AAAAAAAAAAAAAAAAAAAAAA
20
Pul siyasəti icmalı 2013/ II rüb
makroiqtisadi mühitə və maliyyə sektorunun
sabitliyinə müsbət təsir göstərmişdir.
Manatın nominal ikitərəfli məzənnəsinin
dinamikası real ikitərəfli məzənnələrin
dəyişməsinə təsir göstərmişdir. Manat ABŞ,
Böyük Britaniya, Türkiyə, Rusiya, Ukrayna,
Yaponiya və Cənubi Koreya milli valyutalarına
nəzərən həm nominal, həm də real olaraq
möhkəmlənmişdir.
2013-cü ilin I yarımili ərzində qeyri-neft
sektoru üzrə nominal effektiv məzənnə (ümumi
ticarət dövriyyəsi üzrə) 2.6% bahalaşmışdır.
Aparılmış
model
qiymətləndirmələrə
7
görə, NEM-in 1% möhkəmlənməsi istehlak
qiymətlərini 0.28% azaldır.
2008-ci ilin qlobal maliyyə böhranına qədər dünyada
cari əməliyyatlar hesabının (və ya ticarət) disbalansları
rekord səviyyəyə çatmışdı. Eyni zamanda bir çox
ölkələrin hökumətləri (Mərkəzi Banklar) tərəfindən
xarici valyuta alışları da pik səviyyədə idi. Hazırda
proses müəyyən qədər səngisə də, bu fenomenlər
arasındakı əlaqə müzakirə mövzusu olaraq qalır. İri
həcmli xarici valyuta ehtiyatları olan ölkələr üzrə
məcmu cari əməliyyatlar balansı və xalis rəsmi maliyyə
axınları
5
(Net Official Financial Flows) arasında sıx
əlaqə vardır. İqtisadçılar düşünür ki, cari əməliyyat
profisiti olan ölkələr valyuta müdaxiləsini ya xarici
valyuta ehtiyatlarını artırmaq, ya da milli valyutanın
məzənnəsinin möhkəmlənməsinin qarşısını almaq
məqsədilə həyata keçirirlər. Son tədqiqatlar isə belə bir
nəticəyə gəlir ki, cari əməliyyat hesabının profisitinin bu
qədər yüksək və davamlı olması hökumətlər tərəfindən
həyata keçirilmiş irihəcmli valyuta alışları ilə bağlıdır.
Ölçü xətalarını (measurement error) nəzərə almasaq
cari əməliyyatlar balansı (CAB) xalis rəsmi və xalis
özəl maliyyə axınlarının
6
(Net Private Financial
Flows) cəminə bərabərdir.
CAB=NOF+NPF (1)
Burada NOF - xalis rəsmi vəsait axını (alış və
ya satışyönlü müdaxilə), NPF - xalis özəl vəsait
axınıdır. CAB və NPF-yə tsiklik təmizlənmiş fiskal
balans, iqtisadi inkişaf səviyyəsi, kapital nəzarəti və
s. kimi ekzogen amillər də təsir göstərir. NOF-a isə
göstərilən faktorlarla yanaşı, həm də rəsmi məcmu
xarici ehtiyatların idxala və ya qısamüddətli xarici
borca nisbəti əmsalı da təsir göstərir.
40 ölkə üzrə 1986-2010-cu illəri əhatə edən 25 illik
müşahidə göstərmişdir ki, ölkələr üzrə CAB və NOF
arasında yüksək korrelyasiya müşahidə olunsa da,
NOF və NPF arasında asılılıq özünü doğrultmamışdır.
Başqa sözlə:
1) CAB-ə təsir edən şoklar digər amillərdən daha
yüksəkdir;
2) Mərkəzi Bankların aqressiv şəkildə xarici valyuta
alışı (NOF) həyata keçirmələri adətən milli valyutanın
məzənnəsini tənzimləmək məqsədi güdür;
3) NOF olmadan NPF CAB-dəki dəyişikliklərə təsir
göstərə bilmir;
4) Ölkədaxili volatillik çox zaman NPF tərəfindən
yaradılır;
5) NOF NPF-nin yaratdığı bu cür şokların real
məzənnəyə təsirini yumşaldır;
Ən ümumi nəticə ondan ibarətdir ki, məhdud kapital
mobilliyinə malik ölkələrdə xarici valyutanın Mərkəzi
Bank və ya hökumət tərəfindən xalis alışı cari əməliyyat
və ya ticarət balansına dayanıqlı artırıcı təsir göstərir.
Hesablamalar göstərir ki, özəl maliyyə axınları rəsmi
maliyyə axınlarını 0-40% arası neytrallaşdıra bilir.
Düstur (1)-də olduğu kimi, CƏB valyuta müdaxiləsinə
sərf olunmuş hər 1 dollara görə 60-100 sent arası
dəyişir.
Haşiyə 3. Valyuta müdaxiləsi və xarici ticarət disbalansları
Mənbə:
«The Elephant Hiding in the Room: Currency Intervention and Trade Imbalances», Joseph E. Gagnon,
Peterson Institute for International Economics,WP 13-2, March 2013
5
NOF- hökumət və ya Mərkəzi Bank tərəfindən xarici valyutanın alınması (CƏB defisiti zamanı satılması)
6
NPF- özəl biznes qurumları tərəfindən xarici valyutanın alınması (CƏB defisiti zamanı satılması)
7
Hesablamalar VAR (Vektor Autoreqressiv) modelinin nəticəsinə əsaslanır.
21
Pul və məzənnə siyasəti
İnflyasiya fərqləri isə real effektiv məzənnəyə
azaldıcı təsir etmişdir. Nəticədə yarımillik
ərzində qeyri-neft sektoru üzrə REM cəmi 1.5%
möhkəmlənmişdir.
Beləliklə, hesabat ilində Mərkəzi Bank
manatın ikitərəfli məzənnəsinin sabitliyini təmin
etmişdir. Manatın nominal çoxtərəfli məzənnəsi
isə bahalaşmışdır ki, bu da inflyasiya hədəfinə
nail olunmasında müsbət rol oynamışdır.
2.2. Pul siyasəti alətləri
2013-cü ilin I yarısında pul siyasətinin
alət arsenalı iqtisadiyyatın artım dinamikası,
inflyasiya gözləntiləri və pul siyasətinin məcmu
tələbə və qiymətlərə otürücülük qabiliyyətinin
xüsusiyyətləri nəzərə alınmaqla tətbiq
olunmuşdur.
Pul siyasətinin əsas məqsədi dövr ərzində
inflyasiyaya təsir göstərən amillərin nəzarətdə
saxlanılması və onların müəyyən edilmiş hədəf
çərçivəsində preventiv rejimdə tənzimlənməsi
olmuşdur.
İnflyasiyanın optimal səviyyədə olmasını
nəzərə almaqla faiz dərəcələrinin daha da
enməsinə şərait yaratmaq və bu yolla qeyri-neft
sektorunda iqtisadi artımı dəstəkləmək üçün
Mərkəzi Bank ilin əvvəlində uçot dərəcəsinin
5%-dən 4.75%-ə endirilməsi, faiz dəhlizinin
digər parametrlərində isə dəyişiklik edilməməsi
barədə qərar qəbul etmişdir.
Mərkəzi Bankın pul siyasəti qərarları bank
sektorunda faiz dərəcələrinin dəyişməsinə təsir
göstərən amillərdən biri olmuşdur. Dövr ərzində
faiz dərəcələrində azalma müşahidə olunmuşdur.
Pul kütləsinin artım templərinin və bank
sistemində likvidlik səviyyəsinin tənzimlənməsi
məqsədilə açıq bazar əməliyyatlarından və
məcburi ehtiyat normalarından da istifadə
olunmuşdur. Bank sistemi üçün yeni hesablar
planının tətbiq edilməsi ilə əlaqədar olaraq
məcburi ehtiyata cəlb olunan hesabların siyahısı
yenilənmiş və məcburi ehtiyatlar haqqında
qaydaya müvafiq dəyişikliklər edilmişdir.
Sterilizasiya əməliyyatları çərçivəsində
2013-cü ilin 6 ayı ərzində 750 mln. manat
məbləğində not emissiya olunmuşdur. Bundan
180.1 mln. manatlıq not hərraclara çıxarılmış və
yerləşdirilmişdir.
Mənbə: AMB
Mənbə: AMB
Mənbə: AMB
22
Pul siyasəti icmalı 2013/ II rüb
Qlobal böhrandan öncə monetar siyasət
proqnozlaşdırıla bilən sistematik yolla həyata
keçirilirdi və onun transmissiya mexanizmi anlaşıqlı
idi. Başlıca siyasət aləti kimi faiz dərəcəsindən
istifadə edilirdi. Böhran monetar siyasət modelinə
ənənəvi baxışlara yenidən baxmağı zərurətə çevirdi.
Son illərdə ABŞ, Böyük Britaniya, Yaponiya
və Avrozonada mərkəzi banklar qeyri-ənənəvi
monetar siyasəti əsasən 2 məqsədlə həyata
keçirmişlər: i) birincisi, maliyyə bazarları və
maliyyə vasitəçiliyi fəaliyyətinin bərpası; ii) sıfır
dərəcə ilə iqtisadiyyata daha çox monetar dəstək.
Bu iki məqsəd bir-birilərilə sıx əlaqədardır. Onların
hər ikisi makroiqtisadi sabitliyə yönəlsə də, hər
birinin öz alətləri vardır.
Böhranın təsiri ilə mərkəzi bankların son
instansiyalı kreditor rolunda dramatik ekspansiya
baş vermişdir. Keçmişdə son instansiyalı kreditor
rolu bankların depozitlər və banklararası kreditlərlə
bağlı müvəqqəti çətinliklərini aradan qaldırmağı
nəzərdə tuturdu. Böhran dövründə isə qeyri-bank
institutları, dövlət və bəzən derivativlər bazarı
üçün də mərkəzi banklar son instansiyalı kreditora
çevrildilər.
Maliyyə bazarlarının çökməsi riski mərkəzi
bankların aqressiv likvidlik dəstəyi ilə
qarşılanmışdır. Birincisi, likvidlik dəstəyi ala bilən
qurumların siyahısı genişləndi. İkincisi, likvidlik
alacaq hədəf qruplarına spesifik bazarlar da əlavə
olundu. Üçüncüsü, likvidliyin daha uzun müddətə
verilməsinə başlanıldı və bunun üçün qəbul edilə
bilən girovların çeşidi genişləndirildi. Dördüncüsü,
yüksək dərəcədə volatil bazarlarda qiymətlərin
dəyişməsindən əmələ gələn riskləri azaltmaq üçün
alətlərin tətbiqinə başlandı (məsələn, mərkəzi
banklar arasında svop əməliyyatları).
Böhran dövründə real sektorda iqtisadi aktivliyin
kəskin azalması və aşağı inflyasiya mərkəzi bankları
faiz dərəcələrini aqressiv surətdə endirməyə vadar
etdi. Lakin, maliyyə vasitəçiliyinin zəifləməsi
şəraitində pul siyasətindəki bu yumşalma iqtisadi
artıma müxtəlif ölkələrdə müxtəlif cür təsir
göstərmişdir. Məsələn, ABŞ və Avrozonanın aparıcı
ölkələrində siyasət dərəcələrinin azalması kreditlər
üzrə faizlərin azalmasına gətirib çıxarmaqla kredit
qoyuluşlarının artımını dəstəkləmişdir. Böyük
Britaniya və Avrozonanın bazar stressi altında
olan ölkələrində isə siyasət dərəcəsinin azalmasına
baxmayaraq kredit qoyuluşlarının ÜDM-də xüsusi
çəkisi də aşağı düşmüşdür.
İqtisadi vəziyyətin yaxşılaşmadığı və ya daha
da pisləşdiyi təqdirdə qeyri-ənənəvi pul siyasəti
tədbirləri bundan sonra da davam edə bilər. Bu
tədbirlərin bəzilərinin makroprudensial siyasət
alətləri ilə əvəzlənməsi də istisna deyildir. Çünki,
qeyri-ənənəvi monetar siyasət bank sistemindəki
struktur problemlərini həll etmək və uzunmüddətli
dövr üçün potensial artımı yüksəltmək iqtidarında
deyil. Qeyri-ənənəvi monetar siyasət tədbirləri
yalnız böhranın pik vaxtında maliyyə bazarlarındakı
seqmentasiyanın qarşısının alınması və məcmu
tələbin dəstəklənməsi baxımından effektivdir. Ona
görə də qeyri-ənənəvi monetar siyasətin yarada
biləcəyi risklərin səmərəli idarə edilməsi daim
diqqət mərkəzində saxlanılmalıdır.
Mənbə:
International Monetary Fund, “Unconventional Monetary Policies – Recent Experience and Prospects”, April 18, 2013
Haşiyə 4. Qeyri-ənənəvi pul siyasəti – son dövrlərin təcrübəsi və perspektivlər
23
Pul və məzənnə siyasəti
Son hərracda notlar üzrə orta gəlirlilik 1,2%, ilin
əvvəlində isə 1.87% təşkil etmişdir. 01.07.2013-
cü il tarixinə dövriyyədə olan notların həcmi 15
mln. manat, aparılmış REPO əməliyyatlarının
həcmi 43.1 mln. manat təşkil etmişdir.
2.3. Pul təklifi
2013-cü ilin 6 ayı ərzində geniş pul kütləsi
iqtisadiyyatın tələbatına uyğun olaraq artmış
və onun strukturunda yaxşılaşma prosesi davam
etmişdir.
Qrafik 38-dən göründüyü kimi ötən dövr
ərzində manatla geniş pul kütləsi 3.6% artmışdır.
Bank sisteminin pul yaratmaq qabiliyyətini ifadə
edən pul multiplikatorunun dövr ərzində artmağa
meyil göstərməsi (ilin əvvəlinə nəzərən 6%
artım) qeyri-nağd pulun həcminin genişlənməsi
ilə əlaqədardır.
Cari ilin 6 ayının sonuna pul bazası 10.2
mlrd. manat təşkil etmişdir. Pul bazasının
dinamikasında kəskin volatillik müşahidə
olunmamışdır.
Pul bazasınının azalması daha çox mövsü-
mi amillərlə əlaqədar olmuşdur. Belə ki, ötən
ilin dekabr ayında büdcə xərcləri ilə əlaqədar
artımın sürətlənməsi müşahidə olunmuş, cari
ilin iyun ayının sonuna isə hökumət hesablarının
toplam qalığı artmışdır.
Qrafik 41-dən göründüyü kimi mövsümi
təmizlənmiş pul bazası ilin əvvəlinə nəzərən
8%, ötən ilin müvafiq dövrünə nəzərən isə 20%
artım nümayiş etdirmişdir.
01.07.2013 tarixinə geniş pul kütləsi (M3) ilin
əvəlinə nəzərən 1.4%, ötən ilin müvafiq ayına
nəzərən isə 17.1% artaraq 16013.1 mln. manata
çatmışdır.
Mənbə: AMB
Mənbə: AMB
Mənbə: AMB
Mənbə: AMB
24
Pul siyasəti icmalı 2013/ II rüb
Dollarlaşma göstəriciləri də azalmaqda davam edir.
SDV-də depozitlərin cəmi əmanət və depozitlərdə
xüsusi çəkisi ötən ilin müvafiq dövrü ilə müqayisədə
6.1 faiz bəndi azalaraq 34.8%-ə düşmüşdür. SDV-də
əmanətlərin M3 pul kütləsində payı isə 3.1 faiz bəndi
azalaraq son tarixə 15.9% təşkil etmişdir.
Hesabat dövrü ərzində qeyri-nağd pul kütləsi 3.7%,
ötən ilin müvafiq dövrünə nəzərən isə 15% artmışdır.
İl ərzində manatın nominal effektiv məzənnəsinin
cüzi möhkəmlənməsi, pul təklifinin sabit olması
“Monetar Şərait İndeksi”
8
nin (MŞİ) ümumən yumşaq
qalmasına imkan vermişdir.
Mənbə: AMB
Cədvəl 3. Pul aqreqatları, mln. manat
01.01.11
01.01.12
01.01.13
01.07.13
M0 (Nağd pul)
5455.8
7158.2
9256.6
9219.7
M1 (Nağd pul, tələb olunanadək
əmanət və depozitlər)
6718.9
8824.8
11107.9
11356.4
M2 (Nağd pul, tələb olunanadək,
müddətli əmanət və depozitlər,
manatla)
8297.5
10997.2
13806.4
14299.7
M3 (Nağd pul, tələb olunanadək,
müddətli əmanət və depozitlər,
manat və SDV)
10527.5
13903.2
16775.3
17013.1
Mənbə: AMB
Mənbə: AMB
8
MŞİ - pul kütləsinin və nominal effektiv məzənnənin xüsusi çəkiləri nəzərə alınmaqla orta dəyişimini xarakterizə edən bir göstəricidir.
25
Pul və məzənnə siyasəti
Monetar
siyasətlə
dəstəklənən
fiskal
konsolidasiyanın makroiqtisadi təsirlərinə
həsr olunmuş tədqiqatın nəticəsinə görə fiskal
siyasət sərtləşirsə mərkəzi bank pul siyasətini
yumşaltmalıdır. Çünki xərclərin azaldılması və ya
vergilərin artırılması şəklində təzahür edən fiskal
sekvestr iqtisadi artımı (eyni zamanda inflyasiyanı)
məhdudlaşdırır. Bu vəziyyətdən yeganə çıxış yolu
(həm də sosial gərginliyin aradan qaldırılması
məqsədilə) isə iqtisadiyyata əlavə monetar
stimulların ötürülməsidir.
Tədqiqat çərçivəsində 1978-2009-cu illər üzrə
17 İEÖ arasında 178 fiskal konsolidasiya epizodu
müşahidə edilərək qruplaşdırılmış, nəticələrə
uyğun olaraq «uğurlu» və «uğursuz» konsolidasiya
halları təsnifləşdirilmişdir. Fiskal konsolidasiyanın
uğurluluğu onun əsas fiskal dəyişənlərə təsiri
(dövlət borcu və büdcə kəsirinin ÜDM-də payının
azalması) və bu müsbət dəyişikliklərin dayanıqlıq
müddətinin uzunluğu ilə xarakterizə olunur.
Tədqiqatın şərtlərini ödəməklə 45 uğursuz və 37
uğurlu fiskal konsolidasiya seçilmiş və müqayisələr
aparılmışdır. Bu zaman fiskal konsolidasiya
başlamazdan əvvəl başlanan və konsolidasiya
müddətində davam edən monetar yumşalma ilə
əlaqə təhlil edilmişdir.
Qrafikdən göründüyü kimi uğurlu fiskal
konsolidasiya həyata keçirilməyə başladığı dövrdən
yumşaq pul siyasəti ilə dəstəklənməyə başlayır.
Konsolidasiya uğurlu olmazsa, pul siyasətində
nəzərəçarpacaq dəyişiklik baş vermir. Nəticədə,
həyata keçirilən (uğurlu) fiskal konsolidasiya nə
qədər ambissiyalı olarsa, pul siyasətinin yumşalma
diapazonu daha da böyük olar. Yürüdülən iqtisadi
siyasətə etimad o zaman artır ki, siyasətçilər
qarşıya qoyduqları hədəflərə doğru istiqamətlənsin
və qoyulan müddətdə məqsədə çata bilsinlər.
Mənbə:
Peterson Institute for International Economics, April 2012; King, S (2013) “Era of independent central banks is over”,
Financial Times, January 10.
Haşiyə 5. Fiskal konsolidasiyanın pul siyasətinə təsiri
* X=0 vəziyyəti o deməkdir ki, miqyasından asılı olmayaraq bütün
FK-lar təhlilə daxil edilib. X=0.1 vəziyyəti o deməkdir ki, yalnız ÜDM-in
0.1%-dən aşağı olmayan FK-lar təhlilə daxil edilmişdir və bu məntiqlə sağa
doğru uzanır.
26
İstifadə olunmuş qrafik və cədvəllər
Pul siyasəti icmalı 2013/ II rüb
Qrafiklər
Qrafik 1 Dünya iqtisadiyyatında artım və inflyasiya
5
Qrafik 2 Qlobal idxal-ixrac
5
Qrafik 3 Regionlar üzrə gənclər arasında işsizlik
6
Qrafik 4 Əmtəə-ərzaq qiymətləri indeksi
6
Qrafik 5 Brent markalı neftin qiyməti
6
Qrafik 6 Qlobal maliyyə indekslərinin dinamikası
8
Qrafik 7 Mərkəzi Bankların aktivlərinin ÜDM-ə nisbəti
8
Qrafik 8 Qabaqcıl ölkələrdə dövlət borcunun ÜDM-ə nisbəti və dəyişimi
8
Qrafik 9 BVF-nin 2013-cü il üçün qlobal artım proqnozlarında təshihlər
8
Qrafik 10 Azərbaycanda ticarət balansı
9
Qrafik 11 Əsas ixrac mallarının miqdar və məbləğ dəyişimi
9
Qrafik 12 Əsas idxal mallarının miqdar və məbləğ dəyişimi
10
Qrafik 13 Yanvar-iyun aylarında pul baratları üzrə daxilolmalar
10
Qrafik 14 Strateji valyuta ehtiyatlarının kifayətliliyi
10
Qrafik 15 Strateji valyuta ehtiyatlarının ÜDM-ə nisbəti
12
Qrafik 16 Əhalinin pul gəlirləri
12
Qrafik 17 Əhali gəlirlərinin və xərclərinin dinamikası
12
Qrafik 18 İnvestisiya qoyuluşlarının dəyişimi
13
Qrafik 19 İnvestisiyanın maliyyələşmə mənbələri
13
Qrafik 20 İqtisadi artım
14
Qrafik 21 İqtisadiyyatın sahələri üzrə artım
14
Qrafik 22 Biznes İnam İndeksi
14
Qrafik 23 Gözləntilər
15
Qrafik 24 Məcmu buraxılış kəsiri
15
Qrafik 25 Orta illik İQİ
15
Qrafik 26 Azərbaycan və Dünya ərzaq İQİ
16
27
İstifadə olunmuş qrafik və cədvəllər
Qrafik 27 Diffuziya indeksi
16
Qrafik 28 İstehlak qiymətləri indeksi
16
Qrafik 29 Qeyri-neft sənaye istehsalçı qiymətləri indeksi
17
Qrafik 30 Qiymət indekslərinin dəyişməsi
17
Qrafik 31 Mənzil bazarında qiymət dəyişimi
17
Qrafik 32 Qiymət gözləntiləri indeksi
18
Qrafik 33 AMB-nin inflyasiya proqnozu
18
Qrafik 34 Məşğulluq gözləntiləri indeksi
18
Qrafik 35 AMB-nin valyuta müdaxiləsi
19
Qrafik 36 REM-in strukturu
21
Qrafik 37 Faiz dəhlizinin parametrləri
21
Qrafik 38 AMB-nin notları
21
Qrafik 39 Pul kütləsinin dəyişimi
23
Qrafik 40 Pul bazasının dinamikası
23
Qrafik 41 Pul bazasının dəyişim faktorları
23
Qrafik 42 Mövsümi faktorların pul bazasına təsiri
23
Qrafik 43 M3 pul aqreqatının dinamikası
24
Qrafik 44 Monetar Şərait İndeksi
24
Cədvəllər
Cədvəl 1 İdxal-ixrac mallarının qiymət indeksləri
10
Cədvəl 2 İkitərəfli nominal və real məzənnə indeksləri
19
Cədvəl 3 Pul aqreqatları
24
Аzərbаycаn Rеspubliкаsının Mərkəzi Bankı
Azərbaycan, Bakı, AZ1014, R. Behbudov küç., 32
Telefon (994 12) 493 11 22
Faks (994 12) 493 55 41
www.cbar.az
Dostları ilə paylaş: |