174
Parashikimi i mekanizmit të shpërblimit të drejtë në Ligjin për të drejtat e autorit përbën një
nga risitë më të mëdha të tij.
Metodika e shpërblimit për kopje private është mjaft e thjeshtë në parim
561
, por
problemi qendron në zbatimin e saj praktik. Ajo ka lindur si mënyrë për të kompensuar
humbjen e fitimit për autorët dhe artistët në përgjithësi nga kryerja e kopjeve të veprave të
tyre mbi suportet fizike ose digjitale, si për shembull disqet CD ose DVD, kasetat audio dhe
video. Shpërblimi merr formën e një tarife
562
mbi çmimin e shitjes së suporteve, tarifë që
rëndon mbi konsumatorët. Këtë funksionin e gjejmë të parashikuar nën nenin 31 të Ligjit për
të drejtat e autorit, sipas të cilit “autori ka të drejtën e shpërblimit të arsyeshëm nga shitja e
materialeve teknike të cilat bëjnë të mundur riprodhimin e tekstit, zërit apo figurës si dhe
maeriale të cilat bëjnë të mundur mbajtjen/fiksimin e veprave.” Lista e materialeve do të
përcaktohet me vendim të Këshillit të Ministrave, por mendohet se këto pajisje do të jenë
kryesisht CD, DVD të paregjistruar, materiale printimi, fotokopjimi e kështu me radhë. Risi
tjetër që sjell neni 31 i Ligjit për të drejtën e autorit është se nga e drejta për shpërblim të
arsyeshëm, autorët nuk mund të heqin dorë
563
. Kjo e bën shpërblimin e arsyeshëm një të
drejtë pasurore të autorit, ndryshe nga të drejtat e tjera pasurore të tij, të padisponueshme prej
autorit. Ajo është një e drejtë pronësore që i takon autorit, pavarësisht tij. natyrisht, pasi të
561 Parashikuar në mënyrë të hollësishme në nenin 31 të Ligjit për të drejtat e autorit, frymëzuar nga Direktiva
2001/29/CE: “1. Autori, veprat e të cilit, për shkak të natyrës, mund të riprodhohen pa autorizim, në kushtet e nenit 72,
të këtij ligji, nëpërmjet fotokopjes, regjistrim zëri, videos/figurës, tekstit ose nëpërmjet çdo forme tjetër për përdorim
personal privat apo tjetër, ka të drejtën e shpërblimit të arsyeshëm nga shitja e materialeve teknike, të cilat bëjnë të mundur
riprodhimin e tekstit, zërit apo figurës, si dhe materiale, të cilat bëjnë të mundur mbajtjen /fiksimin e veprave
nëpërmjet zërit, figurës, tekstit. Lista e pajisjeve, si dhe tarifat përkatëse përcaktohen me vendim të Këshillit të
Ministrave. 2. Përveç së drejtës në pikën 1, të këtij neni, autorët kanë të drejtën e shpërblimit të arsyeshëm nga një
person fizik ose juridik, i cili ofron shërbimet e fotokopjimit me pagesë. 3. Çdo teknikë tjetër riprodhimi do të
njësohet me fotokopjen dhe çdo lloj pajisjeje, e cila ofron të njëjtin efekt, do të njësohet me pajisjet e regjistrimit vizual dhe
zanor. 4. Shpërblimi i përmendur në pikën 1, të këtij neni, do të paguhet nga prodhuesit e pajisjeve të
regjistrimit vizual dhe zanor, prodhuesit e pajisjeve të fotokopjeve, prodhuesit e kasetës boshe, që mundëson kopje të njëjtë
me origjinalin, videot ose mjetet e fiksimit të tekstit dhe importuesit e këtyre pajisjeve, përveçse kur importohen sasi të
vogla të destinuara për përdorim privat dhe jotregtar, duke qenë pjesë e bagazheve personale. Nëse pajisjet dhe objektet e
përmendura nuk janë prodhuar në Republikën e Shqipërisë, shpërblimi paguhet nga importuesi. 5. Detyrimi për të
paguar shpërblimin e arsyeshëm, të përmendur në pikën 1, të këtij neni, do të rrjedhë: a) nga shitja e parë ose importi në
Republikën e Shqipërisë të pajisjeve/materialeve të reja për regjistrimin vizual dhe zanor; b) nga shitja e parë ose
importi në Republikën e Shqipërisë të kasetave dhe videokasetave boshe ose çdo mjeti të fiksimit të tekstit; c) nga shitja e
parë ose importi në Republikën e Shqipërisë të pajisjeve/materialeve të reja të fotokopjimit. 6. Shpërblimi i përmendur
në pikën 2, të këtij neni, paguhet në vlerën e llogaritur në varësi të informacionit për numrin e fotokopjeve të bëra. 7.
Autorët nuk mund të heqin dorë nga të drejtat për shpërblim, të referuara në pikat 1 dhe 2 të këtij neni. 8. Një
shpërblim i arsyeshëm, i referuar në këtë nen, do të jetë ai shpërblim i dhënë me kontratë/marrëveshje, duke marrë
parasysh mundësinë e dëmit të shkaktuar autorit të veprës, në rastet kur vepra është riprodhuar pa autorizimin e tij për
përdorim privat ose përdorime personale të tjera, aplikimin e masave teknologjike mbrojtëse, si dhe të rrethanave të tjera,
që mund të konsiderohen të drejta në formë dhe përmbajtje për një shpërblim të arsyeshëm.
562 Bëhet fjalë për tarifë dhe jo për ndonjë lloj takse, pasi përfitimi shkon për autorët dhe jo për autoritetet
publike.
563 Pika 7 e nenit 31 të Ligjit për të drejtat e autorit.
175
merret shumë e shpërblimit të arsyeshëm, autori ka lirinë e plotë ta disponojë atë sipas
dëshirës së tij.
Kompensimi, ndryshe i quajtur dhe shpërblimi i drejtë paguhet nga ata persona fizikë
ose juridikë, të cilët prodhojnë ose importojnë pajisje (pajisje të regjistrimit të zërit,
videoregjistrues,
drivers/program
ndihmës
për
mbajtës
të
regjistrueshëm
dhe
riregjistrueshëm, etj.) dhe mjete (kaseta dhe shirita bosh, mbajtës të regjistrueshëm dhe
riregjistrueshëm...) që mund të përdoren për riprodhimin e veprave audiovizuale dhe
fonogrameve.
Tarifimi i shpërblimit për kopjen për përdorim vetjak bëhet në bazë të kapacitetit të
regjistrimit që ka çdo suport. Këto shpërblime u derdhen normalisht agjencive kolektive të
administrmit, të cilat, pasi marrin shumat, i shpërndajnë ato në favor të autorëve, interpretëve
dhe prodhuesve. Ky shikim i shpejtë i mekanizmit të shpërndarjes së shpërblimit ndihmon të
kuptohet mekanizmi i tij. Ai duhet të zbatohet edhe në Shqipëri, ku fenomeni i piraterisë së
veprave ka arritur përmasa shqetësuese, megjithëse ende nuk ka ndonjë studim të mirëfilltë
për ndikimin e piraterisë së veprave mbi të drejtën e autorit.
Mekanizmi që parashtruam është interesant edhe në një pikëpamje tjetër: atë të
neutralizimit të abuzimit në lidhje me vjeljen e të drejtave të autorit
564
. Ky mekanizëm paraqet
thjeshtësi si në diskutimin për ngritjen e taksës që do të shërbejë si shpërblim, ashtu dhe në
zbatimin e tij, pasi shpërblimi do të bazohet në çdo shitje suporti që do të kryhet, gjë që është
lehtësisht e kontrollueshme.
Çështja delikate qendron në zbatimin e këtij sistemi në mjedisin digjital, kryesisht në
internet. Vështirësitë janë të mëdha pasi në praktikë sistemet që mund të vendosen nuk janë të
thjeshtë për t’u realizuar. Gjithashtu, duhet llogaritur dhe kundërshtimi i titullarëve të të
drejtave, të cilët do të mendojmë ndoshta në mënyrë të ligjshme, se me vendosjen e një
sistemi kompensimi në të gjithë botën digjitale, do të zhduket e drejta e autorit dhe veprat e
tyre do të qarkullojnë pa asnjë lloj pengese në rrjet. Kjo gjë do të rrisë akoma më shumë
fitimin e tyre të munguar. Së fundi, problematike do të mbetet dhe çështja që lidhet me
personat që, në fund të fundit, do të paguajnë kompensimin. Megjithatë, rruga është hapur
prej Direktivës 2001/29/CE dhe prej doktrinës. Debati tashmë është çelur dhe disa komente
duhen bërë në lidhje me mënyrën sesi mund të funksionojë ky sistem kompensimi, duke qenë
megjithatë të qartë se nëse vijohet në këtë rrugë, do të kemi një ndryshim radikal të konceptit
të të drejtës së autorit dhe parimit të mbrojtjes së pronësisë, duke vënë theksin më shumë tek
një e drejtë e përdorimit nga ana e konsumatorëve të veprave, të cilët do të paguajnë për
564 Për referencë, mund të marrim procesin gjyqësor, aktualisht nën analizën e Gjykatës së Lartë, me palë
Albautor vs Vodafone Albania sha, ku Albautor kërkon pagesën për të drejtat e autorit për përdorimin nga ana e
shoqërisë Vodafone të ringtoneve të pre-inkorporuara në celularët që përdorin kartën SIM Vodafone.
Dostları ilə paylaş: |