Uğura İnan Dizayn cdr
Yüklə 37,98 Kb. Pdf görüntüsü
|
- Bu səhifədəki naviqasiya:
- VIII. İştirakçının şirkətdən çıxma qaydası.
- IX. Ümumi məsləhətlər.
- X. İstehlakçının hüquqları.
müəllif (müəlliflər) və adına patent verilməsi xahiş edilən hüquqi və ya fiziki şəxs (şəxslər), həmçinin onların yerləşdiyi və ya yaşadığı yer göstərilməklə patent verilməsi barədə ərizə, məmulatın zahiri görkəmi barədə müfəssəl təsəvvür yaradan fotoşəkil dəsti, maket və ya rəsm, sənaye nümunəsinin mahiyyətini açıqlamaq zəruri olduqda məmulatın ümumi görkəminin çertyojları, erqonomik sxemi, konfeksiya xəritəsi, sənaye nümunəsinin mühüm əlamətlərini əks etdirən təsviri. İddia ərizəsi Komitəyə daxil olduğu gündən 1 ay ərzində sənədlərin ilkin ekspertizası aparılır. İddia sənədində göstərilən obyektin qanunvericiliyin tələblərinə uyğunluğu ekspertiza nəticəsində müəyyənləşdirildikdə iddia sənədinin müvafiq icra hakimiyyəti orqanının rəsmi bülletenində dərc olunması barədə qərar qəbul edilir və iddia sənədi üzrə materiallar dərc olunur. Patent verilməsindən imtina edilməsi haqqında qərar çıxarılarkən bu barədə Apellyasiya Şurasına şikayət verilə bilər. Azərbaycan Respublikası ərazisində patentin qüvvədə olma müddəti iddia sənədinin müvafiq icra hakimiyyəti orqanına verildiyi gündən etibarən aşağıdakı kimi müəyyənləşdirilir, ixtira üçün 20 il, faydalı model üçün 10 il, sənaye nümunəsi üçün 10 il. Onu da qeyd edək ki, patent və ya əmtəə nişanları və coğrafi göstəricilər üçün qeydiyyat şəhadətnaməsinin alınması üçün iddia sənədləri elektron qaydada təqdim oluna bilər.²¹ Əgər siz bazara yeni mal (xidmət, iş) çıxaracaqsınızsa, bu zaman həmin malı əmtəə nişanı vasitəsilə haqsız rəqabətdən qoruya bilərsiniz. Əmtəə nişanı sahibkarın əmtəələrini və ya xidmətlərini digər sahibkarın əmtəələrindən və ya xidmətlə- rindən fərqləndirən və qrafik təsvir edilən nişan və ya nişanların hər hansı bir uzlaşmasıdır. Əmtəə nişanını qeydiyyata aldırmaq üçün eynilə patent alarkən olduğu kimi, şəxs Standartlaşdırma, Metrologiya və Patent üzrə Dövlət Komitəsinə iddia ərizəsi 192 h p://www.e-xidmet.azstand.gov.az elektron müraciət üçün 21 h p://www.azstand.gov.az/?id=25&sub_id=100&lang=1 – buradan ərizənin formasını yükləyə bilərsiz. 22 verilməlidir.²² Əmtəə nişanının qeydiyyata alınmasının aşağıdakı üstün cəhətləri vardır: 1. Əmtəə nişanının qeydiyyata alınması sahibkarın fiziki və ya hüquqi şəxslərə təklif etdiyi əmtəə və ya xidmətlərin digər şəxslərin oxşar əmtəə və xidmət növlərindən fərqlənməsinə imkan yaradacaqdır. 2. Belə bir qeydiyyata alınmış fərqlənmə özlüyündə haqsız rəqabətin qarşısını alacaqdır. 3. Əmtəə və ya xidmətlərin əmtəə nişanı ilə “sığortalan- ması” onların dəyərinə təsir edir, rəqabət qabiliyyətinin yüksəldilməsinə səbəb olur. 4. Başqa şəxslər tərəfindən sahibkarın əmtəə nişanından istifadə etməklə kontrafakt məhsula, yəni əmtəə nişanları, coğrafi göstəricilər və ya onları qarışdıracaq dərəcədə oxşar nişanlarla qeyri-qanuni təchiz olunan mallara görə sahibkara dəyən zərərin əvəzinin ödənilməsini tələb etmək hüququ yaranacaqdır. 5. Əmtəə nişanı müvafiq icra hakimiyyəti orqanında qeydiyyata alındıqdan sonra qanunla qorunur və əmtəə nişanının qüvvədə olduğu müddətdə nişan sahibinin Azərbaycan Respublikasının ərazisində onun barəsində sərəncam verməyə və ondan istifadə etməyə müstəsna hüququ vardır və s. VIII. İştirakçının şirkətdən çıxma qaydası. Məhdud məsuliyyətli cəmiyyətin iştirakçısı onun digər iştirakçılarının razılığından asılı olmayaraq istənilən vaxt cəmiyyətdən çıxa bilər. Məhdud məsuliyyətli cəmiyyətdən çıxan iştirakçıya, əgər cəmiyyətin nizamnaməsində ayrı qayda nəzərdə tutulmayıbsa, həmin iştirakçının nizamnamə 193 kapitalındakı payına uyğun əmlak hissəsi ödənilir. Çıxan iştirakçının cəmiyyət ilə razılaşmasına əsasən əmlakın dəyərinin ödənilməsi əmlakın naturada verilməsi ilə əvəz edilə bilər. Cəmiyyətin əmlakının çıxan iştirakçıya düşən hissəsi və ya onun dəyəri iştirakçının çıxdığı məqamda tərtib edilən balans üzrə müəyyənləşdirilir. Əgər məhdud məsuliyyətli cəmiyyətin nizamnamə kapitalına maya kimi əmlakdan istifadə hüququ verilmişdirsə, müvafiq əmlak cəmiyyətdən çıxan iştirakçıya qaytarılır. Həmin əmlakın normal aşınma nəticəsində dəyərinin azalmasının əvəzi ödənilmir. Cəmiyyət iştirakçısının vərəsəsi və ya onun iştirakçısı olan hüquqi şəxsin hüquq varisi cəmiyyətə daxil olmadıqda onunla hesablaşmalar bu maddənin qaydalarına uyğun aparılır. IX. Ümumi məsləhətlər. Sahibkarlıq fəaliyyətinə verilən anlayışdan da aydın olur ki, məqsəd mənfəət əldə etməkdən ibarətdir. Şirkətin gəlirləri hər hansı mal satışından, işlər görülməsindən, xidmətlər göstərilməsindən yaranır, bu zaman təbii olaraq müqavilələr meydana çıxır. Müqavilə tərəflərin müstəqil iradə ifadəsidir və onun predmeti ilə bağlı münasibətləri tənzimləyir. Müqavilələrin əsas strukturu Mülki Məcəllədə əks olunsa da, tərəflərin razılığı ilə bütün riskləri və əlavə yarana biləcək münasibətləri də tənzimləyən müddəalar əks oluna bilər. Ölkəmizdə adətən müqaviləni tərəflərin biri hazırlayır, digər tərəfə göndərir və çox vaxt hüquqşünası olmayan şirkətlərdə müqavilə elə təqdim olunduğu formada da imzalanır. Doğrudur, kiçik müəssisələrdə müqavilələr ən sadə formada tərtib olunur və Mülki Məcəllənin əsas tələblərini əks etdirir. Lakin bu heç də həmişə təhlükəsiz olmur. Alınan-satılan maldan, görülən işdən, göstərilən xidmətdən asılı olmayaraq qarşı tərəfdən təqdim olunan müqavilələr diqqətlə oxunmalı, 194 risklər dəyəndirilməlidir. Əsas diqqət, tərəflərin hüquq və vəzifələrinə, müqavilənin məbləğinin ödənilmə şərtlərinə və qaydalarına, tərəflərin hansı hallarda məsuliyyət daşımasına, alınan-satılan malların, görülən işlərin və göstərilən xidmətlərin keyfiyyətinə, keyfiyyətə təminat məsələlərinə yetirilməlidir. Aydın olmayan və ya ümumiyyətlə göstərilməmiş hallarla bağlı tərəflər razılaşmalı və müqavilədə həmin halları əks etdirməlidirlər. Bundan başqa, şirkətin gələcək inkişaf perspektivini dəyərləndirmək və müəyyənləşdirmək üçün hüquqi problemlər araşdırılmalı, mütəxəssislərdən məsləhətlər alınmalı, ekspertlərə müraciət olunmalı və onların rəyləri ciddiyyətlə nəzərə alınmalı, əməkdaşların fəaliyyətinə nəzarət həyata keçirilməli, mütəmadi xidməti hesabat alınması təmin olunmalıdır. MMC-lər üçün qanunla məcburi audit tələbi vardır. Auditin xidmətindən istifadə etməklə şirkətin maliyyə, vergi, mühasibat uçotu sahəsində mövcud durum, risklər və gələcək inkişaf perspektivi məsələlərini aydınlaşdırmaq imkanı yaranır. X. İstehlakçının hüquqları. Əgər ortada hər hansı satılan mal, yerinə yetirilən iş və göstərilən xidmət varsa, deməli onun istehlakçısı da var. Və istehlakçıların qanunvericiliyimizdə kifayət qədər hüquqları da mövcuddur. Hərçənd, bu hüquqları çox vaxt bilməməyimiz bizi onların təminatından məhrum edir. İstehlakçıların hüquqları geniş formada “İstehlakçıların hüquqlarının müdafiəsi haqqında” Qanunla tənzimlənir. Qanunda istahlakçıların istehlakçının malların (işlərin, xidmətlərin) lazımi keyfiyyətdə olmasına hüququ, qüsuru olan mal satılarkən istehlakçının hüquqları, iş görülməsinə və xidmət göstərilməsinə dair müqavilələrin şərtləri pozularkən istehlakçıların hüquqları, 195 Yüklə 37,98 Kb. Dostları ilə paylaş:
|