60
324 Dekabr 2013
DÜNYA
DÜNYA
Noyabrın 6-da Tacikistanda keçirilən prezident seçkilərində indiki
dövlət başçısı Emomali Rahmon dördüncü dəfə ölkənin prezidenti
seçilmişdir.
Tacikistan Mərkəzi Seçki Komissiyasının sədri Şermuhammad
Şoxieninin verdiyi məlumata görə, səsvermədə seçicilərin 86,6%-nin
iştirak etmiş və E. Rahmon 84,23% səs toplayaraq, qalib gəlmişdir.
Digər 5 namizəd arasında 5%-dən çox səs alan olmayıb.
Tacikistanın Azərbaycandakı səfirliyindən verilmiş məlumata
görə, Azərbaycanda yaşayan Tacikistan vətəndaşlarının 96,5 faizi
hazırkı prezident Emomali Rahmona səs verib. Səfirlikdə yaradılan
seçki məntəqəsində ümumilikdə 86 nəfər - məntəqə üzrə seçicilərin
89,6 faizi səs verib.
Emomali Rahmon birinci dəfə 1994-cü il noyabrın 6-da keçirilən
prezident seçkilərində bu ölkənin dövlət başçısı olmuşdur. O, 1999-cu
və 2006-cı illərdə keçirilən seçkilərdə də qələbə qazanmışdır.
Noyabrın 16-da Düşənbədəki “Koxi Somon” Dövlət İqamətgahında Emomali
Rahmonun andiçmə mərasimi keçirilmişdir
EMOMALİ RAHMON YENİDƏN
TACİKİSTAN PREZİDENTİ SEÇİLDİ
Dövlət başçısı Emomali Rahmonun 23 noyabr tarixli sərəncamı ilə
Koxir Rasulzoda ölkənin yeni Baş naziri təyin olunmuşdur. Bundan əvvəl
Koxir Rasulzoda Tacikistanın Soqd vilayətinin rəhbəri vəzifəsində çalış-
mışdır.
Prezidentin sərəncamları ilə Davlatali Saidov Baş nazirin birinci
müavini, Marxabo Cabborova, Azim İbroxim və Murodali Alimardon Baş
nazirin müavinləri təyin edilmişlər.
Qulu Kəngərli,
AzərTAc-ın xüsusi müxbiri
Düşənbə
TACİKİSTANIN YENİ BAŞ NAZİRİ – KOXİR RASULZODA
Tacikistanın yeni hökuməti fəaliyyətə başlayıb
Noyabrın 9-da Fələstin Milli Administrasiyasının rəhbəri Mahmud Ab-
bas Belçikanın xarici işlər naziri Didye Reynderslə görüşündə Avropa İt-
tifaqı (Aİ) yanında administrasiyanın nümayəndə heyətinin statusunun "Fə-
ləstin missiyası"na qədər artırılması barədə qərar qəbul edildiyini bildirib.
Belçika XİN-in açıqlamasına görə, Fələstin nümayəndəliyinin rəhbəri
bundan sonra səfir statusu daşıyacaq: "Statusun artırılması Avropanın iki
dövlətin (Fələstin və İsrail) yaradılmasına dəstəyini ifadə edir".
Əmmanda M.Abbas və D.Reynders arasında ikitərəfli görüş keçirilib
FƏLƏSTİNİN Aİ YANINDA NÜMAYƏNDƏLİYİNİN
STATUSU ARTIRILDI
Seçici səslərinin təqribən 51,5 faizini toplayan Milli Alyansın lideri
və banisi Abdulla Yamin noyabrın 17-də and içmişdir.
A.Yamin 30 il ölkəyə rəhbərlik etmiş Mömün Abdul Qayumun
qohumudur.
Qalibin əsas rəqibi, sabiq prezident və müxalifətin lideri Məhəmməd
Naşid seçkiqabağı kampaniyanın favoriti olmasına baxmayaraq, 48,5
faiz səs toplamışdır. M.Naşid nəticələr elan olunduqdan dərhal sonra
məğlubiyyətini qəbul etmişdir. Maldivdə prezident birbaşa ümumi
səsvermə yolu ilə 5 il müddətinə seçilir.Maldiv Respublikası Hind
okeanının 1190-dan çox adanı əhatə edən şimal-qərb hissəsində
arxipelaqdır. Həmin adaların 280-i məskundur.
61
324
Dekabr 2013
“Böyük iyirmilik”, habelə İqtisadi Əməkdaşlıq və İnkişaf
Təşkilatının (İƏİT) üzvü olan ölkələr iqlim dəyişmələrinə qarşı
mübarizədə, o cümlədən bu məsələ ilə bağlı yeni qlobal sazişin
hazırlanması sahəsində liderlik etməlidirlər.
Bu barədə jurnalistlərə noyabrın 20-də BMT-nin baş katibi
Pan Gi Mun məlumat vermişdir.
P.G.Mun Varşavada mətbuat konfransında demişdir: “Biz
istəyirik ki, inkişaf etmiş ölkələr bu kampaniyaya (insan
fəaliyyətinin doğurduğu iqlim dəyişmələrinə qarşı mübarizə
kampaniyası nəzərdə tutulur) başçılıq etsinlər. Bunun üçün
onların həm potensialı, həm də vəsaiti vardır. “Böyük iyirmilik”,
xüsusən İƏİT ölkələri belə liderlik üçün nümunə olmalıdırlar”.
Bununla belə, baş katib 2014-cü ilin sentyabrında Nyu-
Yorkda təşkil edəcəyi zirvə görüşünə bütün ölkələrin iqlimlə bağlı öz hədəflərini təqdim etmələrinin vacib olub-
olmaması barədə məsələyə münasibətini dəqiqləşdirməmişdir.
Ölkələrin parnik qazı tullantılarının 2020-ci ildən sonrakı dövr üçün azaldılmasına dair öhdəliklərinin hazır-
lanması məsələsi mübahisəli olaraq qalmaqdadır.
Bəzi ölkələr, o cümlədən Aİ ölkələri hesab edir ki, belə hədəfləri məhz zirvə görüşündə səsləndirmək lazım-
dır, halbuki, məsələn, ABŞ son müddət kimi 2015-ci ili göstərir.
Pan Gi Mun İƏİT və “Böyük iyirmilik” ölkələrinə müraciət etmişdir
BMT BAŞ KATİBİNİN MÜRACİƏTİ
“Foreign Policy" jurnalının yazdığına görə, Kim Çen Un
fəaliyyətdə olan ölkə rəhbərləri içərisində hələ heç bir dövlət
başçısı ilə görüşməyən tək liderdir. Məlumata görə, noyabr
ayında Şimali Koreyada səfərdə olan Monqolustan Prezidenti
Saxiaqiyn Elbeqdorj da Kim Çen Un ilə görüşə bilməyib.
Şimali Koreyanın hazırkı liderinin atası Kim Çen İr 17 illik
hakimiyyəti dövründə Rusiya prezidenti Vladimir Putin və
Cənubi Koreyanın iki dövlət başçısı ilə görüşüb. Ölkənin
qurucusu Kim İl Sunq isə 45 il boyunca 10-dan çox dövlət başçısı
ilə rəsmi ünsiyyətdə olub.
Şimali Koreya lideri Kim Çen Unun hələ də heç bir dövlət başçısı ilə
rəsmi ünsiyyətdə olmadığı bildirilir
HEÇ BİR DÖVLƏT BAŞÇISI İLƏ GÖRÜŞMƏYƏN LİDER
Maldiv Respublikasında keçirilən prezident seçkilərinin ikinci turunun qalibi sabitlik və
demokratiya naminə işləyəcəyini vəd etmişdir
ABDULLA YAMİN MALDİV RESPUBLIKASININ YENİ PREZİDENTİ OLMUŞDUR