2
kundrejt njëri tjetrit në mënyrë të vullnetshme
6
. Shkëmbimi, në këtë rast, tregon më së miri se
subjektet jo vetëm e njohin njëri-tjetrin, por edhe e pranojnë atë. Shkëmbimi tregon gjithashtu
dhe shkallën e lirisë që gëzojnë ose që i japin vetes individët, në funksion të trajtimit që ata i
bëjnë shkëmbimit: a është një e drejtë e tyre të cilën ata e kanë në mëyrë natyrore, që nga
momenti që janë në posedim të një malli? Apo është një e drejtë e cila që të realizohet, duhet
të ketë disa kritere, si për shembull e drejta e pronësisë efektive mbi mallin. Kjo pyetje lidhet
me një pyetje të dytë, nëse vendosemi në optikën e të drejtave të autorit, ose çdo të drejte që
lidhen me një titull pronësie mbi mallin ose shërbimin, objekt të shkëmbimit. Në një kuadër
klasik shkëmbimi, ky i fundit do të vendoste përballë titullarët e të drejtave të autorit dhe
individët të cilët kërkojnë të përdorin këto të drejta mbi vepër. Në një marrëdhënie ku objekt i
shkëmbimit është sendi që është në pronësi të njërës palë, palët në këtë marrëdhënie do të jenë
të ndara në këtë mënyrë: nga njëra anë titullari i të drejtës dhe nga ana tjetër individët kërkues
të përdorimit të veprës, konsumatorët e kështu me radhë. Çdo lloj tjetër forme shkëmbimi i
veprës objekt të të drejtës së autorit, hyn të shkëmbimet e dhunshme
7
(edhe pse nuk mund të
mohohet se ky lloj shkëmbimi është dhe mbetet shkëmbim në vetvetve). Në fund të fundit, ky
lloj shkëmbimi i bindet logjikës së marrëdhënieve borgjeze të qarkullimit civil të sendeve:
nuk mund të disponojë sendin një individ që nuk ka asnjë titull pronësie mbi të ose nëse nuk e
ka fituar me anë posedimi
8
, sipas kushteve të përcaktuara në normat juridiko-civile, në rastin
tonë të Kodit Civil
9
. Mirëpo, vihet re se ka një raport të drejtë mes zhvillimit të mjeteve
teknologjike të përhapjes së informacionit dhe të shkëmbimit të mallrave dhe shërbimeve dhe
tendencës për të demokratizuar këto mjete teknologjike dhe shkëmbimet e mallrave dhe
shërbimeve. Do të shikojmë se shkëmbimet e dhunshme, siç i përkufizuam më sipër, u
përhapën në mënyrë eksponenciale me zhvillimin teknologjik të përhapjes së informacionit.
Asgjë nuk e justifikon shkëmbimin e dhunshëm dhe gjithmonë e drejta, nëpërmjet armëve të
saj të zakonshme, ligjit dhe gjykatave, është përpjekur të vendosë shkëmbimin në një kuadër
ligjor, shoqërisht të pranueshëm. Sepse një shkëmbim jashtë logjikës së ligjshme, është një
shkëmbim që reflekton sëmundjen e shoqërisë dhe mospërputhjen mes mekanizmit të
funksionimit të saj dhe nevojave që ajo ka. Shkëmbimi i ligjshëm që u përshkrua mund të
përfytyrohet si një shkëmbim vertikal, ku njëra palë e shkëmbimit zotëron pronësinë dhe pala
tjetër që kërkon të përfitojë prej saj. Shkëmbimi do të jetë i ligjshëm
10
sipas logjikës
ekonomike të tregut për shkëmbimet. Mirëpo ky lloj shkëmbimi po tronditet pikërisht prej
6 Po aty.
7 Po aty.
8 Nëpërmjet sundimit
efektiv mbi sendin, në përfundim të afatit të parashkrimit fitues, parashikuar në nein 168
të Kodit Civil. Është gjithashtu e njohur shprehja që buron nga doktrina franceze : “Possession vaut titre”
(Posedimi vlen si titull).
9 Në lidhje me mënyrat e fitimt të pronësisë shih Ardian Nuni, Luan Hasneziri “Leksione të pronësisë dhe
trashëgimisë”, 2008, f.101 e vijues. Sipas nenit 163 të Kodit Civil “pronësia fitohet nëpërmjet mënyrave të
caktuara në Kodin Civil dhe mënyrave të tjera të caktuara me ligj të veçantë”.
10 Nocioni i shkëmbimit të matshëm është një nocion i njohur qysh në kohën e Aristotelit. Në veprën e tij Etika
e Nikomakës, ai thotë se shkëmbimi i virtytshëm është ai lloj shkëmbimi që është i matshëm.
3
demokratizimit të mjeteve teknologjike, sidomos ato që lidhen me mjedisin digjital, të cilat po
“institucionalizojnë” një shkëmbim horizontal, duke e bërë shkëmbimin e dhunshëm, ose të
paligjshëm, më të madh në sasi se shkëmbimin e ligjshëm. Sasia e veprave të përcjella nga
përdoruesi drejt një përdoruesi tjetër, pa autorizimin e titullarit të të drejtës ka arritur përmasa
aq të mëdha sa masat ligjore dhe jurisprudenciale nuk mjaftojnë për t’i vënë fre këtij
shkëmbimi që shkelmon mbi çdo të drejtë pronësore mbi vepër. Në këtë studim nuk do të
tregohet sesi paligjshmëria po zë vendin e ligjshmërisë, por si do të reagojë dhe si po reagon
shoqëria dhe e drejta ndaj kësaj paligjshmërie dhe a ka ndonjë pasojë në rithemelimin e
natyrës së shkëmbimeve, sipas modelit të njohur deri më sot. Në kuadrin e përgjithshëm të
shkëmbimeve, është me vend që ta analizohet reagimi ndaj këtyre shkëmbimeve, pasi më
shumë sesa një shkelje e normave ligjore të sotme, ato mund të tregojnë më së miri rrugën e
zhvillimit të shoqërisë në të ardhmen, duke treguar dhe mënyrën e rithemelimit të të drejtës së
shkëmbimeve. Ekonomia e re e shkëmbimeve, brenda kuadrit të të cilit është dhe shkëmbimi i
veprave artistike, ka sjellë në mënyrë të pashmangshme një rishikim të mënyrës sesi titullarët
e të drejtave do të ofrojnë veprat e tyre, mënyra që dalin tërësisht jashtë kuadrit të njohur deri
më tani. Është fakt tashmë se rrtja e shkëmbimeve horizontale të veprave nëpërmjet Internetit,
ka krijuar atë që quhet ekonomia bashkëpunuese
11
, ku përdoruesit kanë rigjetur një fije
altruizimi brenda tyre dhe ndihmojnë përdoruesit e tjerë, nëpërmjet komunikimit të
informacioneve, pavarësisht se nuk e njohin njëri-tjetrin.
Është e rëndësishme pra që të gjendet ekuilibra të reja, në kuadër të një globalizimi të
pashmangshëm, ku e drejta rrezikon të mos ndjekë hapat e tij dhe rrjedhimisht të krijohet një
shoqëri e padrejtë. Mjedisi digjital në përgjithësi dhe Interneti në veçanti, nuk do e shfarosin
kapitalizmit, por në njëfarë mënyre do e rithemelojnë atë dhe rrjedhimisht edhe parimet
juridike ekzistuese
12
. Globalizimi i ekonomisë që po ndjek udhën qysh prej 2000 vjetësh nuk
mund veçse të çojë drejt një kaosi nëse nuk shoqërohet nga një globalizim i Shtetit të të
drejtës
13
. Dhe nëse Shteti i të drejtës që do të formohet ose është duke u formuar e kufizon
rolin e tij vetëm në një polici në shërbim të të drejtës së pronësisë, në interes vetëm të
tregjeve, kjo do të përkthehet në një rritje dramatike të pabarazive dhe një përshpejtim të
degradimit të mjedisit
14
. Çuditërisht, këto vizione jo shumë të kënaqshme ndodhin në një
moment kur ideali demokratik është shumë afër për të gjithë shoqëritë në botë. Në këtë
kuadër, nevojitet, dhe është
duke u kryer, një rithemelim i konceptit të shkëmbimeve.
1.2 - Shkëmbimi në mjedisin digjital
11 Konferencë e Jacques Attali në Institutin G9+, 25 nëntor 2014.
12 Po aty.
13 Jacques Attali, “Demain, qui gouvernera le monde?”, botimet Pluriel, f. 7.
14 Po aty.