Uğura İnan Dizayn cdr



Yüklə 37,98 Kb.

səhifə19/94
tarix17.09.2017
ölçüsü37,98 Kb.
1   ...   15   16   17   18   19   20   21   22   ...   94

Kitab  oxuyun,  audiokitablara  qulaq  asın,  treninqlərə 
gedin, peşəkarlardan məsləhət alın.
İntellektinizi daim inkişaf etdirin (öz dilinizi, xarici dili, 
tez oxuma texnikasını, yaddaşınızı, kreativliyinizi, erudisiyanızı 
və s.).
Av r a a m   L i n k o l n   d e m i ş d i :   “ M ə n   o x u ya c a m   v ə 
hazırlaşacam, şansım isə əvvəl-axır özü yaranacaq”. 
Bu  sözlərə  qüvvət,  biliklərin  artımında  proaktivliyin 
xeyrini öz təcrübəmdən yalnız bir, özü də mükəmməl olmayan, 
bacarığım  nəticəsində  əldə  etdiyim  nailiyyətlərlə  təsdiqləyim. 
Vaxtilə  gələcək  planıma  uyğun  olaraq  ingilis  dilini  intensiv 
öyrənirdim. Heç təsəvvür etmirdim ki, mən bu biliyimin xeyrini 
tamamilə  başqa  sahələrdə  dəfələrlə  görəcəm.  Planlarımın 
reallaşması  ölkədəki  mürəkkəb  ictimai-siyasi  vəziyyətlə  bağlı 
uzanırdı. Bu məqamda bir tanışım telefonla bildirdi ki, işlədiyi 
bankda vakansiya var, lakin ingilis dilini bilmək vacibdir. Təklif 
mənə  maraqlı  gəldi,  amma  bildirdim  ki,  ingilis  dilini  yaxşı 
səviyyədə bilmirəm. Qərarlaşdıq ki, özümü sınayım. Nəticədə 
işə qəbul olundum. İşlədiyim başqa bir bankda ingilis dilini ən 
yaxşı  bilən  mən  idim.  Nəticədə  xarici  maliyyə  qurumları  və 
tərəfdaşlarla  münasibətlərin  qurulması  və  inkişaf  etdirilməsi 
mənə  həvalə  olundu.  Başqa  maraqlı  nəticələri  də  qeyd 
etməliyəm  (bəziləri  bir  qədər  gülməli  səslənsə  də).  İşlədiyim 
banka xarici şirkətlərdən müxtəlif treninqlərə dəvətlər gəlirdi. 
Bir  dəfə  də  İngiltərədə  bir  aylıq  maliyyə  ingilis  dili  kursuna 
dəvət  aldıq.  Dili  az-çox  bildiyim  üçün  rəhbərlik  ora  məni 
m ü n a s i b   b i l d i .   A z   m ü d d ə t   s o n r a   A B Ş - d a k ı   m ü x b i r 
banklarımızdan  biri  Nyu-Yorka  treninqə  dəvət  göndərdi. 
Müşahidə  Şurasının  üzvü  bu  tədbirdə  iştirak  etmək  istədi. 
İngilis dilini bilmədiyindən, sizcə onunla kim yola düşdü?:) Bu 
bacarığım  sonralar  da  mənə  bir  çox  işdə  köməyimə  çatıb 
(məlumatların  oxunuşunda,  xarici  tərəfdaşlarla  münasibət-
38
lərdə, səfərlərdə və s.). Məsələn, xaricdə keçirilən treninqlərin 
birinə, mən də daxil olmaqla, Azərbaycandan böyük bir heyət 
getmişdi. Trenerlər ingilis dilində danışırdılar, tərcüməçilər isə 
həmin  ölkədə  təhsil  alan  həmvətənlərimiz  idilər.  Mürəkkəb 
mövzulara  çatanda  aydın  oldu  ki,  mövzunu  bilməyən  insan 
üçün  tərcümə  etmək  olduqca  çətindir.  Mövzunu  yaxşı 
bildiyimdən, mən tərcüməçiyə dəstək oldum. Bir müddət sonra 
məndən  xahiş  etdilər  ki,  elə  birbaşa  özüm  tərcümə  edim. 
Heyətin  tərkibində  bir  bankın  idarə  heyətinin  sədri  də  vardı. 
Yəqin  ki,  diqqəti  cəlb  etdim.  Daha  yaxından  tanış  olduq. 
Treninqdən sonra o məni öz müavini qismində işə dəvət etdi. 
Mən misallarımı yalnız bir bacarıq üzərində qurdum. Onlarla 
digər  bilik  və  bacarığım  mənə  həyatda  kömək  edib  və  ya 
çatışmazlıq ucbatından mane olub.
Bu məsələ ilə bağlı bəzi məqamları da əlavə etməliyəm:
Ÿ
Mütləq deyil ki, bütün bilik və bacarığınızı tam şəkildə 
istifadə  etmək  sizə  nəsib  olacaq.  Buna  görə  ruhdan 
düşməyin. Digər bilik və vərdişlər əldə edin. Əmin ola 
bilərsiz ki, onlardan hansısa mütləq işinizə yarayacaq.
Ÿ
Mən demişdim ki, ingilis dilini mükəmməl bilmirəm. 
İndi  rəqabətin  səviyyəsi  tam  fərqlidir.  İxtisarları  da 
nəzərə almaq lazımdır. Ona görə də ən azı bir bilik və ya 
bacarığınız  mükəmməl  olmalıdır  ki,  başqalarından 
seçiləsiz.  Məsələn,  xarici  dildə  təhsil  almış  insanların 
sayı  artır.  Onlarla  müqayisədə  mənim  ingilis  dili 
biliyim  orijinal  malın  yanında  saxta  Çin  malı  kimi 
görünür.  Əgər  20  il  əvvəl  bu  səviyyədəki  bilik 
fərqlənmək  üçün  kifayət  idisə,  indi  belə  vəziyyət 
qənaətbəxş  sayıla  bilməz.  Yerinə  düşmüşkən, 
danışdığım  mövzuda  bir  misal  da  gətirim.  Bu 
yaxınlarda  rəhbər  işçi  heyətin  tapılmasında 
39


ixtisaslaşan  Pedersen&Partners  şirkətindən  tanınmış 
iri holdinqlərin birinə rəhbər vakansiyası üzrə görüşə 
dəvət aldım. Tələblərdən biri ingilis dilini mükəmməl 
bilmək  idi.  Onlara  dedim  ki,  dili  səlis  bilmirəm.  Bax 
beləcə mehribancasına vidalaşdıq:).
6. Fədakar olmalısız ki, işinizin ustasına çevriləsiz.
Yaxşı  nəticə  uzunmüddətli  gərgin  iş  tələb  edir.  Məşhur 
natiqlərdən biri yazırdı ki, yarım saatlıq çıxışı üçün yüzlərlə saat 
vaxt sərf edir. Uğur təsadüf və ya bəxtin nəticəsi deyil. Heç nə 
etməmiş qazanmaq olmaz. Saata nə məqsədlə baxdığınız sizin 
həmin  işdə  uğurunuzun  göstəricisidir  (“vaxt  tez  bitsəydi 
gedərdim”  düşünürsüz,  yoxsa  qoyduğunuz  vaxt  çərçivəsində 
işi  çatdırmaq  barəsində?).  Ən  yüksəkmaaşlı  amerikalılar 
həftənin 6 günü ərzində orta hesabla gündə 10 saat işləyirlər.
Uinston  Çörçil  sanki,  ilkin  kapitalı  olmayan  sizin  kimi 
biznesmenlər  üçün  vaxtilə  belə  demişdi:  “Öz  qanım,  ağır 
zəhmətim,  göz  yaşlarım  və  tərimdən  başqa  təklif  edəcək  heç 
nəyim yoxdur”. 
Vaxt sərf etmədən, zəhmət çəkmədən qazanmaq mümkün 
deyil.  Çox  lotereya  oynayanlar,  maliyyə  piramidalarına  pul 
yerləşdirənlər  xülyalara  qapılaraq  rahatca  varlı  olmaq  istəyən 
insanların klassik nümunələridir.
Öz  sahənizin  ən  yaxşısı  olmağa  çalışın.  Bunun  üçün 
əvvəlcədən  yaxşı  şəraitdə  başlamaq  vacib  deyil.  Stiv  Cobs  və 
Stiv  Voznyak  biznesə  qarajda  başlamışdılar.  Tələsmək  olmaz. 
İsveçrə  Kulinariya  İnstitutunu  bitirmək  üçün  7  il  oxuyub 
olduqca mürəkkəb imtahanlardan keçmək tələb olunur. Amma 
bu məktəbin məzunları dünyanın istənilən məşhur restoranına 
ən yüksək maaşla işə məmnuniyyətlə qəbul olunurlar.
Sizdən  gözləniləndən  daha  çox  edin  (istər  biznesdə, 
istərsə  də  muzdlu  işdə).  Avtoritar  müdir  haqqında  hadisə 
40
yadınızdadırmı?  Gözləndiyindən  artığını  edəcəyinizi  adətən 
heç kim ağlına belə gətirmir. Buna görə də əlavə etdiyiniz qarşı 
tərəfə xoş bir sürpriz olur və onun yaddaşında həkk olunur.
Yazdığınız  hədəflərə  çatmaq  üçün  malik  olmalı 
xüsusiyyətləri  adətə  çevirin.  Əvvəl  dediyimi  bir  daha  təkrar 
edirəm. Psixoloqların qənaətinə görə bunun üçün 3 ay vaxt sərf 
etmək  lazımdır.  Neqativ  adətlərinizdən  əl  çəkin.  Beləliklə,  il 
ərzində  özünüzdə  azı  4  dəyişiklik  edin.  Buna  nail  olmağın 
üsullarından  biri  də  öhdəçilikdir.  Bir  nəfər  siqareti  atmaq 
qərarına gələndən sonra geriyə yolu olmasın deyə hörmət etdiyi 
bütün  tanışlarına  bu  barədə  məktub  göndərir.  Hər  dəfə  əli 
siqaretə uzananda həmin adamların onu necə lağa qoyacaqlarını 
və  iradəsiz  sayacaqlarını  göz  önünə  gətirməsi  onu  bu  pis 
fikirdən  daşındırırdı.  Məqsədlərə  çatmaqda  da  bu  üsulun 
köməyi var. Misal üçün, mən də bu kitabın tamamlanması üçün 
bu üsuldan istifadə etdim. Bir treninqdən sonra təklif olundu ki, 
hər iştirakçı bir öhdəlik götürsün və onu elan etsin. Bildirdim ki, 
bir  aya  kitabı  yekunlaşdıracam.  Bundan  sonra  geriyə  yol 
qalmadı:).
Həmişə  “daimi  mükəmməlləşdirmə”  prinsipilə  yaşayın.  
Bu prinsip “kaydzen” adlanır, ilk dəfə Toyotada tətbiq edilib və 
mümkün  qədər  hər  gün,  çox  xırda  da  olsa,  hər  hansı  sahədə 
mükəmməlləşdirməni nəzərdə tutur.
7. Ünsiyyət qabiliyyətinizi inkişaf etdirin. Əlaqələrinizi 
genişləndirin.
Deyl  Karneginin  “Dostları  necə  qazanmalı  və  insanlara 
necə  təsir  etməli”  kitabını  oxumusuzmu?  Ondan  sonra  bu 
mövzuda minlərlə kitab yazılsa da, müəllif bəziləri tərəfindən 
tənqid  edilsə  də,  bu  əsər  indiyədək  öz  aktuallığını  qoruyub 
saxlayır.  Ünsiyyət  qabiliyyəti  uğur  qazanmaq  üçün  ən  vacib 
keyfiyyətlərdəndir.  Milyardçı  Endrü  Karnegi  zavod  rəhbəri 
41




Dostları ilə paylaş:
1   ...   15   16   17   18   19   20   21   22   ...   94


Verilənlər bazası müəlliflik hüququ ilə müdafiə olunur ©genderi.org 2019
rəhbərliyinə müraciət

    Ana səhifə