65
lipset t’i kthehemi parimit sipas të cilit, autori është krijuesi dhe jo publikuesi. Çka do të thotë
se autorit krijues do i jepet çdo mundësi ligjore që të provojë përparësinë dhe autorësinë mbi
vepër, për shembull duke vënë në dispozicion kompjuterin e tij, ku do të gjendet koha e
fillimit të krijimit të veprës si dhe çdo përditësim i saj.
Argumentet pro kriterit objektiv të origjinalitetit
Çështja qendron te ndryshimi i formulimit ligjor te kriterit të origjinalitetit, siç patëm
mundësi ta shikonim dhe më sipër. Tashmë, kriteri i origjinalitetit mbështetet më shumë në
një kriter intelektual sesa në një kriter artistik të botës së brendshme të autorit. Doktrina dhe
jurisprudenca i referohen gjithmonë e më shumë “prurjes intelektuale”
203
. Origjinaliteti i parë
si prurje intelektuale dhe përpjekje e personalizuar e autorit ka burimin e saj nga e drejta e
amerikane e Copyright-it. Për më të tepër, në Direktivën 2001/29/CE në lidhje me të drejtat e
autorit dhe të drejtat e lidhura me të në shoqërinë e informacionit, fjala origjinalitet nuk
përmendet në asnjë çast
204
. Përballë trysninë së parimeve që vijnë nga kjo e drejtë, por mbi të
gjitha nga risitë teknologjike, gjykatat në Evropë kanë adaptuar këtë ndryshim thelbësor të
kriterit të origjinalitetit, duke u fokusuar te puna e kryer. Një kriter i lidhur me punën e kryer
(intelektuale dhe përpjekje e personalizuar) është një kriter shumë objektiv se ai i botës së
brendshme të autorit. Kështu, në kuadër të ilustrimit të këtij ndryshimi konceptuar në
jurisprudencën evropiane po përmendim dy vendime, një kombëtar dhe një Evropian.
Vendimi i parë është ai i Gjykatës së Kasacionit francez datë 17 tetor 2012
205
. Shoqëria Codix
kishte akorduar një liçencë përdorimi të programit të saj kompjuterik në favor të shoqërisë
Alix. Kjo e fundit kishte vijuar të përdorte programin edhe pas përfundimit të afatit të
liçencës. Shoqëria Codix paditi shoqërinsë Alix për shkelje të të drejtave [të autorit]. Sipas
legjislacionit çdo përdorim i programit kompjuterik në shkelje të të drejtës së autorit (dhe me
shkelje të të drejtës së autorit nënkuptojmë edhe përdorimin e një krijimi përtej kohëzgjatjes
së autorizuar nga pronari i saj) dënohet sipas legjislacionit në fuqi. Por nëse një palë
konstaton dhe pretendon pushimin e shkelhes së të drejtës së autorit duhet të provojë
karakterin origjinal të veprës dhe se është pronar i saj, në këtë rast të programit kompjuterik.
Ky kriter, siç e thamë dhe më sipër, çmohet në mënyrë sovrane nga gjykata
206
. Pra, pasi të
provohet karakteri origjinal i veprës, atëherë do të mund të diskutohet ekzistenca e së drejtës
së autorit dhe rrjedhimisht, dhe të shkeljes së saj të pretenduar. Gjykata e Apelit kishte
konstatuar se “programi kompjuterik kishte prurë një zgjidhje të veçantë për menaxhimin e
database-it të zyrave përmbarimore” të regjistruara në një faqe interneti të lidhur me
momentin kur ia dërgon botuesit me e-mail, që përbën dhe një provë të fortë të autorësisë së tij. Edhe vetë ai e
pranon se ky është çasti i vetëm që ai lidhet me internetin, kur bëhet për dërgimin e veprës së tij për botim.
203 Patrick Tafforeau, Droit de la Propriété intellectuelle, Gualino, Botimi 2, 2007, f. 65.
204 Benoit Michaux, “L’originalité en droit communautaire”.
205 Benedicte Deleporte - www.journaldunet.com - http://www.journaldunet.com/solutions/expert/53064/la-
cour-de-cassation-rappelle-que-l-originalite-est-une-condition-de-la-protection-du-logiciel-par-le-droit-d-
auteur.shtml
206 Po aty.
66
programin. Gjykata e Kasacionit e prishi vendimin pasi konstatoi se me këtë vlerësim,
Gjykata e Apelit nuk kishte dhënë përgjigjen në lidhje me pyetjen nëse ky program
kompjuterik ishte origjinal apo jo. Sipas saj, origjinaliteti lidhet me “prurjen intelektuale të
vetën [të autorit]” dhe me “përpjekjen e personalizuar” të tij. Duke u mbështetur në këto
kritere objektive, Gjykata e Kasacionit mënjanon kriterin e “botës së brendshme të autorit”,
vështirësisht i gjetshëm në një program kompjuterik që lidhet me database. Në këtë kuptim,
edhe pse termi origjinalitet mbetet, ai është thjesht një fasadë, e nevojshme pas së cilës
gjykata duhet të kapet për të vlerësuar, tashmë në mënyrë objektive, nëse një krijim është i
mbrojtshëm nga e drejta e autorit apo jo. Origjinaliteti devijon kësisoj drejt një koncepti
anglosakson ku vepër e mbrojtshme konsiderohet çdo produkt që buron realisht prej një
personi dhe jo një tjetri dhe kësisoj nuk përbën një kopje të një produkti të mëparshëm. Pasoja
e këtij koncepti është që vepër të konsiderohen krijime nga më të ndryshmet, pa pikën e
personalizimit.
Megjithatë, në hapësirën e Komunitetit Evropian, Gjykata Evropiane e Drejtësisë
kujdeset për harmonizimin e parimeve juridike dhe, në këtë kontekst, ajo i ka dhënë një
përgjigje çështjes së origjinalitetit. Me vendimin e saj nr. C-5/08, të datës 16 korrik 2009
Infopaq kundër Danske Dagblades
207
, Gjykata e Drejtësisë u shpreh se vepra duhet të jetë frut
i krijimit të atij që e ka krijuar dhe duhet të veshë një formë origjinale. Në këtë kuptim,
vendimi i jep një përmbajtje fjalës “origjinalitet” që largohet prej konceptit anglosakson.
Vendimi në fjalë, edhe pse tenton të përcaktojë një teori të përgjithshme të origjinalitetit të
veprës, kushtëzohet nga dy faktorë: së pari, faktet e vendimit lidheshin me një vepër
fotografike ku personaltiteti i autorit vlen më shumë se në krijimet kompjuterike. Së dyti, siç
do e shikojmë më poshtë, veprat Gjykata pranon se veprat kanë karakter të ndryshëm dhe
rrjedhimisht edhe kriteri i origjinaliteti do të variojë në funksion të llojit të veprës
208
.
1.2 – Pasojat e digjitalizimit mbi llojet e veprave
Kategorizimi i veprave që, i cili do të prezantohet më poshtë, ndihmon në një
pasqyrim tjetër të veprave artistike. Ky kategorizim nuk i përgjigjet ndarjes së veprave sipas
llojeve të tyre të parashikuar në nenin 8 të Ligjit për të drejtën e autorit. Megjithatë, për hir të
një shikimi tjetër mbi karakteristikat e veprave dhe të faktit se, pavarësisht llojit, disa vepra
artistike që i përkasin një grupi, mund të kenë ngjashmëri me vepra që i përkasin një grupi
tjetër, mendojmë se ky kategorizim mund të ndihmojë në një shikim më praktik të veprave.
Gjithashtu, duke vendosur analizën në kuadrin e digjitalizimit, nuk do të ketë ndonjë
ndryshim në raport me prezantimin e veprave që do të paraqitet më poshtë. Digjitalizimi është
një proces, ai nuk e ndryshon natyrën e veprës, ndryshon vetëm mediumi me anë të të cilit
207 CJEU case C-5/08 Infopaq A/S v. Danske Dagblades Forening (www.curia.eu).
208 Po aty.
Dostları ilə paylaş: |