8
“Zaqafqaziya müsəlman ziyalılarının müəllimi və mənəvi atası”,
“Zaqafqaziya müsəlmanlarının milli oyanışının ilk bələdçisi”,
“Müsəlmanlar arasında Avropa təhsili alan ilk azərbaycanlı”
kimi epitetlərlə təqdir etmişdilər. Bu, səbəbsiz deyildi. Çünki bu
böyük insan şüurlu həyatının 40 ildən çoxunu dayanmadan,
usanmadan, yorulmadan doğma xalqının maariflənməsi, mədəni
xalqlar səviyyəsinə yüksəlməsi, ana dilində çağdaş dünyəvi
təhsil ocaqlarının yaradılması, milli ziyalıların yetişdirilməsi
işinə həsr etmişdi. “Maarifdən, elmdən məhrum olan xalq
işıqdan məhrumdur” deyən böyük maarifçi inkişaf etmiş
millətlər arasında doğma millətinin də imzasını görmək arzusu
ilə ürəyini məşəl edib, xalqının elm, maarif, təhsil yolunu
işıqlandırmışdı. Yandırdığı maarif məşəlini ömrünün sonunadək
əlindən yerə qoymamışdı. Qəlbinin hərarətini, gözünün nurunu
bu müqəddəs amalın gerçəkləşməsinə həsr etmiş, bu yolda
ömrünü şam kimi əritməkdən çəkinməmişdi. Hələ sağlığında
özünün maarifçilik ideyalarının gerçəkləşməsinin simvolu olan
Azərbaycan ziyalılarının böyük ordusunu görmək sevincini də
yaşamaq qismətinə nail olmuşdu. Ömrünün son günlərində-dili
söz, əli qələm tutmayan anlarında belə uğrunda çalışdığı
müqəddəs amalı-millətinin maariflənməsi işini öz şəxsi
həyatından uca tutaraq belə bir vəsiyyət etmişdi: “Sizdən xahiş
edirəm, mənim üçün təntənəli dəfn mərasimi düzəltməyin. Məni
çox sadə dəfn edin. Dəfn üçün xərclənməsi lazım gələn vəsaiti
müsəlmanlar (azərbaycanlılar) arasında savad yayan cəmiyyətə
verin. Bu mənim başı bəlalar çəkmiş xalqım üçün daha faydalı
olardı…”
9
Həsən bəy Zərdabinin fikirləri:
“Hər kəsi çağırıram, gəlməyir, göstərirəm, görməyir, deyirəm,
qanmır. Axırda gördüm ki, onları haraylayıb çağırmaqdan,
onlara deməkdən başqa bir qeyri əlac yoxdur. Olmaz ki, mənim
sözümü eşidənlərdən heç biri qanan olmasın! Necə ki, bir
bulağın suyunun altına nə qədər bərk daş qoysan, bir neçə ildən
sonra o su tökülməkdən o bərk daş mürur ilə əriyib deşilir,
habelə söz də, ələlxsüsus, doğru söz mürur ilə qanmazın başını
deşib onun beyninə əsər edər.”
“Dünyada hər qəzeti beş, ya on adam inşa edir. Onu çap edən,
hərflərini düzən, qələtlərini düzən başqa bir kəslər olur. Amma
bu işlərin hamısını gərək mən özüm görüm. Ey bizə diqqət
edənlər, bu qəzetin kəsirini görəndə gülməyin. Gülmək yeri
deyil. Siz ağlayın ki, bizim müsəlmanların bircə qəzetini belə
basdırmağa adam yoxdur.”
“Ey elm təhsil edən cavanlarımız! Doğrudur, bizim vətən
qardaşlarımız ilə üns tutmaq çətindir, siz danışdığınızı onlar
başa düşməyib əfalınızı şəriətə namüvafiq hesab edib, sizə kafir
deyib incidəcəklər. Pəs ləzzəti-dünyaya tamah etməyib, öz
qardaşlarınızı əməli-xeyrə vadar edin, qoy şüaralar sizi həcv
etsin, mollalar lənət oxusun, əvamünnas daşa bassın, siz millət
üçün zəhmət çəkirsiniz və bişək gələcəkdə millətin gözü
açılanda sizi şəhid hesab edib, sizə rəhmət oxuyacaq.”
“Dünyada hər şey hərəkət edir və daim dəyişir...” “Xalq maarifi
uğrunda mübarizə edin, əzmkarlığınızı və iradənizi göstərin ki,
arzu adlandırdığınız şeyə çatasınız.”
“Millət, dövlət qeyrəti çəkən qardaşlar gərək xəyalət və qəvaidi-
mövhuməni kənara qoyub, bacarıq və qüvvə sahibləri aləti-
tərəqqiyyət və məktəbxanalar bina edib, maşın və ustalar gətirib,
ətraflı qaideyi-ülum ilə tərbiyyət etsinlər, ta kəm-kəm xalq
10
bixəbər olub, öz məaşı əbdanlarına lazım olan işləri əmələ
gətirsinlər.”
“Bizim cənnətin bir guşəsinə oxşayan vətənimizin dağları,
çayları, xoş abu-havası və hər bir cəhətdən səfalı və dilguşa
olmağı, onun az zəhmətlə bol məhsul götürən əhalisini çuşa
gətirir”.
“Əlhəq bizim zəmanədə elmsiz qalan millət murur ilə öpuç
olmağı məlum və aşikardır.”
“Əqil və elm ilə insan tamam dünyanı təsərrüf edə bilər.”
“Sən xalq üçün işlə, xalq da sənin qədrini bilər. Bunun üçün,
əvvəlcə, xalqın etimadını qazanmaq lazımdır.”
“Hər vilayətin qəzetəsi gərək ol vilayətin ayinəsi olsun”.
Görkəmli şəxsiyyət, maarifçi pedaqoq Həsən bəy
Zərdabinin anadan olmasının 180 illik yubileyi ilə əlaqədar
olaraq, bir sıra tədbirlər: kitab müzakirəsi, oxucu konfransı,
rəsm müsabiqəsi, icmal, ədəbi-bədii gecə və s. keçirilə bilər.
Zərdabinin yaradıcılığını gənc nəslə, oxuculara tanıtmaq
məqsədilə kitabxanada kitab sərgisi təşkil oluna bilər. Sərgidə
şairin müxtəlif illərdə çəkilmiş foto stendi, kitabları ilə yanaşı
ədəbiyyatşünas və digər müəlliflərin onun haqqında yazdığı
kitablar, araşdırmalar, ona ithaf edilən şeirlər, kəlamlar və dövrü
mətbuatda yer alan məqalələr öz yerini almaqdadır. Sərgiyə
müxtəlif başlıqlarlar verilə bilər: “Maarifçi ideyalar “Əkinçi” si
Həsən bəy Zərdabi”, “Tarixi qədirbilənlik nümunəsi”, “Maarifçi
insan - Həsən bəy Zərdabi”, “Böyük Əkinçi, yaxud unudulmaz
Həsən bəy Zərdabi”, “Milli dirçəlişin başçısı”, “Xalq müəllimi-
Zərdabi”,
“Jurnalist qələmi, vətəndaş ürəyi”, “Milli
mətbuatımızın atası”, “Millət fədaisi-Həsən bəy Zərdabi”,
“Maarif carçısı-Zərdabi”, “O bir məşəl idi, əbədi yanar”,
“Maarif və tərəqqi carçısı”, “Ağıllı müəllim, xeyirxah
məsləhətçi”, “Xeyriyyəçilik hərakatının banisi”,
“Azərbaycan
Dostları ilə paylaş: |