n
VERGİ SİYaSƏTİ
UoT 336.22 (479.24)
VERGİ SİSTEMİ VƏ “aZƏRBaYcaN
2020: GƏLƏcƏYƏ BaXIş” İNKİşaF
KONSEPSİYaSINDaN
DOĞaN TƏLƏBLƏR
Vəlizadə Səftər
Vəli oğlu
Azərbaycan Dövlət Neft
Akademiyasının magistrı
Az 1014, bakı ş.
seftervelizade@ymail.com
Xülasə
Tədqiqatın məqsədi – Azərbaycan Respub-
likasının vergi sisteminin gələcək inkişaf is-
tiqamətlərini araşdırmaqdır.
Tədqiqatın metodologiyası – sistemli yanaşma,
müqayisəli təhlil.
Tədqiqatın nəticələri – aktiv vergi siyasətindən
passiv vergi siyasətinə keçidi təmin etmək
məqsədilə vergi sisteminə ümumi yanaşma tərzi
dəyişilməli, mövcud tələbə uyğun stimullaşdırıcı
vergi mexanizmləri formalaşdırılmalı və vergi
dərəcələrinin optimallaşdırılması mərhələli və tən -
zimlənən şəkildə aparılmalıdır.
Tədqiqatın məhdudiyyətləri – tədqiqatda strateji
məsələlərə toxunulmuş, vergi sistemi qarşısında
duran taktiki məqsədlər aydınlaşdırılmamışdır.
Tədqiqatın praktiki əhəmiyyəti – vergi islahat-
larının həyata keçirilməsində, vergi mexanizm-
lərinin səmərəliliyinin yüksəldilməsi tədbirlərinin
hazırlanmasında, mütərəqqi vergi sisteminin for-
malaşmasında elmi mənbə kimi istifadə edilmə
imkanı.
Tədqiqatın orijinallığı və elmi yeniliyi – vergi sis-
teminin inkişaf istiqamətləri “Azərbaycan 2020:
Gələcəyə Baxış” İnkişaf Konsepsiya çərçivəsində
araşdırılmışdır.
açar sözlər: “Azərbaycan 2020: Gələcəyə
Baxış” İnkişaf Konsepsiyası, vergi islahatları, vergi
sistemi.
səh. 183-200
4/2013
183
n
Ümummilli lider
Heydər Əliyevin
90 illik yubileyi
münasibətilə
“Azərbaycanın
vergi jurnalı”nın
«Azərbaycan-2020:
vergi sisteminin
gələcəyinə baxış»
mövzusunda
magistrantlar arasında
referat yazılışı üzrə
keçirdiyi beynəlxalq
müsabiqənin qalibi –
iii yer
PDF processed with CutePDF evaluation edition
www.CutePDF.com
1. Giriş
1991-ci ildə siyasi və iqtisadi müstəqillik əldə etdikdən sonra problemlərlə dolu
çətin müstəqillik yolları ilə irəliləyən respublikamız bazar iqtisadiyyatına keçid kimi
missiyanı qarşısına qoymuşdur. Bu missiya 70 il sonra öz dövlət müstəqilliyini
yenicə bərpa etmiş respublikanın qarşısına mühüm vəzifələr qoyurdu. Çünki ölkədə
uzun müddət inzibati-amirlik sistemi və insanlarda sosializm psixologiyasının
mövcud olması sistem dəyişikliyinin tədrici olaraq və həssaslıqla aparılmasını zəruri
edirdi. Lakin, SSRİ-nin dağılmasından sonra ittifaq respublikaları ilə ənənəvi təsər-
rüfat əlaqələrinin qırılması, Ermənistanla müharibə vəziyyəti iqtisadi sistemi iflic
vəziyyətə salaraq iqtisadi islahatları mümkünsüz etmişdir. 1993-cü ildə ümummilli
lider Heydər Əliyevin hakimiyyətə gəlməsi ilə ölkədə siyasi sabitlik bərqərar oldu,
tezliklə atəşkəs müqaviləsi imzalandı və iqtisadiyyatda islahatların aparılması üçün
əlverişli şərait formalaşmağa başladı. Qısa zaman ərzində baş verən geriləmə pro -
sesinin qarşısı alınaraq canlanma, islahatların aparılması və irimiqyaslı özəlləşdirmə
prosesləri ilə əvəz olundu. Bu dövrdə qəbul edilmiş iqtisadi proqramlara əsasən hə -
yata keçirilən islahatlar və özəlləşdirmə prosesi əsasən makroiqtisadi sabitliyin və
struktur dəyişikliklərin təmin olunmasına yönəldilmişdi. Məhz həmin iqtisadi isla-
hatların uğurla reallaşdırılması nəticəsində, iqtisadiyyatımızda iqtisadi artım temp -
lərinin yüksək göstəricilərə çatdırılması, sahibkarlığın, kiçik və orta biznesin təşəkkül
tapması, regionların sosial iqtisadi inkişafında qısa zamanda real nəticələr əldə ol-
undu. Uğurla aparılan islahatlar proqramı qarşıya qoyulan məqsədlərin həyata keçir-
ilməsinə, həmçinin iqtisadi artıma və əhalinin maddi rifahının yüksəldilməsinə zəmin
yaradırdı.
Nəticə olaraq müstəqillikdən sonrakı 20 il ərzində Azərbaycan özünün rəqabətqa-
biliyyətli və stabil iqtisadi sistemini formalaşdırmış və qlobal enerji layihələrində
aktiv iştirak etməklə dünya iqtisadiyyatına uğurla inteqrasiya olunmaqdadır. Artıq
inzibati-amirlik üsul-idarəsinə söykənən formasiyadan azad sahibkarlıq və bazar
münasibətlərinə əsaslanan sosial-iqtisadi quruluşa keçid tamamlanmışdır [1].
Dünyada baş verən sürətli qlobal dəyişikliklərlə əlaqədar olaraq yeni tələblər mey-
dana çıxmışdır ki, bunlarda respublikamızın da qarşısına mühüm vəzifələr qoymaqla
onu daim strateji inkişaf perspektivləri haqqında düşünməyə vadar edir. Bu baxım-
dan, bu gün qarşıya innovativ və yeni çağırışlara cavab verən müasir iqtisadi sistemi
formalaşdırmaq məqsədi qoyulmuşdur və bu məqsədlə “Azərbaycan 2020: Gələcəyə
Baxış” İnkişaf Konsepsiyası hazırlanmışdır [2]. “İnnovativ iqtisadiyyat” inkişaf
etmiş iqtisadiyyatdır, iqtisadi artımın innovasiya amilinə əsaslandığı iqtisadiyyatdır.
Bu baxımdan, “innovativ iqtisadiyyatlı ölkə” inkişaf etmiş, yüksək iqtisadi və sosial
rifaha malik ölkədir.
Müstəqillik illəri ərzində iqtisadi inkişafla paralel olaraq Azərbaycan Respub-
likasının vergi sistemi də daim yeniləşmiş və müasir dövrün tələbləri əsasında qu-
4/2013
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
184
rulmuşdur. Təbii ki, “Azərbaycan 2020: Gələcəyə Baxış” İnkişaf Konsepsiyasında
nəzərdə tutulan məqsədlərin müvəffəqiyyətlə həyata keçirilməsi iqtisadiyyatın
hərəketverici qüvvəsi [3] və tənzimləmə aləti olan vergi sisteminin də qarşısına
mühüm məqsədlər qoyur. Ölkə iqtisadiyyatına strateji baxışının keyfiyyətcə yeni is-
tiqamət alması, xammal iqtisadiyyatından innovativ iqtisadiyyata keçid vergi siyasə -
tinə yeni yanaşma tərzinin mövcudluğunu tələb edir. Bu baxımdan, “Azərbaycan
2020: Gələcəyə Baxış” İnkişaf Konsepsiyasında vergi sisteminin missiyasının
araşdırılması ölkə iqtisadiyyatı üçün son dərəcə aktual və mühüm əhəmiyyət kəsb
edən məsələdir.
2. “azərbaycan 2020: Gələcəyə Baxış” İnkişaf Konsepsiyası
azərbaycanın perspektiv inkişaf zərurəti kimi
Azərbaycan Respublikası 1991-ci ildə dövlət müstəqilliyinin bərpasından sonra
iqtisadi sahədə də öz suveren hüquqlarının gerçəkləşdirməyə və müstəqil siyasət
aparmağa başladı. Bu siyasət müxtəlif mülkiyyət növlərinə əsaslanan iqtisadi sistemə
- bazar iqtisadiyyatına keçidə istiqamətlənmişdir. Müstəqil Azərbaycanın iqtisadi
inkişaf yoluna qısa nəzər salmaq üçün onu aşağıdakı dövrlərə bölərək aydınlaşdıraq.
Birinci mərhələ 1991-1995-ci illəri əhatə edən iqtisadi xaos və tənəzzül dövrü.
1991-1993-cü illər həm SSRİ dövründən miras qalmış tənəzzül, həm də səriştəsiz
və məsuliyyətsiz idarəçilik ölkə iqtisadiyyatı böhran vəziyyətə salmışdır. 1991-93-
cü illərdə ölkədə əsas makroiqtisadi göstəricilər o cümlədən, ÜDM-in və sənaye is-
tehsalının həcmi 2 dəfə, kənd təsərrüfatı məhsullarının ümumi həcmi 40%, əsaslı
vəsait qoyuluşu 3 dəfə, yük dövriyyəsi 4 dəfə azalmışdı. Xüsusilə, regionda və
ölkədə baş verən siyasi proseslər milli dövlətçiliyi belə təhlükə altına qoymuşdur
[4]. 1994-1995-ci illərdən başlayaraq əvvəlki illərdən qalmış böhranın və xaosun
qarşısını almaq üçün mühüm tədbirlər görülməyə başlandı.
İkinci mərhələ 1996-2003-cü illəri – makroiqtisadi sabitlik və dinamik iqtisadi
inkişaf dövrünü əhatə edir ki, bu dövr də əsasən bazar iqtisadiyyatına keçmək üçün
əlverişli infrastruktur bazasının formalaşmasını nəzərdə tutmuşdur. 1995-2003-cü
illər ərzində ümumi daxili məhsul 90,1%, dövlət büdcəsinin gəlirləri 3 dəfə, ölkənin
valyuta ehtiyatları 85 dəfə, sənaye məhsulunun həcmi 25,2%, kənd təsərrüfatı is-
tehsalının həcmi 53,9%, xarici ticarət dövriyyəsi 4 dəfə, iqtisadiyyatda məşğul olan-
ların orta aylıq real əməkhaqqı 5,6 dəfə artdı, inflyasiya səviyyəsi 2-3%-ə qədər
endirildi, bütün maliyyə mənbələri hesabına iqtisadiyyata yönəlmiş investisiyaların
ümumi həcmi 20 milyard ABŞ dollarını çatmışdır ki, bütün bunlar yeni-yeni iqtisadi
islahatların aparılmasına əlverişli zəmin yaratmışdır [4].
Üçüncü mərhələ 2003-2012-ci illəri əhatə edir ki, bu dövr yeni iqtisadi sistemə -
bazar iqtisadiyyatına keçid dövrünün tamamlanması mərhələsini əhatə edir. Bu dövr
Azərbaycanın neft amilindən daha aktiv istifadə edərək Avropa bazarlarına çıx-
4/2013
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
185
mağını, qlobal enerji layihələrinin mərkəzi oyunçusu olaraq dünyanın enerji təh-
lükəsizliyinin təminatçısı statusu adını alması, regionların sosial-iqtisadi inkişafının
və bu inkişafın xüsusilə qeyri-neft sektorunun hesabına baş verməsinin ön plana çə -
kilməsini əhatə edir ki, bunlar dünya iqtisadiyyatına səmərəli inteqrasiya olunmağa
əlverişli şərait yaratmış, eyni zamanda, bazar iqtisadiyyatına keçid mərhələsinin
müvəffəqiyyətlə tamamlanmasında mühüm rol oynamışdır. Bu dövrlər üçün hazır-
lanmış beynəlxalq təşkilatların hesabatlarına nəzər salsaq, 2009-2010-cu illərdə
“Qlobal Rəqabətlilik” hesabatında Azərbaycan 133 ölkə arasında 51-ci yerə [5],
2012-2013-cü illərdə isə 144 ölkə arasında 46-cı yerə [6], MDB-də 1-ci yerə [6]
çıxmışdır. Həmçinin Beynəlxalq reytinq agentliklərinin respublikamıza verdikləri
indikatorlarda da artım olmuşdur.
Fikrimizin əyaniliyini sübut etmək üçün dövrün əsas makroiqtisadi göstəricilərin
əks olunduğu aşağıdakı qrafikə nəzər salaq:
Qrafik 1: Əsas makroiqtisadi göstəricilər
Mənbə: www.stat.gov.az – saytının məlumatları əsasında müəllif tərəfindən işlənmişdir.
Qrafikdən göründüyü kimi, əsas makroiqtisadi göstəricilərin ümumi səviyyəsində
2009-cu il istisna olmaqla bütün illər üzrə artım olmuşdur. Belə ki, 2012-ci ildə ÜDM
2005-ci ilə nəzərən 4,3 dəfə, dövlət büdcəsi 8,5 dəfə, əsas kapitala investisiya qoyu-
luşu 2,7 dəfə artmışdır. Əlavə olaraq, bu illər ərzində iqtisadiyyatda inflyasiya
səviyyəsi bir rəqəmli səviyyədə saxlanmış, strateji valyuta ehtiyatları təqribən 25
dəfə artaraq 46 milyard dolları ötmüşdür [4].
Dördüncü mərhələ 2013-2020-ci illəri – innovasiyalı iqtisadiyyata keçid
mərhələsini əhatə edəcəkdir ki, bu mərhələnin sonunda Azərbaycanı dünyanın
qabaqcıl iqtisadiyyatlı ölkələri sırasına qoşulmasını nəzərdə tutur. İnnovasiyalı iqti-
sadiyyata keçid respublikamızın əvvəlki dövrlərdə əldə olunmuş və yuxarıda az bir
qismini sadaladığımız nailiyyətlər hesabına qlobal çağırışlara qoşulma prosesini
özündə əks etdirən iqtisadi inkişaf mərhələsidir. Hazırkı dövrdə, qlobal aləmdə in-
4/2013
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
186
novasiya fəaliyyətinin keyfiyyətcə yeni müstəvidə keçməsi və müasir iqtisadi pro -
seslərin dəyişmə tempi innovativ texnologiyların praktikaya tətbiqini sürətlənmişdir.
Digər tərəfdən, dünyada baş verən qloballaşma meyilləri kapital, əmək, istehsal
miqrasiyasını kəskin sürətləndirmişdir. Belə bir şəraitdə, Azərbaycan iqtisadiyyatının
üzərinə düşən vəzifə qlobal çağırışlara qoşulmaqla müasir dünyadan geri qalmamaq,
qeyri-neft sektorunun rəqabət qabiliyyətini artırmaq və müqayisəli üstünlüyə malik
üstünlüyü olan yeni istehsal sahələrini formalaşdırmaqdır [8].
3. “azərbaycan 2020: Gələcəyə Baxış” İnkişaf Konsepsiyasının
məqsəd və hədəfləri
“Azərbaycan 2020: Gələcəyə Baxış” İnkişaf Konsepsiyası 2011-ci ildə ölkə prezi-
dentinin sərəncamı ilə hazırlanmasına göstəriş verilmiş və 2012-ci ildə hazırlanaraq
təsdiq edilmişdir. Əvvəldə qeyd etdiyimiz kimi, konsepsiya iqtisadiyyatın yeni
mərhələyə qədəm qoymasının və iqtisadi artımın isə keyfiyyətcə yeni müstəviyə
keçməsini özündə əks etdirir. Konsepsiyanın əsas strateji baxışı mövcud vəziyyəti
qiymətləndirməklə iqtisadiyyatda davamlı iqtisadi artım və yüksək sosial rifah,
səmərəli dövlət idarə edilməsi, vətəndaş cəmiyyətinin ictimai proseslərdə aktiv işti-
rakı ilə səciyyələnən inkişaf mərhələsinə nail olmaqdır [8].
Konsepsiya əvvəlki illərdə əldə olunmuş nailiyyətlər hesabına qlobal inkişaf me -
yillərinə qoşularaq diversifikasiya etmiş, səmərəli və rəqabətqabiliyyətli iqtisadiyyatı
formalaşdırmağı hədəfləyir ki, bu da özündə makroiqtisadi sabitliyin qorunması,
biznes mühitinin yaxşılaşdırılması, özəl təşəbbüsün dəstəklənməsi, xarici iqtisadi
əlaqələrin genişləndirilməsi, ölkədə investisiya mühitinin yaxşılaşdırılması, səmərəli
dövlət tənzimlənməsinin qurulması, ixrac yönümlü iqtisadiyyatın qurulması kimi
çoxsaylı məqsədləri əhatə edir [8].
Statistik olaraq İnkişaf Konsepsiyası 2020-ci ilə kimi adambaşına düşən ÜDM-
un 2 dəfə artaraq 13000 dollara, adambaşına düşən qeyri-neft ixrac həcmi 1000 dol-
lara, qeyri-neft üzrə ÜDM-un artım tempinin 7%-ə çatdırılmasını nəzərdə tutur [8].
“Azərbaycan 2020: Gələcəyə Baxış” İnkişaf Konsepsiyasının əsas xarakterik
cəhəti odur ki, Konsepsiyada nəzərdə tutulmuş məqsədlərin reallaşmasında inno-
vasiya amili mərkəzi nöqtədə durur. Qlobal dünyada innovasiya amilinə diqqətin
artdığı bir vaxtda Azərbaycan iqtisadiyyatının da bu amil əsasında “xammal iqti-
sadiyyatı”ndan “innovativ iqtisadiyyat”a keçidi hədəflənməkdədir. İnnovativ iqti-
sadiyyat dövlətin iqtisadi, ekoloji, sosial və mədəni fəaliyyətini özü əhatə edən və
özündə məhsuldar istehsal amilləri nəticəsində səmərəli və müqayisəli üstünlüyə
malik istehsal sahələri saxlayan iqtisadi sistemdir. Bu məqsədlə Konsepsiyada elmi
infrastrukturun təkmilləşdirilməsi, bilik iqtisadiyyatının formalaşdırılması, elmtu-
tumlu məhsulların hazırlanması üçün mütərəqqi texnologiyanın tətbiqinin stimul-
laşdırılması kimi çoxsaylı məqsədlər nəzərdə tutulur [8].
4/2013
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
187
2020-ci il innovativ iqtisadiyyatın əldə olunması istiqamətində sadaladığımız
məqsədlər birbaşa insan kapitalının inkişaf etdirilməsi, sosial rifahın yüksəldilməsi
ilə bağlıdır. Çünki, innovasiya prosesinin başlanğıcında insan beyninin, zəkasının
məhsulu olan ideya, elmi-texniki yenilik durur. Bu baxımdan, İnkişaf Konsepsiyası
insan amili, onun təhsil və elmi səviyyəsi, analitik təfəkkürünün yüksəldilməsi kimi
məsələləri xüsusilə əhatə etmişdir. Konsepsiyanın əhatə etdiyi dövrdə əhalinin hər
il orta hesabla 1,1% artaraq 10,2 milyon səviyyəsinə çatdırılması, BMT İnkişaf Pro-
qramının İnsan İnkişafı ilə bağlı təsnifatına əsasən “yüksək insan inkişafı” ölkələri
qrupunda üst sıralara yüksəlməsi hədəflənməkdədir [8].
Konsepsiyada nəzərdə tutulmuş məqsədləri ümumi şəkildə aşağıdakı kimi qrup -
laşdıra bilərik [8]:
İnsan kapitalının inkişaf etdirilməsi, əhalinin sosial rifahın və sosial
müdafiəsinin yüksəldilməsi ilə bağlı zəruri tədbirlərin görülməsi;
İqtisadi artımın məhz innovasiya amilinin təsiri altında reallaşması;
İqtisadiyyatın diversifikasiya prosesini sürətləndirməklə ÜDM artımının qeyri-
neft-qaz sektorunun hesabına təmin etmək;
Qeyri-neft amilinin xüsusilə regionların hesabına üstünlüyünün əldə olun-
masına nail olmaq;
İxracın təşviq edilməsi (xüsusilə qeyri-neft ixracının) və yerli müəssisələrin
xarici bazara çıxışına nail olunmaq;
Konsepsiyanın əhatə etdiyi dövrdə xüsusi iqtisadi zonaların yaradılması və
iqtisadi potensialı nəzərə alınmaqla hər bir iqtisadi rayon üzrə sənaye şəhər-
ciklərinin qurulması hədəflənir;
Müqayisəli üstünlüyə malik yeni sənaye sahələrinin formalaşdırılması;
İqtisadiyyatın rəqabətqabiliyyətliyinin artırılması məqsədilə biznes mühitinin
yaxşılaşdırılması, özəl təşəbbüsün dəstəklənməsi, maliyyə xidmətləri bazarının
inkişafı, inflyasiyanın məqbul səviyyədə saxlanması və s. kimi tədbirləri
nəzərdə tutur;
İKT və rabitə xidmətlərindən istifadə imkanlarının genişləndirilməsi, infor-
masiya kommunikasiya texnologiyalarını inkişaf etdirilməsi istiqamətində
etibarlı təhlükəsizlik sisteminin yaradılması, milli standartların formalaşdırıl-
ması və e-dövlət xidmətlərinin 100% tətbiq edilməsi əsas prioritetlərindən biri
kimi diqqət mərkəzində olacaqdır.
Təbii ki, Konsepsiyada nəzərdə tutulan iqtisadi-sosial məqsədlərin reallaşdırıl-
ması beynəlxalq səviyyəli rəqabət gücünə malik iqtisadi sistemin mövcudluğunu
şərtləndirir. Tarixi və müasir dünya təcrübəsi göstərir ki, belə bir iqtisadi sistem azad
sahibkar təşəbbüslərinə və sərbəst rəqabətə malik bazar münasibətlərinə şəraitində
mövcud ola bilər. Bununla yanaşı, iqtisadi sahələrdə davamlı yüksək artım temp -
lərinin təmin olunması, innovativ iqtisadiyyatın müsbət effektləri ilə bərabər mənfi
effektlərinin də mövcudluğu səmərəli dövlət tənzimlənməsini zəruriləşdirir.
4/2013
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
188
4.Müstəqil azərbaycanın müasir vergi sisteminin
formalaşması istiqamətində aparılan islahatlar
Əlverişli vergi mühiti bazar iqtisadiyyatının hərəkətverici qüvvəsi olub ölkənin
sosial-iqtisadi inkişafında, biznes münasibətlərinin genişlənməsində mühüm rol oy-
nayır. Bu baxımdan respublikamızda bazar iqtisadiyyatına keçid mərhələsinin
müvəffəqiyyətlə başa çatmasında qurulmuş vergi sisteminin və həyata keçirilmiş
vergi islahatların rolu az olmamışdır. Ümumiyyətlə, keçid iqtisadiyyatının obyektiv
zərurəti kimi ötən dövrlərdə passiv vergi siyasəti aparılmış, vegi qanunvericiliyində
vergi ödəyiciləri üçün ümumi güzəştlər müəyyən edilmişdir. Eyni zamanda, iqtisadi
artımı stimullaşdıran, mütərəqqi vergi sisteminin formalaşdırılması üçün mühüm is-
lahatlar aparmışdır. Bu baxımdan, vergi sisteminin gələcək perspektivlərini
qiymətləndirmək üçün respublikamızın vergi sisteminin formalaşması istiqamətində
aparılan islahatları qısa təhlil edərək nəzərdən keçirək.
Ümumiyyətlə, respublikamızda uzun müddət vergi sistemi ilə məşğul olan
müstəqil orqan olmamış və vergi siyasəti Maliyyə Nazirliyinin tərkibində fəaliyyət
göstərən Baş Dövlət Vergi Müfəttişliyi tərəfindən aparılmış, yalnız 2000-ci il 11
fevral tarixli Fərmanı ilə Baş Dövlət Vergi Müfəttişliyi ləğv edilmiş, onun bazasında
ölkədə dövlətin vergi siyasətinin həyata keçirən mərkəzi icra hakimiyyəti orqanı -
Vergilər Nazirliyi yaradılmışdır. Vergilər Nazirliyini yaradılması ilə vergi sisteminin
təkmilləşdirilməsi ilə bağlı ardıcıl və məqsədyönlü islahatlar aparılması üçün əlve -
rişli zəmin formalaşmışdır. 2001-ci ilin yanvarın 1-də qüvvəyə minən Vergi Məcəl-
ləsi müstəqil Azərbaycanın həyatında yeni tarixi bir hadisə olaraq vergi sisteminin
təkmilləşdirilməsi və onun beynəlxalq standartlara uyğunlaşdırılması sahəsində
atılmış mühüm addımlardan biri kimi çıxış etmişdir [9].
Azərbaycan Respublikası Prezidentinin 2005-ci il 12 sentyabr tarixli sərəncamı
ilə “Azərbaycan Respublikasında vergi inzibatçılığının təkmilləşdirilməsi dövlət pro-
qramı” təsdiq olunmuşdur. Dövlət Proqramı vergi ödəyicilərinin hüquqlarının qorun-
ması, vergidən yayınma halları ilə mübarizənin gücləndirilməsi, vergilərin məcburi
ödənilməsi sisteminin təkmilləşdirilməsi və vergi borclarının yaranmasının qarşısının
alınması kimi həyati əhəmiyyətli məsələləri əhatə etmişdir [9].
2006-cı ildə vergi menecmentinin elektron qaydada qurulmasına imkan verən Av-
tomatlaşdırılmış Vergi İnformasiya Sisteminin (AVİS) tətbiqinə nail olunmuşdur.
AVİS elektron xidmətlərin göstərilməsinə əlverişli şərait yaratmış, vergi prose-
durlarını asanlaşdırmış və nəticədə vergi ödəyicilərinə xidmət səviyyəsinə yük-
səlməsinə şərait yaratmışdır. 2008-ci ildən sahibkarlıq subyektlərinin qeydiyyatının
“bir pəncərə” prinsipi tətbiq edilməklə aparılması göstərilən elektron xidmətlərin
mühüm tərkib hissəsi olmaqla vergi ödəyiciləri və beynəlxalq təşkilatlar tərəfindən
çox müsbət qiymətləndirilmişdir [10].
2007-ci ildə ölkəmizin ən böyük dövlət portallarından biri olan Vergilər Nazir-
4/2013
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
189
liyinin İnternet Vergi İdarəsi portalı istifadəyə verilmiş və bəyannamələrin elektron
variantda göndərilməsinə başlanılmışdır [11]. Elektron bəyannamə sisteminin tətbiqi
ümumilikdə bəyannamələrin tərtib edilməsi və onların vergi orqanına göndərilməsi
üçün lazım olan vaxtı əhəmiyyətli şəkildə azaltmışdır. 2012-ci ildə vergi ödəyiciləri
tərəfindən Vergilər Nazirliyinə daxil olan bəyannamələrin 89,9 %-i [9], 2013-cü ilin
yanvar-mart aylarında isə 94,3% [12] elektron formatda göndərilir.
Qlobal böhran şəraitində belə, Prezident İlham Əliyevin tapşırığı əsasında Azər-
baycanda vergi yükünün azaldılması yolu ilə real sektorun təşviqi haqqında qanun-
verici qərar qəbul edilmiş, 2009-cu ildə vergi qanunvericiliyinə ciddi dəyişikliklər
olunmuşdur. Nəticədə, 2010-cu ilin yanvarından mənfəət vergisi 22 faizdən 20, fiziki
şəxslər üçün gəlir vergisinin maksimal dərəcəsi 35 faizdən 30 faizədək azaldılmış,
fərdi sahibkarlar üçün isə bu dərəcə 20 faizədək endirilmişdir. Qeyd edək ki, 2012-
ci Vergi Məcəlləsinə dəyişiklik edərək fiziki şəxslərin gəlir vergisinin 14%-lik
dərəcəsinin tətbiq edildiyi maksimum hədd artırılmışdır [13].
2012-ci ildə Vergi Məcəlləsinə çoxsaylı əlavə və dəyişikliklər edilmişdir ki, bun-
ların əsas istiqaməti innovativ iqtisadiyyata keçidlə əlaqədar olaraq formalaşdırılması
nəzərdə tutulan sənaye-texnologiyalar parklarının stimullaşdırılması üçün çoxsaylı
güzəştlər paketi nəzərdə tutulmuşdur [13].
Son zamanlar vergi sisteminin orta perspektivlər üçün inkişaf istiqamətlərini
müəyyən edən mühüm sənədlər - “Vergi qanunvericiliyinin təkmilləşdirilməsinin
strateji istiqamətləri” və “Vergi inzibatçılığının təkmilləşdirilməsi məqsədilə infor-
masiya-kommunikasiya texnologiyalarının istifadə imkanlarının genişləndirilməsi
haqqında” konsepsiyalar və 2011-2015-ci illəri əhatə edən “Vergi orqanları
tərəfindən vergi ödəyicilərinə göstərilən xidmətlərin inkişafı Konsepsiyası” qəbul
edilmişdir ki, bura elektron ticarət üzərindən vergi nəzarətinin təşkili, həmçinin elek-
tron ticarətə ƏDV-nin tətbiqi, transfert qiymətlərin tənzimlənməsi ilə bağlı qanun-
vericilik bazası, özəl vergi xidməti haqqında qanunvericilik bazasının
formalaşdırılması, elektron audit sistemi, əvvəlcədən doldurulmuş bəyannamə sis-
temi, vergilərin plastik kartlarla ödənilməsi kimi vergi sistemini daha da müasir-
ləşdirəcək məsələlər daxildir [14].
5.Müstəqil azərbaycanın müasir vergi sisteminin
formalaşması istiqamətində aparılan islahatların nəticələri
Əvvəldə qeyd etdiyimiz kimi, 1993-cü ildən vergi xidmətində çoxşaxəli islahatlar
və 2000-ci ildən başlayaraq vergi orqanlarının strukturunun yenidən qurulması ilə
vergi sisteminin təkmilləşdirilməsi, onun vahid hüquqi bazasının yaradılması, vergi
dərəcələrinin aşağı salınması və güzəştlərin azaldılması hesabına vergitutma baza-
sının genişləndirilməsi, iqtisadiyyatda investisiya qoyuluşunun stimullaşdırılmasına,
kiçik və orta sahibkarlıq üçün əlverişli şəraitin yaradılmasına yönəldilən vergi siyasə-
4/2013
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
190
tinin həyata keçirilməsi, habelə vergi xidməti orqanlarının fəaliyyətinin
səmərəliliyinin artırılması istiqamətində mühüm məqsədyönlü işlər görülmüşdür.
Bütün bunlar nəticəsində ölkədə sabit və rəqabət qabiliyyətli vergi sistemi qurulmuş,
elektron xidmətlərin kəmiyyət və keyfiyyəti artırılmış, vergi ödəyiciləri və vergi
orqanları arasında əlaqələr minumuma endirilmiş, fiziki və hüquqi şəxslərin qey-
diyyatı elektron formada həyata keçirilməyə başlanmış və iqtisadi islahatların aparıl-
ması üçün əlverişli zəmin formalaşmışdır ki, bütün bunlarda istər dövlət büdcəsinə
vergi daxil olmalarının həcmində, istərsə də digər göstəriciləri yüksəlməsində özünü
göstərmişdir.
Bu baxımdan vergi növləri üzrə büdcəyə daxilolmaların əks olunduğu aşağıdakı
qrafikə nəzər salaq:
cədvəl 1. vergi növləri üzrə büdcəyə daxilolmalar
Mənbə: http://www.taxes.gov.az.
Qrafik 2012-ci ildə vergi daxilolmalarının həcminə görə sıralanmışdır. Göründüyü
kimi, illər üzrə vergi daxilolmaları həm ayrı-ayrı vergilər üzrə, həm də ümumi
həcmdə artım müşahidə edilmişdir. 2012-ci ildə ümumi vergi daxilolmalarının həcmi
2005-ci ilə nəzərən təqribən 4,2 dəfə, hüquqi şəxslərin mənfəət vergisi üzrə bu
göstərici 6,3 dəfə, fiziki şəxsləri gəlir vergisi üzrə 2,5 dəfə, Əlavə Dəyər Vergisi üzrə
4,3 dəfə və s. artmışdır.
Ölkədə vergi sistemini xarakterizə edən iqtisadi göstəricilərdən biri də vergi
yüküdür. Ümumi praktikada vergi yükünü həm vergi daxilolmalarının ümumi daxili
məhsula nisbəti, həm də cəmi daxilolmaların ümumi daxili məhsula nisbəti kimi
təyin edilir. Araşdırdığımız məsələnin mahiyyətinə uyğun olaraq birinci metodu is-
tifadə edərək, yəni cəmi vergi daxilolmalarının ÜDM bölməklə vergi yükünü illər
üzrə hesablayaraq dinamikasına nəzər salaq.
4/2013
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
191
vergi növləri
vergi növləri üzrə büdcəyə daxilolmalar, mlyn manat
2005
2006
2007
2008
2009
2010
2011
2012
Mənfəət vergisi
356,958 1375,562 2459,185 2863,950 1329,193 1429,825 2133,993 2252,223
Ədv
346,058 400,539 669,649 1169,894 1180,281 1271,463 1387,663 1483,585
Gəlir vergisi
319,212 412,250 596,597 637,800 581,873 590,235 715,656 812,958
aksizlər
121,250 164,047 330,585 395,811 417,368 452,027 417,394 454,642
Mədən vergisi
53,540
100,202 123,233 147,750 121,904 130,074 129,770 125,783
sadələşdirilmiş vergi
18,825
29,694
48,106
65,656
63,574
65,525
100,426 111,423
Əmlak vergisi
40,436
56,254
72,760
113,256
66,169
101,812 103,867 105,087
Torpaq vergisi
15,268
18,821
27,288
30,790
26,236
35,311
35,321
30,596
yol vergisi
9,023
10,339
17,144
27,366
16,463
15,169
28,095
28,655
dövlət rüsumu
35,667
33,500
50,063
59,871
72,875
89,519
104,805 103,186
sair daxilolmalar
111,217 115,414 154,649 234,456 237,466 111,840 318,071 517,226
cəmi
1427,453 2706,282 4549,259 5746,566 4113,400 4292,800 5475,062 6025,367
Qrafik 2: vergi yükünün qrafik təsviri
Mənbə: www.stat.gov.az və www.taxes.gov.az– saytlarının məlumatları əsasında müəllif tərəfindən işlənmişdir.
Qrafikdən görünür ki, vergi yükü 2007-ci ildən 2010-cu ilə kimi kəskin sürətdə
azalmış, 2011 və 2012-ci illər ərzində nisbətən artmışdır. 2007-ci ildə vergi yükünü
kəskin artması həmin ildə əvvəlki ilə nəzərən toplanmış vergilər daha çox artması
(təqribən 1,7 dəfə) nəticəsində baş vermişdir. onu da qeyd edək ki, respublikamızda
vergi yükü dünyanın əksər inkişaf etmiş ölkələrindən aşağıdır. Məsələn, 2010-cu
ildə Türkiyədə vergi yükü 0,24, ABŞ-da 0,26, Yaponiyada 0,28, bəzi Avropa
ölkələrində isə daha yüksək Almaniyada 0,27, Norveçdə 0,42, İsveçdə 0,46 olmuşdur
[16]. 2010-cu ildə respublikamızda isə eyni metodika əsasında hesablanmış vergi
yükü (vergi daxilolmalarının ÜDM-də payı) 0,10 olmuşdur.
Qeyri-neft sektorundan ümumi vergi daxilolmalarının neft sektoru ilə müqayisəsi
maraqlı olardı.
diaqram 1: sektorlar üzrə vergi daxilolmaları
Mənbə: www.stat.gov.az və www.taxes.gov.az saytlarının məlumatları əsasında müəllif tərəfindən işlənmişdir.
4/2013
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
192
4/2013
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
193
Qrafikdən görünür ki, 2009-cu il dünya maliyyə böhranı ölkəmizdən də yan
keçməmiş və bu həm neft sektorunun, həm də qeyri-neft sektorundan büdcəyə vergi
daxilolmalarının həcminin azalmasında özünü göstərmişdir. Lakin, son illər qeyri-
neft sektorundan daxil olan vergilərin həcmi neft sektorunun daxilolmalarını
üstələmiş, neft sektoru ilə müqayisə daha yüksək nisbi artım sürətinə malikdir.
Bütün bunlarla yanaşı vergi orqanları tərəfindən elektron hökumətin qurulması
istiqamətində görülmüş işlər ölkədə hüquqi prosedurları azaldaraq əlverişli biznes
mühitinin inkişafına mühüm töhfələr vermişdir. Belə ki, “bir pəncərə” sistemini tət-
biq edərək fiziki şəxslərin elektron qeydiyyat zamanı prosedurların sayını 3 dəfə,
qeydiyyat dövrünü isə 20 dəfə azaldaraq 72 gündən 3 günə qədər, azaltmışdır. Əvvəl-
lər qeydiyyat prosesində 500 adam istifadə edilirdisə, yeni sistemin tətbiqindən sonra
bu say 85 nəfərə qədər endirilmişdir [17].
Hüquqi şəxslərin elektron qeydiyyat sisteminin tətbiqi qeydiyyat prosesini daha
da asanlaşdırmışdır. Elektron qeydiyyat iki üsulla: sürətli və adi qaydada həyata
keçirilir. Təsisçi bir nəfər olduqda sürətli elektron qeydiyyat tətbiq edilir. Bu halda
təsisçi özü, MMC-nin rəhbəri və fəaliyyət sahəsi barədə məlumatı sistemə daxil
edərək elektron şəkildə imzalayır. Bununla da hüquqi şəxsin dövlət qeydiyyatı üçün
tələb olunan məlumatlar qeydiyyat orqanına təqdim edilmiş sayılır. MMC-nin nizam-
naməsi və digər qeydiyyat sənədləri proqram təminatı vasitəsilə elektron formada
hazırlanır və nəticədə qeydiyyat prosesi cəmi bir neçə dəqiqə çəkir [18].
Hüquqi şəxslərin elektron qeydiyyat sisteminin tətbiqi nəticəsində biznesə başla-
maq üçün prosedurların sayı 6-dan 3-dək, tələb olunan sənədlərin sayı isə 7-dən 2-
dək azaldılıb, müvafiq sənədlərin notarial qaydada təsdiqi zərurəti aradan qaldırılıb.
Təsisçilərin sayı 1-dən çox olduqda, eyni zamanda, hüquqi şəxsə aid daha geniş
məlumatların daxil edilməsi tələb olunduqda isə adi elektron qeydiyyat üsulu seçilir,
bu zaman qeydiyyatın başa çatdırılması 20 dəqiqədən 3 günədək davam edir [18].
Nəticə olaraq, vergi sistemində aparılan islahatlar respublikamızın vergi sistemini
dünyanın qabaqcıl ölkələrinin vergi sistemləri səviyyəsinə çatdırmaqla vergi siste -
minin daha da yeniləşdirilməsi üçün əlverişli baza formalaşmışdır.
6. “azərbaycan 2020: Gələcəyə Baxış” İnkişaf Konsepsiyasında
vergi sisteminin təkmilləşdirilməsi ilə bağlı nəzərdə tutulan məsələlər
Azərbaycan 2020: Gələcəyə Baxış” İnkişaf Konsepsiyasında nəzərdə tutulan
məqsədlərin reallaşdırılması üçün vergi sistemi təkmilləşdirilməsi ilə bağlı tələbləri
iki istiqamətdə araşdırmaq lazımdır. Birincisi, Konsepsiyada vergi sisteminin
inkişafını nəzərdə tutan birbaşa müddəalar, ikincisi Konsepsiyanın ümumiqtisadi
məqsədlərinin reallaşdırılması üçün vergi sisteminin qarşısına qoyulan dolayı
məqsədlərdir. Birbaşa məqsədlər innovativ iqtisadiyyatın xarakterik xü-
susiyyətlərindən irəli gələn və “açar” rolunu oynayan məqsədlərdir, dolayı məqsədlər
isə innovativ iqtisadiyyatın reallaşdırılması mərhələlərinin tələbləri nəzərə alınaraq
vergi sisteminin iqtisadi sistemə uyğunlaşma vasitəsidir.
Azərbaycan 2020: Gələcəyə Baxış” İnkişaf Konsepsiyasında rəqabətqabiliyyətli
və səmərəli iqtisadiyyatın qurulması istiqamətində vergi sisteminin təkmil-
ləşdirilməsi üçün iki mühüm məqsəd qoyulur:
1.İqtisadi sistemin rəqabət qabiliyyətini artırmaq üçün tədricən passiv vergi
siyasətindən aktiv vergi siyasətinə keçid [8];
Aktiv vergi siyasətinə keçid vergi sisteminin fiskal tarazlığını pozmadan onun
stimullaşdırıcı rolunun artırılmasını nəzərdə tutur ki, bu da ölkə iqtisadiyyatının
qarşısına qoyduğu yeni inkişaf mərhələsinə uyğun olaraq “xammal
iqtisadiyyatı”ndan qeyri-neft sektoruna, elmtutumlu və innovativ sahələrə keçidi
daha çox əhatə etməlidir. Aktiv vergi siyasəti sadəcə vergilərin sayının, dərəcələrinin
azaldılması və bu yolla təsərrüfat subyektlərinin sərəncamında qalan vəsaitin artırıl-
masını yox, həm də həmin sərəncamda qalan vəsaitin əlavə investisiya qoyuluşu
şəklində təkrar istehsalın genişləndirilməsinə, kapitalın və əmək resurslarının məh-
suldarlığının artırılmasına yönəldilməsini təmin edən vergi siyasətidir. Yəni, aktiv
vergi siyasətində vergi büdcənin əsas maliyyə mənbəyi olmaqla bərabər biznes mühi-
tinin də inkişafının mühüm stimullaşdırıcı alətinə çevrilir. Aktiv vergi siyasəti in-
vestisiya mühitini stimullaşdırmaq, məşğulluğu artırmaqla yanaşı, eyni zamanda,
əhali arasında bazar iqtisadiyyatının tələblərindən irəli gələn sosial-iqtisadi bərabər-
sizliyi də tənzimləməlidir.
İqtisadi elmlər doktoru, professor Akif Musayev qeyd edir ki, aktiv vergi siyasə-
tinin ikililik, yəni duallıq prinsipi mövcuddur. Vergi siyasətini həyata keçirən sub-
yektlər-insanlar, eyni zamanda, onun əsas məqsədinə və obyektinə çevrilirlər. Aktiv
vergi siyasətinin əsas məqsədi son nəticədə iqtisadi inkişafın təmin edilməsindən,
əhalinin həyat səviyyəsinin yüksəldilməsindən, onun maddi rifahının yaxşılaşdırıl-
masından, cəmiyyətin müxtəlif təbəqələri arasında sosial partnyorluq prinsipinin
formalaşdırılmasından, vətəndaş cəmiyyətinin yaradılmasından və daha yüksək mo -
dern inkişaf mərhələsinə daxil olmasının təmin edilməsindən ibarətdir. Vergi ödəyi-
ciləri bu gün ödədikləri vergi əvəzinə, gələcəkdə sosial təhlükəsizliyinin əldə
olunmasına əmin olmalıdırlar. Yalnız bu duallıq səbəb və nəticə arasında asılılıqların,
düz və əks əlaqələrin praktiki sosial-iqtisadi fəaliyyətdə həyata keçirilməsi insan
cəmiyyətinin inkişafının təmin edilməsində həlledici rol oynayır [20, səh.71-84]. Bu
fikirlər onu göstərir ki, aktiv vergi siyasəti cəmiyyətin vergi mədəniyyəti ilə də sıx
bağlı olan iqtisadi anlayışdır.
2.Əlverişli investisiya mühitinin formalaşdırılması üçün vergi dərəcələrinin op-
timallaşdırılması [8].
İnkişaf Konsepsiyasında nəzərdə tutulan vergi dərəcələrinin optimallaşdırılması
əslində aktiv vergi siyasətinə keçidin bir mərhələsi kimi qiymətləndirilə bilər. Re-
spublikamızda keçid dövrü iqtisadiyyatında daim vergi dərəcələri aşağı salınmış və
194
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
4/2013
vergi yükü azaldılmışdır. Lakin, vergi dərəcələrinin aşağı salınması prosesi vergi
ödəyicilərinə heç bir inzibati yük qoymamışdır. Aktiv vergi siyasətində isə vergi
dərəcələrinin optimallaşdırılması ölkənin iqtisadi inkişaf səviyyəsinə uyğun olaraq
aparılan müntəzəm proses olmalıdır. Bu azalma bir növ iqtisadi prosesləri qabaqla-
malı və iqtisadi artıma əlverişli şərait formalaşmalıdır. onu da nəzərə almaq lazımdır
ki, bu proses də çox böyük həssaslıqla həyata keçirilməlidir, çünki tez - tez dəyişən
vergi sistemi biznes fəaliyyəti subyektlərinin həyata keçirdikləri biznes planlarının
reallıq səviyyəsini aşağı salır ki, bu da ümumi biznes mühitinin düzgün proqnoz -
laşdırılmasına mənfi təsir edə bilər. Bu baxımdan, vergi sistemi və biznes dünyası
arasında informasiya axının daha mütəşəkkil təşkil edilməsi mühüm əhəmiyyət kəsb
edir.
İnkişaf Konsepsiyasında vergi sistemi ilə bağlı məqsədlərin təhlili göstərir ki,
konsepsiya əslində iqtisadi sistemə paralel olaraq həmin iqtisadi sistemin mərkəzi
həlqəsi olan vergi sisteminin də qarşısına mühüm məqsədlər qoymaqla onun key-
fiyyətcə yeniləşməsini və daha da mobilliyini nəzərdə tutur.
7. “azərbaycan 2020: Gələcəyə Baxış” İnkişaf Konsepsiyasında
nəzərdə tutulan məqsədlərin reallaşmasında vergi sisteminin rolu
“Azərbaycan 2020: Gələcəyə Baxış” İnkişaf Konsepsiyası vergi sisteminin tək-
milləşdirilməsi üçün birbaşa məqsədlərlə yanaşı, həm də ümumi iqtisadi mühitlə,
xüsusilə innovasiyalı iqtisadiyyata keçidlə bağlı mühüm məqsədləri nəzərdə tutur
ki, bu da vergi sisteminin üzərinə dolayı vəzifələr qoyur. Bu vəzifələrin aydınlaşdırıl-
ması üçün İnkişaf Konsepsiyasının məqsədləri vergi sisteminin mövcud vəziyyətini
qiymətləndirərək qarşılıqlı təhlil edilməlidir.
İnkişaf Konsepsiyası ilkin olaraq insan amilini əsas götürür və onun iqtisadi-sosial
rifahını ön plana çəkir. Bu məqsədə vergi sistemi nöqteyi nəzərindən baxdıqda i.e.d.,
prof. Akif Musayevin də qeyd etdiyi kimi cəmiyyətdə ümumi vergi mədəniyyətinin
artırılmasını zəruriləşdirir [20]. Vergi mədəniyyətinin artırılması vergiyə ümumi
yanaşma tərzinin dəyişdirilməsi ilə vergi öhdəliklərinin məcburi əməl edilməsindən
könüllü əməl edilməsinə keçidi təmin etməlidir. Yəni, cəmiyyətin hər bir üzvü bilmə-
lidir ki, bugünkü ödədiyi vergi onun və gələcək nəsillərinin təminat vasitəsidir.
Digər tərəfdən, cəmiyyətdə vergi mədəniyyəti o tərzdə formalaşdırılmalıdır ki,
vergini vaxtında və tam ödəmək biznes subyektləri üçün imic rolunu oynasın. Vergi
müasir dünyada yeni formalaşmaqda olan sosial-yönümlü marketinq konsepsiyasının
[21] alətinə çevrilməlidir. Sosial yönümlü marketinq konsepsiyası, yəni biznes sub-
yektləri artıq ənənəvi reklamçılıq fəaliyyətlərindən fərqli olaraq cəmiyyətin
gələcəyinin, ümumi problemlərinin (sağlam vətəndaş cəmiyyətinin formalaşması,
ətraf mühitin çirklənməsi və s.) qayğısına qaldıqlarını göstərməyə çalışırlar.
Cəmiyyətin hər bir üzvü öz vergi öhdəliklərini daha dolğun yerinə yetirən biznes
195
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
4/2013
subyektinə daha çox inanmalı və nəticədə onun xidmət və məhsullarından daha çox
yararlanmalıdır. Məsələn, bununla bağlı biznes subyektlərinə müəyyən reytinq
dərəcələri verilə bilər və bu reytinq dərəcələrinin yüksək vergi mədəniyyətinə sahib
cəmiyyətdə reklam aləti kimi istifadə edilmə imkanı mövcud olacaqdır. Fikrimizcə,
vergi mədəniyyəti uzun müddət vergi sisteminin əsas şüarı olmuş Amerikanın
məşhur siyasi xadimi Bencamin Franklinin (1706-1790) vergini ölümlə eyniləşdirən
“vergidən və ölümdən yayınmaq olmaz” deyimindən [22] vergiyə yeni yanaşmanı
ifadə edən “vergidən, beləliklə imicimizdən imtina edə bilmərik” deyiminə keçməni
təmin etməlidir.
Bundan əlavə, vergi orqanları və vergi ödəyiciləri arasında sağlam informasiya
mübadiləsi təmin edilməsinin bu prosesə mühüm əhəmiyyəti olacaqdır. Belə ki, bu
amil vergini sabit və proqnozlaşdırılan etməklə vergi orqanları baxımından vergi
siyasətinin təkmilləşdirilməsi istiqamətlərini asan müəyyən etməyə, vergi ödəyiciləri
baxımından isə vergi sistemindəki dəyişikləri daha tez qavramağa kömək edəcəkdir.
Eyni zamanda, verginin proqnozlaşdırılan olması biznes subyektlərinin gələcəyə
hesablanmış layihə və proqramlarında vergi amilinin daha dəqiq müəyyən edilmə -
sinə imkan verəcəkdir.
İnkişaf Konsepsiyasında nəzərdə tutulan iqtisadi modelin təhlili göstərir ki, neft
sektorunun inkişafından əldə edilən maliyyə vəsaitləri gələcəkdə iqtisadiyyatın di-
versifikasiyasına, yəni qeyri-neft sektorunun inkişafına istiqamətləndiriləcəkdir. Bu
isə aktiv vergi siyasətinin və stimullaşdırıcı vergi mexanizminin formalaşmasını
zəruriləşdirir. Aktiv vergi siyasəti innovativ texnologiyaların tətbiqini, təkrar is-
tehsalın genişlənməsinə, insan kapitalının daha da inkişaf etdirilməsini təmin etməklə
diversifikasiya siyasətinə şərait yaratmalı və eyni zamanda, diversifikasiya etmiş
qeyri-neft sektorunun ixrac potensialının yüksəldilməsini stimullaşdırmalıdır.
Bununla bağlı artıq 2012-ci ildə Vergi Məcəlləsinə bir sıra əlavə və dəyişikliklər
edilmişdir ki, bunlarında içərisində sənaye və texnologiyalar parkı ilə mühüm
güzəştlər paketi yer almaqdadır [13].
İnkişaf Konsepsiyasında qeyri-neft sektorunun inkişafının daha çox regionlarının
hesabına üstünlüyünün təmin edilməsi və azad iqtisadi zonaların yaradılması
hədəflənir. Bu baxımdan, regionlarda vergi ödəyicilərinə xidmətin səviyyəsi daha
da təkmilləşdirilməli, ticarət, xidmət, iaşə obyektlərində PoS terminalların sayı
artırılmalı və respublikamızın ayrı-ayrı regionlarının təbii-iqtisadi xüsusiyyətləri
nəzərə alınaraq onlar üçün daha mütərəqqi metodlarla vergi güzəştlərinin is-
tiqamətləri hazırlanmalıdır.
İnkişaf Konsepsiyasında nəzərdə tutulan innovasiyalı iqtisadiyyatın əldə olunması
üçün innovasiya və investisiya fəaliyyətinin, innovasiya biznesi ilə məşğul olan
biznes subyektlərinin stimullaşdırılması üçün vergi mexanizmləri formalaşdırıl-
malıdır. Bu vergi mexanizmləri vergi yükünü azaldılması hesabına biznes subyekt -
lərinin əldə etdiyi əlavə vəsaiti yenidən iqtisadiyyata qoyulmasını təmin etməlidir.
196
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
4/2013
Ancaq sonda onu da nəzərə almaq lazımdır ki, vergi sistemində nəzərdə tutulan
bu dəyişikliklər onu çətinləşdirməməlidir. Çünki, vergi sisteminin mürəkkəbliyi in -
zibati xərclərin artırılmasına səbəb olur ki, bu da vergi ödəyicilərinin ayrı-ayrı qrup -
ları arasında vergi sisteminin qeyri bərabər bölüşdürüldüyünə inam yaradır. Bu
baxımdan vergi sistemi maksimal dərəcədə sadələşdirilməlidir.
Göründüyü kimi, “Azərbaycan 2020: Gələcəyə Baxış” İnkişaf Konsepsiyasında
vergi sistemi qarşısına mühüm və həyati əhəmiyyətli məqsədlər qoyulmaqdadır.
Yəni, formalaşdığı gündən daim yeniləşməyə və müasirləşməyə istiqamətlənmiş
vergi orqanları bu gün qlobal və yerli tələblərdən dolayı yeni iqtisadi sistemin
tələblərinə uyğun olaraq daha da yeniləşməli və rəqabətqabiliyyətli iqtisadi sistemin
formalaşmasına mühüm töhvələr verməlidir.
8.nəticə
Respublikamız sürətli inkişaf yolu keçərək bazar iqtisadi sisteminə keçid dövrünü
uğurla başa vurmuşdur. Bu həm iqtisadiyyatda baş verən keyfiyyət, həm də kəmiyyət
dəyişikliklərində özünü göstərmişdir. Belə ki, qrafik 1-dən də göründüyü kimi, 2005-
ci ilə nəzərən 2012-ci ildə ÜDM 4,3 dəfə, dövlət büdcəsi 8,4 dəfə, iqtisadiyyata
yönəldilən investisiyalar 2,7 dəfə artmış, eyni zamanda, bazar iqtisadi sisteminə xas
institutlar formalaşdırılmışdır. Bütün bunlar respublikamızın yeni inkişaf mərhələ -
sinə – innovasiyalı iqtisadiyyata qədəm qoymasına zəmin yaratmışdır. Bu məqsəd
qanunauyğun olaraq iqtisadiyyatın bir çox sahəsinə, o cümlədən vergi sahəsinə
müəyyən tələblər qoymuşdur. Məqalədə səsləndirilmiş fikirlər və aparılmış təhlillər
göstərir ki, respublikamızın vergi sistemi uzun inkişaf yolu keçərək müasirləşmişdir.
Eyni zamanda, təhlil nəticəsində müəyyən edilmişdir ki, respublikamızda vergi yükü
dünyanın bir çox ölkələrində analoji göstəricilərdən aşağıdır. Lakin “sektorlar üzrə
vergi daxilolmaları” diaqramından (Diaqram 1) görünür ki, 2012-ci ildə respublikada
neft sektoru üzrə vergi daxilolmalar ümumi vergi daxilolmalarının 45,5%-ni təşkil
edir. Təbii ki, bunlar respublika iqtisadiyyatında qeyri-neft sektorunun artımı üzrə
hələ də böyük potensial olduğunu göstərir. Bu baxımdan, ölkə iqtisadiyyatının neft-
dən asılılığını azaltmaq məqsədilə vergi sistemi qeyri-neft-qaz sektorunu, inno-
vasiya-investisiya fəaliyyətini stimullaşdıran vergi mexanizminə malik olmalıdır.
Digər tərəfdən, passiv vergi siyasətindən aktiv vergi siyasətinə keçidlə bağlı vergi
dərəcələrinin optimallaşdırılması nəzərdə tutulur ki, fikrimizcə bu proses mərhələli
şəkildə və yüksək həssaslıqla həyata keçirməlidir.
Eyni zamanda, cəmiyyətdə vergi məhfumuna ənənəvi yanaşma tərzinin dəyiş -
dirilməsinə mühüm ehtiyac vardır. Yeni yanaşma tərzinin şüarı məqalədə müəllif
tərəfindən “vergidən, beləliklə imicimizdən imtina edə bilmərik” şəklində səs-
ləndirilmişdir. Bunun üçün cəmiyyətdə vergi mədəniyyəti o tərzdə formalaşdırıl-
malıdır ki, vergi müasir dünyada yeni formalaşmaqda olan sosial-yönümlü iqtisadi
197
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
4/2013
siyasətin əsas alətinə çevrilsin. Cəmiyyətin hər bir üzvü vergiyə onun gələcəyinin
təminatı, sığortası kimi yanaşmalıdır. Vergi ödəyicilərinə vergi öhdəliklərini yerinə
yetirilməsi ilə bağlı reytinq dərəcələrinin verilməsi stimullaşdırıcı amil ola bilər.
Aktiv vergi siyasətinə keçid vergi orqanları və ödəyiciləri arasında informasiya
mübadiləsini təkmilləşdirilməsini zəruriləşdirir. Bu da vergi siyasətində baş verə
biləcək dəyişikliklərin vergi ödəyiciləri tərəfindən əvvəlcədən proqnozlaşdırılmasına
imkan verəcəkdir.
Ədəbiyyat siyahısı
1. http://www.anl.az/down/meqale/azerbaycan/2011/may/175816.htm. "2011-
2020-ci illərdə Azərbaycan Respublikasında qiymətli kağızlar bazarının
inkişafı" Dövlət Proqramı Azərbaycan Respublikası Prezidentinin 2011-ci il
16 may tarixli sərəncamı ilə təsdiq edilmişdir
2. http://www.president.az/articles/3689 (15.04.2013). “Azərbaycan 2020:
gələcəyə baxış” İnkişaf Konsepsiyasının hazırlanması barədə Azərbaycan Res -
publikası Prezidentinin Sərəncamı.
3. http://vergiler.az/art-view/841/ VN-nin Vergi siyasəti və strateji araşdırmalar
Baş İdarəsinin rəisi A. Musayevin “vergi dostları” qarşısında çıxışı.
4.http://vn.taxes.gov.az/2009/modul.php?name=azerbaijan&bolme=iqti-
sadiyyat&lang= (15.04.2013). Azərbaycan iqtisadiyyatı haqqında ümumi
məlumat.
5. http://azerbaijan.az/portal/Economy/General/general_a.html (19.06.2013).
Azərbaycan iqtisadiyyatı haqqında ümumi məlumat.
6. http://economy.gov.az (19.06.2013). Azərbaycan Respublikası İqtisadi İnkişaf
Nazirliyinin saytı.
7. www.stat.gov.az Azərbaycan Respublikasının Statistika Komitəsi.
8. “Azərbaycan 2020: Gələcəyə Baxış” İnkişaf Konsepsiyası.
9. Vəlizadə S.V. (2012) Azərbaycanın müasir vergi sisteminin formalaşması is-
tiqamətində aparılan islahatlar, onların nəticəsi və perspektiv inkişafı, “Azər-
baycanın vergi xəbərləri”. № 4, s 181-198.
10. http://www.taxes.gov.az/?name=metbuat&bolme=chixish&lang
(07.04.2013). Azərbaycan Respublikasının vergilər naziri F.Ə.Məmmədovun
“Azərbaycan” qəzetinə müsahibəsi.
11. http://www.milli.az/news/economy/89595.html. (07.04.2013). Azərbaycan
Respublikası Vergilər naziri F.Ə. Məmmədovun xarici KİV-nə müsahibəsi.
12. http://vergiler.az/news-view/69/ (18.07.2013). İllik vergi bəyannamələri.
13.Azərbaycan Respublikasının Vergi Məcəlləsi. (2012). Bakı: Hüquq Ədəbiy -
yatı.
14.“Müstəqil Azərbaycanın vergi sistemi: 20 il. (1991-2011)”, Vergilər Nazirliyi.
198
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
4/2013
15. http://www.taxes.gov.az/?name=statistika (15.04.2013). Dövlət büdcəsinə
vergi və sair daxilolmalar haqqında məlumat.
16. İ. Ceyhan. (2011). Vergi yükü: Türkiyə və oECD ölkələrinin qarşılaşdırılması.
“Vergi dünyası”. №369, s 16-30.
17. Abdullayeva Y.Ə. (2012). Azərbaycanın Respublikasının vergi siyasəti və
onun modernləşmə istiqaməti, “Azərbaycanın vergi xəbərləri”. № 3, s 179-
200.
18.mhttp://www.anl.az/down/meqale/yeni_az/2012/fevral/231198.htm
(20.06.2013). Vergilər nazirinin müavini, 3-cü dərəcəli dövlət vergi xidməti
müşaviri Sahib Ələkbərovun www.yap.org.az saytına müsahibəsi.
19. Musayev A.F. (2012). Modernləşmə və aktiv vergi siyasəti, “Azərbaycanın
vergi xəbərləri”. №6, s 71-84.
20. Musayev A., Qəhrəmanov A. (2010). “Vergi mədəniyyəti”. Bakı: Çaşıoğlu.
21. Filip Kotler. Marketinq: ilk addım.
22. Jared Sparks. (1817). “The Works of Benjamin Franklin”. Boston.
Велизаде Сафтар Вели оглы
магистрант Азербайджанской Государственной Нефтяной Академии
Налоговая система и требования, вытекающие из Концепции
Развития “Азербайджан 2020: Взгляд в будущее”
Аннотация
Цель исследования – исследование будущих направлений развития налого-
вой системы Азербайджанской Республики.
Методология исследования – системный подход,сравнительный анализ.
Результаты исследования – с целью обеспечения перехода от активной на-
логовой политики к пассивной, должна быть изменена форма общего подхода
к системе налогообложения; в соответствии с существующими требованиями
должны быть сформированы стимулирующие налоговые механизмы; оптими-
зация налоговых ставок должна проводиться поэтапно и в регулируемой
форме.
Ограничения исследования – в работе затронуты стратегические вопросы,
не выяснены тактические цели, стоящие перед налоговой системой.
Практическая значимость исследования – возможность использования дан-
ного исследования как научного источника во время проведения налоговых ре-
форм в жизнь, подготовки мер по повышению эффективности налоговых
механизмов, формирования прогрессивной налоговой системы.
199
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
4/2013
Оригинальность и научная новизна исследования – проведен анализ направ-
лений развития налоговой системы в рамках Концепции Развития “Азербай-
джан 2020: Взгляд в будущее”.
Ключевые слова: Концепция развития “Азербайджан 2020: Взгляд в бу-
дущее”, Налоговые реформы, налоговая система.
valizadeh saftar vali oglu
master student of Azerbaijan State oil Academy
The tax system and requirements arising from the development concep-
tion of “azerbaijan 2020: future vision”
abstract
Purpose – researching of directions of development of the tax system of Azer-
baijan Republic.
Methodology – systematic approach, comparative analysis.
Findings – the general approaching style to taxes system must be changed, the
stimulating tax mechanism must be formed and the optimization process of tax rates
should be carried out in stages and regulated form for transition from active tax po -
licy to passive tax policy.
Research limitations– in the research, strategic matters are discussed, tactical ob-
jectives are not defined.
Practical implications – is its use in the putting into practice of tax reforms, the
preparing of measures improve efficiency of tax mechanism, the forming of prog -
ressive tax system as scientific source.
Originality – the development directions of the tax system are investigated within
the demands arising from the Development Conception of “Azerbaijan 2020: Future
Vision”.
Keywords: the Development Conception of “Azerbaijan 2020: Future Vision”,
tax policy, tax reforms,tax system.
JeL classification codes: E62, H21, H71.
Məqalə redaksiyaya daxil olmuşdur: 10.07.13.
Təkrar işlənməyə göndərilmişdir: 17.07.13.
Çapa qəbul olunmuşdur: 19.08.13.
200
S.Vəlizadə
vERgİ sİsTEMİ vƏ “AzƏRbAyCAN 2020: gƏlƏCƏyƏ bAXıŞ”...
4/2013
Dostları ilə paylaş: |