227
prodhimin dhe/ose shpërndarjen, për arsye se në këtë lloj kontrate nuk ka cedim të të drejtave
pasurore. Kjo kontratë që mund ta quajmë shërbimi, është e njohur dhe në tregun shqiptar, por
nuk përkon me kontratën e botimit. Kur themi që autori duhet të cedojë të drejtat e tij
pasurore, në mënyrë që të vihet ne jetë kontrata e botimit, nuk nënkuptojmë detyrimin për
autorin që të pranojë çdo lloj shfrytëzimi të veprës. Nëse autori ka rënë dakord për botimin e
librit në formë libri dhe jo në formën e një skenari për teatër dhe nëse kjo mënyrë shfrytëzimi
nuk është parashikuar në kontratë, atëherë kjo lloj mënyre shfrytëzimi do të jetë e pavlefshme
dhe të krijojë bazat për autorin që të kërkojë dëmshpërblim. Në këtë frymë gjendet dhe Ligji
për të drejtat e autorit parashikon se botuesi ka të drejtën e ekskluzive për të botuar veprën,
përveç rasteve kur parashikohet ndryshe në kontratë
724
.
Autori duhet të dorëzojë veprën ose çdo suport mbi të cilin gjendet vepra brenda
afateve të përshkruara
725
në kontratë dhe në një formë të tillë që të mundësojë riprodhimin e
saj
726
. Rëndësia e dorëzimit në kohë dhe në formë të përshtatshme është e rëndësishme pasi
dihet mjaft mirë që prapa kontratës së botimit, qendron një varg kontratash të tjera të jetësimit
të veprës (me shtyprshkronjën, me agjentët e marketingut e kështu me radhë...) dhe që çdo
vonesë mund të jetë e dëmshme për botuesin.
Së dyti, kontrata e botimit përmban detyrimin për botuesin që të prodhojë kopjet e
veprës. Kjo nënkupton se autori ka një detyrim që t’i dorëzojë veprën ose një kopje të saj në
formën përfundimtare botuesit, në mënyrë që ky, nëpërmjet mjeteve të tij teknike dhe
financiare të përmbushë detyrimin e prodhimit të kopjeve të veprës. Pasi botuesi të ketë
përfunduar me përpunimin apo me kopjimin e veprës për nevojat e tij, ai duhet t’i kthejë
kopjen origjinale të veprës, ilustrimet dhe të gjitha materialet e nevojshme për botim. Këto
materiale do të mbeten pronë e autorit
727
. Kjo është rrjedhojë logjike e parimit se vepra në
vetvete është e ndarë nga suporti i saj material
728
. Riprodhimi i veprës nënkupton realizmin e
kopjeve në funksion të standardeve për të cilat palët kanë rënë dakord në kontratën e botimit.
Prodhimi nuk duhet të vonojë shumë. Natyrisht, afati mund të përcaktohet në kontratë. Por
nëse nuk është kështu, vonesat nuk duhet të tejkalojnë afatet të cilat janë të zakonshme në
fushën e përgatitjes së botimeve. Së treti, botuesi ka detyrimin që të shpërndajë kopjet e
veprës. Kjo shkon bashkë me prodhimin e kopjeve, pasi të prodhosh kopjet dhe të mos i
shpërndash, pra t’i tregtosh, është antilogjike. Në këtë pikë, vlen të vihet theksi tek fushata e
promovimit që do të bëjë botuesi.
Kontrata e botimit klasike është ajo që ka për objekt botimin e një vepre të shkruar në
formën e një libri. Në njëfarë mënyre, kontrata e botimit, deri më sot, ka njohur zbatim më të
724 Pika 2 e neneit 55 të Ligjit për të drejtat e autorit
725 Neni 69 i Ligjit për të drejtat e autorit.
726 Po aty.
727 Nenet 60 dhe 62 të Ligjit për të drejtat e autorit.
728 Shih Vendimin e Gjykatës së Rrethit Gjyqësor, Tiranë Kadare vs. Hoxha (2012).
228
gjerë në fushën e botimit të librave, revistave e kështu më radhë. Pra, duket sikur kontrata e
botimit është e lidhur pazgjidhshmërisht me ato vepra të cilat kanë një suport material të
trupëzuar. Por kontrata e botimit mund të përshtatet dhe për veprat e digjitalizuara. Me
prodhim të kopjeve nga ana e botuesit nënkuptohet edhe digjitalizimi i tyre. Botuesi gëzon të
drejtën e përparësisë në kalimin e të drejtës së përparësisë së botimit të veprës në format
elektronik, kundrejt një shpërblimi të njëjtë me atë të konkurrentit që ka ofruar shpërblimin
më të lartë për autorin
729
. Botimi elektronik i veprave artistike nuk duhet lënë mënjanë edhe
në Shqipëri. Sot, tregu është ende i vakët, mirëpo disa subjekte juridike private kanë nisur, në
bashkëpunim me shtëpitë botuese që të zhvillojnë këtë formë të komunikimit të veprës drejt
publikut. Shtëpitë e botimit janë ende skeptike për këtë formë të komunikimit të veprës,
megjithëse janë të ndërgjegjshme se ëshë një treg i ri që duhet pushtuar. Digjitalizimi i
botimeve në formë të shkruar ngre dy çështje: përkufizimin juridik të tyre si dhe mënyrën e
shpërblimit për autorin. Kthimi i veprës në format elektronik është një akt riprodhimi, pasi
kopja e shkruar kthehet në një format tjetër, të patrupëzuar, por që gjendet në një suprot
digjital. Suporti digjital, në rastin konkret është serveri i personit që ka pronësinë ose ka
autorizimin e kthimit të veprave në format digjital. Më tej, ofrimi i librave elektronikë do të
bëhet nëpërmjet një portali ose një aplikacioni të shkarkueshëm në celularë ose në
kompjuterë. Vënia në dispozicion e tyre do të përbëjë një komunikim të veprës në publik,
sipas parashikimit të nenit 29 të Ligjit për të drejtën e autorit. Për sa i përket shpërblimit të
autorit, parimi që duhet të zbatohet dhe për librat në formatin elektronik është ai i pagesës së
autorit sipas një përqindjeje të çimit të shitjes për çdo vepër
730
. Natyrisht, kjo është një
mënyrë, por Ligji lë të hapur mundësinë e pagesës në forma të tjera.
Ligjvënësi shqiptar duhet të rrisë vëmendjen ndaj botimeve digjitale. Sot, vihet re një
rritje e tendencës së përhapjes së librave digjitale, ndryshe të quajtur e-book. Revolucioni që
sjellin këto lloj botimesh është i madh, si në aspektin e zakoneve të lexuesve, edhe pse është
herët të mendohet braktisja e librit të shtypur, por edhe në fushën e të drejtës së autorit. Do e
shikojmë në kapitullin përkatës se çfarë pasojash ka digjitalizimi i veprës mbi të drejtën e
autorit në veçanti dhe të drejtës në përgjithësi. Për momentin, mjaftohemi duke vënë në dukje
se botuesi nuk duhet të humbasë kontrollin e veprës, edhe pse ajo shpërndahet në formë
elektronike. Në këtë aspekt, ai duhet të jetë në linjë të parë në bisedimet me shoqëritë që
sigurojnë digjitalizimin e veprave dhe shpërndarjen e tyre, në mënyrë të veçantë kur këto
shoqëri janë të mëdha dhe me përhapje ndërkombëtare si Amazon. Botuesi duhet të përcaktojë
mënyrën sesi do të përcaktohet çmimi i shitjes së veprave digjitale, për shkak se kostot nuk
janë të njëjta me librin e shtypur por edhe për shkak të llojeve të ndryshme të ofertave që
bëjnë shoqëritë e shpërndarjes së librit digjital. Librat mund të ofrohen në njësi apo me në
formën e një pakete, me një abonim mujor apo më të gjatë, ose me një formule krejt të re që
nuk i përshtatet formulës së abonimit. Bëhet fjalë për një formë qiraje të librit digjital për një
729 Pika 1 e nenit 63 të Ligjit për të drejtat e autorit.
730 Pika 1 e nenit 59 të Ligjit për të drejtat e autorit.
Dostları ilə paylaş: |