221
nenit 92 të Kodit Civil
697
, në mënyrë të veçantë rastet e veprimeve juridike të bëra në
kundërshtim me një dispozitë urdhëruese të ligjit, si për shembull neni 94 (ç) i Kodit Civil
698
.
Këtu mund të marrim si shembull rastin e një punonjëseje të ndodhur në kushtet e kanosjes
ose të nevojës së madhe. Bëhej fjalë për një punonjëseje të një shtëpie botuese, e cila në bazë
të kontratës kishte pranuar që të drejtat e saj pasurore t’i kalonin shtëpisë botuese. Por në
kontratë nuk thuhej asgjë specifike në lidhje me punët shtesë që ajo mund të bënte dhe që
s’kishin lidhje me objektin e kontratës, që ishte botimi i një enciklopedie për fëmijë.
Punonjësja argumentonte se moscedimi i të drejtave në lidhje me punët jashtë objektit të
kontratës e vinte atë përpara rrezikut të zgjidhjes së kontratës së punës nga ana e punëdhënësit
për mosrespektim të detyrimeve kontraktore. Gjykata franceze e Kasacionit vendosi se duhet
të kishte një lidhje direkte dhe të padiskutueshme ndërmjet refuzimit të moscedimit të të
drejtave nga ana e punonjëses dhe zgjidhjes së kontratës së punës, në mënyrë që të vërtohet
situata e kanosjes. Për të, elementet që ishin në dosjen gjyqësore nuk e vërtetonin këtë situatë.
Me anë të këtij vendimi, kuptojmë se që gjykata të arrijë në përfundimin se personi ka qenë
nën trysninë e dhunës apo kanosjes, duhet të ketë një lidhje direkte ndërmjet faktit dhe
pasojës
699
. Pasoja e pavlefshmërisë parashikohet sërish në Kodin Civil: këto kontrata do të
anulohen.
Për sa i përket objektit të kontratës së autorit, neni 678 i Kodit Civil shprehet, se ai
duhet të jetë “
i mundshëm, i ligjshëm, i caktueshëm ose që mund të përcaktohet”. Në lidhje
me ‘të duhet thënë, se ka dy norma ligjore që duhen respektuar: si ato të Kodit Civil, që janë
pjesë e parimeve të përgjithshme, ashtu edhe të legjislacionit për të drejtën e autorit. Në këtë
mënyrë, për shkak të specifikave të të drejtës së autorit, parimet e përgjithshme të Kodit Civil
gjejnë një zbatim praktik në përcaktimet e ligjit për të drejtën
e autorit, për sa i përket objektit.
Në legjislacionin e të drejtës së autorit, një rëndësi të madhe i jepet parashikimit të objektit,
duke përfshirë këtu sasinë e të drejtave që do të transferohen, në ç’mënyrë do të shfrytëzohen
këto të drejta dhe nëse kontrata do të ketë një karakter ekskluziv ose jo ekskluziv
700
. Çfarëdo
të drejte që autori do të pranojë të cedojë në favor të bashkëkontraktuesit të tij duhet të
përmendet në kontratë: natyra, sasia, lloji i të drejtave, si edhe kohëzgjatja dhe territori, për të
cilat këto të drejta nuk do të shfrytëzohen prej autorit, por prej bashkëkontraktuesit të tij. Në
çdo rast, autori nuk mund të cedojë të drejtat e tij morale, të cilat janë të drejta të karakterit
personal që ligji ia njeh vetëm autorit. Ato janë të drejta që lidhen me përmendjen e
autorësisë, respektimin e integritetit të veprës dhe përcaktimin e momentit se kur do të
697 Neni 92 i Kodit Civil: “Veprimet juridike të pavlefshme nuk krijojnë asnjë pasojë juridike. Të tilla janë ato
që (a) vijnë në kundërshtim me një dispozitë urdhëruese të ligjit, (b) kryhen për të mashtruar ligjin, (c) kryhen
nga të mitur nën moshën katërmbëdhjetë vjeç, (ç) bëhen në marrëveshje të palëve pa patur për qëllim që të sjellin
pasoja juridike (fiktive ose të simuluara).
698 Në lidhje me shpalljen të pavlefshme të veprimeve juridike të bëra në kushtet e kanosjes ose të nevojës së
madhe.
699 C. Cass., Vendimi datë 3.4.2002:
http://www.legifrance.gouv.fr/affichJuriJudi.do?idTexte=JURITEXT000007046814&dateTexte=
700 Pika 1 e nenit 46 të Ligjit për të drejtat e autorit.
222
publikohet vepra ose kur do të tërhiqët nga publikimi: këto të drejta i përkasin vetëm autorit
dhe askujt tjetër, përfshi bashkëkontraktuesin e tij. Kështu ka përcaktuar Gjykata e Lartë, e
cila i ka gjetur zbatim këtij parimi dhe në aspektin procedural. Kështu, sipas vendimit të
Gjykatës së Lartë, në një proces civil për shpërblim dëmi për shkak të shkeljes së tyë drejtës
së autorit, autori duhet të ketë pozitën procedurale të ndërhyrësit kryesor dhe jo të atij dytësor,
pasi ai dhe vetëm ai është i legjitimuar të mbrojë gjyqësisht këto të drejta
701
. E rëndësishme
është gjithashtu që autori të dijë se çfarë do të lëshojë prej prerogativave të tij pasurore, si
edhe shpërblimin që ai do të marrë në shkëmbim të kalimit të së drejtës pasurore. E
rëndësishme është që autori të dijë se çfarë do të lëshojë prej prerogativave të tij si dhe
shpërblimin që ai do të marrë në shkëmbim të kalimit të së drejtës pasurore. Kështu,
shpërblimi për kalimin e të drejtave pasurore përcaktohet me marrëveshje ndërmjet palëve.
Shpërblimi do të llogaritet në përpjestim të drejtë me të ardhurat që rrjedhin nga shfrytëzimi
ose nga mënyra të tjera, shprehej ligji 9380, tashmë i shfuqizuar
702
. Ligji i ri për të drejtën e
autorit i referohet tanimë kriterit të analogjisë me rastet e mëparshme
703
. Autori duhet të ketë
pasrasysh se praktika botërore e shpërblimi i bindet logjikës së shpërblimit proporcional me
shitjet e bëra. Kështu do të funksionojë me shitjet e librave, të CD-ve apo të këngëve dhe
filmave në funksion të shkarkimeve ose të vizionimeve në
streaming në internet. Por kjo nuk
mund të jetë e vetmja mënyrë, prandaj dhe Ligji ka lënë një dritare të hapur për të mundësuar
përcaktimin e formave të reja
704
. Në rast se shpërblimi nuk është i përcaktuar në kontratë,
autori ose titullari i drejtave të autorit gëzon të drejtën t’u kërkojë organeve përkatëse të
përcaktojnë shpërblimin, sipas Ligjit për të drejtën e autorit
705
. Në këtë rast, shpërblimi
përcaktohet në analogji me rastet e mëparshme, duke pasur parasysh vlerën më të madhe të
shpërblimit për të njëjtën kategori veprash, destinacionin dhe kohëzgjatjen e shfrytëzimit, si
dhe çdo rrethanë tjetër, që provohet
nga pala e interesuar
706
. Nëse metodika është zgjidhur nga
Ligji për të drejtat e autorit, mbtetet ende për t’u përcaktuar cilat do të jenë “organet
përkatëse“ që do të ndihmojnë autorin në përcaktimin e shpërblimit të tij.
Një problem që lidhet me objektin është parashikimi i veprave të ardhshme, por të pakrijuara
ende. Nëse në kontratën e punës, autori i punësuar prezumohet se i ka kaluar të drejtat
pasurore punëdhënësit, edhe për ato vepra që nuk ka krijuar. Por nëse nuk jemi në prani të një
kontrate pune, disa legjislacione, duke patur parasysh faktin se autori është palë e dobët në
kontratë, vendosin një kufizim për sa i përket veprave të ardhshme të cilat nuk janë krijuar
ende. Autori mund të cedojë në mënyrë ekskluzive të gjitha të drejtat e tij pasurore për një
701 Vendimi unifikues i GjL nr. 74, datë 7.10.2002. Megjithatë, në disa legjislacione të huaja, nëse autori e ka
deleguar shprehimisht mbrojtjen të drejtave morale një personi tjetër, këto klauzola do të konsiderohen të
vlefshme.
702 Neni 34 (1) i Ligjit 9380.
703 Pika 2 e nenit 49 të Ligjit për të drejtat e autorit.
704 Po aty in fine.
705 Pika 2 nenit 49 të Ligjit për të drejtat e autorit.
706 Po aty.