45
procese të tilla shndërruese
129
. Një përkufizim i tillë, rrjedhimisht, mund të rezultojë
gabimisht në kufizimin e krijimeve që do të njihen si vepra.
Në vitet ’60 në Itali u zhvillua një tendencë e re artistike e quajtur “Arte Povera”. Artistët
e kësaj tendence (ata refuzonin ta quanin rrymë artin e tyre) konsistonte në refuzimin e
industrisë kulturore dhe të shoqërisë së konsumimit, sipas një strategjia të bazuar në modelin
e guerriljes. Ata nuk dilnin me armë në dorë kundër sistemit, por merrnin prej sistemit
kulturor ato elementë që u duheshin për të nxjerrë në pah kotësinë dhe koklavitjen e tepruar të
shoqërisë moderne. Refuzimi i identifikimit me establishmentin kulturor mishërohej duke i
vënë theksin procesit krijues dhe jo objektit përfundimtar. Ky proces bënte të mundur dhënien
e një kuptimit objekteve që nuk kishin asnjë kuptim. Artistët e Arte Povera-s përdornin
produkte të panevojshme si për shembull rërë, fshirëse, dru, zift, veshje të përdorura etj dhe i
poziciononin në mënyrë të tillë që të krijonin një kompozim të caktuar. Kompozimet mund të
ishin mjaft thjeshta, çka shtronte dhe pyetjen se a mund të mbrohen këto vepra nga e drejta e
autorit kur këto vepra përbëheshin tërësisht vetëm nga materiale bruto me një përpunim
krijues minimal. Natyrisht, në kohën kur kjo tendencë u krijua debati ishte i fortë, por tashmë
është e padiskutueshme se dora e njeriut është e pranishme dhe në kompozimin e këtyre
veprave të artit abstrakt.
Në fakt, përcaktimi i vullnetit krijues është i rëndësishëm kur vihet perballë rastësisë. Kjo
pikë përbën dhe një nga kufizimet ndaj aktivitetit të njeriut: nuk mund të quhet se ai/ajo ka
krijuar një vepër, pra gjendet në një proces intelektual krijues, pasi ka realizuar një shprehje
krijuese vetëm rastësisht
130
. Duhet të ketë një proces intelektual, na rikujton Ligji për të
drejtat e autorit, ashtu siç e bënte dhe Ligji i kaluar 9380, pra një formë vetëdijeje e njeriut se
edhe ne rastet kur është duke improvizuar apo duke krijuar disa çaste nën influencën e
spontaneitetit, ai është në një përpjekje të vazhdueshme intelektuale të krijimit të një vepre
artistike. Vendosja e një kornize të tillë rezulton e nevojshme për të përkufizuar sa më qartë
deri ku shkon mbrojtja e krijimeve artistike nëpërmjet të drejtës së autorit. Çdo krijim i një
natyre tjetër mund të mbrohet nga mekanizma të tjerë juridikë, por jo nga e drejta e autorit.
Kjo pikë do të trajtohet më në hollësi, por për momentin duhet shprehur në mënyrë të
përmbledhur ideja se çdo vlerësim i një vepre, për të ditur nëse mbrohet apo jo nga e drejta e
autorit, do të analizohet rast pas rasti nga organi kompetent, që është gjykata. Deri më tani, ka
rezultuar mënyra më e mirë për të ruajtur veprën artistike nga çdo tendencë censuruese të
organeve administrative.
129 Artikull problemor me titull "Arti për të krijuar pasuri me hiçgjë", ku përmendet rasti i një artisti që thjesht
vendoste objekte industriale që nuk i kishte krijuar ai në një rend të caktuar… (http://www.monde-
diplomatique.fr/2008/08/PATAUD_CELERIER/16183)
130 Po aty.
46
Nëse vepra krijohet nga njeriu, shtrohet gjithashtu pyetjen për të ditur nëse njeriu
duhet të ketë zotësinë juridike për vepruar që të krijojë një vepër artistike? A do të zbatohen
dispozitat ligjore përkatëse të zotësisë të parashikuara në Kodin Civil
131
? Do të shtrohet
çështja e personave që, për arsye të alterimit të aftësive të tyre, zotësia e tyre për të vepruar
është e kufizuar. Siç u tha dhe më lart, ligji kërkon që vepra artistike të krijohet nëpërmjet një
procesi intelektual. Në rastin konkret, pikërisht sepse kjo etapë mungon, një pjesë e doktrinës
mendon se nuk mund të jemi në prani të krijimit të një vepre artistike. Këtu do të bëhet një
dallim: nëse personi që e ka zotësinë e tij të kufizuar njeh momente kthjelltësie mendore, ai në
parim do të jetë në gjendje që të krijojë vepra artistike. Mund të përmendim këtu rastin e
filozofit gjerman Nietzsche, i cili në fund të jetës së tij, u prek nga një sëmundje mendore që i
kufizonte së tepërmi momentet e tij të kthjelltësisë mendore. Pra, personi duhet të ketë
kapacitetin krijues minimal për të qenë në gjendje të reflektojë në një krijim artistik botën e tij
të brendshme. Nga ky qendrim, rezulton se përjashtohen kategorikisht nga njohja e procesit
krijues të një vepre artistike personat që u mungon totalisht zotësia për të vepruar si dhe
fëmijët e moshës së njomë (infans). Për shkak se këto kategori nuk kanë vullnetin dhe aftësinë
për të kuptuar se po hyjnë në një proces krijues, krijimet e tyre do të jenë tërësisht fryte të
rastësisë
132
. Dhe me sa pamë më sipër, procesi rastësor nuk është proces krijues në kuptimin e
Ligjit për të drejtën e autorit.
Por ka dhe një qendrim tjetër në lidhje me personat që u mungon zotësia për të
vepruar. Nisur nga një pikëpamje më humaniste, doktrina që mbron idenë e njohjes së
procesit krijues në kuptimin e Ligjit për të drejtat e autorit, mendon se nuk duhet të
analizojmë nëse personi ka zotësinë juridike, por nëse personi ka zotësinë të krijojë një
produkt të caktuar, që më tej do të njihet si vepër arti. Të pranosh se kufizimi, qoftë dhe i
plotë i zotësisë së personit sjell dhe paaftësinë e tij për të kuptuar gjestet që kryen, do të ishte
mohim i plotë i humanizmit
133
.
Siç do e vërejmë dhe më tej në këtë trajtim, shumë shpesh ndodh që është publiku që
do të përcaktojë nëse një krijim hyn në kuptimin e veprës artistike sipas Ligji për të drejtat e
autorit. Sot, veprat e krijuara nga personat me aftësi mendore të kufizuara vlerësohen si të tilla
nga shumë artdashës dhe mosnjohja e krijimit të tyre, do të ishte realisht një mohim i
shprehjes së botës së brendshme të krijuesve, një mohim i dytë për ta, një kufizim juridik i
panevojshëm në të vetmen dritare të hapur ku këta persona shprehin personalitetin e tyre.
Së fundi, një argument tjetër që shkon kah konceptit të dytë është dhe fakti se zotësia
juridike për të vepruar lidhet me përfundimin e akteve juridike, që kryen nëpërmjet
kujdestarëve të tyre ligjorë. Ata mund të krijojnë vepra, por nuk mund të lidhin kontrata për
131 Nenet 6 e vijues të Kodit Civil. Për më shumë në lidhje me zotësinë shih Ardian Nuni, Luan Hasneziri
“Leksione të pronësisë dhe trashëgimisë”.
132 Christophe Caron, Droit d’auteur, Litec LexisNexis, Botimi i tretë, 2013, f. 57.
133 Michel Vivant, Jean-Michel Bruguière, « Droit d’auteur », Dalloz 2009, f. 59.
Dostları ilə paylaş: |