89
shpronësimi të autorit
290
. Si pasojë, nuk do të ishim në prani të konceptit personalist të të
drejtës së autorit, por të hynim në një logjikë tjetër, atë të autorit që është i detyruar të bëjë një
punë të caktuar intelektuale, pra një autor punëmarrës apo agjent për kryerjen e shërbimeve.
Një perspektivë e tillë në fakt, është sot më në rendin e ditës se kurrë, me daljen në pah të
programeve kompjuterike, të autorit punonjës apo të rastit të veprave kolektive. Për këto lloj
veprash, ku investimi zë një vend parësor në krahasim me prurjen intelektuale të autorit, është
vetë ligji që rregullon një marrëdhënie tjetër autorësie mbi veprën. Këto raste do të shikohet
në seksionin e dytë më poshtë.
Pasoja e dytë e parimit të autorësisë është se prurja personale në krijimin e veprës
përjashton ata individë që kanë ndihmuar autorin, i kanë dhënë direktiva shumë të
përgjithshme atij ose kanë ekzekutuar urdhra ose direktiva të autorit të veprës. Një parim të
tillë e parashikon qartë Ligji për të drejtat e autorit
291
. Kështu, nuk mund të quhet autor
ekzektuesi i thjeshtë material i veprës. Një person që mbledh informacione dhe veprat e një
autori për të krijuar një klasifikim të përgjithshëm të veprës së një autori nuk mund të
konsiderohet autor. Personi që ka bërë një klasifikim të tillë duhet të sjellë provën e
veprimtarisë së tij krijuese, prurjen e tij personale, ndryshe origjinalitetin. Në këtë mënyrë,
shprehet ideja se lidhja midis autorit dhe veprës bëhet nëpërmjet kriterit të origjinalitetit, që e
kemi shtjelluar më sipër, kriter që përmbledh në forma të ndryshme, idenë se individi duhet të
sjellë prurjet e tij personale.
I njëjti shembull mund të permendet për një individ që kryen vetëm një punë restauruese.
Restaurimi i një vepre implikon, në radhë të parë dhe kryesisht, ndjekjen në mënyrë sa më
besnike të imazhit dhe të shpirtit krijues të autorit. Ndërkohë, për të qenë autori, individi
duhet të provojë se ka prurje personale në vepër, pra që puna e tij restauruese është origjinale,
gjë që nuk ka gjasa të ndodhë, pikërisht pasi restaurimi nuk mbart ne vetvete asgjë origjinale,
në kuptim të të drejtës së autorit.
Në jurisprudencë janë paraqitur gjithashtu edhe disa raste ku individi që ndihmon autorin
kryesor ka vërtetuar prurje personale në krijimin e veprës. Në fushën e veprave fotografike,
personiqë zgjedh subjektin, çastin, vendin dhe këndin e fotografimit mund të rezultojë autori i
vërtetë i fotografisë, në dëm të atij që thjesht
e shkrep aparatin
292
.
Nga ana tjetër, duke ndjekur sërish kriterin e origjinalitetit, mund të ndodh se personi që
është burimi kryesor i informacionit ose i veprës që do të krijohet më vonë, të mos rezultojë
autori i vërtetë. Në një çështje
Springfield vs. Thame
293
, një gazetar furnizonte me artikuj të
290 Po aty.
291 Pika 4 e nenit 14 të Ligjit : « Personi i cili ka dhënë materiale, asistencë teknike apo organizative në procesin
e krijimit të veprës së përbashkët nuk do të konsiderohet si bashkautor ». Kjo pikë është e vendosur në nenin që
flet për bashkautorësinë. Por një parim i tillë mund të vlejë dhe për vepra që janë kryer vetëm nga një autor.
292 Gjykata e shkallës së parë, Paris, datë 6 korrik 1976, RTDCom 1977, 117, obs. Desbois.
293 In David Bainbridge, “Intellectual Property”, Pitman Publishing, Botimi 3, 1996, f. 67.
90
shkurtër informativë gazetën
Daily Mail. Botuesi i gazetës, duke u nisur nga informacioni i
dërguar prej gazetarit, rikonceptonte paragrafin dhe e botonte në gazetë. Gjykatat
argumentuan se gazetari nuk ishte autori i rreshtave pasi ai nuk kishte dhënë asnjë provë
origjinaliteti, pasi ai ofronte vetëm një informacion pa asnjë shenjë dalluese të personalitetit të
tij. Përkundrazi, botuesi kishte dhënë provat e prurjes personale duke rikonceptuar paragrafin
sipas formës dhe stilit që dëshironte ai.
Një nga parimet kryesorë të Konventës së Bernës, saktësisht në nenin 5 të saj, është
asimilimi i autorit të huaj me autorin vendas. Me fjalë të tjera, autori nënshtetas i një shteti që
është palë e Konventës së Bernës, do të gëzojë të njëjtin status me autorin e vendit ku autori i
huaj do të kërkojë mbrojtjen e të drejtës së autorit
294
. Kjo do të thotë se nuk ka asnjë dallim
midis një autori të huaj dhe një autori vendas. Mbrojtja që do të përfitojnë nga e drejta e
autorit do të jetë e njëjtë. Shqipëria është anëtare e Konventës së Bernës dhe shumë
natyrshëm, këtë parim e gjejmë të mishëruar dhe në Ligjin për të drejtat e autorit
295
.
Nëpërmjet tij, çdo autor i huaj vepra e të cilit është publikuar në Shqipëri, mund të kërkojë
zbatimin e Ligjit në mënyrë që të mbrohet, promovohet ose të realizohet e drejta e tij e autorit.
Kjo dispozitë do të gjejë në të ardhmen një zbatim të shpeshtë, duke patur parasysh
qarkullimin e veprave nëpërmjet Internetit.
2.1.2 Autori me statuse të ndryshme në mjedisin digjital
Nëse në paragrafin e parë pamë një përkufizim të përgjithshëm të autorit, do të shikojmë,
në këtë paragraf të dytë se autori, në përditshmërinë e tij krijuese, gëzon disa statuse që kanë
pasojë të drejtpërdrejtë në pozitën e tij juridike si autor. Në radhë të parë do të shikojmë
autorin në një marrëdhënie private pune, autorin me statusin e nëpunësin civil dhe së fundi
autorin dhe gjendjen e tij civile.
a.
Autori i punësuar
296
Krijimi dhe materializimi i veprës janë pikënisja burimore e çdo të drejte që lind mbi
vepër. Mundësia më e thjeshtë do të ishte që këto të drejta të shfrytëzoheshin nga vetë autori:
ai të kishte drejtimin dhe administrimin e të drejtave që burojnë nga krijimi i veprës së tij.
Mirëpo, autori për arsye praktike, nuk është shpesh në gjendje që të komandojë vet të
ardhmen e veprës së tij. Një gjë e tillë do të ndodhë në mjedisin digjital. Ai, nëpërmjet
autorizimit të shfrytëzimit të veprës së tij, do të bëjë të mundur kalimin në mënyrë të
përkohshme ose të përhershme të shfrytëzimit të të drejtave pasurore që burojnë nga vepra, në
favor të një personi që ka mundësitë financiare dhe materiale që të përhapë, jetësojë apo
shpërndajë veprën. Pra, si moment parësor pas krijimit dhe materializimit të veprës, do të
294 Christophe Caron, « Droit d’auteur », Litec LexisNexis, Botimi i tretë, 2013, f. 169.
295 Neni 6 i Ligjit për të drejtat e autorit në lidhje me trajtimin e barabartë.
296 Në lidhje me lindjen, funksionimin dhe mbarimin e marrëdhënieve të punës në përgjithësi
shih Kudret Çela,
E drejta e punës.