Varlığınla sevindirən Adamım,
yoxluğuna bil ki, tənhalığımla tək qalaraq ağlaram...
Sevgini bəxş edən doğma Adamım,
nifrətin doğarsa, yadlaşarsan, ağlaram...
Hər görüşə gecikmədən gələn Adamım,
bir gün görüşümə gəlməsən əgər, ağlaram...
Həyata qaytaran, murad Adamım,
bir gün ölsəm sənin üçün, ağlaram...
Gözlərin gözümə baxan Adamım,
o gözlər baxarsa bir başqasına, susub ağlaram...
Danışıb-gülməyi, dinləməyi, hər işi birlikdə görməyi öyrədən Adamım,
sussan, hər işdə sənsizlik olsa, anlaram səhvimi, içdən ağlaram...
Gəlişinlə gətirən mənə aydınlıq, işıq, Adamım,
aydınlıq yox olsa, dünyam qaralsa, bil ki, ağlaram...
İsti nəfəsində, sevgi dolu qəlbində məni isidən Adamım,
bir gün üşüsəm,
soyuqlasam,
xəstəlik taparam,
yenə ağlaram...
MİNİATÜR
Günel FƏRHADQIZI
Avstriyalı məşhur həkim, nevropotoloq, psixiatr
və psixoloq Alfred Adler (1870-1937) fərdi psixo -
logiya məktəbinin banisidir. Ziqmund Freydin ilk
tərəf daşlarından olsa da, sonradan aralarında ciddi
fikir ayrılıqları yarandığına görə ayrılıblar. Adleri
Freyddən ayıran ilk yanaşma fərqi Freydin hər bir
davranışı uşaqlıq vaxtı yaşanmış seksual səbəblərlə
bağlaması ilə bağlı olmuşdur. Adler belə düşünürdü
ki, insan ictimai varlıq olduğuna görə təkcə uşaqlıq
vaxtı yaşamış olduğu seksual komplekslərə görə
dərk edilə bilməz. Fərdin formalaşmasında mühüm
rol oynayan ictimai faktorlar – ailə və mühit amilləri
də nəzərə alınmalıdır. Bu amillər isə hər kəsdə
fərqli olduğuna görə hər bir fərd öz yaşayış şərtləri
daxilində qiymətləndirilməlidir. Bununla da Adler
psixoanaliz elminə “fərdi psixologiya” və ya “indi-
vidual psixologiya” anlayışını gətirmişdir.
Adlerə görə, insan hələ dili yenicə söz tutmağa
başladığı dövrdən özünə bir “həyat planı”
müəyyənləşdirir və körpəlikdəki bu yaradıcı başlanğıc
sayəsində həyatına necə istiqamət verəcəyini
qərarlaşdırır. Sonrakı vaxtlarda isə mühitə bağlı
olan, eləcə də fərdi amillərdən istifadə etməklə bu
planı həyata keçirməyə çalışır. Adlerin fərdi
psixologiya nəzəriyyəsinə görə, fərd bölünməz bir
bütöv təşkil edir. Bu bütövlüyü təmin edən isə onun
yalnız özünə aid olan “həyat planı” və ya “həyat
tərzidir”. “Həyat tərzi” insanın özü və mühiti
haqqındakı qənaətlərinə əsaslanır və insan fəaliyyətini
istiqamətləndirir.
Adlerin görüşlərində diqqəti çəkən daha bir
nəzəriyyə də “natamamlıq kompleksi” və ya
“çatışmazlıq kompleksidir”. Fərd içində yaşadığı
mühitin ona göstərdiyi mənfi münasibətlər nəticəsində
“çatışmazlıq duyğusu”na qapılır və sonradan bu
duyğu “natamamlıq kompleksi” və ya “çatışmazlıq
kompleksi” vəziyyətinə gəlir. Daha çox fiziki
qüsurları olan insanların “natamamlıq kompleksi”
daşıdıqlarını iddia edən Adler bu kompleksi inkişafın
təkanverici gücü olaraq qiymətləndirmiş, fərdlərin
bu duyğularını təmin etmək üçün elmdə, sənətdə
və müxtəlif fəaliyyətlərdə uğur qazandıqlarını
söyləmişdir. Adlertə görə: “Çatışmazlıq, etimadsızlıq
və təmin olunmamaq duyğuları həyatda bir məqsədin
ortaya çıxmasına və formalaşmasına şərait yaradır.
Uşaqda hələ ilk günlərdən ön plana çıxmaq, ana və
atanın diqqətini üzərinə çəkmək, onları buna məcbur
etmək xüsusiyyəti özünü göstərir. Bu cür davranışlar
insandakı hörmətə layiq olmaq meylinin ilk
əlamətləridir”. Çatışmazlıq duyğusunun ifrat şəkildə
aradan qaldırılması zamanı isə fərd “üstünlük kom-
plek”sinə tutulur. Burada da təhrikedici güc
“çatışmazlıq duyğusudur” və həmin duyğu “ça
-
tışmazlıq kompleksinə” və ya çatışmazlığın ifrat
həddi olan “yüksəklik kompleksi”nə yol açanda
nevroz əlamətləri özünü göstərməyə başlayır. (Bu
barədə daha ətraflı bax: Ferda Atlı. Edebi metnin
ve yaratıcılığın kaynağına ulaşan yol: psikanalitik
edebiyat eleştirisi)
Diqqətinizə təqdim etdiyimiz “Dostoyevski”
məqaləsi Alfred Adlerin psixologiya elmində əldə
etmiş olduğu qənaətləri bədii mətnlə təsdiqləmək
cəhdinin ifadəsi hesab edilə bilər. Psixoanalitik
nəzəriyyədə xüsusi yeri olan bu məqalə 1918-ci
ildə yazılıb. Bundan 9 il sonra - 1927-ci ildə isə
Adlerin müəllimi və sonradan fikir əleyhdarı olmuş
Ziqmund Freyd məşhur “Dostoyevski və ata qatilliyi”
məqaləsini yazacaqdı...
Alfred ADLER
Dmitri Karamazovun Sibirdə, yer altındakı
şaxtada ümid etdiyi şey əvvəli-sonu olmayan bir
ahəngin mahnısını oxumaqdır. Günahı olmayan
müqəssir ata qatili dinə gəlir və öz qurtuluşunu hər
şeyi bağışlayan ahəng içində tapır.
№10 (569) oktyabr 2016
I
71
MƏTİ OSMANOĞLU TƏQDIM EDİR
Gənc yazarlar üçün nəzəriyyə dərsi
PSİXOANALİTİK
NƏZƏRİYYƏ
Əlyazma xəttinin
hər əyrisinə məna verməyi
bacaran, düşüncələrini heç çətinlik çəkmədən dilə
gətirə bilən və başqalarının ağlından keçənləri dərhal
başa düşən knyaz Mışkin şirin-şirin gülümsəyərək
deyir: “On beş ildi mən idiot idim”. Bundan da
böyük ziddiyyət ağıla gətirə bilmərik.
Təcrübələrin, kollektiv duyğusunun və yaşamış
olduğu həyatın qoyduğu sərhədi aşmağa cəhd
etməzdən öncə Raskolnikov yatağının içində bir
aydan artıq düşünür: “Mən kiməm - Napoleon
kimi bir insan, yoxsa bir zavallı?”. Burada da yenə
böyük ziddiyyət görürük. Üstəlik, bu bizim də
qoşulduğumuz və içimizdə hiss etdiyimiz ziddiyyətdir.
Eyni vəziyyəti həm Dostoyevskinin yaratdığı
digər qəhrəmanlarda, həm də onun öz həyatında
görürük. Dostoyevski ata ocağından “dəli-dolu bir
oğlan kimi” qaçmışdır. Ancaq atasına və yoldaşlarına
yazdığı məktubları oxuyanda həmin məktublarda
qeyri-adi bir sadəliyin, üzüyolalığın və daha çox da
faciəvi bir taleyi boynuna aldığının şahidi oluruq.
Dostoyevkski aclığı, səfaləti, dərdi çox görmüşdü.
Yaşadığı ömür bir səyyah həyatını xatırladır. Dəli-
dolu gənc olan Dostoyevski “Yeniyetmə”dəki müdrik
din gəzgini Zosima kimi xaç götürüb bilik qazanmaq,
bütün təcrübələri yaşamaq və insan həyatını hiss
etmək, həyatın bütün pillələrindən keçmək və
həqiqəti tapmaq, yeni bilik əldə etmək üçün addım-
addım irəliləmişdir.
Qəlbində bu cür ziddiyyətlər daşıyan, bu cür
ziddiyyətləri bir araya gətirib uyğunlaşdırmaq istəyən
bir şəxs daxili rahatlığa qovuşmaq ümidi ilə yaşayırsa,
dərinliklərə baş vurmalıdır. Çünki onun başına hər
cür fəlakət gələcək, hər cür ağrı-acını yaşamaq
məcburiyyətində qalacaq. Ən əhəmiyyətsiz yaşan -
tıların belə öz həyat formuluna nə qədər uyğun
olduğunu başa düşməyə çalışacaq və bunu edəcəkdir.
Bütün varlığı onu həyat barədə bir görüş yaratmağa
vadar edəcək. Yalnız bunu etdiyi zaman ucsuz-
bucaqsız tərəddüdlərdən yaxa qurtarıb daxili rahatlığa
qovuşub özünə inana bilər.
Daxili rahatlığa qovuşmaq üçün həqiqətə çatmaq
lazım gəlir. Ancaq həqiqətə aparan yol daş-kəsəklidir:
dözüm və iradə, böyük əmək - həm vücudun, həm
də ruhun hazırlıqlı olmasını tələb edir. Bundan
ötrü mövqeyi son dərəcə asan başa düşülən insanlarla
müqayisədə bu tərəddüdlü araşdırıcının gerçək
həyata, həyatın məntiqinə, insanların birgə yaşayışına
daha artıq yaxınlaşmış olduğuna gərək təəc
cüb
-
lənməyəsən.
Dostoyevski yoxsulluq içində yaşamışdı, ancaq
öləndə onu son mənzilə bütün Rusiya yola saldı.
İşləməkdən xoşu gələn, həyat sevinci ilə dolub-
daşan, həm özünü, həm də yoldaşlarını durmadan
cəsarətləndirən Dostoyevski əlini-qolunu bağlayan
o qorxunc xəstəliyin, epilepsiyanın əsiri idi. Tobolskda
dörd il ayaqları zəncirlənmiş dövlət “canisi”; ondan
sonra da Sibir hərbi birliyində dörd il məcburi
xidmət etmiş residivist - bu zadəgan əsilli əzabkeş
insan məhbusluğunu başa vurduğu zaman öz-özünə
deyir: “Verilən cəzaya layiq idim, çünki ürəyimdə
hökumətə qarşı pis niyyət bəsləyirdim, ancaq
təəssüflər olsun ki, indi nəzəriyyə üçün, mənə
bundan sonra adiyyəti olmayan bir iş üçün əzab
çəkməliyəm”. Dostoyevskinin zamanında Rusiyanın
ictimai həyatında bir çox ziddiyyətlər ortaya çıxmışdı.
O, tanınmağa başladığı vaxt təhkimli kəndliləri
azad etmək hər kəsi düşündürürdü. Dostoyevski
uşaqlara, əziyyət çəkənlərə, “alçaldılmışlara və
təhqir edilmişlərə” hər zaman yaxınlıq hiss edirdi.
Yoldaşlarının bildirdiklərinə görə, müalicə üçün
gələn dilənçilərlə tez və asanlıqla həmdərd olur,
onları evinə çağırıb dərdlərini başa düşməyə və
vaxtlarını xoş keçirmələrinə çalışırmış. Odur ki,
həbsxanada olarkən Dostoyevskini ən çox narahat
edən şey digər məhbusların ona zadəgan kimi
yanaşmaları və onu özlərinə yaxın hiss etməmələri
idi. Onun ən çox arzuladığı şey həbsxana həyatının
mənasını başa düşmək; təhlil etmək, daxili qaydalarını
və başqaları ilə dostluq qura bilmək imkanlarının
sərhədlərinin genişliyini öyrənmək idi. Böyük
insanların çoxu kimi, Dostoyevski də sürgünlüyünü,
hətta ən əhəmiyyətsiz və cansıxıcı şərtlər altında
belə ətrafındakı insanlara həssaslıq göstərməyə sərf
elədi. Sürgünlüyündən həyatının daxili əlaqələri
haqqında bilgi əldə etmək və bir an ayaq saxlayıb
öz varlığını yıxmaq istəyən, onun özünü çaşqına
çevirən bütün ziddiyyətləri sintez halında bir yerə
toparlamaq üçün istifadə etdi.
Psixi ziddiyyətlərinin qeyri-müəyyənliyi içində
bütün səylərini məqbul bir həqiqət tapmağa həsr
elədi. Dostoyevski gah hər şeyə etiraz edir, gah da
hər şeylə razılaşırdı. Uçurumların qaşına qədər gəlir
və qorxuyla geri çəkilirdi. Həqiqətə çata bilmək
üçün günahı özünə bələdçi seçmişdi. Dostoyevskinin
əsas prinsipi, həmin prinsipi açıq şəkildə dilə
gətirdiyi zaman da həqiqətin üstünə öncə günah
yolu ilə getmək idi. Bu baxımdan, Dostoyevski
“qərb mədəniyyəti” deyilən şeyə düşmən kəsilmişdi.
Çünki onun nəzərində qərb mədəniyyəti həqiqət
yolu ilə gedib günaha batmaqdan başqa bir şey
72
I
ULDUZ