Ümumi İqtisadi tarazlıq
Satıcılar və alıcılar, istehsalçılar və istehlakçılar arasında uzlaşımış qarşılıqlı
əlaqələr təsərrüfat tipindən asılı olmayaraq həmişə mövcud olmuşdur. Lakin bu
münasibət və əlaqələr heç də həmişə taraz olmur. Bu da iqtisadiyyatın mövcudluq halı
adlanır.
Tələb və təklif arasındakı bərabərliyə uyğun qiymətlər taraz qiymətlərdir. Tarazlıq
qiyməti həmçinin istehsalçı və istehlakçının iqtisadi baxımdan faydalı fəaliyyətini təmin
edən qiymətdir. Satıcı və alıcı əvvəlcədən müəyyənləşdirdikləri faydalığı tarazlıq qiyməti
vasitəsi ilə həyata keçirir.
Nəzərə almaq lazımdır ki, iqtisadi sistemin normal halı iqtisadiyyatın ümumi tarazlıq
vəziyyətində olması deyil. Makroiqtisadi tarazlığın təmin olunması üşün ayrı-ayrı fərdi
bazarlarda tarazlığın yaranması şərt deyil. Cəmiyyətin iqtisadi resurslarının nə dərəcədə
tam istifadə olunması, istehsalın tarazlıq həcminin nə dərəcədə əmək ehtiyatlarının
məşğulluğu və istehsal güclərinin potensialına uyğun gəlməsi makroiqtisadi tarazalığı
səciyyələndirən xüsusiyyətlərdir.
Ümumiyyətlə iqtisadi tarazlıq dedikdə iqtisadi resurs və tələbatlar arasındakı
uyğunluq problemi başa düşülür. Bu zaman tam uyğunluq halı ola bilməz. Bu tələbatların
həmişə ehtiyatlar artıq olması ilə bağlıdır. Tələbatların məhdudlaşdırılması şərti ilə
ehtiyatların optimal istifadəsi əsasında ümumi tarazlıq təmin edilə bilir.
Tarazlıq modeli marjinalizm məktəbinin nümayəndəsi olan L.Valrasın adı ilə bağlıdır.
Bu modeldə ümumi iqtisadi tarzalığa ən mükəmməl hal kimi baxılır. O qeyd etmişdir:
“Ümumi iqtisadi tarazlıq yalnız müəyyən şərtlər ödəndikdə mümkündür”.
Valrasın modeli olan tarazlıq modeli çox güclü riyazi model əsasında tərtib
olunmuşdur. Onun nəzəriyyəsinin gücü də bundan irəli gəlir. Valras hesab edir ki,
makroiqtisadi tarazlığı yalnız müəyyən zəruri şərtlər yerinə yetirildiyi və ödənildiyi
zaman təmin oluna bilər. O, iqtisadi əlaqələrin funksional asılılığını təhlil etmiş və son
məhsuldarlığa nail olmağın yollarını şərh etmişdir. Lakin ümumi tarazalıq nəzəriyyəsini
yalnız Valras təlimi məhdudlaşdırmaq düzgün olmaz. Çünki A.Marşal, C.Klark və
C.Robinson kimi görkəmli iqtisadçılar ümumi tarazlıq nəzəriyyəsinin üzərində
çalışmışlar.
Bazar iqtisadiyyatının qanunauyğunluqlarına əsasən, tarazlıq məcmu tələb və məcmu
təklif arasındakı uyğunluğu əsasında özünü göstərir. Makroiqtisadi tarazlıq təmin
olunması, yəni məcmu tələb və məcmu təklif arasında nisbət qorunub saxlanılması
iqtisadi artıma gətirib çıxarır. Məcmu tələb, fərdi tələbdən fərqli olaraq, qiymətlərin
ümumi səviyyəsi və cəmiyyətdə pul təklifinin dəyişməsindən asılı olaraq müəyyənləşir.
Cəmiyyətdə pul təklifi, qiymətlərin ümumi nəzəriyyəsi, ümumi gəlirlər və digər nu
kimi amillərlə müəyyən olunan mürəkkəb hadisə məcmu tələbi ifadə edir. Məcmu tələb
əhalinin, müəssisələrin və dövlətin qiymətin ümumi səviyyəsinə uyğun ala biləcəyi əmtəə
və xidmətlərin cəmindən ibarətdir. Faiz dərəcəsi effekti, varlılıq effekti və idxal
məhsulları effekti məcmu tələbi şərtləndirən cəhətlərdir. Məcmu tələb mikro və makro
səviyyədə baş verən dəyişikliklərlə şərtlənir. Məcmu tələb dörd əsas tərkib hissədən-