Universiteti I tiranës fakulteti I drejtësisë departamenti I së drejtës civile
Yüklə 3,21 Mb. Pdf görüntüsü
|
199 tregtinë elektronike. ISP i ofron shërbimin një përdoruesi dhe kësisoj kontrata do të klasifikohet si kontratë shërbimi, saktësisht kontratë e ofrimit të një shërbimi të shoqërisë së informacionit. Ligji ynë parashikon se duhet të përmbushen disa detyrime paraprake përpara se kontrata të quhet e lidhur. Në fakt, jo të gjitha detyrimet parashikohen në ligj. Disa prej tyre rrjedhin nga vetë praktika dhe mund të jenë detyrime që burojnë nga harmonizimi me parimet e KC me ato të ligjit për tregtinë elektronike. Detyra e harmonizimit të parimeve i përket jurisprudencës, ende në hapat e para në këtë fushë. Detyrimet e ISP-ve. Detyrimi i parë dhe më i rëndësishëm është garantimi i ofrimit të shërbimit, domethënë dhënia ose ofrimi i aksesit drejt rrjetit. Objekti mund të përmbajë dhe rastet e detyrueshme të mirëmbajtjes së rrjetit. Mirëpo një detyrim i tillë nënkuptohet dhe është rrjedhim logjik i detyrimit të parë. Furnizimi i aksesit drejt internetit përbën detyrimin thelbësor të kontratës ISP, cilësuar si një detyrim rezultati 631 , meqenëse ky aktivitet nuk shfaq më probleme teknike 632 të papërballueshme dhe se instalimi i internetit përbën dhe thelbin e detyrimit që ka ISP 633 . Në parim, i vetmi shkak i mënjanimit të përgjegjësisë së ofruesit të shërbimit të informacionit është forca madhore dhe fakti që buron nga bashkëkontraktuesi. Detyrimi i dytë është ai i sigurimit të aksesit drejt informacioneve që gjenden në rrjet. Këtu nuk kemi të bëjmë me detyrim rezultati, pasi këto elemente nuk varen nga ISP, por nga ofruesit e tjerë të shërbimeve të informacionit, si për shembull host-et ose furnizuesit e përmbajtjes së faqes së internetit. Ky detyrim është pjesë e detyrimit të përgjithshëm të aksesit drejt internetit. Do të shikojmë pak më poshtë se ky detyrim mund të njohë kufizime që nuk varen prej vullnetit të ISP-ve. Detyrim tjetër është ai i paraqitjes se çmimit të ofrimit të shërbimit. Çmimi do të varet nga shërbimi i ofruar dhe nga cilësia e tij. Në këtë kuadër, elementet që duhet të përfshihen në këtë detyrim janë paraqitja e çmimit, rishikimi i abonimit në kushte të qarta dhe brenda afateve kohore që mund t’i lënë mundësi abonentit që të rishikojë ofertat, shpenzimet suplementare dhe mënyrat e kryerjes së pagesës. Nga ky detyrim buron dhe detyrimi mjaft i rëndësishëm i informimit. Përveç detyrimeve që lidhen me nenin 7 të ligjit për tregtinë elektronike 634 , detyrime që lidhen me 631 Patrice Jourdain, Les Principes de la responsabilité civile, Dalloz, botimi 7. 632 Céline Castets-Renard, Droit de l’Internet, Cours, Montchrestien, 2010, f. 122. 633 Në lidhje me konceptin e detyrimit rezultat shih për më shumë : Oltion Spiro, E drejta e internetit, botimet Dudaj, 2013, f.34. 634 1. Ofruesi i shërbimit në ushtrimin e veprimtarisë siguron për marrësit e shërbimit dhe për autoritetet përkatëse informacion, të paktën, për: a) emrin tregtar të ofruesit të shërbimit dhe, nëse nuk ka të tillë, emrin me anë të të cilit ai është regjistruar për ushtrimin e veprimtarisë; b) adresën e vendit, në të cilën është vendosur selia apo qendra kryesore e veprimtarisë së ofruesit të shërbimit; c) adresën e postës elektronike apo çdo detaj tjetër që lejon komunikimin e shpejtë dhe efikas me ofruesin e shërbimit; ç) të dhënat e regjistrimit në regjistrin 200 identitetin e ofruesit të shërbimit dhe që janë primare në komunikimet e dematerializuara, ISP duhet të kujdeset që t’i njoftojë konsumatorët përdorues të internetit për ekzistencën e mjeteve teknike që lejojnë kufizimin e aksesit drejt disa shërbimeve ose përzgjedhjen e tyre dhe t’u mundësojë atyre zgjedhjen e njërit prej këtyre kufizimeve. Një shembull është kontrolli prindëror në lidhje me përzgjedhjen e disa faqeve, në mënyrë që të kufizohet aksesi drejt tyre. Gjithashtu, ISP duhet t’i njoftojë përdoruesit për ekzistencën e masave të sigurisë, çka bëjnë të mundur parandalimin e shkeljeve ndaj detyrimeve që rrjedhin nga zbatimi i ligjit për të drejtën e autorit, që nënkupton bllokimin e atyre faqeve që përcjellin vepra pa marrë autorizimet përkatëse nga autorët ose titullarët e veprave. Gjithashtu, ISP duhet të njoftojë klientin, në bazë të detyrimit të këshillimit që ka ndaj tij, në raport me rreziqet e mbylljes së konektimit ose lidhjes me internetin për shkak të mungesës së pajisjeve kompjuterike të përshtatshme të klientit dhe për rreziqet e viruseve potencialë. Detyrimet, edhe pse jo shteruese, që paraqitëm më lart, nuk mund të anashkalohen nga profesionisti (ISP), pasi jo vetëm kemi një detyrim të përforcuar që buron nga fakti që kjo palë është profesioniste dhe se pala tjetër mund të jetë konsumatore 635 , por edhe sepse kemi të bëjmë me një kontratë të shërbimit në largësi dhe kësisoj, për këtë kategori, ka detyrime të përgjithshme të veçanta që rregullohen nga neni 37 i ligjit për mbrojtjen e konsumatorëve 636 . Ndër të tjera, ky nen parashikon se “brenda një kohe të arsyeshme, konsumatorit i sigurohet informacioni i përshtatshëm i dhënë në mënyrë të qartë dhe të kuptueshme i karakteristikave kryesore të mallrave dhe shërbimeve”, si dhe “garancitë dhe shërbimet passhitjeje, të cilat mund të ekzistojnë”. Konsumatori, në rast se rezulton se përdorimi i shërbimit nuk përputhet me informacionin e dhënë, ku përfshihen dhe kufizimet e përdorimit, të cilat duhet të njoftohen nga ISP, mund të heqë dorë nga kontrata brenda një afati 14 ditor nga dita e nesërme e lidhjes së kontratës 637 . Megjithatë, edhe pas përfundimit të afatit 14 ditor, klienti, pasi vëren se ISP nuk e ka informuar në lidhje me pengesat që mund të hasë ai gjatë përdorimit të internetit, tregtar të ofruesit të shërbimit, sidomos numrin unik të identifikimit të personit; d) të dhëna të veçanta të autoritetit përgjegjës mbikëqyrës, kur veprimtaria e ofruesit të shërbimit është objekt i ushtrimit të saj nëpërmjet pajisjes së tij me autorizim të veçantë; dh) profesionet e rregulluara, duke treguar edhe: i) entin publik profesional ose institucionin e ngjashëm me të, ku ofruesi i shërbimit është i regjistruar; ii) titullin profesional dhe shtetin e lëshimit apo të fitimit të tij; iii) referimin për rregullat që rregullojnë profesionin dhe juridiksionin e zbatuar në shtetin e krijimit të tij, si dhe mjetet për informim për to; e) numrin unik të identifikimit të subjektit apo NIPT-in. 2. Ofruesi i shërbimit të shoqërisë së informacionit jep informacionin e parashikuar në pikën 1 të këtij neni në mënyrë të qartë, të saktë dhe lehtësisht të kuptueshëm për mallrat apo shërbimet që ai ofron ose parashikon të ofrojë në të ardhmen, veçanërisht për çmimet. Informacioni duhet të jetë i qartë dhe lehtësisht i kuptueshëm, se çmimi i ofruar prej tij është përfundimtar dhe se në të janë përfshirë tatimi e kostot e transportit apo të dërgimit të tij deri në destinacionin përfundimtar, të përfituesit apo të marrësit. 3. Në çdo rast, ofruesi i shërbimit të shoqërisë së informacionit është i detyruar që, në informacionet që jep, veç parashikimeve të këtij ligji, të respektojë edhe parashikimet e ligjit nr. 9902, datë 17.4.2008 "Për mbrojtjen e konsumatorit". 635 Në njëfarë mënyre, edhe personat juridikë që nënshkruajnë një kontratë furnizimi me internet hyjnë në kategorizimin e konsumatorit pasi ata, në thelb, edhe pse të pajisur me më shumë mjete mbrojtjeje teknike dhe juridike se një konsumator person fizik, nuk janë profesionistë në fushën e furnizimit me internet. 636 Cf. infra në lidhje me natyrën e kontratës së furnizimit të internetit. 637 Detaje më të shumta në lidhje me çështjet e afateve do të trajtohen në kapitullin përkatës mbi tregtinë elektronike. Yüklə 3,21 Mb. Dostları ilə paylaş:
|