12
№ 4 (20) Qış- 2016
əkinçilikdir. Bizdə də üzümlükləri
torpağın üzünü bürüməyə qoymamış,
tənəkləri göyə qaldırmış, üzüm göydə
yetişdirilmiş, torpaq daha əlverişli bitkiyə
verilmişdir. Doğrudur, ağacın başındakı
salxımları dərmək əngəl törədirdi, amma
hər halda dərirdilər. Pilləkan, nərdivanla
da bu işi görmək olar. Əminəm ki, göydə,
havada
yetişən
qızıl
salxımlar
yerdəkindən, koramal kələsərdəkilərdən
qat-qat şirəli olmalıdır.
Mənim yüksəyə can atmağımın
səbəbi, bəlkə, uşaqlıqdan, körpəlikdən
günümün
ağacların
başında
keçməyindəndi. Kimsənin yıxılacağından
qorxub yaxın getmədiyi ucalıqlara mən
dırmanır, ayağımı nazikcə budaqların
üstünə qoyub, əlimlə bir ufacıq saplaqdan
yapışıb mən dərirdim axıra, sona qalmış
qənimət meyvəni .
Qurban
təpəsinin
tuşunda,
Nəcəfqullar bağlarında gərlərin başında
son salxımlar qaralır, qızarırdı. Bu qızıl
üzümləri
qoruqçulardan,
kolxoz
bağçılarından kimsənin cəsarəti çatmırdı
qalxıb dərsin. O, mənim payımdı.
Kimsənin
dərə
bilmədiyi
mənim
qismətimdi. Çıxırdım, dağdağan ağacı
bərk olur, bircə saplağından azman adam
asılsa, saxlayır, qırılmazdı. Əbəs deyil, ət
kötüyü, təkər topu, başqa işləri də
dağdağan gırdınından kəsib, düzəldirlər.
Dağdağanın kəlləsində, hündürdə, göy
üzündəki qanadın lap ucundan asılan
üzüm salxımını mən idim dırmanıb
götürən.
Axşam düşən təki döşəkçəmi
qaldırırdım həyətimizdəki qara tutun
haçasına. Orada, köndələn uzanan qoşa
qanadın, şax-şəvəli üstündə özümə yataq
açırdım. Gecə göydə yatırdım. Üstüm
yorğanım şaxlar, yarpaqlar, başaltım yar-
yarpaq, yetişmiş bal dadan tutların,
yarpaqların, ağac qar-qabığının ətrini,
tamını udaraq yatırdım. Evdəkilər qorxur,
qoymurdular. Mən göydən əl çəkmirdim.
Ora, tut ağacının haçasıydı mənim yataq
otağım. Bu ağacın doğma hənirinə,
yarpaqların,
qanadların,
gövdənin
varlığına güvənərək uyuyurdum. Mənə
həsəd
aparırdılar.
Məni
obaşdan
budaqlarda yuvalanmış quşların səsi
oyadırdı.
Mərc
gəlirdik:
Dağdağanın
təpəsindəki dağdağanları kim dərər?
Mən! Gərin lap uc budağında qızaran
qızıl üzüm salxımını kim qoparar? –
Mən! Əlçatmazda asılmış , diş vuranda
partlayan armudu kim qırardı? - yenə
Mən! Bağlar, bostanlar, taxıl zəmiləriydi
mənim oylağım. Çöl quşu çay daşı.
Məni uşaq baxçasına qoydular.
Baxça kəndin aşağısında, Mirzəcanlı
bağlarının
qurtarıb
Yarəhmədlinin
başladığı, “Aqronom yeri” deyilən
çəmənliyin ayağında idi. Bağçaya məni
Cəmil aparırdı. Məni niyə baxçaya
qoyurdular, bilmirəm, amma elə ki, səhər
açılır, Cəmil mənim əlimdən tutub
aparırdı çaylağın qırağı ilə üz aşağı.
Cığırla gedib çıxırdıq Hasanqulugilin
evinə. Oranı baxça eləmişdilər. İndiki
vaxtda
ata-ana,
böyüklər
işə
yollandıqlarından , uşaq evdə tək
qalmamalıdı. Daha artıq şəhər yerində
uşaqları aparırlar baxçaya. Onda görünür,
bu da yeni quruluşun tərbiyə-tədbirlərinə
qoşulmaq, ictimai borc sayılırdı. Evdən
baxçayadək
ağlayırdım.
Getmək
istəmirdim oraya. Baxçadan zəhləm
gedirdi, elə bil dustaq aparırdılar. Oranın-
baxçanın bir müdirəsı vardı, boy-
buxunlu bir xanımdı,
bizim ləhcədə deyil,
uzaq, yad bir tərzdə danışırdı. Gəlmə idi.
Mən bütün günü orada qapanıb qalır,
küskün dolanırdım. Artırmada, qapının
lapca dabanında Hasanqulugilin bir yekə
sarı iti yatırdı, elə bil bu köpəyi bizə
qaraul
qoymuşdular.
Müdirədən,
baxçanın özündən artıq bu sarı, qıllı,
iribaş köpək məni qorxudurdu. Bizim
evdə baxça müdirəsini yamsılayırdılar. O