23
və ya
Ümidim, pənahım Təbrizdir, Təbriz,
O şəhər də mənə mehriban, əziz...
II aparıcı: Bəli, gözəl, səmimi kəlam ilk növbədə Xaqaninin
bütün varlığı ilə doğma yurduna bağlılığının, Şirvana,
Şamaxıya bəslədiyi sonsuz məhəbbətin yüksək bədii təzahürü
kimi qiymətlidir. Lakin sona doğru əsərdə ikinci bir motiv-
Təbriz mövzusu boy göstərir və sənətkar onu son dərəcə təbii
bir ahənglə birinci mövzuya peyvənd edir, nəticədə həm
Şamaxı, həm də Təbriz daxil olmaqla bütöv, böyük
Azərbaycan mövzusuna qovuşur və bundan qürur duyur.
I aparıcı: Xaqaninin bu könüloxşayan beytləri indi hamımızın
ən həssas duyğumuza çevrilmiş Cənubi Azərbaycan
probleminə dair cildlərlə kitabın epiqrafı olacaq dərəcədə
aktual, təbii və ahəngdar səslənir. Şimali Azərbaycanla Cənubi
Azərbaycan bir-birinə ədəbilik bağlayan bu canlı atributlar
(Şamaxı ana, Təbriz ata, şair isə bir qədər ərköyün təbiətli əziz
övlad)
Azərbaycanımızın
vəhdətini
tərənnüm
etmək
baxımından dahi Xaqaninin əsrlərin arxasından həm o tayda
nəsillərimizə
vüqarla təqdim etdiyi təkrarsız mənəvi
ərməğandır.
II aparıcı:
Xaqani Şirvani yalnız Azərbaycanın yox, bütün
Yaxın Şərq ədəbi-içtimai fikrinin XII əsrdə yetirdiyi ən
görkəmli simalardan biri, sənətinin bəzi əzəmətli keyfiyyətləri
ilə birincisidir. Tədqiqatçılar haqlı olaraq onu ədəbiyyatımızda
fəlsəfi qəsidənin banisi, ilk və ən güclü məsnəvilərin, incə
ruhlu qəzəllərin və müdrik rübailərin, nəhayət, kamil mənzum
səyahətnamənin yaradıcısı kimi çox yüksək qiymətləndirirlər.
Şair xalqın ehtiyaclarına, qüssəsinə və kədərinə bələd idi,
onun dərdinə ürəkdən yanırdı və şairin bir çox misralarını
24
doğuran da məhz bu yanğı idi. Xaqani Azərbaycan tarixinə
görkəmli dövlət xadimi kimi də daxil olmuşdur.
I aparıcı:
Xaqani indi də bizim müasirimizdir. Onun şeiri öz
bədii-estetik dəyərini, içtimai ruhunu daim saxlayır, yüksək
ideallar uğrunda mübarizədə bizimlə addımlayır. Xaqani
poeziyası özündən sonrakı ədəbi prosesə ciddi
təsir göstərmişdir. Xaqani öz dövrü üçün əsl yenilikçi sənətkar
olmuşdur. Ədəbiyyatımızın Xaqani mərhələsi şeirdə xəlqiliyin,
realistik təsvirlərin qüvvətlənməsi, canlı xalq dilinin ədəbi dilə
nüfuz etməsi ilə səciyyələnir.
II aparıcı: Tədqiqatlarda Xaqani Şirvani ilə Nizami Gəncəvi
arasında səmimi dostluq əlaqələrinin olduğu barədə maraqlı
məlumatlar var. Xaqani və Nizami yaradıcılığı bir-birini təsdiq
edən, tamamlayan, eyni bir dövrün poetik əks-səda olan,
ayrılan cizgiləri birləşən, vəhdət yaradan cəhətlərdən olduqca
az olan iki qüdrətli poetik hisdir. Hər iki sənətkar dövrün ən
mühüm məsələlərində eyni cəbhədə dayanır, şərə, eybəcərliyə,
nadanlığa qarşı eyni mövqedən atəş açır, eyni ideallarla çıxış
edirlər.
I aparıcı: Xaqani ilə Nizamini təkcə saraylar deyil, bütün
dövr, zaman, cəmiyyət narahat edir. Hər iki şair dövrünün
hünərsiz, nadan hakimlərindən şikayətlərdə həmrəy və
həmfikirdirlər. Hər iki şairin yaradıcılığında güclü bir
inkarçılıq ruhu vardır. İnsana zidd baxış, görüş və ehkamların
inkarıdır. İntibah dünyagörüşünün orta əsr şəri, eybəcərliyi
qarşısındakı
dəhşətidir.
Xaqaninin
“Töhfətul-İraqeyn”,
“Mədain xərabələri” və başqa əsərlərində, Nizaminin “Xəmsə”
sində və lirik əsərlərində gözəlliyi təsdiqə yönələn bu inkarın
parlaq nümunələri ilə qarşılaşırıq.
25
I aparıcı:
Xaqani Şirvaninin əsərləri tədqiq edildikdə onun öz
dövründəki əsas elmlərə yaxşı bələd olduğu meydana çıxır.
Azərbaycan alimlərindən Məhəmmədəli Tərbiyyət Xaqaninin
elmləri necə dərindən bildiyi haqqında belə yazır: “Xaqani
Şirvani” öz dövrünün işlənməkdə olan elmlərinin çoxuna,
xüsusən hikmət, heyət, nücum, musiqi elmlərinə yaxşı bələd
idi. Onun əsərlərində bu elmlərdən çox istilahlar vardır; o,
tarixi də gözəl bilirdi.
II aparıcı: Xaqani Şirvani qəsidələrinin birində bu haqda
bildirir.
Kodam elm kəzu əql-e mən nəyaft əsər,
Beyazam məra ta bebini acarəm.
“O hansı elmdir ki, mən onu bilmirəm? -məni sınamaq
istəyirsən, əsərlərimə diqqət et”. Xaqani bu fikri ərəb dilində
yazdığı bir əsərində də təkrar edərək demişdir: “Mən elmlə
şərafətlənib onun sayəsində şöhrət tapıram”.
I aparıcı: Xaqaninin təkcə nücum elminə dair XII əsr
astrologiyasına tamamilə müvafiq olan təbir və fikirləri onun
bu elmlə nə qədər mükəmməl bələd olduğunu aydın göstərir.
Xaqaninin nücum elminə yaxşı bələd olduğu üçündür ki,
ulduzların hərəkətinin küreyi-ərzə və ya insan taleyinə xeyir və
zərər verəcəyinə inanmamışdır. Şair “elm” dedikdə yalnız “dini
elmləri” deyil, eyni zamanda dövründəki dəqiq elmləri, təbiət
elmlərini də nəzərdə tuturdu.
II aparıcı: Xaqaninin elmə verdiyi yüksək qiymət onun
“Töhfətul-İraqeyn” əsəri ilə məhdud qalmayıb, “Meratussəfa”
adlı “Xorasanyabəm” rədifli və s. qəsidələrində, qəzəl, qitə, və
26
rübailərində də dəfələrlə öz ifadəsini tapmışdır. Onun dini
ehkamlara tənqidi münasibəti də elmə yüksək qiymət verməsi
ilə üzvü surətdə bağlıdır.
I
aparıcı: Xaqani Şirvani Azərbaycan qadınlarının
hüquqsuzluğunu, qara çadra altında keçən həyatını ölümdən
betər sayır, onların halına acıyırdı. Şair qadınlığa olan
münasibətini kiçik qızının ölümü münasibəti ilə yazdığı
qitədə belə ifadə edir:
Yenicə doğulan qızım gördü ki,
Qarşıda gözlənir min bəla, öldü.
Qeybdən gələn o töhfə duydu ki,
Dərdlərə olacaq mübtəla, öldü.
O, böyük qızımı pərdədə görcək.
Dedi:-Kifayətdi, bu cəfa, öldü.
II aparıcı: Xaqani şeirin, sənətin tərbiyəvi gücünə inanır,
şairlik sənəti haqqında deyirdi: “Hər tərbiyəçi şairliyi
bacarmaya bilər. Lakin hər şair tərbiyə verməyi bacarmalıdır.”
I aparıcı: Saraydan üz döndərmiş şair daim xalqına
arxalanmış, özünü Xaqani deyil, Xəlqani adlandırmış, dərvişi
sultandan
daha
ləyaqətli
saymış,
qəlbin
saflığını,
könültoxluğunu, düzlüyü, təmiz eşq və məhəbbəti tərənnüm
etmişdir. Xaqani Şirvani eyni zamanda öz yurdunu sevən
alovlu vətənpərvər, humanist bir şair olmuşdur. Xaqaninin
əsərlərində cazibədar vətən torpağının mənzərələri parlaq təsvir
edilir. Yüksək bədii dil qızğın ürəklə ana məhəbbətini, əhdə
vəfanı tərkedilməz sənətkarlıqla tərənnüm edən Xaqani öz
27
zəmanəsindən razı qalmamışdır. Şair bir şeirində sonsuz ürək
ağrısı ilə demişdir.
II aparıcı:
Çox zəhmət çəkdim mən arzu yolunda
Taleyim üzümə gülmədi bir an.
Dünyaya sığmayan hikmətim vardı.
Ona dar gəlirdi hər iki cahan.
Mənə verilənlər olmadı layiq.
Layiq olanı da vermədi dövran.
I aparıcı: Şairin həyatının son illəri çox ağır keçdi. Onun çox
sevdiyi ailə üzvləri -20 yaşlı cavan oğlu, qızı və arvadı bir-
birinin ardınca vəfat etdilər. Qoca şair tamamilə tək qaldı.
Ömrünün bu dərdli günləri haqqında bir çox mərsiyələr
yazdıqdan sonra, nəhayət, 1199-cu ildə Xaqani Şirvani vəfat
etdi və Təbriz şəhəri yaxınlığında, sonralar “Məqbərət-üş-
şüəra” adlanan Sürxab qəbristanında dəfn edildi.
II aparıcı: Xaqani Şirvani olduqca mürəkkəb yaradıcılığa və
özünəməxsus bədii ifadə tərzinə malik olan bir bir sənətkardır.
Azərbaycan klassikləri içərisində ancaq o, əruz vəzninin,
demək olar ki, bütün bəhrləri üzrə şeir yazmışdır. Xaqani
qüdrətli bir şair olduğundan, öz dövründə və sonrakı əsrlərdə
geniş şöhrət qazanmışdı.
Azərbaycanın və Yaxın Şərqin
onlarla adlı-sanlı şairləri onu özlərinə ustad hesab etmiş və
onun ayrı-ayrı əsərlərinə iftixarla nəzirələr yazmışlar.
I aparıcı: Xaqani ənənələrini davam etdirən şairlər sırasında
inqilabçı-demokrat şairimiz Azərbaycan şeirində inqilabçı
satiranın böyük siması Mirzə Ələkbər Sabir də vardır. Sabir öz
şeir yaradıcılığında Nizami ənənələri ilə birlikdə Xaqaninin
mübariz, üsyankar ruhunu yaşatmağa çalışmış, onun əsərləri və
28
həyatı ilə yaxından maraqlandığını bildirmişdir. Sabirin Xaqani
ilə tanışlığı çox tez, inqilabçı satirikin gənclik illərində
başlamışdır.
II aparıcı: Şairin qəzəllərinə bəstəkarlarımız gözəl musiqi
bəstələmiş, heykəltəraşlarımız, rəssamlarımız onun obrazını
yaratmış, əsərlərinə şəkillər çəkmişlər. Lakin bütün bunlar
böyük şairimizin ədəbi irsini bütünlüklə xalqımıza
çatdırılmasını hələ təmin etmir.
I aparıcı: İndi Xaqani Şirvaninin əsərlərinin demək olar ki,
əksəriyyəti dilimizə tərcümə edilmişdir. Onların içərisində əla
tərcümələr az deyil. Şübhə yoxdur ki, bu iş gələcəkdə də
davam etdiriləcək və Əfzələddin Xaqaninin əsərlərinin
Azərbaycan dilində yeni, tam külliyyatı hazırlanıb nəşr
olunacaqdır.
II aparıcı: Biz Azərbaycan xalqının olduqca zəngin
mədəniyyət tarixini, Azərbaycan ədəbiyyatı dahilərinin
əsərlərini əziz tutmalı, onların qədrini bilməli və dərindən
öyrənməliyik. Xalqımız
Azərbaycan və eləcə də hər bir xalqın
tarixi-mədəni irsinə yüksək qayğı bəsləyir. Azərbaycan
Prezidenti İ.Əliyev cənabları milli mədəniyyətimizin parlaması
üçün bütün şəraiti yaratmaqdadır. İ.Əliyev bu işə yaxından
rəhbərlik və nəzarət edir. Biz bu mühüm göstərişlərə
əsaslanaraq öz keçmişimizi, mütərəqqi yazarlarımızı böyük
iftixar hissi ilə öyrənib tədqiq etməliyik.
29
Ədəbiyyat siyahısı:
ƏSƏRLƏRİ
Seçilmiş əsərləri : Poeziya. - Bakı : Lider nəşriyyatı, 2004. -
672 s. - (Klassik Azərbaycan Ədəbiyyatı). - Kitab Azərbaycan
Respublikası Prezidenti İlham Əliyevin "Azərbaycan dilində
latın qrafikası ilə kütləvi nəşrlərin həyata keçirilməsi haqqında"
12 yanvar 2004-cü il tarixli Sərəncamı ilə nəşr olunub.
Seçilmiş əsərləri : Poeziya. - Bakı : Altun kitab, 2005. - 327 s. -
(Azərbaycan Klassik Poeziyası)
Dahi şairimiz Xaqani Şirvaninin bu kitabında onun ən məşhur
əsərləri verilmişdir. Bunlardan misal olaraq ən məşhur
poeması olan "Töhfətül-İraqeyin" (İki İraqın töhfəsi),
"Zəmanədən və zəmanə əhlindən şikayət", Qəzəllər, Qitələr,
Fəxriyyə, Mədhiyyə və s. kimi əsərləri öz əksini tapmışdır.
Seçilmiş əsərləri : Poeziya - Bakı : Çaşıoğlu, 2006. – S. 3-183:
portr. - (Azərbaycan Ədəbiyyatı).
Seçilmiş əsərləri [Elektron resurs] : Poeziya / məsl. L.
Məmmədova [et al.] ; Azərbaycan Respublikası Mədəniyyət və
Turizm Nazirliyi. - Elektronik mətn. - Bakı : İnnovativ Tədris
Mənbələri (İTM) QSC, 2012. - 1 el. opt. disk (CD-ROM) : ağ-
qara : il. - (Nizami layihəsi) - (qutuda)
Bu topluda 1126-1199-cu illərdə yaşamış görkəmli Azərbaycan
şairi Xaqani Şirvaninin "Töhfətül-İraqeyn", "Fəxriyyə" və s.
kimi məşhur əsərləri, qəzəlləri, qitələri, rübailəri oxuculara
təqdim olunur.
HAQQINDA KİTABLARDA
Latın qrafikası ilə
30
Xaqani Şirvani // Azərbaycan ədəbiyyatı tarixi. 6 cilddə. c.II. –
B.: Elm, 2007. – S. 413-461.
Qacar Ç. Poeziya Xaqanı : Xaqani Şirvani // Azərbaycan qədim
və orta əsrlərdə. Görkəmli şəxsiyyətlər. - B. : Oka Ofset, 2012.
- S. 98-107.
Nəbiyev B. Ə. Əfzələddin Xaqani Şirvani (1126-1199) //
Şamaxı torpağının yetirdiyi böyük Azərbaycan şairləri : elmi-
kütləvi oçerklər. - Bakı : Ozan, 2012. - 288 s.
XII əsrin görkəmli Azərbaycan şairi Əfzələddin Xaqaninin
həyat və yaradıcılığna həsr olunan milli seminarın materialları.
- Bakı : Xatun Plyus, 2009. - 65 s.
Soltanov M. Xaqani Şirvani (1126-1199) // Şair və
yazıçılarımızın həyatından maraqlı anlar. - Bakı : "AM 965"
MMC, 2010. - S.7-9.
Yusifli X. Xaqani və Nizami //
Nizami Gəncəvi: Sələflər
və xələflər - Bakı : Adiloğlu, 2011. - 480 s.
Kiril qrafikası ilə
Araslı H. Xaqani Şirvani : Şairin həyatı və zəngin irsi
haqqında. - Bakı : Yazıçı, 1982. - 62 s.
Sultanov M. S. Xaqani Şirvani : Həyatı və yaradıcılığı
haqqında. - Bakı : Azərnəşr, 1954. - 112 s.
DÖVRİ MƏTBUATDA
Anar. Xaqani - 25 : Azərbaycan Yazıçılar Birliyi - 75 //
Ədəbiyyat qəzeti. - 2009. - 4 dekabr. - N 46. - S. 1-2.
Fərəcov S.
Fəth etdi söz ilə bütün dünyanı... : Xaqani
31
yaradıcılığında sözün dəyəri // Mədəniyyət. - 2013. - 10 iyul. -
№ 49. - S. 15.
Xaqani Şirvani (1126-1199) // Savalan. - 2008. - 12-15 dekabr.
- S. 2.
Mehdibəyova M.
Klassik Azərbaycan ədəbiyyatında
qəriblik mövzusu // Azərbaycan. - 2006. - №7. - S.167-171.
Mehrəliyeva N. Söz mülkünün Xaqanı : Əfzələddin Xaqani
Şirvani haqqında // Yeni Mədəni-maarif jurnalı. - 2008. - № 4.
- S. 20-22.
Məmmədov E. Xaqaninin yenə də bəxti gətirmədi // Ədəbiyyat
qəzeti. - 2016. - 16 yanvar. - № 2. - S. 9.
Milli seminar : Əfzələddin Xaqani-810 // Mədəniyyət. - 2009. -
11 dekabr. - N 87. - S. 1.
Nəbiyev B. Poetik istedadla həyat həqiqətinin nadir vəhdəti :
Beynəlxalq Xaqani seminarı // Ədəbiyyat qəzeti. - 2010. - 8
yanvar. - № 1. - S. 1-2. - Məqalə müəllifin Beynəlxalq Xaqani
seminarında (Bakı - 11 dekabr 2009-cu il) çıxışı əsasında
yazılmışdır.
Sabutay. Söz mülkünün xaqanı : Xaqani - 810 / Sabutay. //
Mədəniyyət. - 2009. - 18 dekabr. - № 88. - S. 5.
Üsyankar Xaqani // Ədəbiyyat qəzeti. - 2011. - 15 iyul. - № 26.
- S. 1.
Yusifli V. Müdrikliyin qələbəsi : ədəbi tənqid tariximizdən :
Xaqani yaradıcılığı // Ədəbiyyat qəzeti. - 2016. - 6 fevral. - №
5. - S. 24.
Xaqani Şirvaniyə həsr olunmuş bədii əsərlər
Çəmənli M. Xaqani Şirvani : hekayə // Savalan. - 2014. - 10-13
yanvar. - № 1. - S. 3,8.
32
Hüseynov Ə. Üsyankar Xaqani : romandan parça : rus dilindən
tərcümə // Azərbaycan. - 2011. - № 4. - S. 129-159.
Xəlil Z. Şairin yuxusu : Pyes // Seçilmiş əsərləri. - B. : Öndər,
2004. - S.151-258.
İsmayılov M. Xaqani : Tarixi roman. - Bakı : Yazıçı, 1983. -
360, [1] s. – kiril qrafikası ilə.
Rahim M. Xaqani : mənzum dram // Seçilmiş əsərləri. 2 cilddə.
- B. : Avrasiya Press, 2006. – C.2. - S. 201-366.
Ədəbiyyat siyahısı Məlumat-biblioqrafiya şöbəsinin müdiri
Sevil Əhmədovaya aiddir.
33
Söz mülkünün Xaqanı
(metodik vəsait)
Kompyuter yığımı
və dizayn: Aynurə Əliyeva
Ünvan:AZ-1022 Bakı şəh.,S.Vurğun küç.88;
E-mail: childlibbaku@yahoo.com
URL:www.clb.az
F.Köçərli adına Respublika
Uşaq Kitabxanasında
çap olunmuşdur.
Sifariş: 16
Çapa imzalanmışdır: 115.08.2016
Tirajı: 100
Pulsuz.
Dostları ilə paylaş: |