№28 (97) 10.09.2012 Fərqli düşüncə
6
Eks-prezident Әbülfәz Elçibәyin oğlu
Әrturqut Әliyev AzadlıqRadiosuna
danışıb. Әrturqut Әliyevin 25 yaşı var.
Kooperasiya Universitetinin beynәlxalq
iqtisadi münasibәtlәr fakültәsini bitirib.
İşsizdir. Bu il qәbul edilәn vә artıq
qüvvәdә olan «Eks-prezidentlәr
haqqında» qanuna әsasәn, mәrhum
Elçibәyin xanımı müavinәt almalı idi.
Amma Әrturqut Әliyev deyir ki, 3 aydır
qanunun tәtbiqinә başlansa da, onlar
qanuni haqlarını ala bilmәyiblәr. Bunun
sәbәbi ilә maraqlanmayıblar da. Elә
buna mәsul qurumlar da zәhmәt çәkib
onlara izahat vermәyiblәr.
«QANUNU ONLAR
VERİBLӘRSӘ, ONLAR DA İCRA
ETMӘLİDİRLӘR...»
- Siz özünüz vә ya ananız işlәyirmi?
- Xeyr.
- Belә çıxır ki, bu pula ehtiyacınız var.
- Bәli.
- Bәs necә dolanırsız?
- Belә dolanırıq, Allahın kömәyi ilә...
«ATAMIN EVİ VAR BURDA...
AMMA... BURDA YAŞAMAĞA
İMKAN YOXDUR»
- Eks-prezidentlәrlә bağlı qanun layi-
hәsi tәzә gündәmә gәlәndә, Aqil Sәmәd-
bәyli (Әbülfәz Elçibәyin kürәkәni - Ş.B)
dedi ki, Azәrbaycanı tәrk etmәk istәyәn
Elçibәy ailәsinә müraciәt olunub. Onlara
tәklif edilib ki, Azәrbaycanda qalsınlar vә
ailәyә hәr cür şәrait yaradılacaq. Belә bir
tәklif gәlmişdimi?
- Bәli, belә tәklif olmuşdu. Onda mәn
Ankarada tәhsil alırdım. Belә fikrim vardı
ki, anamı-bacımı götürüm gedim
Türkiyәyә. Sonra burdan dedilәr ki,
Elçibәyә eks-prezident statusu verilәcәk,
getmәk lazım deyil. Ondan sonra qaldıq.
Gözlәyirik hәlәlik.
- Kim müraciәt etmişdi sizә? Prezident
Administrasiyasından, yoxsa Nazirlәr
Kabinetindәn?
- Bilmirәm. Mәn burda deyildim. Aqil
bәyә demişdilәr. O zәng vurdu ki, get-
mәk lazım deyil.
- Әrturqut bәy, iş tapmaq çәtindirmi
Azәrbaycanda?
- Dövlәt işindә çәtindir. Mәnә çox
yerdә dövlәt işindә işlәmәyә imkan yox-
dur. İşlәsәm dә özәl şirkәtdә
mümkündür.
- Yәni deyirsiz ki, Sizә dövlәt qurum-
larında işlәmәyә imkan vermәzlәr?
- Bir dәfә dövlәt işindә işlәmәyә cәhd
etdim. Alınmadı.
«BİRİNӘ VERİLİB, BİRİNӘ
VERİLMӘMӘSİ
AYRI-SEÇKİLİKDİR»
- Bәs sizin ailәyә eks-prezidentin ailәsi
kimi müavinәt verilmәmәsinә necә
baxırsız? Artıq qanun eks-prezident Ayaz
Mütәllibova şamil olunur.
- Mәncә, bu, ayrı-seçkilikdir. Bu 3 ay
içindә icra olunursa, Mütәllibova verilirsә,
Elçibәyin ailәsinә dә verilmәlidir. Hәr ik-
isinә eyni vaxtda verilmәlidir. Birinә ver-
ilib, birinә verilmәmәsi, mәncә,
ayrı-seçkilikdir.
«BU MӘSӘLӘNİ AÇMAQ
İSTӘYİRDİLӘRSӘ, 12 İL
ӘVVӘL - ELÇİBӘY RӘHMӘTӘ
GEDӘNDӘ ETMӘLİYDİLӘR»
- Bir dә, Әbülfәz bәyin zәhәrlәnmәsi
ilә bağlı cinayәt işi qaldırılıb. Neçә ildәn
sonra bu işin qaldırılmasına Siz necә
baxırsız?
- Bu mәsәlәni açmaq istәyirdilәrsә,
әvvәldәn, 12 il әvvәl - Әbülfәz Elçibәy
rәhmәtә gedәndә etmәliydilәr. O vaxt et-
mәyiblәrsә, 12 il sonra bunu qaldırmaq
mәnasızdır. Mәn istәmirәm ki, mәnim
atamın qәbri 12 il sonra açılsın.
- Siz buna icazә vermәyәcәksiz?
- Xeyr.
- Amma hәqiqәtin üzә çıxması üçün bu
lazımdırmı?
- Lazım deyil, mәncә...
«ZӘHӘRLӘNMӘ EHTİMALI O
ZAMAN DA VARIYDI»
- Siz dediniz ki, araşdırmanı 12 il öncә
apara bilәrdilәr. O zaman belә bir ehti-
malı varıydımı?
- Varıydı. Ehtimal çox idi. Amma heç
kim üstünә düşmürdü. Belә deyim dә,
dövlәti düşündürmürdü ki, Elçibәyi
zәhәrlәyә bilәrlәr, ya öz әcәli ilә ölüb?
Onun üçün 12 ildәn sonra qәbri açmağın
yeri yoxdur.
- Bu ehtimalı kim sәslәndirirdi?
- Bәyin Türkiyәdәn olan hәkimlәri.
- Amma hәkimi deyib ki, belә bir şey
görmәdik.
- Atamın bir yaxın hәkim dostu vardı
Türkiyәdә. Atamın hәkimi olmayıb
düzdür, amma belә dәyәrlәndirirdi.
- O hәkim nәyә әsaslanıb belә deyirdi?
Әlindә hansısa analizlәrin nәticәsi var
idi?
- Bilmirәm. Heç özüm dә soruş-
mamışam.
- Sizcә, kimlәr onu zәhәrlәyә bilәrdi?
- Ehtimalım yoxdur.
- İndi AXCP sәdri Әli Kәrimlinin adı hal-
lanır. Bu ehtimala necә baxırsız?
- (Susur) İnanmıram. Atamın silahdaşı
elә bir iş görmәz mәncә.
«İNANMIRAM Kİ, KİMSӘ
ELÇİBӘY OLAR...»
- Bir çox müxalifәt liderlәrinin övladları
sonradan atalarının yolunu davam et-
dirirlәr? Belә bir addım atmaq fikriniz
varmı, yoxsa siyasәtdәn kәnar qala-
caqsız?
- Yox, siyasәtdәn kәnar qalmağı
seçirәm. İnanmıram ki, kimsә Elçibәy
kimi ola bilәr. Oğlu da olsam, bilirәm ki,
heç kim onun kimi ola bilmәyәcәk burda.
- Ümumiyyәtlә, indiki hakimiyyәtә
Sizin baxışınız necәdir?
- Yox, bu haqda danışmaq istәmirәm.
Şahnaz Bәylәrqızı
Әbülfәz Elçibәyin oğlu: «Zәhәrlәnmә
ehtimalı o vaxtdan var idi»
Әrturqut Әliyev
Әbülfәz Elçibәy Tәrtәrdә, avqust 1992
Prokurorun kömәkçisi işdәn qovulub
Abşeron rayon prokurorunun böyük
kömәkçisi işdәn qovulub. Bu barәdә
APA-ya Rayon Prokurorluğundan
bildirilib. Mәlumata görә, Abşeron
prokurorunun böyük kömәkçisi Qumru
Orucova prokurorluq işçisinә yaraş-
mayan vә prokuror vәzifәsi ilә bir araya
sığmayan hәrәkәtlәrә yol verdiyinә
görә prokurorluq orqanlarından xaric
edilib. Q.Orucova mәtbuatla әlaqәlәr
üzrә mәsul şәxslәrdәn olub.