11
Qlobal iqtisadi proseslər və milli iqtisadiyyat
xərcləri isə ötən ilin müvafiq dövrü ilə müqayi-
sədə nominal ifadədə 6% artaraq 15.2 mlrd. manat
və ya ÜDM-in 30.4%-nə bərabər olmuşdur.
Ölkə üzrə orta aylıq əmək haqqının 8.6%
artaraq 387.5 manata çatması da son istehlakın
ÜDM-in strukturunda yüksək payının qorunub
saxlanılmasına töhfə vermişdir.
Buna paralel olaraq ev təsərrüfatlarına verilən
kreditlərin artması da tələbə artırıcı təsir
göstərmişdir. Belə ki, 9 ayda ev təsərrüfatına
verilən kreditlər (kommersiya bankları və bank
olmayan kredit təşkilatları tərəfindən) 21.9%
artmışdır.
Tələbin artmaqda davam etməsi pərakəndə
əmtəə dövriyyəsi və əhaliyə göstərilən pullu
xidmətlərin artımında da özünü büruzə verir.
Cari ilin 9 ayında pərakəndə ticarət dövriyyəsi
9%, o cümlədən qeyri-ərzaq malları üzrə
pərakəndə əmtəə dövriyyəsi 20.6% artmışdır.
Əhaliyə göstərilən pullu xidmətlərdə isə artım
7.7% təşkil etmişdir.
AMB-nin apardığı real sektorun monitorinqi-
nin nəticələrinə əsasən ötən dövr ərzində
ticarətdə mal ehtiyatlarının həcmində azalma
müşahidə olunmuş və bu göstərici üzrə indeks
ötən ilin müvafiq dövrü ilə müqayiəsdə 21-dən
10-ə enmişdir.
Hökumət və ictimai təşkilatlar. Hesabat
dövründə hökümətin istehlak xərcləri başlıca
olaraq dövlət büdcəsindən mal və xidmətlərə
xərclər hesabına formalaşmışdır. Yanvar-avqust
aylarında büdcə xərclərinin 22.5%-ni əhaliyə
əmək haqqı, pensiya və müavinət ödəmələri
təşkil etmişdir.
1.2.2.2. İnvestisiya xərcləri.
2012-ci ilin 9
ayında bütün mənbələrdən iqtisadiyyata
investisiya qoyuluşu 27.4% artaraq 9.9 mlrd.
manat təşkil etmişdir ki, bu da ÜDM-in 25%-
nə bərabərdir. O cümlədən əsas kapitala
yönəldilmiş vəsaitin 79.4%-ni daxili, 20.6%-ni
isə xarici mənbələrdən yönəldilmiş vəsaitlər
təşkil etmişdir.
Mənbə: DSK
Mənbə: DSK
Mənbə: DSK
Mənbə: DSK
12
Qlobal iqtisadi proseslər və milli iqtisadiyyat
İqtisadi inkişafın inklyuzivliyinin göstəricilərindən
biri də əhalinin yüksək keyfiyyətli sosial təminatıdır.
Son illər ərzində keyfiyyətli sosial təminatın metod
və mexanizmləri geniş müzakirə predmetinə
çevrilmişdir. Sosial təminatın əsasən 5 metodu
fərqləndirilir: a) Sosial sığorta – əvvəldən yığılmış
vəsaitlərin istifadəsi forması b) Sosial yardımlar
– yalnız ehtiyacı olan kəslərə və vergilərlə
maliyyələşdirilən yardım növü c) Universal dəstək
– hər kəsə eyni qaydada sosial dəstəyin göstərilməsi
d) İşəgötürənin sosial dəstəyi – iş travmaları, analıq
məzuniyyəti, xəstəlik və s. səbəblərlə əlaqədar
yardımlar e) Yığım fondları – şəxsi sosial yığım
hesabları mezanizmi ilə maliyyələşmə.
Sosial təminatın çatdırılma mexanizmlərinin dövlət
və özəl sektor arasında bölüşdürülməsi də kifayət
qədər müzakirə olunan mövzulardandır. Hər iki
istiqamətin xüsusiyyətləri aşağıda əks etdirilmişdir.
Haşiyə 3. Sosial təminatın maliyyələşdirmə mexanizmləri
Mənbə: International Labor Organization, Social Protection for All Men and Women, 2006
Üstünlüklər
Çatışmazlıqlar
Dövlət maliyyələşdirməsi sistemi sosial
həmrəylik və aşağı gəlirli (əmək haqqı)
insanların rifahının yüksəldilməsi istiqamətində
universal bir mexanizmdir. Maliyyələşmənin
bu formasında bərabərlilik prinsipi rəhbər
tutulmaqla hədəf qrupu əsasən ehtiyacı olan
şəxslər götürülür.
Dövlət maliyyələşdirilməsi hər kəsə bərabər imkanlar
təklif etdiyindən yüksək əmək haqqı alan şəxslər
(yüksək sosial vergi ödəyiciləri) adətən aşağı
məmnuniyyətə malik olurlar. Xüsusilə əhalinin
qocalması prosesinin sürətləndiyi inkişaf etmiş
ölkələrdə, bir vergi ödəyicisinə daha çox benefisiarın
düşdüyü halda bu mexanizmə maraq aşağı olur.
Eyni zamanda dövlət maliyyələşdirməsi sisteminin
mütləq dominantlıq təşkil etməsinin bəzi institusional
problemlərə yol açmaq potensialı vardır.
Burada əsas debat hansı tərəfin – işçilərin və işə götürənlərin yoxsa, dövlətin vergi gəlirlərindən istifadə
etməklə (universal mexanizmlər) sosial təminat sisteminə daha çox töhvə verməsi üzərində qurulmuşdur.
Sosial təminat fondları yarı müstəqil fəaliyyət göstərə bilərlər, istisnasız ancaq ödənişlərin icrası təmin
etməlidirlər. Universal mexanizmlər (dövlət) isə bütün vətəndaşlar üçün eyni, bəzən isə ehtiyac meyarına
görə dərəcələr tətbiqi nəzərdə tutulur.
Özəl sektor maliyyələşdirməsi investisiya
fondları modelinin seçilməsi halında effektiv
ola bilər. Fondlar arasında güclü rəqabətin
olması səmərəliliyi yüksəldir. Eyni zamanda
institusional problemlərin generatoru olmayan
özəl pensiya fondları həmçinin maliyyə
sektorunun inkişafına təkan verməklə,
bütövlükdə iqtisadi inkişafa töhvə vermiş olurlar.
Özəl sektor maliyyələşdirməsinin formalaşdırdığı əsas
risk idarəetmə riskləri ilə bağlıdır. Eyni zamanda kəskin
rəqabət xərcləri də artıra bilər, sosial vergi ödəyiciləri
isə şəffaflığın aşağı səviyyəsində qərar vermədə
yanlışlığa yol verə bilərlər. Beləliklə, əsas problemələr
idarəetmə riskləri, yüksək xərclər və aşağı şəffaflıq
ehtimalıdır.
Burada əsas debat hansı tərəfin – dövlətin və ya özəl sektorun (özəl pensiya fondları)
yığılmış fondları idarəetməsi sualı üzərindədir.