197
Intensiteti i këtyre detyrimeve ka karakter reostatik
621
, në kuptimin që konteksti i
detyrimit është një variabël në funksion të kompetencave teknike të secilës palë, të cilësisë së
palëve dhe të natyrës së shërbimit që do të ofrohet. Për shembull, detyrimi i këshillimit që ka
profesionisti është i nivelit të ndryshëm në varësi të cilësisë së bashkëkontraktuesit, nëse ky i
fundit është profan ose profesionist. Brenda këtij kuadri mund të hasim edhe rastin kur një
blerës profesionist të jetë tejet profan në lidhje me shërbimin informatik që i ofron shitësi.
Ndërkaq, detyrimet e palëve, sidomos të ofruesit të shërbimit, janë të ndryshme dhe varen
tërësisht nga objekti i kontratës, për të cilin palët do të bien dakord. Së fundi, duke patur
parasysh rolin e tyre teknik, Ligji për tregtinë elektronike rregullon edhe çështjen e
përgjegjësisë së tyre në raste shkeljesh.
Lidhja e kontratave me aktorët e ndryshëm të internetit hap gjithashtu dhe debatin
ende aktual të përgjegjësisë së tyre. Problemi kryesor me aktorët e internetit lidhet me rolin që
luan secili në atë mjedis. Do të shikojmë më poshtë se aktorët do të ndahen në dy kategori
kryesore, të cilat mund të kenë dhe ndërlidhje me njëra-tjetrën: kategoria e ndërmjetësve
teknikë dhe ajo e furnizuesve të përmbajtjeve të faqeve të internetit. Aspekti kontraktor dhe ai
jashtëkontraktor i marrëdhënieve që vendosin ndërmjetësit teknikë përbën dhe një aspekt
shumë të rëndësishëm të çështjeve juridike të përgjegjësisë në internet
622
. Ndërmjetësit
teknikë mundësojnë lidhjen e përdoruesve me përdoruesin, krijimin e faqeve të internetit,
sigurojnë hapësirën e nevojshme teknike të jetës në internet. Funksionet e tyre teknike bëjnë
që ata të mos dinë brendinë e informacionit që transmetojnë. Objektivisht, ndërmjetësit
teknikë nuk mund të mbahen përgjegjës për brendinë e informacionit, me përjashtim të rastit
kur ata e iniciojnë ose vihen në dijeni për brendinë, që shkel të drejtat e të tjerëve. Nga
pikëpamja juridike shtrohet qartësisht çështja e përgjegjësisë së tyre, duke patur parasysh se,
kategoritë e përgjegjësisë sipas Kodin tonë Civil nuk e përfshijnë këtë lloj përgjegjësië që
buron nga natyra e veprimtarisë së ndërmjetësve teknikë. Siç dihet, KC përmban parimin e
përgjithshëm të shkatimit të dëmit, si dhe raste përgjegjësisë të një natyre inderektë si, dëmi
nga të miturit dhe personat e pazotë për të vepruar
623
, dëmi nga personat në mbikqyrje
624
,
përgjegjësia e punëdhënësit
625
, përfaqësuesve
626
ose nga përdorimi i kafshëve
627
. Përgjegjësia
e ndërmjetësve teknikë nuk hyn në asnjë nga këto kategori. Gjithashtu, karakteri i
përgjithshëm i përgjegjësisë për shkaktimin e dëmit, sipas nenit 608 të KC, nuk përshtatet me
621 François Collart Dutilleul, Philippe Delebecque, “Contrats civils et commerciaux”, Dalloz, botimi 9, 2011, f.
210.
622 Organizata për Bashkëpunim dhe Zhvillim Ekonomik (“OECD”), The role of Internet Intermediaries in
Advancing Public Policy Objectives, 22.6.2011,
http://www.oecd.org/internet/ieconomy/48685066.pdf
.
623 Neni 613 i KC.
624 Neni 615 i KC.
625 Neni 618 i KC.
626 Neni 620 i KC.
627 Neni 621 i KC.
198
veprimtarinë e ndërmjetësve teknikë. Kriteret e dëmit të shkaktuar, që të kemi një përgjegjësi
të tillë personale janë parashikuar në nenin 609 të KC. Sipas dispozitave të këtij neni, ndër të
tjera, dëmi duhet të jetë rrjedhim i drejtpërdrejë dhe i menjëhershëm i veprimit ose
mosveprimit të personit
628
. Është e qartë se kriteri i lidhjes direkte mungon në rastin e
ndërmjetësve teknikë. Për këtë arsye, pas shumë debatesh gjyqësore dhe doktrinare
629
, u
krijua një përgjegjësi tjetër, e quajtur “përgjegjësi e graduar”, e përshtatur për ndërmjetësit
teknikë. Kjo përgjegjësi është sanksionuar me Direktivën 2000/31/EC e PE dhe Këshillit datë
8 qershor 2000 mbi disa aspekte juridike të shërbimeve të shoqërisë së informacionit, në
mënyrë të veçantë tregtinë elektronike, në Tregun e Brendshëm (“Direktiva Tregti
Elektronike”), rimarrë gjithashtu dhe nga Ligji ynë për Tregtinë Elektronike.
1.1 – Furnizimi i aksesit drejt internetit – Internet Service Provider
(“Kontratat ISP”)
Kjo kontratë lidhet ndërmjet një individi ose tregtari, personi fizik ose juridik dhe një
furnizuesi të aksesit drejt internetit, me anë të të cilit i dyti u lejon të parëve të kenë akses në
internet dhe drejt shërbimeve që ai ofron. Objekti i kontratës ka të bëjë me lidhjen në rrjet të
kompjuterit të klientit, me qëllim që ta lejojë atë të përdorë shërbimet e internetit. Duhet
nënvizuar se objekti duhet të interpretohet ngushtësisht, duke përjashtuar prej tij përcaktimin
e përmbajtjes së komunikimeve dhe informacioneve që do të shkëmbehen ose do të
konsultohen
630
. Furnizuesi i aksesit drejt internetit (“ISP”, nga anglishtja Internet Service
Provider) do të jetë personi që ofron shërbimin e shoqërisë së informacionit sipas ligjit tonë
për tregtinë elektronike. Siç po e vëmë re sot në tregun shqiptar, ISP-të propozojnë gjithmonë
e më shumë ofertën e quajtur triple play: domethënë oferta që përfshijnë lidhjen me internetit,
telefoninë dhe stacionet televizive digjitale.
1.1.1 Kontrata ISP
Kontrata ISP mund të cilësohet si kontratë shërbimi dhe, si rrjedhim, t’u nënshtrohet
parimeve dhe dispozitave të KC, përveç detyrimeve specifike të parashikuara në ligjin për
628 Neni 609 i KC: “Dëmi duhet të jetë rrjedhim i drejtpërdrejë dhe i menjëhershëm i veprimit ose mosveprimit
të personit. Mospengimi i një ngjarjeje nga personi që ka detyrimin ligjor për ta mënjanuarm e ngarkon atë me
përgjegjësi për dëmin e shkaktuar.”
629 Organizata për Bashkëpunim dhe Zhvillim Ekonomik (“OECD”), The role of Internet Intermediaries in
Advancing Public Policy Objectives, 22.6.2011,
http://www.oecd.org/internet/ieconomy/48685066.pdf
.
630 Në përputhje me parashikimet e pikës 1 të nenit 15 të Ligjit për tregtinë elektronike : “Kur ofrimi i shërbimit
të shoqërisë së informacionit konsiston në transmetimin një rrjet komunikimi të informacionit të siguruar nga
marrësi i shërbimit, ose në ofrimin e aksesit në një rrjet komunikimi, ofruesi i shërbimit nuk është përgjegjës për
informacionin e transmetuar nëse ofruesi i shërbimit (i) nuk inicion transmetimit, (ii) nuk zgjedh ose modifikon
përmbajtjen e informacionit të transmetuar, (iii) nuk zgjedh marrësin e transmetimit.”
Dostları ilə paylaş: |