açıqlama edəcəyini Əfiqə heç
vaxt ağlına gətirməmişdi. Qabaqcadan
bilsəydi həkimə yalvar-yaxar dilə tutar,
sirrinin üstünün açılmasına imkan
verməzdi.
Gərək
əvvəldən
abort
söhbətini salmayaydı ortaya. Canı çıxıb
saxlayardı, bu söhbət də olmazdı. Uşaq
olanda da hamı güman eləyərdi ki, yeddi
aylıqdır. Azmı olur elə, - heyfsləndi.
Tezliklə, Şamxalın onun gizlinlərini
aşkarlayacağına görə daxilini cansıxıcı
narahatlıq bürümüşdü. Özünü sakit,
səbirli aparsa da nigarançılığı içində
olan həyəcandan xəbər verirdi.
O, Şamxalın sözünü yerə
salmayıb, çarəsiz yerindən durub dəhlizə
çıxdı. Fikri otaqda qaldığından qulağı
oradan gələn ən kiçik hənirtini də
eşitmək həsrətindəydi: görəsən nəyi
soruşacaq? “Batdım, - ürəyi sıxıldı, - bu
zalımın qızı özü də anlamadan məni
məhv etdi. Guya xeyrimə çalışır. Sənin
nə işinə qalıb mənə nə olacaq? İşini gör
50
№ 4 (20) Qış- 2016
pulunu al da, insan da ruzisinə təpik atar
- həkimin qarasına gileyləndi, - yox, bir
yolla həkimin səhv etməsinə Şamxalı
inandırmalıyam, yoxsa məni öldürəcək!
Nə bilim, əgər inansa da…”
Şamxal
həkimin
otağından
çıxanda
tutqun
baxışları
Əfiqəni
əndişələndirdi:
- Bu həkim yaşlaşdıqca ağlı
çaşır deyəsən…
- Yeri deyil, evdə danışarıq, -
Şamxal ona qulaq asmaq istəməyib
bozardı.
Yol boyu heç biri dinmədi.
Əfiqə yoldaşının danışmasa da üzünün
ifadəsindən evə çatan kimi gözlədiyi
tufanın başlayacağını yəqin etmişdi.
Ərinin sözünə söz çatdıra bilməsə də bir
yolu qalırdı: sakitləşənədək verəcək
cəzalara dözmək və həkim qadının səhv
etdiyinə inandırmaq…
Evə çatdılar. Əfiqə iş görmək
bəhanəsi ilə həyətdə ləngimək istədi.
Amma Şamxalın səbri çatmadı:
- Otağa keç, -üstünə acıqlandı, -
işin başına dəysin. Əvvəl mənə cavab
ver, sonra işini görərsən. İş qaçmır…
O, sərt hərəkətlə arvadının
qolundan tutaraq, boş otaqlardan birinə
aparıb, arxasınca qapını örtdü.
- Hə, indi məni başa sal görüm,
necə olur ki, mən bir aydı gəlmişəm,
qarnındakının isə vaxtı on iki həftəni
ötüb…
- Aydan çox keçib, - Əfiqə titrək
səslə Şamxalın sözünə düzəliş verdi. Bir
anlığa içindən gələn səsə mat qaldı. Nə
qədər gizlətsə də səsində günahkarlıq
həyəcanı, qorxusu vardı. Həmişəki
guruldayan
səsdən,
haqq
axtaran
Əfiqədən əsər-əlamət yox idi. Daxilən
qüvvəsi zəifləmiş, içində sanki boşluq,
acizlik yaranmışdı.
- Olsun ay yarım. Lap sənin
xətrin üçün hesab edək yeddi həftə. Bəs
qalanını neyniyək? – Şamxalın həkimin
otağından
bəri
aşıb-daşan qəzəbi
danışdıqca sifətinə yayılır, gözləri
parlayırdı.
- Elə deyil, o qoca səfehləyib,
ağlına gələni danışır, - Əfiqə həkimi
ciddi-cəhdlə
pisləməklə
ərini
sakitləşdirmək istəyirdi, - sən mənə yox,
onun sərsəmləməsinə inanırsan?
- Səfehləyən gərək ki, mən
olmuşam.
Deyirsən
sərsəmləyib?
Belədirsə bir, ya iki həftə səhv etsin. Axı
onun nəyinə gərəkdir beç-altı həftə
artırsın. Biz ikilikdə söhbət edəndə o
mənə qaranlıq qalan müəyyən məsələləri
anlatdı, ona görə də bil ki, ağzımı boza
verməyin əbəsdir. De görüm uşağın atası
kimdir? Uşaq kimdəndi?!.
- Uşaq kimdəndi?! Əlbəttə
səndən. Kimdən olasıdı ki? Sən məni nə
hesab edirsən?
- Yalan danışma!
Şamxalın
hirsindən
əlləri
əsməyə başladı. Fikirləşmədən sağ əlini
uzadıb arvadının boğazına keçirib sıxdı.
- Mənə bax, düzünü de! İnan
Allaha, yoxsa əllərimlə boğazını üzüb
öldürəcəyəm səni.
- Vallah, billah, düz deyirəm, -
Əfiqə qorxudan canına üşütmə düşdüyü
üçün bilərəkdən yalandan and içirdi, -
mənə inan, o ləçərin sözünə inanma…
- O düz deyir. Günahını ört-
basdır etmək məqsədiylə sən ay yarımı
gizlədirsən. Elə bilirsən mənim heç
nədən başım çıxmır? Yalan danışmağını
sənə sübut edərəm, ancaq mən istəyirəm
sən öz dilinlə hər şeyi etraf edəsən….
- Yalan demirəm, - Əfiqənin səsi
xırıldadı, gözləri alacalandı. Şamxal
onun boğulacağından ehtiyatlanıb əlini
boşaltdı. Acığını soyutmaq üçün fikrini
dəyişdi. Əlini onun boğazından aralayıb
ardınca var qüvvəsi ilə sifətinə şapalaq
çəkdi:
- Yalançısan sən! Xəyanətkar!..
Dostları ilə paylaş: |