25
Məhəmməd xana (Səmərqənddə) xidmət etmişdir (1510-cu ilədək). O, 1512-13-cü
ildə Şeybani Übeydulla xana xidmətə başlamış, 1514-1515-ci ildə onun üçün
“Süluk əl-müluk” əsərini yazmışdır. “Onun “Tarixe-alemaraye-Əmini” adlı əsəri
Əbubəkr Tihraninin əsərinin bilavasitə davamı” hesab olunur.
58
“Tarixe-Əmini”də
Səfəvi sülaləsinin əcdadlarının dini etiqadı, onların İslamın sünni məzhəbinə
mənsub olmasına dair ən nadir dəlillərdən biri vardır. “Tarixe-Əmini” müəllifinin
Ərdəbil şeyxlərinə mənfi münasibətinə baxmayaraq, onun əsərində heç bir digər
mənbədə təsadüf etmədiyimiz xeyli çox maraqlı təfərrüata rast gəlirik. Şeyx
Heydərin öz ardıcıllarına Şəriətin qadağan etdiyi təlimi və “Babək Xürrəmilərinin”
qanununu təbliğ etməsi haqqındakı məlumat müstəsna əhəmiyyətə malikdir ki,
qızılbaşlar arasında sosial bərabərlik haqqında əski Babəki ideyaları yayılmışdı. O
da təsadüfi deyildir ki, Səfəviləri Qaradağ və Talış vilayətlərinin əhalisi
dəstəkləyirdi. Bu vilayətlər vaxtilə Babəkin başçılığı altında baş vermiş hərəkatın
ocağı olmuşdur”.
59
Əsərin qızılbaş ideologiyasına, Ərdəbil şeyxlərinin fəaliyyətinə
həsr olunmuş hissəsində müəllifin öncə sünni olmuş nəslin nümayəndələrinə,
hərəkata düşmən münasibəti (əsər müəllifi qatı sünni idi) aşkardır.
60
Bu əsər
Azərbaycan tarixinin, milli mədəniyyət tarixinin öyrənilməsi üçün qiymətli
mənbədir.
Mir Yəhya ibn Əbdüllətif əl-Hüseyni əl-Qəzvini (1481-1555) İran
tarixçisidir. Onun farsca yazılmış və 4 hissədən ibarət olan “Lübb ət-təvarix”
(“Tarixlərin özəyi”) adlı əsəri ümumtarix səciyyə daşıyır. Əsərdə Qaraqoyunlu və
Ağqoyunlu sülalələri (III hissənin V fəsli), habelə Səfəvilər (IV hissə) haqqında da
məlumatlar verilir. Dövrün başqa mənbələrində olmayan qısa, lakin dolğun
ictimai-iqtisadi səciyyəli materiallarla zəngin olan bu əsərdə I İsmayılın
fəaliyyətinə xüsusi diqqət yetirilir.
61
Həmin əsər dövrün öyrənilməsi üçün mühüm
mənbələrdən biridir.
Ümumiyyətlə, təqribən XIV əsrdən etibarən Yaxın və Orta Şərq
bölgəsində, eləcə də Azərbaycanda baş vermiş hadisələri əks etdirən tarixi
mənbələr, müxtəlif məzmunlu sənədlər fars dilində tərtib olunmuşdur. Həmin
əsərlər və sənədlər müxtəlif xalqların nümayəndələri tərəfindən tərtib edilmiş,
mövcud sülalələrin, həmin dairələrin siyasi-ideoloji mövqeyini əks etdirmişdir.
XVI-XVIII əsrlərdə də yazılmış əsərlərin əksəriyyətində müəlliflər əsasən müasiri
olduqları dövrün hərbi, siyasi faktlarına diqqət yetirmiş, mədəniyyətin inkişafına
dair cüzi məlumatlar vermişlər. Dinamik, hərbi-siyasi mühitlə səciyyələnən orta
çağlarda tarxiçilərin, əsasən siyasi məsələlərə üstünlük verməsi təbii hal idi. “Orta
əsrlərdə tarixçilik işinin əsasən saraylar nəzdində təşkil edilməsi tarixçilərin və
vəqiənəvislərin istər siyasi, istərsə də maddi cəhətdən hökmdarlardan asılılığı ilə
əlaqədar idi. Belə tarixçilərin əsas vəzifəsi hökmdarı tərifləmək, onun mütləq
hökmranlıq iddiasını əsaslandırmaq olduğundan, onlar əsərlərində dövrün
nöqsanlarını ört-basdır etməyə, cinayətlərə bəraət qazandırmağa, qəddarlıqları
müsbət tədbirlər kimi qələmə verməyə çalışmışlar”.
62
Qeyd etmək lazımdır ki,
26
indiyədək dövrünün fakt və hadisələrinə tam, obyektiv qiymət vermiş saray
tarixçisi olmamışdır. “Nifrətsiz və tərəfkeşlik olmadan yazmaq tələbi antik
tarixçilər, ümumiyyətlə, bütün tarixçilər üçün əlçatmaz arzu idi”.
63
Əsərlərindəki
qeyri-obyektiv təzahürlərinə baxmayaraq, Həsən bəy Rumlu, İsgəndər bəy Münşi
(Türkman), Şərəfxan Bidlisi kimi XVI-XVII əsr müəlliflərinin məlumatları
Azərbaycan tarixinin araşdırıcıları üçün əvəzsizdir.
1530-1531-ci illərdə anadan olduğu təxmin olunan, vəfatı tarixi bəlli
olmayan Həsən bəy Rumlunun “Əhsənüt-təvarix” (“Tarixlərin ən yaxşısı”) adlı,
farsca yazılmış ümumtarix əsəri “XVI əsrin ən qiymətli tarixi mənbələrindəndir”.
64
Qum şəhərində anadan olmuş Həsən bəy Rumlu Azərbaycanın Rumlu tayfasından
idi. Uşaq ikən atasını itirmiş bu şəxs I Təhmasibin (1524-1576) məşhur
əmirlərindən olmuş babası Əmir Sultan Rumlunun himayəsində böyümüşdür.
Həsən bəy bir müddət Qəzvin şəhərində yaşamış, 1539/40-cı ildə babasının
ölümündən sonra ailə ənənəsinə sadiq qalaraq şaq qvardiyasında (qorçi dəstəsində)
xidmətə başlamışdı. O, I Təhmasibin bir neçə hərbi hərbi yürüşünün iştirakçısı
olmuşdur. Həsən bəy Rumlu 1576-cı ilədək sarayda yaşamış, II İsmayılın (1576-
1577) hakimiyyəti zamanı Qum şəhərinə köçərək saray mühitindən uzaqlaşmağa
çalışmışdı. 1578-ci ildə yeni Səfəvi şahı Məhəmməd Xudabəndə (1578-1587) onu
yenidən saraya cəlb etmişdi. Həsən bəy Rumlu şah tərəfindən hörmətlə qarşılanmış
və “şaha yaxın adamlar” zümrəsinə daxil olunmuşdu.
65
Əsərdəki “hadisələrin
təsviri 985 (1577/78)-ci ili də əhatə etdikdən sonra qırılır və əsər natamam qalır.
Təəssüf ki, Həsən bəy Rumlunun nə qədər yaşaması və salnaməsini nə səbəbə
tamamlaya bilməməsi barədə heç bir məlumat yoxdur”.
66
10 cilddən ibarət olan bu
əsərin
67
yalnız son 2 cildi müasir araşdırıcıların ixtiyarındadır. XVI əsr Azərbaycan
mədəniyyətinin yüksəliş xəttilə inkişafı zamanı olduğuna görə Həsən bəy Rumlu
da həmin gerçəkliyin fraqmentlərini öz əsərində əks etdirmişdir. “Mənbədə məşhur
şəxsiyyətlər, o cümlədən şairlər, tarixçilər, alimlər haqqında bioqrafik qeydlər
edilmişdir”.
68
Əsərdə Şirvan, Şəki və Azərbaycanın cənub vilayətləri başlıca diqqət
obyektləridir. “Dünyanın bir çox şərqşünaslarının “Əhsənüt-təvarix”ə dönə-dönə
müraciət etməsi faktı da onun əhəmiyyətini göstərən amillərdən biridir”.
69
Səfəvilər sarayında xidmət etmiş, xəttat, münşi və vəzir olmuş İran
tarixçisi Qazi Əhməd Qumi (1549-təqribən 1606) dövrün Azərbaycan
mədəniyyətinin araşdırılmasına yardım edə bilən, dəyərli məlumatlar verən orta əsr
müəlliflərindəndir. O, ömrünün sonunda Hindistana köçmüş, Moğol hökmdarı
Cahangirin sarayında yaşamışdır. Qazi Əhməd Qumi “Xülasət ət-təvarix”,
“Gülüstani-hünər”, “Məcmə əş-şüəra” kimi məşhur əsərlərin müəllifidir. Onun
digər əsərləri də vardır. Qazi Əhməd Qumi “Xülasət ət-təvarix” əsərini 6 cilddə
yazmağı planlaşdırmışdı, lakin VI cildi müəllifin bitirib-bitirmədiyi məlum
deyildir.
70
Qazi Əhməd Qumi əsərdə ilk dörd cildin adını çəkmir, lakin V cildin
yazılmasına 12 il vaxt sərf etdiyini qeyd edir.
71
Əsərin dövrümüzədək yalnız ilk
Səfəvi şahlarından başlamış 1591-ci ilə qədərki hadisələri əks etdirən son qismi
Dostları ilə paylaş: |