deyildi. Dostoyevskinin həqiqətə qovuşması üçün
daim qəlbində çarpışan ziddiyyətləri birləşdirməsinə,
yəni yaratdığı obrazlarda özünü göstərən, həm onu,
həm də qəhrəmanlarını təhlükə altına qoyan
ziddiyyətləri uyğunlaşdırmasına ehtiyac var idi.
Beləliklə, Dostoyevski şair və peyğəmbər rolu
oynamağı da bu anlayış içində qəbul etmiş və öz
mənliyinə qarşı duyduğu sevgiyə sərhəd qoymağa
səy göstərmişdi. Dostoyevskiyə görə, insanı haldan
çıxardan güclü olmaq halının sərhədləri insanın
yaxınlarına bəslədiyi sevgiylə müəyyənləşir. Onu
həqiqi hərəkətə gətirən şey qəti bir güclü olmaq
istəyi, buyruq verə bilmək halına çatmaq sevgisi
idi.
Bütün həyatı tək bir formul içində cəmləşdirə
bilmək səyi göstərəndə belə, bu üstün olma istəyinin
əlamətləri açıq-aydın görünür. Qəhrəmanlarının
bütün hərəkətlərində onları öz mənliklərindən
yüksəyə qaldıran, hərəsini bir Napoleon olmağa
yönəldən, dərin uçurumların qaşına gəlib oradan
üzüaşağı yıxılmaq təhlükəsi içində bir an ayaq
saxlamağa məcbur edən bir təhrik vardır. Özü barədə
belə deyir: “Mən tənbeh olunacaq qədər gözü
yüksəkdə olan bir insanam”. Bununla birlikdə, Dos-
toyevski gözünün yüksəkdə olmasını müəyyən bir
ölçüyə qədər cəmiyyətə xeyirli bir şey halına
gətirmişdir. Qəhrəmanlarını da eyni şəkildə
istiqamətləndirmiş və onların cəmiyyətdə bir arada
yaşamağın məntiqi gerçəkliyinin sərhədlərini
dəlicəsinə aşmalarına izn vermişdir. Qəhrəmanlarının
hamısını özündənrazılığa və görünüşə aldanmağa
təhrik edərək həyatın ən son sərhədlərinə qədər
gətirmiş, üzərlərinə ən böyük pislikləri yağdıraraq
yenidən insan təbiətinin sərhədləri içinə geri qaytarmış
və onlara ölçüsü-biçisi, nizamı yerində olan şükran
nəğmələri oxutmuşdur. Dostoyevskinin əsərlərində
ən çox rast gəldiyimiz sözlərdən biri “sərhəd”dir.
Çox vaxt divar görüntüsü yaradır. Özü barədə bəzən
belə deyir: “Mən fantastik olanın başladığı yerə
qədər uzanan gerçəyin sərhədlərinə çatmaqdan çılğın
bir həzz alıram”. Xəstəlik tutmalarını o, yaşamaq
duyğusunun son sərhədinə qədər aparıb çıxaran
çılğın bir həzz kimi təsvir etmişdir. Bu tutmalarda
özünü Tanrıya lap yaxın hiss etdiyini və bir addım
atsa, həyatla bütün əlaqəsinin kəsiləcək olduğunu
söyləmişdir. Dostoyevskinin yaratdığı qəhrəmanların
həyatında tez-tez rastlaşdığımız bu vəziyyət çox
dərin məna daşıyır. Dostoyevskinin peyğəmbərliklə
irəli sürdüyü təlimə inansaq, yaxın insana bəslənilən
sevgi ilə qəhrəmanlığın sintez halında birləşdiyini
qəbul etməliyik. Sanki onun yaratdığı qəhrəmanlar
və bu qəhrəmanların taleləri həmin sərhəddə sona
çatır. Dostoyeski də eyni sərhədə qədər getmək fik rin -
dədir. Oraya çatdığı zaman insan qardaşına qarşı
duyduğu sevgidə həyatın ən böyük dəyərini tapacağını
hiss edir. Dostoyevski bunun üçün həmin sərhədi
böyük dəqiqliklə cızmışdır, ondan öncə çox az adam
bunu bacara bilmişdir. Bu məqsəd yaradıcılıq və əxlaq
fəlsəfəsi baxımından tamamilə fərqli məna daşıyır.
Onun özü və yaratdığı qəhrəmanlar insan yaşan -
tısının ən son hüduduna qədər gedib çıxırlar. Oraya
çatdıqları zaman Dostoyevski uzun düşüncələrdən
sonra onların Tanrı önündə baş əydiklərini, çara və
Rusiyaya kor-koranə bağlandıqlarını qeyd edir.
Sərhəd duyğusu adlandıra biləcəyimiz bu hissin
(bu hiss Dostoyevskini pisliklərlə dolu bir həyat
yaşamağa, bəzən də ayaq saxlayaraq nə baş verdiyini
görə bilmək üçün yan-yörəsinə baxmağa vadar
etmişdir, tanışlarından bir çoxunun qeyd etdiyi kimi,
onda qoruyucu bir günahkarlıq duyğusu yaratmışdır)
haradan yarandığını heç onun özü də bilmirdi. İşin
qəribə tərəfi də bu idi ki, həmin duyğunun nevroz
tutmaları ilə əlaqəli olduğunu deyirdi. Dostoyevskiyə
görə, insan aldadıcı eqoizm sayəsində ictimailik
duyğusunu aşdığı zaman Tanrı işə qarışır və insanı
öz-özü ilə hesablaşmağa təhrik edən səslər eşidilir.
Törədəcəyi cinayət üzündən dərin düşüncələrə
qapılan insan üçün hər şeyin qanuni olduğu fikrini
irəli sürən, hansı silahdan istifadə edəcəyini əvvəlcədən
planlaşdıran Raskolnikov sərhədi aşmazdan öncə
yatağının içində aylar uzunu düşünüb-daşınır. Nəhayət,
cinayəti törətmək üçün baltanı paltosunun ətəyi
altında gizləyib pilləkənlə yeyin-yeyin irəliləyərkən
ürəyinin döyündüyünün fərqinə varır. Bu ürək
döyüntüsündə bizə həyatın səsi tanış gəlir. Bu ürək
çırpıntılarında həm də Dostoyevskinin həyatın
sərhədləri ilə əlaqəli duyğuları ifadə olun muşdur.
Yazdığı əsərlərin çoxunda yaxın insanların sevgi
sərhədlərini pozan tək-tənha qəhrəman deyil,
anlaşılmaz bir səviyyəyə yüksələn və qəhrəmancasına
ölən insan təqdim olunur. Dostoyevskinin
əhəmiyyətsiz olana, dəyər verilməyənlərə qarşı
bəslədiyi sevgi barədə bundan əvvəl bəhs etmişdim.
Bu vəziyyətlərdə aşağı təbəqədən olanların,
fahişələrin, uşaqların roman qəhrəmanı kimi
götürüldüklərini görürük. Bu tiplər Dostoyevskinin
idarə etdiyi dərk edən insan qəhrəmanlığının sonsuz
hüduduna gələnə qədər böyüyür və yüksəlirlər.
Dostoyevski uşaqlığı boyunca icazə verilən ilə
qadağan olunan arasındakı sərhədi açıq-aydın
№10 (569) oktyabr 2016
I
73
görmüşdü. İlkin yeniyetməlik illərində də bu vəziyyət
dəyişməmişdi. Bir yandan xəstəliyinin səbəb olduğu
imkansızlıqlarla üzləşməsi, digər yandan da edam
edilməkdən son anda xilas olması və sürgünə
göndərilməsi kimi müdhiş amillərin təsiri altında
qalmışdı. Sərt və özündən razı olan atası Dos-
toyevskinin uşaqlıq vaxtı dikbaşlığını və
qürurluluğunu aradan qaldırmaq üçün əlindən gələni
etmiş və ifrat sərtliklə onu keçilməsi qadağan olan
sərhəd cizgisinə qədər gətirib çıxarmışdı.
“Peterburq yuxuları” adlanan ilk əsərlərindən
biri yaradıcılığının başlanğıcında yazıldığına görə
burada bir davranış formasını açıq ifadə etdiyinə
ümid bəsləyə bilərik. Bir sənətkarın psixoloji
vəziyyətindən məntiqi nəticələr çıxarmaq o zaman
mümkün ola bilir ki, həmin nəticələr yazıçının ilk
yazıları, əsərlərinin ilkin planları ilə sonrakı
yaradıcılığının əlaqəli şəkildə araşdırılmasından
əldə edilmiş olsun. Bununla birlikdə onu da
unutmamalıyıq ki, sənət əsəri yaratmağın yolu həyat
mübarizəsinin ucundan keçir. Bu baxımdan,
cəmiyyətin normal istəkləri ilə üzləşərkən hər bir
sənət adamının arxaya dönəcəyini, dayanacağını və
geri çəkiləcəyini söyləyə bilərik. Heçlikdən, daha
doğrusu, həyatın gerçəkliklərinə qarşı göstərdiyi
tərəddüd dolu davranışdan bir dünya yaradan və
həyatın praktik tərəfi ilə cavablar verməkdən daha
çox anlaşılması çətin olan sənət əsərləri ortaya
qoyan bir sənətkar həyatdan çəkinir və Dos-
toyevskinin qeyd etdiyi kimi, “mən sadəcə bir
mistik, bir fantazyoram”, - deyir.
İnsan fəaliyyətinin hansı nöqtəsi üzərində
dayandığını müəyyənləşdirməklə Dostoyevskinin
şəxsiyyəti haqqında təxmini fikir irəli sürə bilərik.
Dostoyevski bunu aşağıdakı parçada kifayət qədər
aydın göstərir: “Nevaya yaxınlaşanda bir az ayaq
saxladım ki, çaya, dumanlı soyuq havaya və qürubun
son qızartılı ləkələrinin qeyb olduğu naməlum
uzaqlığa göz gəzdirim”. Sonra yeyin-yeyin evinə
gedib normal insan kimi Şillerin qadın qəhrəmanları
barədə xəyala dalır. “Ancaq gerçək Amalyanın heç
fərqində olmadım, çünki o mənimlə birlikdə
yaşayırdı”. Eşqdən zəhərlənərək dərd çəkməyə
üstünlük verir və dərd çəkməyi həyatın bütün
zövqlərindən üstün tutur. “Amalya ilə evlənsəydim,
mütləq bədbəxt olacaqdım”. Dünyandakı ən sadə
şey də elə bu deyilmi? Şair həyatın səs-küyündən
kifayət qədər uzağa çəkilərək röyalara və xəyallara
dalır; xəyala gətirilən eşqin verəcəyi həzzin
aşılmazlığını qavramaq üçün bir an ayaq saxlayır
və “gerçəkliyin xəyal gücü ilə qurulan istənilən
idealı məhv etdiyini” başa düşür. “Mən ki, Aya
getmək istəyirəm!” deyir. Bunun mənası tənhalıqda
qalmaq, dünya ilə heç bir əlaqə qurmamaq istəyini
göstərməkdir!
Beləliklə, yazıçının həyat yolu gerçəkliyə və
bu gerçəkliyin istəklərinə qarşı etiraz səciyyəsi
qazanır. Bu, “İdiot”da və ya “etiraz etmək gücü və
səsi olmayan” xəstə adamda gördüyümüz davranışdan
fərqlidir. Dostoyevski dərdə qarşı göstərdiyi dözüm-
lülüyün nə vaxtsa onun üstünlüyünün sübutu olacağını
bilmirdi. Onu sıxıntıya saldıqları və ya ona əzab-
əziyyət verdikləri, bununla da onu yolundan çıxmağa
məcbur etdikləri zaman içindəki normal adamı,
yıxıcı və üsyankar Qaribaldini tapmışdı. Tapanda
isə o vaxta qədər bir kəsin anlamadığı gerçəyi, yəni
tabe olmağın və özünü alçaltmağın yol veriləcək
son davranışlar olmadığını, bununla belə, qət edilməsi
lazım gələn bir “məsafə” olduğunu dərk etmişdi.
Bu gerçəyi Tolstoy da anlamışdı və dəfələrlə təkrar-
təkrar söyləsə də, başa düşməmişdilər.
Bu barədə danışmaq mümkündür, lakin hər
hansı həqiqi sirdən söhbət gedəndə bunu heç kəs
başa düşə bilmir. Həqiqətən də çirkli kağızlar
arasında 170000 rubl pul saxlayan, digər yandan da
aclıqdan öləcək və yoxsulluq içində yaşayacaq
şəkildə davranan Qarpaqon Solovyevin nəyin
intiqamını almaq istədiyini bir kimsə başa düşə
bilməzdi. Öz pişiyini, kirayənişinini və nökərini
evə salıb, qapını kilidləyərək hamını günahkar
çıxaranda öz içində, kim bilir, nə qədər sevinc
duymuşdu. Puldan başqa qüvvə tanımayanların və
ondan başqa heç nə üçün yalvarmayanların hamısına
hökm edərək onları yalvartmışdı. Lakin bu onda
həqiqi bir məsuliyyət hissi formalaşdırmasına və
öz həyatına qarşı metodik bir təzyiq göstərməsinə
səbəb oldu. Bu təzyiq metodunu həyata keçirə
bilmək üçün özü də ac qalmalı, acından öləcək
vəziyyətə düşməli idi. “O, bütün istəklərindən
yüksəkdə idi”. Buna çatmaq üçün dəli olmasımı
gərək idi? Əslində, o bunu da edir. Bununla da o
zaman insanlığa, insanların sərvət düşkünlüyünə
nifrətini nümayiş etdirə və heç bir məsuliyyət hiss
etmədən özünə yaxın olan hər kəsi alçalda bilərdi.
Onu yüksək cəmiyyətə aparan hər şeyin ixtiyarını
öz əlində saxlayır. Bir anlıq ayaq saxlayır, öz sehrli
çubuğunu zibil qabına atır və özünü bütün insanlardan
yüksəkdə hiss edir. Dostoyevskinin həyatındakı ən
güclü xətt, bizə elə gəlir ki, budur və onun böyük
əsərlərinin hamısı bu yolda olmalı idi: fəaliyyət
74
I
ULDUZ