Mütləq ki, axtaran tapar
Yüklə 3,73 Mb. Pdf görüntüsü
|
271
Lenqdonun dünən gecə qazandığı etibar Martam onlan qalereyaya buraxmağa kifayət etsə də, Duomino ilə tanışlığı qadının başqa çıxış yolu olmadığı demək idi. İgnazio Busoni - Duomino kimi tanınan şəxs - Florensiyanın mədəni mühitində tanınmış sima idi. Uzun müddət Museo dell’Opera del Duomonun direktoru vəzifəsində çalışmış İnyasio Florensiyanın ən məşhur tarixi tikilisinə - Duomo - nəzarəti əlində saxlamışdı. Həmin geniş və qırmızı günbəzli tikili Florensiyanın tarixi ilə yanaşı şəhərin üfüq xəttini bəzəyir. Onun bu binaya olan sevgisi 180 kiloqrama yaxın çəkisi və həmişə qırmızıya çalan siması ilə uyğunluq təşkil edirdi. Buna görə də ona, Duomino - “balaca günbəz” deyirdilər. Marta Lenqdonun Duomino ilə necə tanış olduğunu bilməsə də, İnyasio gecə ona zəng vurub Dantenin ölüm maskasına baxmaq istəyən bir qonağı olduğunu demişdi. Qonağın Amerikanın tanınmış simvolist və mədəniyyət tarixçisi Robert Lenqdon olduğunu öyrəndikdə bu iki məşhur insanı sarayın qalereyasında müşayiət etmək hissi Martaya xüsusi zövq vermişdi. Bu gün isə onlar pilləkənin yuxarısına çatdıqda Marta əllərini belinə qoyub dərindən nəfəs aldı. Sienna artıq downloaded from KitabYurdu.org
272
eyvandan Beş Yüzlər zalına tamaşa edirdi. “Otağa buradan baxmağı mən də çox sevirəm”, - Marta tövşüyərək dedi. “Buradan treskaları başqa fokusdan görmək olur. Çox güman ki, qardaşınız sizə orada gizlənmiş sirli mesaj barədə danışıb”. O, işarə etdi. Sienna həvəslə başını tərpətdi. “Cerca trova”. Lenqdon otağa diqqətlə tamaşa edir, Marta da ona baxırdı. Xırda pəncərələrdən düşən işıqda Marta Lenqdonun otağa ötən gecəki qədər vurğunluqla baxmadığını sezə bildi. O, Lenqdonun yeni kostyumunu bəyənmişdi, lakin üzü tüklü, solğun və yorğun idi. Həmçinin, dünən gecə qalın və dolğun görünən saçları bu gün qarışıq görünürdü. Sanki səhər duş qəbul etməmişdi. Lenqdon onun baxışlarını hiss etməsin deyə, Marta üzünü freskaya tərəf tutdu. “Biz demək olar ki, “cerca trova” sözləri ilə eyni hündürlükdə dayanmışıq”, - Marta dedi. “Sözləri buradan da görmək mümkündür”. Freska Lenqdonun bacısına da maraqlı görünmürdü. “Dantenin ölüm maskası haqqında bilmək istəyirəm. Niyə o burada - Palazzo Vecchiodadır?” “Bacı-qardaş olduqları o dəqiqə bilinir”, - Marta içində ah çəkdi. Hələ də maskanın onlarda niyə bu qədər maraq doğurduğunu anlaya bilmirdi. Hərçənd, Dantenin downloaded from KitabYurdu.org 273
ölüm maskası qəribə tarixə malikdir. Özü də, son zamanlar Lenqdon ona valeh olan ilk adam deyildi. “Yaxşı, deyin görüm, Dante haqqında nə bilirsiniz?” Gözəl sarışın çiyinlərini çəkdi. “Hamının məktəbdə öyrəndiklərini. Məşhur italyan şairi Dante “İlahi komediya” əsəri ilə tanınmışdır. Əsər onun cəhənnəmə xəyali səyahətindən bəhs edir”. “Demək olar ki, doğrudur”, - Marta cavab verdi. “Öz poemasında Dante cəhənnəmdən çıxıb durulma mərhələsindən keçir və sonunda cənnətə yetişir. “İlahi komediya”nı oxusanız, onun səyahətinin üç hissəyə bölündüyünü görə bilərsiniz - İnferno, Purgatorio və Paradiso”. Marta onları muzeyin girişinə dəvət etdi. “Maskanın Palazzo Vecchioda nümayiş - etdirilməsinin “İlahi komediya” ilə heç bir əlaqəsi yoxdur, təbii ki. Bu, daha çox real hadisəyə əsaslanır. Dante Florensiyada yaşamış və öz şəhərini dərin məhəbbətlə sevmişdir. O, çox məşhur və güclü adam idi, lakin hakimiyyətin dəyişilməsi və Dantenin qarşı tərəfi müdafiə etməsi onun sürgününə səbəb olur və doğma şəhərindən qovularaq ona bir daha geri qayıtmamaq tapşırılır”. Muzeyin girişinə çatanda Marta sözünə ara verib downloaded from KitabYurdu.org 274
dərindən nəfəs aldı. Yenidən əllərini belinə qoyub davam etdi. “Bəziləri iddia edir ki, maskanın belə kədərli görünməsinin səbəbi Dantenin sürgün edilməsidir. Amma mənim başqa bir ehtimalım var. Mən təbiətən bir az romantik olduğuma görə düşünürəm ki, maskanın kədərli alınmasına səbəb Beatris adlı qadındır”. Dante ömrü boyu Beatris Portinari adlı qadına aşiq olmuşdur. Lakin təəssüf ki, Beatris başqasına ərə gedir. Nəticədə Dante nəinki sevimli Florensiyasından, həm də sevdiyi qadından ayn düşür. Onun Beatrisə olan sevgisi “İlahi komediya”nın əsas məğzini təşkil etmişdir”. “Maraqlıdır”, - Sienna bu haqda ilk dəfə eşidirmiş kimi dedi. “Amma mən hələ də ölüm maskasının burada niyə saxlanıldığını anlamıram”. Marta gənc qadının təkidini həm qeyri-adi, həm də nəzakətsizlik kimi qəbul etdi. “Belə ki”, - o, yeriməyə başlayıb sözünə davam etdi, - “Dantenin hətta meyitinin belə Florensiyaya girməsi qadağan idi. Buna görə də o, Ravennada dəfn olunur. Amma onun həqiqi məhəbbəti Beatrisin qəbri Florensiyada olduğundan və həmçinin Dantenin Florensiyaya olan sevgisi də nəzərə alınaraq, onun ruhuna hörmət əlaməti kimi ölüm maskası bura gətirilir”. downloaded from KitabYurdu.org Yüklə 3,73 Mb. Dostları ilə paylaş:
|