Unibank kommersiya banki 31 dekabr 2013-CÜ İl tariXİNƏ BİTƏN İL ÜZRƏ
Yüklə 3,53 Mb. Pdf görüntüsü
|
- Bu səhifədəki naviqasiya:
- UNİBANK KOMMERSİYA BANKI 31 DEKABR 2013-CÜ İL TARİXİNƏ BİTƏN İL ÜZRƏ KONSOLİDƏ EDİLMİŞ MALİYYƏ HESABATLARINA QEYDLƏR (DAVAMI)
- 31 dekabr 2013-cü il 31 dekabr 2012-ci il
- Müsadirə edilmiş girov
- Kreditlə bağlı öhdəliklər
- Kapital ehtiyatları
- Mühüm mühasibat uçotu mühakimələri və təxminlərlə bağlı qeyri-müəyyənliyin əsas mənbələri
UNİBANK KOMMERSİYA BANKI 31 DEKABR 2013-CÜ İL TARİXİNƏ BİTƏN İL ÜZRƏ KONSOLİDƏ EDİLMİŞ MALİYYƏ HESABATLARINA QEYDLƏR (DAVAMI) (Başqa qeydlər olmazsa min Azərbaycan Manatı ilə) 19
İlin sonunda konsolidə edilmiş maliyyə hesabatlarının hazırlanması zamanı Qrupun tətbiq etdiyi valyuta mübadiləsi məzənnələri aşağıdakı kimi olmuşdur:
31 dekabr 2013-cü il 31 dekabr 2012-ci il
AZN/1 ABŞ dolları 0.7845 0.7850
AZN/1 Avro 1.0780
1.0377
Qrup məqsədə müvafiq hesab olunan hallarda müştərilərin öhdəlikləri müqabilində girov alır. Girov adətən müştəri əmlakının həbs olunmasını nəzərdə tutur və Qrupa müştərinin həm cari, həm də gələcək öhdəlikləri ilə əlaqədar əmlaka qarşı iddianın irəli sürülməsi üçün əsas yaradır.
Müsadirə edilmiş girov dedikdə vaxtı keçmiş borclarla hesablaşma zamanı Qrup tərəfindən əldə edilən maliyyə və qeyri-maliyyə aktivləri başa düşülür. Aktivlər əldə edilən və bina və avadanlığa, digər aktivlər daxilində digər maliyyə aktivlərinə və ya inventara daxil edilən zaman həmin aktivlərin qaytarılması ilə əlaqədar Qrupun niyyəti və aktivlərin məzmunundan asılı olaraq ilkin olaraq ədalətli dəyərdə tanınır və həmin aktiv kateqoriyaları üzrə mühasibat uçotu qaydalarına əsasən yenidən ölçülür və hesablanır.
Müsadirə edilmiş girov satış dəyəri çıxılmaqla əvvəlki balans dəyəri və ədalətli dəyərdən ən aşağısı ilə ölçülür.
Qrup akreditivlər və maliyyə zəmanətləri daxil olmaqla kreditlə bağlı öhdəliklər qəbul edir. Maliyyə zəmanətləri müştərinin üçüncü tərəflərə öz öhdəliklərini yetinə yetirə bilməməsi və borc kimi eyni kredit riskini daşıyan öhdəliklər halında ödəniş etmək üçün qaytarılmaz təminatları nəzərdə tutur. Kredit vermək üçün maliyyə zəmanətləri və öhdəlikləri ilkin olaraq ədalətli dəyərdə tanınır ki, bu da alınan haqqın məbləği ilə isbat edilir. Bu məbləğ Qrupun konkret borc müqaviləsi bağlayacağı və verildikdən qısa müddət sonra krediti satacağı ehtimal edilməyən halda kredit vermə öhdəliyini istisna etməklə, öhdəliyin qüvvədə olduğu müddət ərzində düz xətt əsasında amortizasiya edilir; belə kredit öhdəliyi haqları təxirə salınır və ilkin tanınma zamanı kreditin balans dəyərinə daxil edilir. Hər bir hesabat dövrünün sonunda öhdəliklər a) ilkin tanınma zamanı məbləğin qalan amortizasiya edilməmiş qalığından yüksək və b) hər hesabat dövrünün sonunda öhdəlik üzrə hesablaşmaq üçün tələb olunan ən yaxşı xərc təxminindən yüksək məbləğlə ölçülür.
Qrupun maliyyə vəziyyəti haqqında konsolidə edilmiş hesabatında kapital (digər məcmu gəlir) üzrə qeyd edilmiş ehtiyatlara satılabilən investisiya qiymətli kağızlarının ədalətli dəyərində dəyişiklikləri təşkil edən “Satılabilən” ehtiyat daxildir.
Yuxarıda əks olunan mühasibat uçotu qaydalarını tətbiq edərkən, Qrup rəhbərliyindən digər mənbələrdən açıq əldə edilməsi mümkün olmayan aktiv və öhdəliklərin balans dəyərinə dair mühakimələr, hesablamalar və təxminlərin irəli sürülməsi tələb olunur. Hesablamalar və əlaqədar təxminlər keçmiş təcrübəyə və müvafiq hesab edilən digər amillərə əsaslanır. Faktiki nəticələr həmin təxminlərdən fərqli ola bilər.
Təxminlər və əsas götürülən fərziyyələr davamlı qaydada təhlil edilir. Mühasibat təxminlərinə olan düzəlişlər, belə düzəliş yalnız onun baş verdiyi dövrə təsir göstərdikdə həmin dövrdə, cari və gələcək dövrlərə təsir göstərdikdə isə, düzəlişin baş verdiyi və gələcək dövrdə tanınır. UNİBANK KOMMERSİYA BANKI 31 DEKABR 2013-CÜ İL TARİXİNƏ BİTƏN İL ÜZRƏ KONSOLİDƏ EDİLMİŞ MALİYYƏ HESABATLARINA QEYDLƏR (DAVAMI) (Başqa qeydlər olmazsa min Azərbaycan Manatı ilə) 20
Təxminlərlə bağlı qeyri-müəyyənliyin əsas mənbələri
Aşağıda gələcək dövrlərə aid əsas fərziyyələr və hesabat dövrünün sonuna təxminlərlə bağlı qeyri- müəyyənliyin əsas mənbələri göstərilir ki, bu da növbəti maliyyə ili ərzində aktiv və öhdəliklərin balans dəyərinə əhəmiyyətli düzəlişlərin edilməsi riskini daşıyır. Kreditlərin və debitor borclarının dəyərsizləşməsi
Qrup dəyərsizləşməni müəyyən etmək məqsədilə kreditləri və debitor borclarını mütəmadi olaraq nəzərdən keçirir. Qrupun kreditlər və debitor borcları portfelində baş vermiş dəyərsizləşmə üzrə zərərin tanınması üçün kreditlərin dəyərsizləşməsi üzrə ehtiyatlar yaradılır. Qrup kredit və debitor borclarının dəyərsizləşməsi üzrə ehtiyatlara dair mühasibat təxminlərini qeyri-müəyyənliyin mənbəyi hesab edir, çünki (i) onlar gələcək cərimə faiz dərəcələri barədə fərziyyələrin, eləcə də dəyərsizləşmiş kreditlər və debitor borcları ilə bağlı potensial itkilərin qiymətləndirilməsinin yaxın keçmişdəki fəaliyyət nəticələrinə əsaslanması səbəbindən vaxtaşırı olaraq dəyişikliklərə çox məruz qalır və (ii) Qrupun hesabladığı zərər ilə faktiki zərər arasında hər hansı əhəmiyyətli fərq müqabilində ondan gələcək dövrlərdə maliyyə hesabatlarına əhəmiyyətli dərəcədə təsir göstərə biləcək ehtiyatların qeyd edilməsi tələb oluna bilər.
Borcalanlar maliyyə çətinlikləri ilə üzləşdikdə və belə borcalanlara dair tarixi məlumat mənbələri az sayda olduqda, Qrup hər hansı dəyərsizləşmə üzrə zərərin məbləğini hesablamaq üçün rəhbərliyin mülahizələrindən istifadə edir. Eyni ilə, Qrup keçmiş fəaliyyət nəticələri, keçmiş müştəri davranışı, qrup daxilində borcalanın ödəniş etmə vəziyyətindəki mənfi dəyişiklikləri göstərən müşahidə oluna bilən məlumatlar, eləcə də qrup daxilində aktiv üzrə öhdəliyin yerinə yetirilməməsi halları ilə əlaqəli olan ölkə və yerli iqtisadi şəraitlərə əsaslanmaqla gələcək pul axınlarındakı dəyişiklikləri hesablayır. Rəhbərlik kredit riski ilə səciyyələnən aktivlər halında əvvəllər baş vermiş zərər üzrə keçmiş təcrübəyə və kreditlər qrupunda olduğu kimi dəyərsizləşməyə dəlalət edən obyektiv sübutlara əsaslanan ehtimallardan istifadə edir. Qrup tarixi məlumatlarda əksini tapmamış hazırkı vəziyyətlərin qeyd edilməsi məqsədilə kreditlər qrupu üzrə müşahidə oluna bilən məlumatlara düzəliş etmək üçün rəhbərliyin mühakimələrindən istifadə edir.
Konsolidə edilmiş maliyyə hesabatlarında maliyyə aktivlərinin dəyərsizləşməsi üzrə ehtiyat müddəasının daxil edilməsi mövcud iqtisadi və siyasi şəraitlərə əsasən müəyyən olunmuşdur. Qrup Rusiya Federasiyasında belə şərtlərlə hansı dəyişikliklərin baş verəcəyini və belə dəyişikliklərin gələcək dövrlərdə maliyyə aktivlərinin dəyərsizləşməsi üzrə ehtiyatlara necə təsir göstərəcəyini qabaqcadan söyləmək iqtidarında deyil.
31 dekabr 2013-cü və 2012-ci il tarixlərinə kredit və debitor borclarının ümumi məbləği müvafiq olaraq 613,193 min AZN və 429,555 min AZN, kredit dəyərsizləşməsi zərəri üçün ehtiyatların məbləği isə müvafiq olaraq 17,307 min AZN və 35,303 min AZN təşkil etmişdir. Maliyyə alətlərinin qiymətləndirilməsi 28 saylı qeyddə izah edildiyi kimi, Bank müəyyən növl maliyyə alətlərinin ədalətli dəyərini hesablamaq üçün müşahidə oluna bilən bazar məlumatlarına əsaslanmayan giriş məlumatlarından ibarət qiymətləndirmə üsullarından istifadə edir. 28 saylı qeyddə maliyyə alətlərinin ədalətli dəyərinin müəyyənləşdirilməsində tətbiq edilən əsas fərziyyələrə dair müfəssəl məlumat, eləcə də belə fərziyyələr üzrə həssaslıq təhlilinin təfərrüatları göstərilir. Rəhbərlik hesab edir ki, tətbiq olunan seçilmiş qiymətləndirmə üsulları və fərziyyələr maliyyə alətlərinin ədalətli dəyərinin müəyyən edilməsi üçün məqsədə uyğundur. Vergi qanunvericiliyi
Azərbaycan Respublikasının vergi, valyuta və gömrük fəaliyyəti haqqında qanunvericilikləri müxtəlif formada şərh oluna bilir. 27 saylı qeydə baxın.
Yüklə 3,53 Mb. Dostları ilə paylaş:
|