SCIENTIFIC PROGRESS
VOLUME 3
ǀ
ISSUE 4
ǀ
2022
ISSN: 2181-1601
Uzbekistan
www.scientificprogress.uz
Page 430
ERKIN VOHIDOV SHEʼRIYATIDA TILNING TASVIRIY
VOSITALARINING ISHLATILISHI
Aysha Rozimbayevna Karimova
Qoraqalpogʻiston Respublikasi Ellikqalʼa tumani 40-maktab Boshlangʻich taʼlim
oʻqituvchisi
ANNOTATSIYA
Erkin Vohidovning har bir sheʼrida davrning yorqin manzarasi, xalqning oʻlmas
psixologiyasi, millatning monumental qiyofasi toʻla aks etadi. Shoir sheʼrlarida ilgari
surayotgan gʻoyani oʻquvchiga
majbur qilib tushuntirmaydi, satrlar zimmasiga ogʻir yuk
ortmaydi. Iloji boricha, oddiygina soʻzlar va lirik qahramonning
xatti-harakati orqali
yengilgina taqdim etadi. Mazkur maqolada shoirning sheʼrlarida tilning tasviriy
vositalarning ishlatilishi haqida gap boradi.
Kalit soʻzlar:
publitsist,
tasviriy vositalar, Oʻzbekiston Qahramoni, tinglovchi,
millat ruhi, shoir qalbi, obrazlar.
KIRISH
Oʻzbekiston xalq shoiri, publitsist, atoqli olim Erkin Vohidovning betakror ijodi
XX asr oʻzbek adabiyoti taraqqiyotiga ulkan hissa boʻlib qoʻshildi. Oʻzbek adabiyoti va
madaniyati shoir nomi bilan chambarchas bogʻlandi. Shoir kamalakdek serjilo ijodi
bilan xalqimiz qalbiga kirib bordi. Oʻzbekiston Respublikasi Prezidentining 1999-yil
25-avgustdagi Farmoniga binoan millatimiz maʼnaviyatining yuksalishida oʻziga xos
oʻrin tutgan, Oʻzbekiston
mustaqilligini mustahkamlash, islohotlarni chuqurlashtirish,
yurtimiz ijtimoiy-siyosiy, madaniy hayoti rivojiga qoʻshgan salmoqli hissasi, davlatimiz
va xalqimiz oldidagi ulkan xizmatlari hamda qahramonona mehnatlari uchun bir nechta
yurtdoshlarimiz qatori Erkin Vohidovning ham “Oʻzbekiston Qahramoni”
unvoniga
sazovor boʻlgani shoir muxlislarining koʻngliga mislsiz quvonch baxsh etadi.[1] Xalq
oʻzi sevgan qahramonlar haqida bilishni, ularni ardoqlab, faxr bilan yodga olishni xush
koʻrishadi. Ularning nomlari asrlar oʻtsada millat farzandlari qalbida abadiy
yashayveradi.