69
reyestrinin aparılması Qaydaları"nın təsdiq edilməsi haqqında 28
dekabr 2012-ci il, 323 № li qərarı.
4. Azərbaycan Respublikasının Nazirlər Kabineti qərar
Tərkibində əqli mülkiyyət hüquqlarının obyektləri olan malların
buraxılışının dayandırılması, buraxılışın dayandırılma müddətinin
uzadılması, qəbul edilən qərarlar barədə ərizəçiyə və bəyannaməçiyə
məlumat verilməsi Qaydaları"nın təsdiq edilməsi haqqında 25 iyun
2013-cü il 163 № li qərarı.
5. A.Ş.Şəkərəliyev ― Ölkənin maliyyə təhlükəsizliyinin təmin
edilməsində gömrük orqanlarının rolu‖ Az DİU nun 2009-cu ilin
büdcə təyinatı elmi-tədqiqat işlərinin hesabatı. B, 2010 səh 92-103
6. M.Y.Yadulla. Theoretical Views of the national economy.
Journal
of
American
Science.
2/12/2014/
Tomson-reyter
agentliyinin siyahısı.
70
Mövzu 4. Gömrük prosedurları və onların mahiyyəti
1. İxrac, təkrar ixrac və müvəqqəti ixrac gömrük proseduru
2. Sərbəst dövriyyə üçün buraxılış gömrük proseduru
3. Təkrar idxal gömrük proseduru gömrük proseduru
Daxili malların ixracı- Gömrük ərazisindən kənarda daimi
qalması üçün aparılan daxili mallar ixrac gömrük proseduru altında
yerləşdirilir. Gömrük Məcəlləsinin 127.1-ci maddəsi aşağıdakı
mallara tətbiq edilmir:
1. son istifadə və ya xaricdə emal xüsusi gömrük proseduru
altında yerləşdirilmiş mallara;
2. daxili tranzit xüsusi gömrük proseduru altında yerləşdirilmiş
və ya bu Məcəllənin 130-cu maddəsinə uyğun olaraq, gömrük
ərazisindən müvəqqəti ixrac olunan mallara.
Xarici malların təkrar ixracı - xarici mallar gömrük ərazisindən
aparıldıqda, gömrük orqanları onların ixrac rəsmiləşdirilməsini
həyata keçirir və digər səlahiyyətli gömrük orqanlarına təqdim
etmək üçün təkrar ixrac bildirişi verirlər. Gömrük Məcəlləsinin
128.1-ci maddəsi aşağıdakı mallara tətbiq edilmir:
1. gömrük ərazisindən beynəlxalq tranzit xüsusi gömrük
proseduru altında yerləşdirilərək keçirilən mallara;
2. sərbəst zona daxilində bir nəqliyyat vasitəsindən digərinə
boşaldılıb yüklənmiş, yaxud sərbəst zonadan birbaşa təkrar ixrac
edilən mallara;
3. müvəqqəti saxlanc yerlərindən birbaşa təkrar ixrac edilən,
müvəqqəti saxlanc xüsusi gömrük proseduru altında yerləşdirilmiş
mallara.
Sərbəst dövriyyəyə buraxılışından 1 (bir) il ərzində gömrük
ərazisindən təkrar ixrac olunan mallar müvafiq icra hakimiyyəti
orqanının müəyyən etdiyi şərtlərə cavab verdikdə, həmin malların
idxalı üçün ödənilmiş gömrük rüsumları və vergilər qaytarılır.
Malların təkrar ixrac gömrük proseduru altında yerləşdirilməsi
qaydalarını müvafiq icra hakimiyyəti orqanı müəyyən edir
71
Azərbaycan Respublikasının Nazirlər Kabineti «Malların təkrar
ixrac gömrük proseduru altında yerləşdirilməsi Qaydaları»nın
təsdiq edilməsi haqqında 31 oktyabr 2012-ci il 252
№li Qərar qəbul
etmişdir. Bu Qaydaların müddəaları aşağıdakı mallara tətbiq
edilmir:
1. gömrük ərazisindən beynəlxalq tranzit xüsusi gömrük
proseduru altında yerləşdirilərək keçirilən mallara;
2. sərbəst zona daxilində bir nəqliyyat vasitəsindən digərinə
boşaldılıb yüklənmiş, yaxud sərbəst zonadan birbaşa təkrar ixrac
edilən mallara;
3. müvəqqəti saxlanc yerlərindən birbaşa təkrar ixrac edilən,
müvəqqəti saxlanc xüsusi gömrük proseduru altında yerləşdirilmiş
mallara.
Azərbaycan Respublikasının gömrük ərazisinə gətirilmiş xarici
mallar Gömrük Məcəlləsi ilə müəyyən edilmiş qaydada Azərbaycan
Respublikasının ərazisindən kənara aparıldıqda təkrar ixrac
proseduru altında yerləşdirilir. Təkrar ixrac zamanı mallara görə
ödənilmiş gömrük ödənişləri aşağıdakı şərtlər daxilində şəxsə
qaytarılır:
1. idxal anında malların qüsurlu olması və ya sövdələşmə
şərtlərinə cavab verməməsi aşkar edildikdə;
2. malların onları göndərən şəxsə və ya onun təyin etdiyi digər
şəxsə geri qaytarılması nəzərdə tutulduqda;
3. mallar gömrük ərazisində emal əməliyyatlarına məruz
qalmadıqda və ya istifadə olunmadıqda və Gömrük Məcəlləsinin
128.3-cü maddəsi ilə müəyyən edilmiş 1 (bir) il müddətində təkrar
ixrac edildikdə.
Malları istifadə etmədən onların qüsurlu olmasını və ya təkrar
ixraca səbəb olmuş şərtlərini aşkar etmək mümkün deyildirsə, belə
istifadə gömrük ödənişlərinin qaytarılmasına mane olmamalıdır.
Təkrar ixraca alternativ olaraq, mallardan dövlətin xeyrinə imtina
edilə və ya gömrük orqanının icazəsi ilə gömrük nəzarəti altında
həmin mallar məhv edilə bilər. Belə imtina və ya məhvetmə dövlət
büdcəsindən xərcə səbəb olmamalıdır. Səlahiyyətli şəxs və ya onun
72
nümayəndəsi müraciət etdiyi andan gömrük orqanı bu Qaydaların
2.2-ci bəndində nəzərdə tutulmuş halları 3 (üç) iş günü müddətində
təsdiqləyib akt tərtib edərək, həmin şəxsə təqdim etməli və ya yazılı
şəkildə əsaslandırılmış məktubla təkzib etməlidir. Bu Qaydaların
2.2-ci bəndində nəzərdə tutulmuş şərtlərə cavab verən mallar, təbii
aşınma nəticəsində dəyişikliklər və ya normal şəraitdə daşınma və
saxlanc itkiləri istisna olmaqla, idxal olunduğu andakı vəziyyətində
olmalıdır. Malların təkrar ixrac gömrük proseduru altında yerləşdi-
rilməsinə gömrük orqanları tərəfindən onların eyniləşdirilməsi
mümkün olduqda icazə verilir.
Təkrar ixrac olunan mallar aparılarkən onların gömrük
rəsmiləşdirilməsi zamanı mallara dair səlahiyyətli şəxs və ya onun
nümayəndəsi tərəfindən gömrük rəsmiləşdirilməsini həyata keçirən
gömrük orqanına bu Qaydaların əlavəsi ilə müəyyən olunmuş
formada ərizə ilə müraciət edilir. Səlahiyyətli şəxs və ya onun
nümayəndəsi malları, onlara dair idxal gömrük bəyannaməsini,
kommersiya və nəqliyyat sənədlərini gömrük rəsmiləşdirilməsini
həyata keçirən gömrük orqanına təqdim edir. Rəsmiləşdirməni
həyata keçirən gömrük orqanında təqdim olunmuş sənədlərdə
göstərilən məlumatların düzgünlüyü yoxlanılır, malların eyniləşdi-
rilməsi aparılır və onların ixrac rəsmiləşdirilməsi həyata keçirilərək,
digər səlahiyyətli şəxsə və ya onun nümayəndəsinə 24 saat müd-
dətində təkrar ixrac bildirişi verilir. Malların gömrük ərazisindən
aparılmasını rəsmiləşdirən gömrük orqanına 1 (bir) ay müddətində
malların faktiki çıxarılmasına dair məlumat daxil olmadıqda,
gömrük orqanı bu prosedura verilmiş təkrar ixrac bildirişinin ləğv
edilməsi haqqında qərarı 3 (üç) iş günü müddətində qəbul edir və
onun surətini 1 (bir) iş günü müddətində səlahiyyətli şəxsə və ya
onun nümayəndəsinə göndərir.
Qısa ixrac bəyannaməsi və ona düzəlişlərin edilməsi- Gömrük
ərazisindən malların aparılması üçün gömrük bəyannaməsi və ya
təkrar ixrac bildirişinin tələb olunmadığı hallarda gömrük
orqanlarına qısa ixrac bəyannaməsi təqdim edilməlidir. Riskin təhlili
və gömrük nəzarətinin düzgün tətbiqi üçün zəruri olan məlumatları
özündə əks etdirən qısa ixrac bəyannaməsinin formasını və təqdim
Dostları ilə paylaş: |