Xunların Umumi Tarixi-Qan Lin-Çev-Tursunjan Hezim Yavuz-Uyğur-Latin-New-York-1986



Yüklə 0,96 Mb.
səhifə20/20
tarix15.03.2018
ölçüsü0,96 Mb.
#32396
1   ...   12   13   14   15   16   17   18   19   20
Yünjung xen sulalisi bilen hunlar dawamliq urush qildighan jay bolup, hunlarning bu yerde «ottura» belgilesh hem chégra charlaydighan we qoghdaydighan qoshun turghuzushi nahayti teb’iy. Undaqta, hunlar xen sulalisi bilen chégirlinidighan bashqa jaylarda yene «ottura» tesis qilghanmu, yoq? «xenname. Hunlar heqqide qisse» de: yüendining chuyüen 5- yili, xen sulalisi gu jini elchi qilip quti’ush tengriqutning barimtayliqta turiwatqan oghlini apirip bérishke ewetkende, quti’ush tengriqut uni öltürwetti. Xen sulalisi gu jining dérikini alalmay turghanda el bolghan hunlar uning otturada öltürülgenlikini éytti. Qoghushar tengriqutning elchisi kelgende, xen sulalisi uningdin gu jining öltürülüsh sewebini qattiq sürüshtürdi» dep xatirlen’gen. Shu chaghda hun hökümranlar goruhi quti’ush we qoghushar wekillikidiki ikki qisimgha parchilan’ghan bolup, quti’ush chöllükning shimalidiki tengriqut ordisini igelligen. Qoghushar jenupqa kélip xen sulalisige el bolup, sufangdiki jilu qoruli (hazirqi ichki mongghulning xétawdiki kangjin arqa xoshunining gheribide) gha orunlashqan. Tarixiy eserlerde gu jining mangghan yoli éniq yézilmighan. Shunga, bu yerdiki «ottura» ning nede ikenlikini bilgili bolmaydu. Emma, xen sulalisining xata halda uni qoghushar tengriqutning ademliri öltürdi dep oylighinidin qarighanda, sufang etirapidiki chégra yerlerdimu «ottura» bolghan. Bolmisa gu ji «ottura» diki chégra charlighuchi qushun teripidin öltürülgende, xen sulalisi sufangda turiwatqan qoghushadin gumanlanmighan bolatti. Sufangmu hunlar bilen xen sulalisi dawamliq urush qilidighan rayon idi. Shunga, xen sulalisi u yerde nurughn yür, qarawulxana, qurul we qel’elerni quran. Hunlarmu sürkilishni peseytidighan we mudapi’e köridighan ottura belgiligen. Emeliyette, hunlar bilen xen sulalisi eserlerde éniq xatirlenmigechke, téximu chongqurlap tetqiq qilish imkanyiti yoq.
«ottura» hunlar bilen tongguslar yaki xenzular ottursidii «biterep» rayon bolghaniken hem uni chégra mudapi’e qoshunliri saqlighanike, undaqta bu qoshunlarni chuqum muhim emeldarlar bashqurghan. «xenname. Hunlar heqqide qisse» de: «jawdining yüenféng 1- yili (miladidin burunqi 80- yili) xen qoshunliri hunlaning ottura xanini tutiwalghanda, hunlar ottura xanining xen sulalisining qoligha chüshüp qalghanliqini körüp, uning xen sulalisi qoshunlirigha yol bashlap hujum qilishidin qorqup, gherbiy shimalgha ketti hem jenupqa kélip charwichiliq qilishqa jür’et qilalmay, xelqni yötkep otturada boz yer achti» dep xatirlen’gen. Buningdin hunlarning otturadiki chégra mudapi’e qoshunlirigha «ottura xani» ning bashchiliq qilidighanliqini körüwélishqa bolidu. Ottura xani chégra rayonlarda uzun muddet turghan. Chégra mudapi’e ehwalini pishiq bilidighan bolghachqa, ottura xani esirge chüshkende hun hökümranliri uning xen sulalisi qoshunlirigha yol bashlap hujm qilishidin qorqup, tézlikte gherbiy shimalgha qéchip ketken hem jenupqa chüshüp charwichiliq qilishqa jür’et qilalmighan. «xelqni yötkep otturda boz yer achti» dégen jümlidin qarighanda «ottura» da chégra mudapi’e qoshunliri turupla qalmay, yene charwichilarmu turghan bolup, bu qétim hun hökümranliri xen sulalsining hujum qilishidin qorqup qéchip ketken bolsimu, bu yerge téximu köp charwilarni yötkesh arqiliq chégridiki küchlirini toluqlighan. Halbuki, hun jem’iyitide herbiy teshkil bilen ishlepchiqirish teshkili birleshtürülgenliktin, «xelqni yötkep otturada boz yer échish» yalghuz chégridiki küchlerni toluqlash bolupla qalmay, yene chégra mudapi’e qoshunlirining kü chi we jenggiwarliqini kücheytish bolghan.
Yuqiridiki bayanlardin «ottura» ning hun tilida chégra dégen menide ikenlikini, hunlarning tongguslar bilen bolghan ariliqtiki «ottura» belgleple qalmay, xen sulalisi bilen bolghan arliqtimu «ottura» din tarixiy matériyallardin bilishke bolidighanliri yünjung hem sufang etirapida ikenliki, «ottura» ni chégra mudapi’e qoshunliri charlaydighanliqi we qoghdaydighanliqini, ularni ottura xani bashqurdighanliqini körüwalghili bolidu.
(5) törü
«tarixiy xatiriler. Hunlar heqqide qisse» de: «hunlar jesetni depne qilishta ich- tash ikki qat tawut yasap, jesetni altun- kömüsh, kiyim- kéchek bilen bille salatti. Ularda qebre üstige derex sanchish, haza kiyimi kiyish aditi yoq idi» dep xatirlen’gen. «sherhiname» de jang xuaning sözidin neqil élinip, «hunlar qebristanliqini törü deytti» déyilgen.
(6) jinglu, funi
Hunlar qilichni «jinglu» dep atighan. «xenname. Hunlar heqqide qisse» de : «qoghushar tengriqut jinglusi bilen altunni qirip sharabqa arlashturghandin kéyin, xen elchisi bilen bille ichip qesem bérip ittipaqlashti» dep xatirlen’gen. Yen shigu ying chawning sözidin neqil élip : «jinglu, hunlarning qilichidur» dep izahlighan. 1958- yili ichki mongghulning xolin’gir nahiyisi fenjiyayaw kentidin bayqalan yéghiliq dewrige mensup bir qebirdin bir dane képinek qaniti shekillik qisqa mis qilich qéziwélin’ghan [21] bolup, arxé’ologlar bundaq mistin yasalghan qisqa qilich del hunlarning shemshiri, dep qarighan.
Hunlar xumrini «funi» dégen. «xenname. Su wuning terjimhali» da: «s wu bayqal kölide turiwatqanda, tengriqutning inisi üken xan su wugha xumra teqdim qildi» dep xatirlen’gen. Yen shigu méng kangning sözidin neqil élip: «funi shishige oxshaydu. Aghizi kichk, qorsiqi chong, tengliki tüz, haraq, qétiq qachilashqa ishlitilidu» dep izahlighan. Yene jén shuning bayanidin neqil élip: «xédungning shimalidikler ikki küre etrapida bir nerse sighidighan sapal kümzekni funi deydu» dep izahlighan. Yéqinqi nechche on yildin béri chöllükning shimalidiki hun qebriliridin bu xil xumrilar nahayti köp tépilghan.
(7) mili, jungli
Hunlar pishlaqni «mili» , qaymaqni «junglu» dep atighan. «xenname» 87- jild «yang shiyungning terjimhali» da «tögilerni qoghlap pishlaqlarni köydürduq» déyilgen. Yen shigu jang yenning sözidin neqil élip: «mili pishlaq dégenlik bolidu, u süzümdür, uni köydürwétish hunlarning uzuqini yoq qilghanliq bolidu» dep izahlighan.
«tarixiy xatiriler. Hunlar heqqide qisse» de, jung xayngyö tengriqutqa :öz nerslirini tashlap xen sulalisining nersilirige héris qilmasliq» toghrisida nesihet qilghanda, «xenning yimeklikliri süt- qaymaqlardek temlik emes» dédi, dep xatirlen’gen. «sherhiname» de yen’enning sözidin neqil élinip: «jonglu qaymaq dégenlik bolidu, u sütning shirnisi» déyilgen.
Yuqiriqi hun sözlemliri yazma matériyallargha asaslinip menisini bilgili bolidighan sözler bolup, yene «modu» , «tümen» (tümen, baturning atisi), «jiyu» (ki’ok, baturning oghli), «lu li» (sol qol, ong qol xanlardiki qol)...... Dégendek oqulushi alahidirek, menisi éniqraq sözlermu bar. Bu yerde köp mulahize qilimidi [22]. Nöwette junggo we chetellerdiki nurghunlighan alimlar sélishturma télshunasliqtin paydilinip, hun tilining til séstimisi üstide izdiniwatidu. Bu nahayti muhim usul.Emma, hunlardin qalghan sözler bek az. Yene kélip hunlar ölgendin kéyin, ilgiri- kéyin bolup tonggus, dingling, yawchi, uysun, ughuz, qirghiz we gherbi yurttiki milletlerni boysundurghan. Bu qebile yaki uluslarning hemmisila hunlar bilen bir til a’ilisige mensup emes. Nöwett, tilshunaslar omumen tongguslarning tili mungghul tili a’ilisige, dingling, ughuz qirghizlarning tili türkiy tillar a’ilisige mensup, dep qarashmaqta. Yawchi,uysun we gherbiy yurttiki milletlerning tilimu öz- ara oxshimaydu. Shunga, hunlar bilen bashqa milletler ottursidiki til jehettiki arilishish we tesir körsitish nahayti roshen.Uning üstige hunlarning asasiy qismi gherbke köchkende, qélip qalan on tümen tütündin aruq hun siyanpilrgha qoshulup ketken. Yene bir qisim hunlar izchil chong chöllükning gherbiy shimalidiki orxun deryasi wadisida qélip, miladiye 5- esirge kelgende, tonggus séstimisigha mensup bolghan jorjanlar teripidin qushiwélin’ghan. Jorjanlar hökümranliqidiki rayonlarda yene türkiy tillar a’ilisige mensup nechche on tümen qangqilar bolghan. Kéyin jorjanlarmu türkler teripidin yoqitilghan. Shunga, buningdin hunlar chöllükning shimalining tarix sehnisidin chékin’gendin kéyinmu ularning tilining yenila her qaysi köchmen charwichi milletlerge tesir körsetkenlikini perez qilghili bolidu. Shu sewebtin hun tilidiki nurghun sözlemlerning kéyinki mongghul tili yaki türk tiligha oxshapla qalmay, yene tonggus tiligha oxshishmu ejeplinerlik emes. Eger bu amillarni hisapqa almay, peqet nöwette saqlinip qalghan nechche on hun sözlemlirige asaslinipla, ularning tilining qaysi til türkümge mensupliqigha höküm qilsaq, bundaqta chuqum ilgirki bezi chet’el alimlirigha oxshash (meslen, yaponyilik beynyaw kuji bularning biri) hunlarni bir dem türkiy tilidiki millet dise, bir dem mongghul tili türkümdiki millet deydighan ehwal kélip chiqidu [23].
Izahlar:
[1]s. Dorji sorung: «shimaliy hunlar» , 1- bap «shimaliy hunlarning qebriliri». Yene nongayn téghidiki 5- nomurluq hun qebrisidin bir hunning mukemmel bash söngiki chiqan. Bu hunlarning irqini iriqshunasliq jehettin tetqiq qilishtiki nahayti qimmetlik maddiy matériyal hésablinidu. Lékin, anglashlargha qarighanda, bu bash söngiki obdan qoghdalmighanliqi üchün, mongghuliye merkiziy muzéyda parchilinip ketken.
[2] junggo penler akadémiyisi arxé’ologiye tetqiqat orni tüzgen «féngshidiki qézish doklati» (medeniyet yadikarliqliri neshiryati 1963- yili neshir), 138 ~ 140- betler.
[3] s. Dorji sorung: «shimaliy hunlar» , 1- bap «shimaliy hunlarning qebriliri».
[4] n. Yishi jamsu: «hunlarning étnik menbesi we jem’iyet tüzümi» , 196- yili ulanbator penler komitéti neshir qilghan «akadémiyining ilmiy tetqiqat netijiliri», 1- san.
[5] amérka alimi w. M. Mékgowérinning gherbke köchken hunlarning étnik terkibiy toghrisidiki mundaq bir abzas sözi paydilinishqa erziydu. U: «hunlar ilgiri yiraq sherqte uzaq olturaqlashqachqa hem dawamliq junggoluqlar we mongghul érqidikiler bilen nikahlan’ghan bolghachqa, ularning qénigha mongghul érqidikilerning qéni köp arilashqan bolushi mumkin. Shunglashqa, gotlar we rimliqlar ularning chirayini körüp heyran qalghan. Lékin, ular hergizmu sap mongghul érqidikiler emes. Hunlar mongghuliyide makanlashqan chaghda, hindi- yawropa irqidiki ari’anlar we fin- oghurlar bilen nikahlan’ghanliqtin,ularning mungghul érqining amilliri aziyishqa yüzlen’gen. Bu qarash wén’gériye we yawropaning bashqa jayliridiki hunlarning qedimqi qebriliridin tépilghan iskitilar arqiliq ispatlandi. Bu iskilitlargha asaslinip yenimu ilgirlep höküm qilghanda, 4- 5- esirlerde yawropagha bésip kirgen hunlarning nahayti arilash qanliq ikenlikini, buningdiki mongghul qan séstimisining peqet bir nechche muhim amilning biri ikenlikini biliwalghili bolidu» dégen ( «ottura asiyadiki qedimqi döletler tarixiy», 6- bab «yawropagha bésip kirgen hunlar» , jang jüen terjimisi, junggu kitap idarisi 1958- yili neshri, 169- bet).
[6] «wéyname» 95- jild «toba lyuxuning terjimhali».
[7] shén zéngx: «xeyri rawiqidiki pütükler toplimi» ,2- jild «siyanpi tili we mongghul tili».
[8] « nur géziti. Tarixshunasliq sehpisi» 1980- yili 11- ayning 25- künidii 202 sanidiki mi wénping yazghan «chong hin’gan téghining shimalidin tépilghan siyanpilarning tash öyining xarabisi» dégen maqalige qarang.
[9] w. M. Mékgowérin «her qaysi el alimlirining uzun yil keskin talash- tartish qilishi netijiside... Nöwette k öp qétim mutexessisler junggo tarixnamiliridiki hökümlerge qoshulup, hunlarning tilining bir xil türk tili ikenlikini étirap qildi. Emeliyette köpincheylen shuninggha ishinidurki, hun impériyisi yimirilgendin (miladiye 91- yili) kéyinki nurghun esirler jeryanidila mongghuliyidiki milletler arisida mongghul tili andin üstünlükni igelligen. Bu yekün nuqul halda tilshunasliq noqtisidin chiqirilghan bolsimu, emma u hunlarning biz bilidighan érqiy alahidilikigimu mas kélidu. Biz shuninggha ishineleymizki, bu qedimqi hunlar érq we til qatarliq jehetlerning hemmiside türk érqigha mensup bolghan» dégen («ottura asiyadiki qedimqi döletler tarixiy», 4- bap «hun impéryisining deslepki mezgili», jang jüen terjimisi). Yene awstiriye alimi ma’énchéin xélfén «taki 20- esirning 49- yillirigha kelgiche nahayti az kishlerla yawropadiki hunlar bilen junggodiki hunlarning birdeklikidin gumanlinip kelgen», «qebile namliridin höküm qilghanda, yawropadiki köpinche hunlar muqerrerki türkiy tilida sözleshken» dégen ( «hunlar dunyasi», 8- bap «irqiy», 9- bap «tili», en’giliye london klifornye neshiryatchiliq cheklik shirkiti 1973- yili neshri).
[10] wang gowéy: «guentang toplimi» 13- jild «gherbiy ghuzlar heqqide tehsil».
[11] «xenname» 55- jild «xu chübingning terjimhali» da: «yüenshu 2- yili yazda xu chübing shimalgha yürüsh qilip taki tilen téghighiche (chilyenshen téghi, yene tengri téghi depmu atlghan. Emma, hazirqi shinjangdiki tengri téghi emes) bardi» dep xatrlen’gen. Yen shigu buni izahlap: «tilen téghi tengri téghi dégenlik bolidu, hunlar tengrini tilen deydu» dégen. Buninggha asaslan’ghanda, «tilen» bilen «tengri» bir sözning oxshimighan ahang terjimisidur.
[12] «tarixiy xatirler, hunlar heqqide qisse».
[13] «xenname» 2- jild «xuydi heqqide xatire».
[14] «xenname. Hunlar heqqide qisse».
[15] «xenname» 70- jild «chén tangning terjimhali».
[16] «xenname. Hunlar heqqide qisse» de: «uljut tengriqut shan textke chiqqandin kéyin, tugh alchidin tughulghan inisi ruqunni ong qol bilik xan qildi» dep xatirlen’gen. Bu yerdiki tugh alchi tugh xanning alchisi dégen menide bolup, bashqa menisi yoq.
[17] yuqirlarni ayrim- ayrim halda sherhshunaslarning «tarixiy xatiriler. Hunlar heqqide qisse» ge bergen izahliridin we yen shigungning «xenname. Hunlar heqqide qisse» ge bergen izahidin körüng,
[18] « ‹xenname. Hunlar heqqide qisse› ning jughrapiyilik tehsili», jéjiyang kütüpxanisi mejmu’esi.
[19] «arkis- én’gélés tallanma eserliri», 4- tom, xelq neshryati 1972- yili 5- ay 1- neshri.
[20] hunlarning ottura tüzlenglik merkiziy hakimiyitining bir tutash bashqurushini qubul qilishtin ilgiri xen sulalisi bilen chégirlinidighan jaylarda mudapi’e köridighan we sürkilishni peseytidighan «biterep rayon» belgilishi, én’gélisning yuqirqi bayanigha uyghun kélidu.
[21] 1963- yili medeniyet yadikarliqliri neshryati neshir qilghan (ichki mongghul medeniyet yadikarliqliridin tallanma» 40- süret.
[22] hun tilidiki bezi sözlerning menisini türkiy tilida sözlishidighan milletlerning en’eniwi til adetliri boyiche bilish mumkin (terjimandin). «tarixiy xatiriler», uyghurche neshri 12 ~ 13 betler. Shinjang xelq neshryati 1987- yili 9- ay 1- neshir.
[23] 1923- yili yaponyide chiqqan «tarixshunasliq zhornili» ning 18- sanidiki beyniyaw küchining «mongghullarning étnik menbesi» dégen maqalge qarang.

10- bap hunlarning medeniyiti


1. Yéziq, qoshaq, muzika, sen’et
Hunlarning özining yéziqi barmu-yoq? Yazma matéryallargha asaslan’ghanda, hunlarning yéziqi bolmighan. Arxé’ologiyilik matiryallardimu hazirghiche mu’eyyen maddiy ispat tépilmidi. «tarixi xatiriler. Hunlar heqqide qisse» de, hunlarning «yéziqi yoq, söz bilenla ehdilishidu» dep xatirlen’gen. «kéyinki xenname. Jenubi hunlar heqqide qisse» dimu. Quyan uruqi qatarliq chong uruqlar «dewalargha höküm chiqarghanda, hökümning netijiisni tengriqutqa aghizaki melum qilip qoyidu. Yazidighan we xatirleydighan ishlarni qilmaydu» dep xatirlen’gen. Shundaq iken, hun tengriqutlirining lu xanish we xen padishahlirigha yazghan xetlirini shübhisizki xenzular xenzuche yéziqta yézip bergen. «jenubiy hunlar heqqide qisse» de: «hunlarning ong üken batis xani bi xen sulalisigha el bolush aldida go xéng isimlik xenzu kishini mexpi ewetip, hunlar rayonlirining xeritisini xen sulalisining emir nökiri li mawgha teqdim qildi» dep xatirlen’gen. Teb’iyki, bu xeritinimu xenzular (yaki go xéng) sizghan. Halbuki, «xenname. Gherbiy yurt tezkirisi»de: «uysunlarning gherbidin arsakqiche bolghan ellerning hemmisi hunlar bilen yéqin ötetti. Shunga, hun elchiliri tengriqutning xétini kötürüp barsila, her qaysi eller texirsiz uzuq- tülük yetküzüp bérip, ularni qiyinchiliqta qaldurmaytti» dep xatirlen’gen. Undaqta, tengriqut uysunlargha we gherptiki her qaysi ellerge yazghan xet zadi qaysi yéziqa yézilghan? Nöwette dölet ichi- sirtidiki alimlar bu mesilini téxi yéshelmidi.
Hunlarning kéynichirek öz yéziqi yaki yéziq belgisi bolghanmu, yoq? Bu toghrliqmu yazma matériyallardin hichqandaq xatire tépilmaydu. Lékin, arxé’ologiyilik matériyallardiki intayin tutuq bezi yaldamilar bizning diqqitimizni tartidu. 1941- yili we 1944 ~ 1945- yilliri sabiq sowét ittipaqi arxé’ologi késliyéw qazaq aptonom ölksining merkizi abaqanning jenubigha sekkiz kilométir kélidighan jaydin ilgiri- kéyin bolup ikki qétim nurghunlighan medeniyet yadikarliqlirini qéziwalghan. Bezi medeniyet yadikarliqlirining üstide « Y», «Ρ» , «S» , « ʎ » dégendek yéziq belgilirini bayqighan. Lékin, bu yéziq belgilirining hichqaysisi élimizning tarix eserliride uchrimaydu. Yene kélip bu medeniyet yadikarliqlirining hunlarning ikenliki yaki emeslikini yenimu chongqur tetqiq qilishqa toghra kélidu. 1924 ~ 1925- yilliri yene arxé’olo kozlow noyan téghidiki 16- nomurluq hun qebrisidin «M» belgisi bar bir chine hem tégide «? » belgisi bar bir sirlan’ghan koza qéziwalghan. 1955- yili mongghuliye arxé’ologi perle balongdorodiki hun shehiri xarabisidin tégide «? » belgisi bar bir sapal tawaq qéziwalghan. Noyan téghidiki bashqa hun qebriliridinmu tégide « ?» belgisi bar bir qisim sapal tawaqlar qéziwélin’ghan [1]. Undaqta, bu yéziq belgilirini hunlar özi keshp qilghanmu, emesmu? Nöwette qéziwélin’ghan cheklik matériyallargha tayinip, buninggha hazirche mu’eyyen yekün chiqirish sel tes kélidu [2].
Hunlarning gerche yéziqi bolmighan bolsimu, lékin nahayti yéqimliq hem tesirlik qoshaqliri bolghan. «tarixiy xatiriler. Hunlar heqqide qisse» de «shixédiki burunqi ishlar» din neqil élinip: «tilen téghi (chilyenshen téghi) jangyé, jyuchüen ikki aymaqning chégrisida bolup, gherbtin sheriqqiche ikki yüz chaqirim, jenuptin shimalghiche yüz chaqirim kéletti. Qarighay qatarliq derexler ösetti. Ot-süyi mol, qishta illiq, yazda salqin bolup, charwilarning köpiyishige nahayti bap kéletti. Hunlar bu ikki taghdin (yene alchi téghi bar) ayrilip qalghandin kéyin:
Ayrilip qalghanda tilen téghidin,
Awumas bolup qaldi charwa- mélimiz.
Ayrilip qalghanda alchi téghidin,
Munglinip sarghaydi qiz- ayalimiz.
Dep qoshaq toqushti» bu hunlar miladiydiin burunqi 121- yili (xen wudining yüenshu 2- yili) xen sulalisi teripidin teripidin meghlup qilinip, tilen téghi we alchi téghidin (bu ikki tagh bir qoshaq bolup, qoshaqta asasliqi hunlarning öz hökümranliri qozghighan bulangchiliq urushliridin we urushta meghlup bolghandin kéyin kélip chiqqan iqtisadiy hem siyasiy chékinishtin cheksiz hesretlen’genliki roshen ipadilen’gen. Qoshaq gerche mungluq bolsimu, emma nahayti chongqur mezmunluq bolup, quyuq köchmen charwichiliq turmush tüsige we ré’al chinliq puriqigha ige bolghan. Bu xil alahidilik hunlarning xelq qoshaqlirining bir xil idé’ologiyining ipadisi süpitide eks ettürügenlikini chüshendüridu.
Bu qoshaqtiki «alchi téghi» blen «munglinip sarghaydi qiz- ayallirimiz» dégen misallarning birleshtürülüshining intayin chongqur menisi bar. Chünki, alchi téghidiki alchi englik dégen menide idi. Qoshaqta, alchi téghi alchi we tenglikke simowul qilin’ghan bolup, hunlarning ayalliri «qizghuch» gül chéngidin yasaydighan englik idi. Qoshaqta, alchi téghidin ayrilip qélip güzel alchilardin bolalmighanliqini, «qiz- ayallarning munglinip sarghayghanliqi» hunlarning qoshna milletler aldida abroyi we shöhriti qalmighanliqini bildürgen. Qoshaqning mezmuni pasahetlik, menisi chongqur bolup, buningdin qoshaqchining özgiche maharitini körüwalghili bolidu. Epsuski, hunlardin qalghan xelq qoshaqliri köp emes. Bu peqet ularning ichidiki birila xalas.
Hunlar jenup, shimal ikkige bölünüshtin ilgiri, ularning öz muzikisining bar- yoqliqi heqqide yazma matériyallar we arxé’ologiyilik matériyallarda hazirche hichqandaq melumat yoq. Jenup, shimalgha bölün’gendin kéyinki ehwaldimu, peqet «kéyinki xenname. Jenubiy hunlar heqqide qisse» de, jiyenwu 26- yili (miladiye 50- yili) guangwudining jenubi tengriqut bigha bergen sowghatliri ichide chalghu eswablarning barliqi hem jyenwu 28- yili shimaliy hunlar qayta elchi ewetip qudilishishni telep qilip chalghu eswabliri bérishni iltimas qilghanda, guangwudining shimaliy tengriqutqa yazghan jawap xétide: «tengriqut aldinqi mektuplirida merhum xanning waqtida qoghushar tengriqutqa teqdim qilin’ghan baliman, chang, ghungqa qatarliq chalghularning hemmisi chirip buzulup ketkenliki üchün yéngini bérishni telep qiliptikenla, men tengriqutning hakimiyiti téxi mustehkemlinip ketmidi. Herbiy ishlarni kücheytip, jengni asasiy wezipe qiliwatqanda, chang, qungqa, balimanning roli ésil oqta, qilichningkige yetmeydu dep qarap ewetmidim» dégenlii tilgha élin’ghan. Buningdin gherbiy xen sulalisi waqtida hun tengriqutlirining xen sulalisi merkiziy hökümiti sowgha qilghan bir türküm chalghu eswablarni qubul qilghanliqini biliwalghili bolidu. Emma, bu hergizmu hunlarning özining muzikisining bar- yoqluq ehwalini chüshendürüp bérelmeydu.
Shundaqtimu, kéyinkilerning shé’ir- qoshaqliri hunlarning özining muzikisi barliqini yenila azdur- köptur eks ettürüp béreleydu. Hunlarda eng keng tarqalghan chalghu eswabi chöri (neyge oxshash bir xil chalghu eswab terjimandin) we dumbaq bolghan. Sey wénji (texellusi den) «chörining on sekkiz udari» [3] dégen, yene: «dumbaqning yéqimliq sadasi kéchiche yangrap turidu» dep yazghan. Sey wénji sherqiy xen sulalisining axirlirida yashighan bolup, «hun chewendazliri» teripidin bulap kétilgendin kéyin, hunlar arisida on ikki yil yashighan [4].
Buningdin u tilgha alghan chöri bilen dumbaqning hunlar arisida tarqalghan chalghu eswab ikenlikini, ularning jenubiy hunlar keshp qilghan chalghu eswapi bolmastin, belki hunlar jenup, shimal ikkige bölünishtin burunla bar ikenlikini qiyas qilghili bolidu. Shunga, «kéynki xenname. Du shyenning terjimhali» da; «du shyen qoshun bashlap altun taghqiche bérip, tengriqut ordisida chöri anglidi» dep xatirlen’gen.
Hunlarning chörisi kéyin ottura tüzlenglikke tarqilip xenzularning yaqturushigha muyesser bolghan. Jin sulalisi dewridiki lyu shaw we jingju aymiqining bégi lyu kün ikkilisi yaghach chöri chélishni bilidighan hem «qurul ichi- sirtidiki muzikilarning hemmisini chalalaydighan» bolup, éytishlargha qarighanda, hunlar buni anglighanda «yurtini séghinip», intayin tesirlen’gen [5].
Hunlarning sen’iti téma jehettin ularning uzaq muddetlik charwichiliq we owchiliq turmushini rushen ekis ettürüp bergen. Shunga, ularning sen’et buyumlirida haywanat shekli yaki haywanat sür’iti eng omumlashqan . Noyan téghidiki we chöllükning shimalidiki hun qebriliridin at, kala, bughining béshi yaki téni hem yawayi haywanlarning öz- ara élishiwatqan süriti chüshürülgen bezi palaz, mis bézek, altun we kümüsh yapraqchilar tépilghan. Yene bezi söngek buyumlarghimu nepis haywanat sür’iti sizilghan. Mesilen, noyan yéghidiki «barold qebrisi» din laydin yasalghan at we töge, altundin yasalghan yatqan at, haywanat shekli oyulghan kehriwa sharche; 1- nomurluq qebridin mistin yasalghan haywanat béshi; 6- nomurluq qebridin yaghachtin oyulghan at we bugha heykili, qashtéshidin oyulghan at, kala, we bogha heykili, altundin yasalghan haywanat heykili; 12- nomurluq qebridin kala süriti chüshürülgen tawat ötük; 23- nomurluq qebridin haywanat béshi neqishlik mis tawaq, tashtin oyup yasalghan kal béshi qatarliqlar qéziwélin’ghan.
Tépilghan palazlarning köpünchisining gülliri murekkep, renggi körkem bolup, bezilirining gülliri yene her xil renglik yiplar bilen keshtilen’gen. Mesilen, yuqurida bayan qilin’ghan noyan téghidiki 6- nomurluq qebridin tépilghan bir parche palazning uzunluqi 2.6 métir, kengliki1.59 métir, üsti toq qongür renglik tawar jiyeklik qizil renglik tawar bilen qaplan’ghan bolup, toq qongur renglik jiyekning chörisi yéshil, sériq, qizil renglik yiplar bilen keshtilen’gen. Jiyekni boylap etrapigha kengliki 24~28 santimétir kélidighan kichik katekchilik keshte tikilgen. Keshtide yéshil renglik yip bile toqquz tüp derex, derexlerning arqisigha her xil renglik yiplar bilen bir jüptin bolghan qoghliship oynawatqan haywanlar chüshürülgen. Ularning töt jüpi bugha blen qush, besh jüpi yolwas bilen öküz, keshtining etrapigha yene yéshil, sériq, béghirreng we toq qizil renglik yiplar bilen töt chasa, yumilaq we kirsit shekillik güller chüshürülgen. Tawarning ottursigha yip bilen bulut keshtilen’gen.
Miladidin burunqi 3- esirdin kéyin, hunlarda uruq aqsökengliri meydan’gha kelgen we tengriqutning eng aliy hökümranliq orni tiklen’genliktin, sen’et buyumlirining yene shexsi obrazlirimu eks etken. Meslen, boyan téghidiki 6- we 23- nourluq chong tiptiki aqsöngekliri qebrisidin qashtéshidin uyulghan adem heykili, külreng qashtéshidin uyulghan we yaghach adem heykili qatarliqlar tépilghan. Alahide diqqet qilishqa erziydighini, 25- nomurluq qebridin tépilghan chéchi quyuq, közi yoghan we ötkür, chirayi sürlük hunning süriti chüshürülgen keste bolup, uningda aliy hökümranning heywisi ipadilen’gen [6].
Élimiz arxé’ologliri 1958- yili ichki mongghulning xélin’gir nahiyisi fenjiyayaw kentdidiki yéghiliq dewride mensup bolghan hun qebrisidin haywanat shekillik we halqisman, silindirsiman mis bézeklerni bayqighan. Haywanat shekillik bézeklerning beziliri zongziyip olturghan haywanatning shekilide bolup, keynide ikki topchisi bar. Beziliri tügüliwalghan ikki haywanatning shekilide bolup, keynide bir topchisi bar. Halqisman bézeklerning bezisining bir teripige zir gireliship ketken egme shekiller chiqirilghan. Silindirsiman bézeklerning beziliri yumilaq neychisman bolup, bir teripide gé’ométiriyilik neqishler bar. Halqisman we silindirsiman bézeklerni burun kishler «chatqut» dep qarighan bolup, atni zinnetleydighan we yanda élip yüridighan zinnet boyumi bolghan [7].
Yene 1962- yili ikjaw aymiqi jungghar xoshunining süji jilghisidin xen dewrige mensup bir türküm hun mis buyumliri qéziwélin’ghan. Ularning ichide mistin yasalghan tik turghan uzun münggüzlük bir bugha bolup, béshini sel kötürgen. Udulgha qarighan, jüm münggüzi keynige qayrilghan hem shaxchilargha bölün’gen, qiyapiti bölekche janliq, igizliki 16.7 santimétir, uzunliqi 9.5 santimétir, yene yatqan halettiki uzun münggüzlük bir bugha bolup, béshini sel kötürüp yiraqqa tikilgen. Qulaqliri ding, kökriki we saghrisi tolghan, igizliki 12.4 santimétir,, uzunliqi 10.3 santimétir, buningdin bashqa, qoy béshi shekillik, böre béshi shekillik, arslan shekillik we putini igip turghan at shekillik bézeklermu qéziwélin’ghan [8].
Buningdin bashqa, 1950- yili ichki mungghulning chaxar ong arqa xoshuni erlenxo jilghisidiki hun qebrisidin sherqiy xen sulalisi dewrige mensup jüm bugha, üch bugha, qosh ejdiha neqishlik we torsiman neqishlik mis bézekler qéziwélin’ghan. Haywanat shekillik mis bézekler tik tötbulung shekilde bolup, neqishler téship chiqirilghan. Bular éhtimal jenubiy hunlarning sen’et buyumi bolushi mumkin [9].
2. Iptida’iy étiqadi we daxanliq
«tarixiy xenname. Hunlar heqqide qisse» de: « hunlar her yili üch qétim yéghiliq ötküzidu. 1- ayda her qaysi qebile bashliqliri tengriqut ordisigha yighilip, etiyazliq nezir- chiragh ötküzidu. 5-ayda hemmisi ejder baliq shehirige yighilip, ejdatliri, asman- zimin, jin- erwahlargha atap nezir- chiragh ötküzidu. Küzde atlar we charwa- mallarning sanini alidighan bir qétimliq yighilishtin bashqa qalghan ikki qétimliqi nezir- chiragh yighilishi bolghan. Lékin, «sherqiy qesirdiki xen xatirliri. Jenubiy hun tengriqutlirining terjimhali» da: «tengriqut her yili üch qétim yighilish ötküzüp, nezir- chiragh qilatti hem at, töge beygisi qilip, köngül achatti» dep xatirlen’gen. «kéyinki xenname. Jenubiy hunlar heqqide qisse» dimu: «hunlar aditi boyiche her yili 1- ay we 5- we 9- aylarda üch qétim yighilish ötküzüp, kök tengrige atap nezir- chirad qilatti. Jenubiy tengriqut xen sulalisige el bolghandin kéyin, xen sulalisi padishahlirigha atap nezir- chiragh qilidighan boldi. Hem her qaysi qebililerni yighip siyasiy ishlarni kéngiship, at we töge beygisi qilip köngül achatti» dep xatirlen’gen. Hunlarning her yildiki üch qétimliq yighilishining hemmisidila nezir- chiragh ötküzülgen bolup, nezir- chiraghning obyékti ejdatlar, asman- zimin we jin- erwahlar bolghan. Hunlarda ejdatlargha téwinish uqumi bolghanliqi ularning jesetni depne qilishi we ejdatlar qebrisige ehmiyet bérishidimu eks étidu. «tarixiy xatiriler. Hunlar heqqide qisse» de: «hunlar jesetni depne qilishta ich- tash qosh qewet tawut yasap, uninggha ülükni altun- kümüsh, kéyim-kéchek bilen bille salatti. Ularda qebre üstige derex sanjish, haza kiyimi kiyish aditi yoq idi. Ölgüchi bilen uning yéqin qul- dédekliri bille kömületti. Mundaq bille kölümgüchiler nechche on, hetta nechche yüzge yétetti» dep xatirlen’gen. Noyan téghidiki hemme chöllükning shimali we ichki mongghuldiki hun qebriliridin qéziwélin’ghan qoshup kömülgen altun- kömüsh, kéyim-kéchek, örüme chach we tawutlar yuqirdiki xatirlerning rastliqini ispatlaydu. Qoshup kömülgen nurghunlighan kéyim- kéchek we qoral- saymanlardin bilishke boliduki, hunlar rohning yoqalmaydighanliqigha ishen’gen. Ejdatlirigha téwinish del rohning yoqalmasliqigha ishinishning bir xil ipadisi bolghan. Hunlar adem ölgendin kéyinmu burunqigha oxshash yashap, kéyim- kéchek we qoral- saymanlargha éhtiyajliq bolidu. Aqsöngekler yene qul- dédeklerge éhtiyajliq bolidu dep qarighachqa, kéyim- kéchek, qoral- sayman we yéqin qul- dédeklerni qoshup depne qilidu. «kéyinki xenname. Oghanlar we siyanpilar heqqide qisse» de yene: « xen jawdi dewride oghanlar hun tengriqutlirining qebrilirini qéziwetkenliki üchün, hunlar qattiq ghezeplinip, qoshun chiqirip oghanlargha zerbe berdi» dep xatirlen’gen. Buningdimu ularning ejdatlirining qebrisige alahide ehmiyet béridighanliqini körüwalghili bolidu.
Ijtima’iy ishlepchiqirish küchlirining sewiyisining töwenliki sewebidin, shunglashqa kündilik turmushta we herbi, siyasiy ishlarda ka’inattiki hadisilerge choqun’ghan. Hetta jin- erwahlardin medet tiligen. «tarixiy xatiriler. Hunlar heqqide qisse» de: «tengriqut her etigini qarargahtin chiqip kün’ge qarap tezim qilatti. Axshimi aygha qarap tezim qilatti» dep xatirlen’gen. Yene: «qoshun chiqarghanda yultuz we aygha qarap ish köreti. Ay tolghanda hujumgha ötetti. Ay tutulghanda qoshunni chékindüretti» déyilgen. Omumen, hunlar asman- ziminni nahayti hörmet qilghan. Jin- erwahlardin intayin qorqqan. Hun tengriqutliri xen padishahlirigha xet yazghanda, özini «tengri tikligen ulugh hun tengriquti» yaki «asman- zimindin törilip, kün- ay teripidin textke chiqirilghan ulugh hun tengriquti» dep atighan. Batur tengriqut yawchilar we gherbiy yurttiki her qaysi qewmlerni boysundurghandimu «bu tengrining bext- sa’aditidin boldi» dégen. Xen wudi dewride, mayi shehiride hun tengriqutigha böktürme qoyup zerbe bérish pilanlan’ghan. Tengriqut qiltaqqa chüshey dep qalghan bolsimu , emma xen sulalisining közetchi bégi sirni éytip qoyghachqa, xeterdin qutulup qalghan. Shuning bilen u«közetchi begke érishkinim tengrining shapa’itidin boldi. Tengr uninggha rastin éytquzdi « dégen hem közetchi begke» tengri bergen beg» dep nam bergen. Yene «tarixiy xatiriler. Hunlar heqqide qisse» de, batur tengriqut pingchéda lyu bangni qorshiwalghanda, alchi baturgha «ikki hökümdarlar boghushmanglar, bügün xen zéminini alsingizmu, u jayti makan tutup turalmaysiz, uning üstigen xen xanningmu tengrisi bar, tengriqut obdan oylinip körüng » dégen, buninggha qoshup bashqa sewepler bilen batur tengriqut alchisining dégini boyiche muhasir burjikini échiwetken, shuning bilen lyu bang muhasiridin qutulghan, dep xatirlen’gen. «tarixiy xatiriler» 123-jild «perghane tezkirisi» de: «uysun kün bégi tughulup uzun ötmey daligha tashliwétilgen, gösh chishligen bir qagha kélip uning béshi üstide aylinip yürgen, bir chishi böre kélip uni émitken, buni anglap tengriqut heyran qalghan we ‹uninggha tengri yar boptu› dep qarap, uni özi béqip chong qilghan. Kéyin künbeg chong bolup quramigha yetkende, élini bashlap yiraqqa köchüp ketken we hunlargha boysunmighan, tekriqut qoshun ewetip hujum qilghan bolsimu yéngelmigen, shuning bilen hunlar ‹künbegni tengr yölewétiptu› , dep qarighan» dep xatirlen’gen.
«xenname» 54-jild « su wuning terjimhali» da: «tengriqut yémek-ichmek bermigen, su wu qarning süyini ichip, kigizning yungini yep nechche kün’giche ölmigen, tengriqut uni ewliya oxshaydu dep qarap, bayqal kölige apiriwetken » dep xatirilen’gen. «kéyinki xenname»19-jild «géng gungning terjimhali» da: «géng gung gherbi yurtta hunlar bilen jeng qilghanda, qattiq judun- chapqun bolghan, géng gung öltürgen we yarilandurghan, hunlar buningdin qattiq chöchüp sarasimige chüshken, ularning weziri ‹ xen leshkerliri ewliya iken, ulardin qorqmay bolmaydu› «dep qarap qoshunlirini chékindürüp ketken» dep xatirilen’gen.
Hunlarning xurapiyliqi bezi chaghlarda ularning ijtima’iy ishlepchiqirishtin kütken ümidi we balayi’apettin saqlinish arzusidin peyda bolghan. Mesilen, xen sulalisining sutrishina san’ghuni li guangli hunlargha teslim bolghandin kéyin ding xani wéylü uning arzulinip kétiwatqanliqigha heset qilip, qamanlar bilen til biriktürüp, «merhum tengriqut sutrishina san’ghunni qurbanliq qilinglar dégen» dep uni öltürmekchi bolghan. Tengriqut sutrishina san’ghunni qolgha alghanda sutrishani san’ghun tillap turup «men ölsem hunlarmu halek bolidu» dégen, dégendekla uda nechche ay qar yamghur yéghip, charwilar ölüp, ademlerge késel tégip zira’etler pishmighan. Shuning bilen tengriqut qorqup kétip, sutrishna san’ghun üchün ibadetxana saldurghan [10].
Yuqirqilardin asman zémin jin erwah uqumining hunlarning kündülük turmushini we herbiy, siyasiy pa’aliyetliridiki tesirini körüwalghili bolidu. Hunlarning nezir-chiragh ötküzidighan orni we murasim qa’idiliri toghrisida tarixy matiriyallarda éniq xatire yoq. Tengriqut ordisining tengriqut bargahi orunlashqan jay, hunlarning siyasiy merkiziy ikenlikidin bashqa ejderbaliq we deylinning qeyere ikenliki éniq emes. «tarixy xatiriler. Hunlar heqqide qisse», de:«mayi weqesidin kéyinki 5-yili etiyazda, wéy ching shanggudin yolgha chiqip ejderbaliqqa bardi» dep xatirilen’gen. Bu ejder baliq shehiri hazirqi ichki mongghulning shilin’ghul aymiqining sherqi, gherbi wujumushin xoshunining yéqin etirapida bolup, uning hunlar her yili 5-ayda nezir-chiragh ötküzidighan yer ikenlikini yaki emeslikini bilgili bolmaydu. Yen shigo «xenname. Hunlar heqqide qisse» ge bergen izahida: «deylin, nezir-chiragh qilidighan qoyuq derexlik yer, siyanpilarning aditide qedimdin tartip küzde nezir- chiragh ötküzgende, del-derex bolmisa shax-shumbilarni tiklep, at bilen üch qétim aylinip toxtayti, bu ularning besliship deylin’ge yüzlenduq » déyilgen[11]. Mushuninggha asaslan’ghanda, deylin ormanchiliq yer bolup, hunlar ormanliqlarda nezir- chiragh ötküzgen.
Undaqta, hunlarning ibadetxanisigha oxshap kétidighan nezir- chiragh soruni bolghanmu, yoq? Ularning keng dalida, ormaliqlarda nezir- chiragh qilghanliqi bizge melum. Lékin, yuqirida tilgha élin’ghan hunlarning sutrishina san’ghunni qurbanliq qilghaniqi we kéyin sutrishina san’ghunni qurbanliq qilghanliqi we kéyin sutrishina san’ghun’gha atap ibadetxana salghanliqidin qarighanda, hunlarning éhtimal ibadetxanigha oxshash nezir- chiragh soruni bolghan.
1952- yili we1955- yili mongghuliye arxé’ologi x. Perle ilgiri- kéyin bolup, mongghuliyening merkizi ölkisige yéqin qurulun deryasining ong qirghiqidiki jiyadob, dérchin, borxoy deryasining ong qirghiqidiki borxon we ulanbatur, choba téghi ariliqidiki baronduro töt jaydin hunlarning sheher- bazarlirining xarabiisni qazghan. Jiyadob we dérchindin öy- imaretlerdin bashqa, iqtisadiy tumurshqa a’it hichqandaq yadikarliqlar bayqalmighan (hetta kündilik turmushta ishlitilidighan saymanlarmu chiqimighan). Peqet nezir- chiragh supisigha oxshap kétidighan bir lay shire (nezir- chiragh shiresi) bayqalghan. Perle bu ikki jaydiki chong imaretlerning hemmisini hunlar her yili qerellik nezir- chiragh ötküzidighan ibadetxana, dep qarighan. Kéyinki ikki jaydiki imaretlerning nökesh kahishliridiki neqishlerge asaslinip, bu töt jaydiki sheher- bazar junggoning chin, xen dewrilirige mensup dep höküm qilghan [12].
Hunlar asman- zimin, jin- erwahlargha xurapiylarche ishen’genliktin, ulargha atap mebud yasap uninggha chuqun’ghan. «tarixiy xatiriler. Hunlar heqqide qisse» we «xenname» 68- jild «jin mitining terjimhali» da, xen wudi dewride xu chubing alchi téghidin ötüp, hunlargha zerbe begende, «shutuq xanning altundin yasalghan kök tengri mebudi» ni qolgha chüshürdi, dep xatirlen’gen. Hunlar mushundaq mebudlarni yasap, uninggha «tengri» dep chuqun’ghan. Shunga, «jin mitining terjimhali» da «shutuq xan altundin mebud yasap, tengri dep chuqun’ghachqa, uninggha jin (金) familisi in’am qilin’ghan» déyilgen. «wéyname» 111- jild «budda- toyin dinliri tezkirisi» ge asaslan’ghanda, bu altun mebud bir jangdin igizrek bolup, xen wudi uni enchüen qesirge qoyup, uninga atap nezir- chiragh qilmay, peqet küje köydürüp qilishqila yol qoyghan. Noyan hun qebrisidin chiqqan yaghach heykelmu hunlarning heqiqeten mebudqa choqun’ghanliqini ispatlaydu.
Hunlar asman- zimin, jin- erwahlar nahayti yiraqta, admler ular bilen alaqilishalmaydu dep qarighanliqtin, ularda yene «tengri bilen ademlerning arisi» ni baghlap turidighan «qaman» (pire arqiliq erwahlarni chillaydighan ayal daxan) lar peyda bolghan. Tarixiy eserlerde hunlarning qamanliri, yeni baxshilirining köpliki tilgha élin’ghan wéyluning sutrishina san’ghunda ziyankeshlik qilish üchün qamanlar bilen til biriktürgindin bashqa, «xenname. Gherbiy yurt tezkirisi» dimu hunlarning xen qoshunlirini tosush üchün her qaysi yol we deryalargha qamanlar epsun oqughan kala, qoylarni kömidighanliqi (xurapiy usul arqiliq xen qoshunlirining aldigha ilgirlishini tosimaqchi bolghanliqi), tengriqut xen padishahlirigha sowgha qilghan at we kéyim- kécheklerge awal qamanlarning du’a qilidighanliqi xatirlen’gen. Buningdin qamanlarning hunlarning herbiy, siyasiy ishliridiki tesirining nahayti zorliqini körüwalghili bolidu. Hun qamanlirining jadugerliki adette epsun oqush,yeni «qarghash» yaki «yamanliq tilesh» bolghan bolup, eyni chaghda bundaq jadugerlik nahayti keng tarqalghan. «tarixiy xatiriler» 19- jild «xuydi, jingdi zamanidiki törilerning yilnamisi» de, xen sulalisige el bolghan hun chyu törisi lungjanning oghli we rungching törisi wéshluning newrisining hun qamanliridin paydilinip, xen padishahigha yamanliq tiligenliki üchün, törilik mertiwisi élip tashlan’ghanliqi xatirlen’gen. «xenname. Hunlar heqqide qisse» de xen wudining jéngxé yillirida (miladiyidin burunqi 92 ~ 89- yillar) xen qoshunlirining hun eskerlirige qoghlap zerbe bérip, taki chöllükning shimalidiki fen xanim qel’elsigiche barghanliqi xatirlen’gen. Yen shigu jang yenning sözidin neqil élip: «bu fen xanim ‹hunlar qamani› bolush mumkin» dégen. Buningdin bu qel’eldning igisi fen xanimning hunlarning qamani ikenlikini körüwalghili bolidu.
Bu hun qamanliri kéyin hunlarning üzlüksiz xen sulalisige el bolush netijiside ottura tüzlenglikke kélip olturaqlashqan. Shunga, xen sulalisining ending aymiqigha (wudining yüending 3- yili tesis qilin’ghan) tewe chawna nahiyisidila 15 ibadetxana qurulup, bu ibadetxanilarda hun qamanliri turghan [13]. Xen sulalisi ordisidimu hun qamanliri xéli köp bolghan. «xenname» 45- jild «jyang chungning terjimhali» da: «jyang chung wudining permani boyiche daxanliq weqesini bir terep qilishqa teyinlen’gen. U hun qamanlirini ordigha bashlap kirip , yerge kömülgen yaghach heykellerni qézip, kéchisi epsun oqup yamanliq tiligenlerni tutmaqchi bolghan. Hun qamanlirining jyang chnggha hemdem bolup, suyqest qilishidin li shahzade qattiq ghezeplen’gen. Shuning bilen u jyang chungni öltürüp, hun qamanlirini liyüen baghchisida tirik köydürwetken» [14] dep xatirlen’gen. Yen shigu «xenname» 63- jild «li shahzadining terjimhali» ni izahlighanda, fujyenning sözidin neqil élip:«hun qamanliri jyang chungning körsetmisige asasen suyqest qilghachqa, shahzade nahayti ghezeplinip, hun qamanlirini tirik köydürwetken» dégen.
Hun qamanliri jadugerlik qilipla qalmay, yene késellerni dawalap adem qutquzghan. Tarixiy eserlerde hunlarning «tiwipi» barliqi xatirlen’gen. Bu tiwip del qaman idi. «xenname. Suwuning terjimhali» da: «suwu hunlarning qoligha chüshüp qélip pichaq bilen özini öltürwalmaqchi bolghanda, wéylu tézlikte chaparmen ewetip tiwip chaqirtqan. Tiwip yerge örek kolap, örekke chogh sélip, suwuni örek üstige düm yatquzup, uning dümbisidin dessep qan uyup qélishning aldini alghan. Suwu buningdin hun qamanlirining jiddiy qutquzush we tashqi késel opiratisiyisi qilalaydighanliqini biliwalghili bolidu. Qamanlar hunlarning tiwipi, shundaqla hunlarning tibabetchlik medeniyitining wekilidur.
3. Nikah we bashqa örp- adetler
«tarixiy xatiriler. Hunlar heqqide qisse» de: «hunlarning aditi boyiche dadisi ölse oghli ögey ansini, akisi ölse uning inisi xotunini, inisi ölse uning xotunini akisi alidu» dep xatirlen’gen. Bu hunlarning nikah aditi bolup, bu xil örp- adetni hunlar turiwatqan tarixiy basquch we jem’iyet alahidiliki boyiche chüshinish kérek.
Hunlar tarix sehnisige qedem qoyghan chaghda (miladidin burunqi 3- esirde) del iptida’iy uruqdashliq jem’iyitidin qulluq jem’iyetke ötiwatqan bolup, uruqdashliq jem’iyettiki xilmu- xil örp- adetler yenila xéli saqlinip qalghan. Yuqirqidek ögey anisi we yenggisini alidighan adet hunlarning ichidiki biridur.
Hun jem’iyitide uruqning sirttin nikahlinish tüzümi keng tarqalghan. Uruqning sirttin nikahlinish tüzümi eng deslepte jüp nikahliq a’ililer tarixiy basquchida barliqqa kelgen. Jüp nikahlinish tüzümide oxshash bir uruqtiki er- ayalning öz-ara nikahlinishigha yol qoyulmighan. Ular peqet öz uruqining sirtidin öz jüptini tapqan. Bu xil nikah munasiwiti shexsi bilen shexskila qaritilghan bolmastin, belki uruq bilen uruqqimu qaritilaghn. Yeni yatliq qilin’ghan er (u chaghda ayallar yatliq qilinmighan) öz uruqining bir ezasi süpitide, xotunining uruqidikiler bilen alaqe qilghan.
Hunlar resmiy tarix sehnisige qedem qoyghan waqitta, a’ile, nikah tüzümide qulluq tüzümige maslashqan halda atiliq a’ile bashliqliq tüzümidiki a’ililer barliqqa kelgen. Atiliq a’ile bashliqliq tüzümidiki a’ile jüp nikahliq a’ilidin bir er, bir xotunluq a’ilge ötüshtiki ariliq basquch bolup, ariliqta ötken waqit qisqa bolghachqa, jüp nikahliq a’ile mezgilide yürgüzülgen uruqning sirttin nikahlinish tüzümining adet we qarishi saqlinip qalghan. Bu chaghdiki hunlarning qarishida, uruqqa yatliq bolup kelgen ayal bilen bolghan munasiwet yenila uruq bilen uruqning munasiwiti bolghan. Ayal érining öyige yatliq bolup kelgende, u érining a’ilisigila mensup bolup, érining a’ilisining bir ezasi bolupla qalmastin, yene érining uruqigha mensup bolup, érining uruqining bir ezasi bolghan. Eger éri ülüp kétip, qayta yatliq bolmaqchi bolsa, érining a’ilisidinla ayrilip qalmastin, yene érining uruqidinmu ayrilip qalghan. Shunga, ularni uruqta élip qélish üchün, érining bashqa xotunidin bolghan oghulliri yaki aka- ukiliri ularni nikahigha alghan. Xen wéndi dewride, yatliq qilin’ghan melikige hemrah bolup tengriqut ordisigha barghan jung xangyu: « hunlarda atisi ölse oghli ögey ansini élishi, akisi ölse xotunini inisi , inisi ölse uning xotunini akisi élishi, ularning öz nesebining buzulishidin qorqqanliqidur. Hunlarda adet qalaymiqan bolsimu, lékin neseb saqlap qélin’ghan [15] dégen. Bu del hunlarning bu xil nikahlinish aditining ijtima’iy arqa körünüshi we tarixiy mezmunini chüshendürüp béridu.
Uningdin qalsa, atiliq a’ile bashliqliq tüzümidiki a’ile jüp nikahliq a’ilidin kélip chiqqan, jüp nikahlinish iptida’iy top nikahlinishning rawaji bolghachqa, atisi ölse ögey anisni xotun qilish, akisi ölse inisi, inisi ölse xotunini akisi xotun qilish aditimu iptida’iy top nikahlinishning bir xil qalduqi hésablinidu.
Buningdin bashqa, miladidin burunqi 3-esirdin bashlap hunlarning ishlepchiqirish küchlirini tereqqiy qildurghanliqtin, uruqdashliq jama’esining ichki qisimida shexsiy charwisi bar yekke a’ililerning kichik igiliki barliqqa kélip, uruqdashliq jama’esi peydinpey rawajilinishqa qarap yüzlen’gen. Bay- kembeghellikke bölünüshning peydinpey keskinlishishke egiship, yekke a’ililerning jem’iyettiki roli peydinpey uruqning rolidin éship ketken. Bu chaghda tul qalghan anisi we yenggisini a’ilide élip qélish, ilgiriki qedimidin saqlinip qalghan adetni chiqish qilishtin bir jemettiki yekke a’ililerning emgek küchini saqlap qélish yaki a’ilining ishlepchiqirish küchini ashurushtek menige özgergen. «xenname. Hunlar heqqide qisse» de: «xen pingdi dewide (miladiye 1 ~ 5- yillar), hunlar kona qa’ide boyiche oghanlardin séliq yighish üchün elchi ewetkende, hunlarning ayallirimu soda qilish üchün ulargha egiship bille barghan» dep xatirlen’gen. Buningdin hun ayallirining atiliq a’ile bashliqliq tüzümidiki a’ile shara’itida a’ilining bir ezasi bolsimu, lékin ata huquqchiliqidiki a’ile bashliqining yéteklishide ishlepchiqirish we bashqa emgeklerge qatnishidighanliqini körüwalghili bolidu. Jümlidin yuqirida bayan qilin’ghan nikah jehettiki kona örp- adetler tayinidighan tarixiy shert- shara’iti (top nikahlinish we uruqning mewjutliqi) yoqalghan yaki künséri tewrining qalghan bolismu, yéngi shert- shara’it ( a’ile we jemetning barliqqa kélishi) uning ornini élip, bu xil örp- adetni saqlap qalghan. Bu del hunlarda bu xil nikah tüzümining uzaqqiche saqlinip qélishining sewebidur.
Atisi ölse oghli ögey anisini, akisi ölse xotunini inisi, inisi ölse xotunini akisi élish netijiside hunlarda bir er, köp xotunluq tüzüm téximu omumlashqan. Yazma matéryallardiki xatirilerdin biz hunlarning ögey anisi we yenggisini xotun qilishigha a’it konkirit misallarni körsitip béreleymiz. Meslen, miladidin burunqi 31- yili (chéngdining jyenshi 2- yili) qoghushar tengriqut ölgende, oghli dataw buqa tengriqutluq ornigha warisliq qilip, fujurjut tengriqut dep atalghan we ögey anisi wang jawjunni xotunluqqa alghan. Yene miladidin burunqi 68- yili (shüendining dijé 2- yili) uyanjut tengriqut ölgende, ornigha inisi shuruchanchu tengriqut chiqip,m ong qol büyük serkerdining qizini chong alchi qilghan. Emma ilgirki tengriqutning alchisi jüenchu alchini emeldin qaldurwetken. Uning yéngidin xotun élip tul qalghan yenggisini tashliwétishi akisi ölse xotunini inisi alidighan adetke xilap bolghachqa, u jüenchu alining dadisi sol qol büyük jorchining nepritige uchrighan [16].
Ögey anisini xotun qilish bir xil nikah aditila bolup qalmastin, yene bir xil nikah tüzümidur. U ilmiy sahede adette «nikahqa warisliq qilish» déyilidu. Nikahqa warisliq qilish tüzümi hunlarda bolup qalmastin, shimaldiki bashqa nurghunlighan köchken charwichi milletlerdimu bolghan bolup, peqet shekil jehettin sel oxshimaydu. Meslen: miladidin burunqi 2- esirning aldi- keynide, hazirqi gensudiki xéshi karidori etrapida charwichiliq qilip, kéyin hazirqi ili deryasi etirapida charwichiliq qilip, kéyin hazirqi ili deryasi wadisigha köchüp kelgen uysunlarda, shekil jehettin hunlarningkige oxshmaydighan nikahqa warisliq qilish tüzümi we akisi ölse xotunini inisi, inisi ölse xotunini akisi alidighan adet saqlan’ghan. «xenname. Hunlar heqqide qisse» de uysunlaning künbégige yatliq qilghan. Künbeg qérip qalghanda newrisi senjurgha shijünni xotun qilishni buyrighan. Shijün ölgendin kéyin xen sulalisi jyéyü melikini senjrgha yatliq qilghan. Senjur ölgende, taghisi daluning oghli un’ghumi jyéyüni xotun qilghan.Un’ghumi ölgende senjurning hun ayaldin bolghan oghli nimi (un’ghumining jiyeni) jiyéyüni yene xotun qilghan. Buningdin uysunlardiki nikahqa warisliq qilish tüzümi we akisi ölse xotunini inisi, inisi ölse xotunini akisi alidighan adet hunlarningkige qarighanda bir qeder murekkep ikenlikini körüwalghili bolidu: (1) oghli ögey anisini xotun qilipla qalmastin, newrisimu ögey anisini xotun qilghan; (2) bowisi ölmisimu ögey chon anisini yenila xotun qilalighan; (3) taghisi ölgende jiyeni taghisining ayalini xotun qilalighan; (4) akisi ölse xotunini inisi, inisi ölse xotunini akisi xotun qilipla qalmay, newre aka- iniler mushundaq qilghan. Bu xil nikah tüzümi we adet téximu bek iptida’iy xaraktérni saqlap qalghan bolup, uysunlarning shu waqittiki iptida’iy uruqdashliq jama’esining axirqi mezgilidiki iptida’iy tarixiy basquchi bilen öz- ara maslashqan.
Miladiye 4-esirning axirida chong chöllükning jenup- shimalida bash kötürgen jurjanlardimu nikahqa warisliq qilish we akisi ölse xotunini inisi, insi ölse xotunini akisi xotun qilish aditi saqlan’ghan. «shimaliy sulaliler tarixi» 13- jild «xanishlarning terjimhali» da: «shénwu (sheriqiy wéy xani gawxuen) jurqan qaghan anaghaning melikisini emirige alghan. Shénwu ölgendin kéyin wénrung (gaw xuenning oghli gachéng) jurjanlarning qa’idisi boyiche melikini emirige élip, bir qiz körgen» dep xatirlen’gen. Wénrang jurjan melkisini jurjanlarning qa’idisige (ögey anisini xotun qilishning adetke) asasen emirige alghaniken. Dimek ögey anisini xotun qilish aditi jurjanlarda nahayti keng tarqalghan. Yene «wéyname» 103- jilk «jurjanlar heqqide qisse» de: «tolun ölgende naghay uning ornigha chiqqan. Futu (tolunning newre inisi) tolunning xotuni lu lingshini emrige élip, chunu, anaghay qatarliq alte perzent körgen» dep xatirlen’gen. Buningdin aka- ini, hetta newre aka- iniler yenggisini xotun qilidighan adetning jurjanlardimu saqlan’ghanliqini körüwalghili bolidu.
Miladiye 6-esirning otturilirida chong chollükning jenubi we shimalida bash kötürgen türklerdimu nikahqa warisliq qilish tüzümi bolghan. «shimaliy sulasiler tarixiy» 99-jild «türkler heqqide qisise» we «omumiy qamus» 197-jild «türkler» de xatirilinishiche, süy sulalisining yiching melikisi ilgiri-kéyin bolup chimen qaghan, chimen qaghanning oghli shibi qaghan, shibi qaghanning inisi chuluq qaghan, chuluq qaghanning inisi il qaghan’gha yatliq bolghan. Bu türklerning nikah aditide ata-bala we aka –inining nikahqa warisliq qilishining teng saqlan’ghanliqini ispatalaydu.
Hunlarning nikah munasiwitidiki diqqet qilishqa erziydighan yene bir xil ehwal shuki, eng aliy hökümran bolghan tengriqut köpinche öz perzentlirini bashqilargha nikahlap bérish arqiliq, buni ularni siyasiy jehettin özige tartishning wastisi qilghan. Meslen, xen wudi «hunlarning ong qolini késip tashlash» üchün melike jyéyüni uysun künbégige yatliq qilghanda, künbeg uni ong xanish qilghan.Hun tengriqutimu uysunlar bilen xen sulalisining ittipaqini buzush üchün özining qizini künbegke yatliq qilghanda, künbeg uni sol xanish qilghan [17]. Yene yüendi dewride quti’ush tengriqut chöllükning shimalida put tirep turushqa amalsiz qélip gherbke köchüp kan’giyige barghanda, kan’giye xani uning abroyidin paydilinip gherbiy yurttiki her qaysi ellerge tehdit sélish üchün qizini uninggha yatliq qilghan. Quti’ush tengriqutmu qizini kan’giyige xanigha yatliq qilghan [18]. Shundaq qilip ikki terep öz- ara birleshken. Yene xen wudi dewride, xen sulalisining öngkü törisi jaw shin (hunlarning xen sulalisige el bolghan kichik xani) hunlargha teslim bolghanda, tengriqut u xen sulaliside uzaq muddet turghan. Xen sulalisining herbiy, siyasiy ehwalini pishshiq bilidu dep qarap, uni na’ib xan qilip, achisini uninga yatliq qilip, uningdin paydilanmaqchi bolghan [19].Kéyin sutrishina san’ghun li guangli hunlargha teslim bolghandimu, tengriqut sutrishina san’ghunning xen sulalisining dangliq serkerdisi we muhim weziri ikenlikini bilgenliktin, qizini uninggha yatliq qilip, uni wéyludinmu bek etiwarlighan [20]. Yuqirdiki ehwallar éhtimal xen sulalisi fé’o’odal hökümranlirining qudilishish siyasiti we tézginlesh siyasitining tesirige uchrighanliqining netijisi bolsa kérek.
Hunlarning uruqdashliq jem’iyitidin qélip qalghan örp- adetliri ichide, düshmenni öltürgenlerni mukapatlashmu bir xil adet bolghan. «tarixiy xatiriler. Hunlar heqqide qisse» de: «hunlar urush qilghanda düshmendin birni öltürse bir apqur sharap mukapat bériletti» dep xatirlen’gen. Bu del düshmenni öltürgenlerni mukapatlishidiki ipadisi bolghan. Bu xil adet burun jama’ening düshmenni qirishta xizmet körsetken uruq ezalirini mukapatlashtiki bir xil usul bolghan. Kéyinmu xususiy mülükchilikning barliqqa kélishi, sinipning peyda bolushi we uruq aqsöngeklirining uruq ezalirini bashqa millet xelqlirini bulang- talang qilish urushigha qatnishishqa qiziqturishi we mejburlishigha egiship, eslidiki bir apqur sharab mukapat bérish, qolgha chüshürgen esirler we mal- mülüklerni in’am qilip bérishke özgergen. Kéyin ishlepchiqirish küchlirining yenimu tereqqiy qilishi we qulluq tüzümning shekillinishi bilen u esirlerni qul- didek qilishqa özgergen. Bu xil menpe’etning qiziqturishi we esirlerni qul qilip emgek küchlirini toluqlash éhtiyajining türtkiside, hunlar jeng qilghanda, her bir jengchi imkaniyetning bériche köprek esir élip ularni özining quli qiliwalghan. Bu xil adet del hun jem’iyitining uruqdashliq jama’esidin sinipi jem’iyetke ötüshtiki tereqqiyat jeryanining bir xil inkasidur.
Uruq ezaliri arisidiki öz- ara yardem bérish hunlar jem’iyitidiki yene bir xil ésil adet bolghan. Bolupmu urush waqtida bu xil öz- ara yardem téximu zörür bolghan. «tarixiy xatiriler. Hunlar heqqide qisse» de xatirlen’gen jengde qurban bolghanlarning jesitini qayturup kélish del mushu xil öz- ara yardemning ipadilirining biridur. Kéyin, hun jem’iyitide omumiy mülükchilikning tereqqiy qilishigha tedirji qurban bolghuchining jesiitini qayturup kélip, uning te’elluqatigha érishishning wastisi bolup qalghan.
Hunlar «quramigha yétip oqya tartqudek bolghandila hemmisi atliq esker bolidighan», herbiy teshkil bilen ishlepchiqirish teshkiliy birleshtürülgen. Ishlepchiqirish emgiki bilen herbiy yürüsh turmushining barliq mezmunini teshkil qilghanliqtin, hunlar jem’iyitide bir ademge baha bérishimu, uning emgek we urushta (bolupmu urushta) oynighan rolini ölchem qilghan. Zerberdes yashlar, bolupmu emgek we urushta xizmet körsetkenler jem’iyetning qedirlishige érishken. Qéri- ajizlar del uning eksiche mu’amilige uchrighan. Jung xangyö: «hunlar urushni kesp qilghan. Ularning qéri- ajizliri urushqa barmighanliqtin, özlirini qoghdash üchün yémekiliklerning yaxshlirini newqiranligha béridu. Bu emeliyette öz qowmini qoghdighanliq. Bu xuddi atining balini asrighinigha oxshash ish» dégen. «tarixiy xatirler. Hunlar heqqide qisse» déyilgen hunlarda malning sémizini qawul- qiranliri, ashqanlirini qéri- ajizliri yéyishi, saghlam yashlarning etiwarlinip, qéri- ajizlarning kemsitilishining sewbi del mushuningdidur. Hunlar baturluqni qedirligen. Lékin baturlarning muddi’asi we ünümining qandaqliqi bilen anche bek hésabliship ketmigen. «tarixiy xatiriler. Hunlar heqqide qisse» de xatirlinishiche, tümen tengriqut chong oghli baturni közdin yuqutup, textni amraq kichik oghligha bermekchi bolup, baturni yawchilargha torghaqliqqa ewetken hem arqidinla qoshun chiqirip yawchilargha hujum qilip, yawchilarning qoli bilen baturni öltürmekchi bolghan. Halbuki, batur yawchilar xanining tulparni oghrlap qéchip ketken. Tümen tengriqut uni batur dep maxtap, uni on ming chewandazgha bash qilghanliqi xatirlen’gen. Yene «kéyinki xenname» 54- jild «li lingning terjimhali» da xatirlinishiche, li ling hunlargha teslim bolghandin kéyin, xen sulalisining chégrida turushluq li shu atliq yene bir kahbégimu hunlargha teslim bolghan. Li shu tengriqutqa atliq eskerlerni ishlitip xen qoshunliridin mudapi’elinishni ögetkenliktin, xen sulalisi xataliship buni li ling ögetti dep qarap, li lingni anisi, ukisi we xotun- balilirini öltürüp, uning jemetini qurutiwetken. Li ling öz a’ilisidikilerning li shuning sewebidin ölgenlikige nahayti ghezeplinip, bashqilardin paydilinip li shuni öltürwetkende, tengriqut uni maxtap, qizini uninga yatliq qilip uni ong qol chérikchi beglikke teyinligen we uni nahayti etiwarlap ishlitip, siyasiy ishlargha qatnashturghan.
Hunlarda yene ehdi- peyman tüzgende qan aqquzdighan bir xil adet bolghan. Gawshyu «xueynenzi» 11- jild «qa’ide- yosunlargha reddiye» ge izah bérip: «hunlar ehdi tüzgende, haraqi adem kallisigha qoyup ichip qesem béretti» dégen. Emeliyettimu shundaq bolghan. «xenname. Hunlar heqqide qisse» de: qoghushar tengriqut xen elchisi xen chaw we jang méing bilen ittipaliq ehdi tüzgende, noshüy deryasining sherqidiki taghqa chiqip aq at soyup, andin shemshiri bilen altun qirip sharapqa arilashturghandin kéyin, uni ki’ok tengriqut öltürgen yawchilar xanining öltürüp bash söngiki quyup bilikidin qan chiqirip sharapqa témitip birlikte qesem qilishqan.
Hunlarning kyinishi we chach qoyushi tarixiy matériyallarda éniq xatirlen’gen. «xueynenzi» 11- jild «qa’ide- yosunlargha reddiye» de: «hunlar uzun chach qoyup paxpaytiwalatti» déyilgen. Atalmish «uzun chach» chéchini tügiwalmighanlini, «paxpaytiwélish» chéchini quyuwétishni körsitidu. «xenname. Türkle heqqide qisse» de: « türkler aditi boyiche chéchini boghmay sol yénigha tashliwalatti. Bu qedimqi hunlar bilen oxshaytti» dep xatirlen’gen. «xenname. Li lingning terjimhali» da, li ling bilen wéylu xen elchilirini kütiwalghanda, ikkilisining hunche kéyim kiyinp chéchini örüwalghanliqi xatirlen’gen. Tetqilatlargha asaslan’ghanda, shimaldiki milletlerning bolsa chéchini uzun qoyup paxpaytiwalghan. Jenubtiki milletler bolsa chéchini tügiwalatti. «xenname» 43- jild «lu jyangning terjimhali» da, lu jya jenubi yölerge elchi bolup barghanda, jenubiy yö xani yütoning chéchini tügiwalghan xatirlen’gen. Yen shigu buninggha izah bérip: «chéchini tügüwalghuchilar chéchini bir tutam qilip örüwalatti. Uning shekli xuddi omurtqigha oxshaytti» dégen. Li ling bilen wéylu kiygen kiyimning qandaq shekilde ikenlikini bilgili bolmisimu, lékin ularning chéchini örüwélishi hunlarnng chach qoyush shekili bolmisa kérek. Chünki hunlarning hemmisi dégüdek chéchini qoyuwétetti. Bu yazman höjjetler (meslen, «xueynenzi» we «junname») dila körülüp qalmastin, junggo penler akadémiyisi arxé’ologiye tetqiqat ornining féngshi qézish etriti 1955 ~ 1957- yilliri shenshi ölkisi chang’endiki xen dewrige mensup bolghan shanglin baghchisidin (hazirqi féngshi nahiyisining késhéngjuang kenti) alahide bir qebre (140- nomurluq qebre) ni qazghanda, hemdenpe buyumlar ichidin uzunchaq shekildiki ikki mis taxta bayqighan. Bu mis taxtilargha ikki at we ikki ademning süriti chékilgen bolup, bu ikki adem bir- birsining bélini we putini tutup chélishiwatqan qiyapette turghan. Ikkilisi qangsharliq, chach bolup, pushqiqi boghmaq ishtan kiyiwalghan [21]. Arxé’ologlarning békitishige asaslan’ghanda, bu bir hun qebrisi bolup, ölgüchi éhtimal hunlarning xen sulalisige ewetilgen elchi yaki elchining hemrahi bolsa kérek. Bu qebrining qézilishi hunlarning chach qoyushi, kéyim- kéchiki, zinnet boyumliri, chiray- qiyapiti [22] we chélishish aditini chüshiniwélishimizgha yardem béridu. Gerche bu qebre chong chöllükning jenubiy we shimalidiki hunlar olturaqlashqan rayonlarda bolmisimu, lékin bu bizni maddiy ispatlar bilen teminleydu.
Izahlar:
[1] bu yéziq belgilirini s. Dorji sorungning «shimaliy hunlar» 5- bap «hunlarning medenyiti» din körüng.
[2] méningche, hunlarning shübhisiz öz yéziqi bolghan. Eger hunlarning yéziqi yoq, hun tengriqutlirining xen padishahlirigha yazghan xetlirini xenzular xenzuche yéziqta yézip bergen déyilgen bolsa, u halda hunlarning bashqa ellerge yazghan xetliridimu shu ellerdikiler özlirining yéziqida yézip bergen bolidu. Ménngche, hunlarning hemmisila ellerdin pütükchi yighiwélishi mumkin emes. Yene kélip hunlarning öz ichide yat yéziqni ishlitishmu mumkin emes. Shunga, hunlarning yéziqi yoq, dégen qarashqa qoshulghili bolmaydu (terjimandin).
[3] jushining «chu nezmilirining kéyiki bayani» we go mawchingning «muzika mehkimisi shé’irliri» ge qarang. «chörining on sekkiz udari» ni sey wénjining özi yazghan- yazmighanliqi toghrisida hazirghiche ilim sahedise munazire mewjut. U turghan jenubiy hunlarning sol qol bilik xanining ordisining qeyerde ikenlikimu téxi muqimlashturulmidi. Lékin, «kéchiliri anglinar longshüyning shox shawquni, kündüzliri körner seddichining yolliri» (6- udar), «keng bayawan dalida qed kötürgen k turlar» (7- udar) dégen misralardin qarighanda, u éhtimal hazirqi ichki mongghulning gheribidiki kona seddichin sépilining jenubida bolushi mumkin. Bu etirap del jenubiy hunlar sherqiy xen sulalisining deslepki mezgilide qoruldin kirgende makanlashqan rayon idi.
[4] «kéyinki xenname» 84- jild «ippetlik ayallarning terjimhali».
[5] jinname» 69- jild «lyu xuyning terjimhali» ning qoshumchisi we 62- jild «lyu künning terjimhali».
[6] bu hun medeniyet yadikarliqlirini ayrim- ayrim halda p. K. Kozlowning «tashqi mongghuliyeni tekshürüsh doklati» we s. Dorji sorungning «shimaliy hunlar» 1- bab shimaliy hunlarning qebriliri» din dep körüng.
[7] «medeniyet yadikarliqliri» zhornilining 1959- yilliq 6- sanidiki li myenyüning «ichki mongghulning xélin’gir nahiyisidin tépilghan mis qorallar» dégen maqalisige we medeniyet yadikarliqliri neshryati 1964- yili neshr qilghan «ichki mongghuldin tépilghan medeniyet yadikarliqliridin tallanma», «omumiy bayan» 5- bet, 47- , 48- resimge qarang.
[8] «medeniyet yadikarliqliri» zhornilining 1965- yilliq 2- sanidiki gey shenlinning «ichi mongghul aptonom rayuni jungghar xoshuni suji jilghisidin qéziwélin’ghan bir türküm mis qorallar» dégen maqalige qarang.
[9] «medeniyet yadikarliqliri paydilinish matériyalliri» ning 1957- yilliq 4- sanidiki li myenyüning «ichki mongghulning gherbiy qisimidiki hun we xen dewri medeniyet yadikarliqliri» dégen maqalisige qarang.
[10] «xenname. Hunlar heqqide qisse».
[11] «tarixiy xatiriler. Hunlar heqqide qisse» diki jin shuning bayanigha qarang.
[12] x. Perle: «hunlarning üch shehirining xarabisi», ulanbatur penler komitéti 1957- yili neshir qilghan.
[13] «xenname» 28- jild «jughrapiye tezkirisi».
[14] daxanliq qamanlarning epsun oqush arqiliq kishlerni qaymuqturushidur. Tarixiy eserlerde xatirlinishiche, xen wudi palgha ishinidighan bolup, köpligen qamanlarni paytextke ekelgen. Ayal qamanlar ordigha kirip ordidikilerge bala- qazadin saqlinishni ögitip, her bir hujrigha yaghach heykellerni kömüp nezir- chiragh qilghan. Kéyin u bara- bara yamanliq tilep suyqest qilishning wastisige aylinip qalghan. Wudi aghirip qalghanda, jying chung késelning menbsi daxanliqta digechke, wudi jyang chungshi bash bolup ordidiki yaghach heykellerni qézip éliwétishke we shundaq qilghanlarni zindan’gha tashlashqa buyrighan. Jyang chung li shahzade bilen adawiti bolghachqa, shahzadining qesiride yaghach heykel bek köpken dep böhtan chaplighan. Shahzade qorqup jyang chungni öltürüp, qoshun tartip isyan kötergen bolsimu, meghlup bolup özini öltürwalghan. Kéyin tyen chyenchyu shahzadining naheq ölgenlikini melum qilghandin kéyin, wudi jyang chungning jemetini sürgün qilghan. Bu tarixta «daxanlarning türmige tashlinishi» dep atalghan. Bu wudi dewridiki hökümran siniplarning ichki qisimidiki bir qétimliq küresh idi.
[15] «tarixiy xatiriler. Hunlar heqqide qisse».
[16] «xenname. Hunlar heqqide qisse».
[17] «tarixiy xatiriler» 123- jild «perghane tezkirisi».
[18]«xenname» 70- jild «jin tangning tezkirisi».
[19] «tarixiy xatiriler. Hunlar heqqide qisse».
[20] «xenname. Hunlar heqqide qisse».
[21] «arxé’ologiye» zhornilining 1959- yilliq 10- sanidiki «1955 ~ 1957- yillardiki shenshi chang’en féngshi kentidiki qézish doklati» we 1963- yili medeniyet yadikarliqliri neshiryati neshir qilghan, arxé’ologiye tetqiqat ori tüzgen «li shüy deryasining gherbidiki qézish doklati» ning 138- 140- betliri.
[22] chet’ellerdiki burzh’ua alimliri hunlarni nahayti bet- beshre teswirligen bolsimu, emeliyette uning qilche asasi yoq. Bu peqet tarixtiki az sanliq milletlerge qilin’ghan haqarettur. Hunlarning chirayi zadi qandaq? Nöwette yazma matériyallar we arxé’ologiyilik qézilmilar arqiliq buninggha konkirit jawap bergili bolmaydu. «xenname» 68- jila «jin mitining terjimhali» da: « «jin mitining boyi igiz bolup, sekkiz chi ikki su kéletti. Chirayi sürlük idi» déyilgen. Bu junggo yazma matéryalliridiki hunlarning chiray- turqi süretlen’gen birdin- bir xatiridur. Buningdin bashqa, alimlar burun dawamliq «jinname» 107- jild «shi jilung heqqide xatire» diki «ren ming késh ghuzlirini qirghin qilghanda ésil- pes, er- ayal, qéri- yash bolup 200 ming a’ililiktin artuq ademni qiriwetken. Shu chaghda qangsharliq, saqalliq kelgenledrin xata öltürülgenlerning sani omumiy öltürülgenlerning sanining yérimidin köprekni igelligen» dégen bayan we yene shu «xatire» diki «shi shüenning oghullirining chirayqi hunlargha bek oxshaytti ora köz idi» dégen bayan’gha asaslinip, buni hunlarning chiray- turqining ipadisi qilishqan. Halbuki, tarixiy eserlerde késhlarning ejdadi hunlarning bashqa uruqidin. Ular shangdang, wushyangda olturaqliship késh ghuzliri déyilglen ( «wéyname» 95- jild «shi léning terjimhali» ) dep xatirlen’gen bolsimu, ularning hunlar bilen bir iriqtin emesliki (késh ghuzliri gherbiy yurt irqigha mensup idi) junggo, chet el alimliri teripidin birdek étirap qilin’ghan. Késhlarning chiray- turqi melum jehettin hunlargha oxshismu, lékin bu ikki milletni arilashturwétishke bolmaydu.

Hunlarning yawropadiki pa’aliyiti


Hunlarning yawropadiki pa’aliyiti heqqide dölitimizdiki alimlarning tetqiqati bir qeder az bolsimu, chet’ellerde bu heqtiki mexsus eserler xéli köp. Men bu mezmunni amérkiliq tarixshunas mék gowérinning «ottura asiyadiki qedimki döletler tarixi» dégen esiri we awstiriyilik alim ottoma’énchin xélfénning «hunlar dunyasi» dégen esiri hem bashqa munasiwetlik tarixiy matériyallargha asaslinip yézip chiqip, kitabimning qoshumchisi süpitide oqurmenlerning paydilinishigha sundum.
1. Hunlarning yawropagha bésip kirishining 1- basquchi (miladiye 374 ~ 400- yillar) we milletlerning chong köchüshini peyda qilishi
Miladiye 91- yilidin bashlap gherbke köchüshke bashlighan hunlar 374- yili hazirqi don deryasining sherqige jaylashqan alanlarni meghlup qilghandin kéyin don deryasi sahilid peyda bolup, yawropadiki milletlerning chong köchüshini ilgiri sürüshte asasliq rol oynashqa bashlidi we shuning bilen bille yawropagha tajawuz qilip kirishning muqeddimisini bashlidi. Alan döliti yoqitilghandin kéyin, gerche nurghunlighan alanlar hunlargha boysunup, ularning gherbke qilghan yürüshige qatnashqan bolsimu, lékin bir qisimi jenubqa qéchip kawkaz téghigha kétip, yene bir qsimi gherbke qéchip sherqiy gotlarning mudapi’e sépini bösüp ötüp, sherqiy gotlarning téritoriyisige kiriwaldi. Sherqiy gotlarning chégirisi don deryasining gherbi bilen dénistir deryasining ariliqida idi. Aridin uzun ötmeyla, hunlarmu dawamliq türde gherbke yürüsh qilip, don deryasidin ötüp, miladiye 374- yili sherqiy gotlarning ziminigha hujum qilip kirdi. Éytishlargha qarighanda, eyni chaghdiki hunlarning yolbashchisi balamir iken.
Hunlarning tajawuz qilip kirgenlik xewiri «gotlarning bashqa qebililirining arisigha yétip barghandin kéyin, ular hichqachan anglap baqmighan, qeyerdin kelgenlikinimu bilgili bolmaydighan bir qowmning taghdiki boran- chapqundek kéliwatqanliqini, ulargha yoluqqanliki nersining bulang- talanggha we buzghunchiliqqa uchrighanliqini angliship, intayin qorqup ketken [1]. Sherqiy gotlarning yashinip qalghan padishahi hérmanrikning hunlarning hujumini tosushqa küchi yetmigechke, qoshuni birinchi qétim meghlup bolghandila özini öltürwaldi. Uning ornigha chiqqan witximir bu weziyetni ongshimaqchi bolup hunlar bilen bir nechche ay japaliq urush qilghan bolsmu, lékin axirida yenila meghlup bolup halaket teqdiridin qutulalmidi. Hérmanrikning oghli hunimund qowmini bashlap hunlargha teslim boldi. Qalghan sherqiy gotlar alati’us we safrakis qatarliq ikki kishining bashlamchiliqida gherbtiki gherbiy gotlar sherqiy (dénistér deryasining gherbige) ketti. Gherbiy gotlar sherqiy gotlarning meghlup bolushi we ularning qélip qalghanlirining öz térritoriyisige qéchip kélishidin hunlarning tajawuzining tehditini hés qilghachqa, padishah atanarik derhal sherqiy septiki mudapi’eni kücheytip, dénistér deryasining boylirigha qorghanlarni sélip, hunlarning deryadin ötüshini tosimaqchi boldi. Lékin, hunlar u gherbiy gotlarning mudapi’e sépidin yiraq bolghan dénistér deryasining yuqiri éqinidin yushurunche ötüp, gherbiy gotlarning arqisidin tuyuqsiz hujum qilmaqchi boldi.
Netijide, gherbiy gotlar qoshuni qattiq zerbige uchrap éghir chiqim tartip, jenuptiki donay deryasining shimalidiki délansirwaniye ormanliqigha (hazirqi ruminiye chégrisi ichide) qéchip kétishke mejbur boldi. Hunlar köp gheniymetlerge érishkechke, bir mehel qoghlighandin kéyin qoghlashni toxtatti. Gherbiy gotlar intayin qorqup ketkechke, ularning bir qisimliri, jümlidin texminen 200 mingdek ahale aqsaqal firitgérnning bashlamchiliqida rim impériyisidin özlirining donay deryasidin ötüp rim impériyiside panahlinishqa ruxset qilishni telep qildi. Bu chaghda rim impériyisi téxi sherq- gherbtin ibaret ikkisige bölünmigen idi. Rim impératori walnés orda kéngishining muzakirisi arqiliq, axirida gherbiy gotlarning chégridin kirishige ruxset qildi. Rim impériyisi tewesige kirgen bu gherbiy gotlar kéyin impériyining yerlik emeldarlirining intayin éghir zulimi we iqtisadiy ékispilatatisiyisige chidimay zor kölemlik malimanchiliq peyda qildi [2]. Ular balqan yérim arilining shimalida barghanla yéride ot qoyup bulangchiliq qildi. Uzun ötmey burun hunlar teripidin meghlup qilinip alati’us we safrakis ikkiylenning bashlamchiliqida gherbiy gotlar rayonigha qéchip kelgen qalduq sherqiy gotlarmu donay deryasidin ötüp, balqan yérim arilida peyda bolup, séris we makidun qatarliq jaylarni bulang- talang qildi. Aridin uzun ötmey hunlar we alanlarning aldin yürer qoshunlirimu bu yerdiki malimanchiliqqa qatnashti. Lékin ularning sani anche köp emes idi. Chünki, hunlarning asasiy küchi bu chaghda téxi donay deryasining shimalidiki eslide gotlargha tewe bolghan ziminda turiwatatti.
Gotlarning isyanini bésiqturush üchün, rim impératori wélnés sherq we gherbtiki ser xil qisimlargha shexsen özi bashchiliq qilip, miladiye 378- yili gotlar bilen jeng qildi. Netijide rim qoshunliri qattiq meghlup bolup, üchtin ikki qisim esker öldi. Wlénésmu öltürüldi. Bu urush rim impériyisining asasini tewritip qoydi. Walnés ölgendin kéyin , gotlar hunlarning tehditini téximu bek hés qilghachqa, rim impériyisi téritoriyiside turiwerdi. Rim impériyisining ularni qoghlap chiqirishqa madari yetmidi. Axirida miladiye 382-yili etrapida ikki terep sülhi tüzüshti. Sülhining mezmunigha asasen, sherqiy gotlar we ular bilen bille balqan’gha kirgen alanlar we hunlar pannoniye (hazirqi wén’griye teweside) we üstünki mosiya töwenki mosiyada olturaqlishidighan boldi. Shuningdin kéyin, gherbiy gotlar da’im dégüdek isyan kötürüp turdi. Miladiye 395-yili rim impériyisi resmi halda sherq we gherbtin ibaret ikkige parchilandi. 398-yili sherqiy rim impériyisi gherbiy gotlarning parakendichilikini yoqitalmaydighanliqigha közi yétip, ulargha qaratqan siyasitini özgertip, ularning rehbiri alarikni özige tartip, andin ularni impériyige boysundurdi.
Miladiye 375~400-yillar ariliqida, hunlar alanlar we gotlarni gherbke köchüshke mejbur qilghan bolsimu, lékin asasliq qisimi yenila jenubiy rosiye yaylaqlirida, yeni alanlar we sherqiy gotlarning eslidiki zéminida turuwatatti. Ularning az bir qisimi jenupqa yurush qilip kawkaz téghidin ötüp, erminiye, mésopotamiye we süriye qatarliq jaylargha hujum qilghan bolsimu, lékin hujunlirining hemmisila chékindürüldi. Miladiye 396-yili yene az bir qisim hunlar tigris deryasi boyidiki kétisfon (pérsiyediki sasanlar xanliqining paytexti) shehirige hujum qilghan bolsimu, lékin qayturma zerbige uchrap ghelbe qazinalmidi. Shunga, taki miladiye 400- yiligha qeder hunlarning asasliq qisimi yenila karpat téghining sheriqide turiwerdi. Lékin miladiye 400- yilining küz peslidin bashlap hunlar tunji qétim rimliqlar bilen biwaste uchrishishqa bashlidi. Yene shu chaghda sherqny rim impériyisining ganiya isimlik bir serkerdisi asiyliq qilip meghlup bolghandin kéyin, donay deryasining töwenki éqinidin yushurunche ötüp, hazirqi rominiyge qéchip ketmekchi boldi. Halbuki, eyni waqitta bu rayonni yildiz bashchiliqidiki hunlar igilep turiwatqan idi. Yildiz rim impériyisige bolghan dostluqni bildürüsh üchün, ganyani tutup öltürüp, kallisini konistantinopolidiki sherqiy rim impératorigha ewetip berdi [3]. Texminen mushu waqittin bashlap hunlarning gherbke yürüshining ikkinchi basquchi bashlandi.
2. Hunlarning pannoniyediki hökümranliqining tiklinishi (hunlarning yawropagha bésip kirishining 2- basquchi, miladiye 400 ~ 415- yillar)

Mushu chaghlarda, zé’is deryasining sherqiy, yeni hazirqi wén’giriyening sherqide turiwatqan yéngi bir türküm yildizning bashchiliqidiki hunlarning qoghlap zerbe bérishi bilen yolbashchisi radaga’isning bashchiliqida gherbke- donay deryasining otura éqinigha qachti we uzun ötmey donay deryasidin ötüp, rim impériyisining pannoniye ölkisige kirdi. Hunlar tap basturup qoghlap kelgechke, miladiye 404- yili ular alip taghliridin ötüp, italiyige kirishke mejbur boldi. Emma, 405- yili faysulida gherbiy rim impériyisi qoshunlirining tosup zerbe bérishige uchrap pütünley digüdek yoqitildi. Gotlarning bu qétimqi meghlubiyiti yildiz bashchiliqidiki hunlarning ularning arqisidin tap basturup italiyige qoghlap kirgenlikidinla bolmastin, belki rim impériyisi qoshuni bilen hemkarliship, ulargha qisip zerbe bergenlikidin idi.


Radaga’is bashchiliqidiki gotlarning hunlarning qoghlap zerbe bérishi bilen pannoniyege kirishi, uzundin béri bu yerde olturaqliship kéliwatqan wandallar, burun wégiriyining sherqiy shimalidin köchüp kelgen su’éwlar we ilgiri hunlarning qoghlishi bilen rosiyening sherqiy jenubidin kelgen alanlarni oxshashla zor tehditke uchratti. Shuning bilen ular amalsizliqtin miladiye 401- yilidn bashlap gherbke köchüshke bashlidi. Ular deslepte rayitiye we norikumdin ibaret ikki ölkige köchüp kelgen bolsimu, kéyin dawamliq bésimgha uchrighachqa, yene dawamliq gherbke köchüp, miladiye 406- yili réyin deryasidin ötüp galliyige kirdi. Buning bilen ular bilen firanklar otturisida zor urush yüz berdi. Ular gerche éghir chiqim tartqan bolsimu, lékin yenila firanklarning tosalghusini bosüp ötüp, galliyining köp qisim jaylirini igelliwaldi. Kéyin,rim impériyisining herbiy küchi kücheygechke, bu üch xelq köchüsh yönilishini jenupqa burap, miladiye 409- yili périnéos taghliridin ötüp ispaniye yérim ariligha kirdi we her qaysisi ayrim yerlerni igilep, ayrim- ayrim halda üch padishahliq, yeni su’éwlar yérim aralning gherbiy shmalida su’éw padishahliqini, wandallar yérim aralning bashqa jaylirigha wandal padishahliqini qurdi. Wandal padishahliqi kéyinche öz tesir da’irisini shimaliy afirqighiche kéngeytti.
Wandanlar, su’éwlar we alanlar galliye teweside bulang- talang qilip, ispayege hujum qilishqa teyyarliniwatqan chaghda, gherbiy rim impériyisining merkiziy rayoni bolghan italiye alarik bashchiliqidiki töwenki moséyada turiwatqan gherbiy gotlarning hujumigha uchridi. Chünki, dawamliq türde gherbek qarap ilgirlewaqan hunlar ulargha éghir bésim élip kelgen idi.Alarik ilgiri- kéyin bolup üch qétim rim shehirini muhasirige aldi. 1- qétim (miladiye 408- yili) we 2- qétim (409- yili) da zor miqdardiki tölemge érishiwaldi. 3- qétimda (410- yili) rim shehirige bésip kirip qattiq bulang- talang qildi. Rimning shöhriti shuningdin bashlap yoqilishqa bashlidi. Shuningdin kéyin alarik dawamliq jenupqa yürüsh qilip, italiyining jenubidiki yerlerni éghir xaniweyranchiliqqa uchratti. Miladiye 412- yilil shu qowmigha bashchiliq qilip, galliyining jenubidiki keng ziminni igilidi. Gherby rim impériyisining ulargha küchi yetmigechek, amalsiz ular bilen muresselishp, impérator honuri’os singlisini uninga yatliq qilishqa mejbur boldi. Shuningdin kéyin, alarik we uning warisliri özliri igiligen rayonlarda emeliy hoquqni igilep, namda rim impériyisning walisi bolup, rim impériyisige qaram boldi. Uzun ötmey gherbiy gotlar périn’ios téghidin ötüp wandallarni meghlup qilip, wandallarning qolidin ispaniye yérim arilining köp qisimini tartiwaldi. Shuning bilen ular qurghan gherbiy got padishahliqining zémini kéyinki nechche esir ichide hazirqi firansiyening sherqiy jenubi we sipaniye yérim arilining sherqiy shimalini öz ichge alidu.
Gherbiy gotlar rim impériyisining qolidin galliyining jenubidiki keng zéminni tartiwalghan chaghda, burgundilar we firankilarmu asta- asta yötkilishke bashlap, réyin deryasidin ötüp, galliyining shimalidiki her qaysi jaylarni igelleshke bashlidi. Miladiye 413 ~ 443- yillar ariliqida , burgundilar axir hélihemmu burgundi dep atilip kéliwatqan rayonni igilidi. Ular yötkilishtin burun hunlar bilen bir nechche qétimliq dehshetlik jenglerni qilghan bolup, ularning yötkilishi roshenki hunlarning bésimigha uchrighanliqidin bolghanidi. Firankilarning yötkilishi toghrisida gherb alimliri ularning ehwalimu yuqirqigha oxshap kétishi mumkin, dep perez qilidu. Hunlarning 2- qétimliq gherbke yürüsh qilishi heqqide mék gowérinning mundaq bir abzas muhim bayani bar:
«hunlarning yawropagha bésip kirishining 2- basquchi 400- yillar etirapida bashlinip, 415- yili etrapida axirlashti. Shuningdin bashlap, yawropaning tarixida zor özgirish yüz berdi. Hunlarning 1- qétimliq tajawuzining netijiside, nurghunlighan gérman nesillik xelqler rosiyening jenubidin qoghlap chiqirilip, toplashqan halda balqan’gha kirip, sherqiy rimgha nisbeten bek uchrimighanidi. Emdilikte hunlarning yawropagha qilghan 2- qétimliq tajawuzi nurghunlighan yawayi qowmlerni gherbiy rim impériyisining qéchip kirishige mejbur qildi. Netijide italiye töt yil gherbiy gotlarning depsende qilishigha uchridi. Yene afriqa, ispanye we galliyinimu bashqa yawayi qowmler igelliwaldi.Bu yawayi qowmlerning rim impériyisige kirishini pütünley digüdek hunlarning bésimi keltürüp chiqarghan idi. Biz hunlar bilen rim impériyisi ottursida biwaste munasiwet bolghanliqini nahayti az hés qilimiz. Biz shuninggha biwaste kontirol qilish mezgilide birinchi qétim pannoniyeni biwaste kontirol qilish hoquqigha érishiwalghan. Pannoniyeni esli yawayi qowmler (alata’us we safrakis bashchiliqidiki sherqiy gotlar) igiligen idi. Hunlarning bu yerni igilishi bu yerdiki yawayi qewmlerge nisbeten hökümranning rimliqlardin hunlargha almishishla boldi. Hunlar pannoniyeni igiligende, barliq sherqiy got xelqi yéngiwashtin ittipaqlashqan bolsimu, emma yenila hunlarning kontirolliqida boldi. Bu mezgilde hunlar pannoniyenila igilep qalmastin yene gherbiy rimgha biwaste hujum qilmisimu, donay deryasining jenubida anche- munche bulang- talang qilip turidu. Lékin bularning hemmisi sherqiy rim impériyisini nishan qilghan bolup, xaraktérimu anche éghir emes. Bir qétim (miladidin burunqi 408- yili) hunlar (u chaghdiki yolbashchisi yildiz idi) mushu bulang- talang zerbige’uchrap....Yildiz ölgili tas qalghan idi. Shuningdin bashlap yildiz we uninggha munasiwetlik ishlar bizge namelum. Belkim u uzun ötmeyla ölgen bolushi mumkin. Yildizning ölüshi bilen hunlarning 2- qétimliq yürüshi axirlashti [4].
3. Attila hun padishahliqining qurulushi we gumran bolushi (hunlarning yawropagha bésip kirishining 3- basquchi, texminen miladiye 422 ~ 468- yillar)
Hunlarning yildiz ölgendin kéyinki bir qanche yilliq tarixi gherb alimlirigha namelum. Chünki, u chaghdiki yawropa birer wesiqe bilen tarixni delliligili bolmaydighan mezgilde turiwatatti. Taki hunlarning yene bir yolbashchisi attila qurghan «attila padishahliqi» bash kötürgendin kéynla, hunlarning yawropagha bésip kirishi tarixida yéngi bir bet échildi.
Bu yéngi hun padishahliqining eng deslepki ikki hökümdarining biri oktar, yene biri uning inisi ruga idi. Oktarning ish- izliri heqqidiki xatiriler nahayti az. Roga textke olturghan deslepki mezgilge a’it xatirlermu yoqning ornida. Tarixnamilerde xatirlinishiche, miladiye 422 ~ 426- yillargha kelgende, hunlar sherqiy rim impériyisige tajawuz qilghan hem séris bilen makidonni bulang- talang qlghan. Uzun ötmey sherqiy rim impératori ti’odors Ⅱ hunlarni donay deryasining shimaligha qoghliwetken bolsimu, lékin her yili rugagha 350 qadaq altun tapshurush bedilige andin uning impériye zéminigha tajawuz qilmasliq kapalitige érishken.
Miladiye 432-yilidin burun, sherqiy rim impériyisi bilen tutiship turidighan donay deryasining shimalida nurghunlighan ushshaq qebililer yashaydighan bolup, ular eslide sherqiy rim impériyisidin bille söhbet ötküzetti we her xlil kélishimlerni imzalaytti. Lékin432-yiligha kelgende, ruga sherqiy rimdin émpériye tewesige qéchip bériwalghan hun qachqunlirini ötküzüp bérishni telep qilghan waqitta, donay deryasining shimalida yashaydighan barliq ushshaq qebililerning hunlargha qaram ikenligini jakarlap, impériyening burun bu ushshaq qebililer bilen tüzgen barliq kélishimlerni peqet hunlar bilenla tüzüshni we hunlar bilenla söhbetlishishni telep qildi. Buningdin ruga dewridiki hun padishahliqining bu mezgilde donay deryasining shimaliy qismida özining mutleq hökümranliqini ornitip bolghanliqini körüwélishqa bolidu[5].
Ti’odorus ruganing telipige urush arqiliq taqabil turushqa jür’et qilalmay, hun padishahliqigha elchi ewetip tinich söhbet ötküzmekchi boldi. Halbuki, rim elchisi hunlarning téritoriyisige kelgen chaghda ruga alemdin ötken bolup, ornigha uning ikki jiyeni biléda we attilar chiqqan idi. Bu ikki hun padishahining rim elchiliri bilen körüshken orni hun padishahliqining paytexti bolmastin, belki hazirqi yuguslawiye tewesidiki margus dégen sheher idi. Éytishlargha qarighanda, hunlarning bu ikki padishahi mulazimlirining hemrahliqida at üstide turup rim elchisi bilen söhbetleshken (rim elchisimu ulargha oxshash at üstide turup söhbetlishishke mejbur bolghan). Söhbet netijiside rim elchisi hun qachqunlirini ötküzüp bérish we ushshaq qebililer bilen kélishim tüzüsh mesiliside yol qoyupla qalmastin. Yenehunlarda ikki padishah bolghachqa attilarning telipige maqul bolup, her yili hunlargha töleydighan olpanni ikki hessileshke, yeni 350 qadaq altunni 700 qadaq altun’gha köpeytishke mejbur bolghan. Rim tarixi eserliride shuningdin kéyin nechche yil ichidiki hunlarning pa’aliyitige a’it xatiriler nahayiti az uchiraydu. Bu éhtimal shu chaghda hunlar shimaliy yawrupa we sherqiy yawropadiki her qaysi qowmilerni boysundurush bilen aldirash bolghanliqidin bolsa kérek.
Bélida we attilar hökümranliq qiliwatqan chaghdiki hun padishahliqining zéminining qanchilik ikenlikini, hökümranliqi hoquqining qandaqliqi toghrisida matiriyallar kem bolghanliqi üchün gherb alimlirimu buninggha éniq jawab bérelmeydu. Lékin, eyni chaghdiki hun padishahliqining hökümranliqi merkizining donay deryasining ottura éqinida ikenlikini, 19-esirdiki awistiriye-wén’giriye impériyisining zimini bilen teng kélidighanliqini muqumlashturushqa bolidu. Bu hökümranliq da’irisi ichide hunlar hökümran orunda tursimu, lékin ularning nopusi intayin az idi, yene donay deryasining gherbidiki pannoniyede turushluq sherqiy gotlar we donay deryasining sherqide turushluq jibutlarmu hun padishahliqigha béqinatti. Buningdin bashqa, hun padishahliqi hazirqi gérmaiye teweside turushluq nurghunlighan qebililergimu hökümranliqi qilghan bolup, hökümranliqi da’irsini shimaliy déngiz we baltiq déngizighiche yetküzgen idi, shunga bezi gherb alimliri an’gilolar we saksonlarning yawropa chong quruqliqidin ayrilip déngizdin ötüp biritaniye taqim arallirigha kétishinimu hunlarning hökümranliqi we bésimni bilen biwaste munasiwetlik dep qaraydu. Uningdin kéyin rosiyening jenubidiki keng yaylaqlarda turuwatqan hunlar (ularning sani wén’giriyide turuwatqan hunlarin köp idi) miladiye 435~447-yillarning aldi-keynide attilarning hökümranliqini qobul qilishqa mejbur boldi, éhtimal rosiye yaylaqlirining shimalidiki ormanliqlarda yashawatqan silawiyanlar we finlarmu mushu chaghda hunlar terpidin boysundurulghan bolushi, silawiyanlar mushu chaghda «hunlarning quli» süpitide tunji qétim yawropaning gherbige kelgen bolishi mumkin [6]. Miladiye 445-yili bélida ölgndin kéyin, attilar hun padishahliqining biridibir hökümrani bolup qaldi. Padishah ordisi donay deryasining sherqidiki chong tüzlengge (hazirqi wén’giriye teweside) qurulup, hökümranliq da’irsi gherbte riyin deryasining sherqdin sherqte ottura asiyaghiche sozolidu. Buning bilen sherqi we gherbi rim impériyiliri intayin chong tehdidke duch keldi. Miladiye 447-yili attilar qoshun bashlap sherqiy rim impériyisining paytexti konstantinopolghiche basturup kelgechke, sherqi rim émpiratori ti’odorus Ⅱ sülhi telep qilishqa mejbur bolup, kéyinki yili haqaretlik ittpaqliq ehdi tüzdi, ehdide impériye her yili attilargha 2100 qadaq altun olpan tapshurushi, yene 6000qadaq altun bilen koa qerizlirini tölishi belgilendi. Sülhidin kéyin, rim impériyisi maksimin bashchiliqidiki elchiler ömikini attilar turuwatqan pannonyén’gha ewetip bu olpanlarni tapshurup berdi, elchiler ömiki ichidiki périskus tarixchi bolghachqa, elchiliktin qaytip kelgendin kéyin «seper xatirisi» dégen eserni yézip chiqti[7]. Bu eyni dewirdiki atilar ordining ehwalini tetqiq qilshta nahayiti ésil esirning «parchilirini »din élinighan neqilidur:
«attilaning paytexti bir qel’e yaki kentkila oxshash bolup, sheherge oxshimaydiken. Tashtin qopurulghan imarettin birsilar bolup, u rim uslubidiki muncha iken. Xelqning köpinchisi kepilerde yaki chédirlarda turidiken. Attilar we’uning asasliq ademliri a’ilisidikiliri hem mulahimliri bilen bir sarayda turidighan bolup, bu saray qel’ening otturisida iken. Bulap kelgen mallar nahayti köp bolsimu, attilar yenila köchmenlerche addiy-sadda turmush usulini saqlap qalghan bolup, tamaqni yaghach tawaq we chöchekte yeydighan, bolka dégendek nersilerni ezelidin yémeydiken. Ishni nahayti estayidil béjiridiken. Sarayning ishiki her qanche uchuq bolup, her da’im at toquqluq halette turidiken. Ziyapette sharab heddidin ziyade köp ichilidiken». Pérskus yene qesidichilerning attilagha medhiye oqughanliqini teswirlep mundaq yazghan: «bir qesidichi özi yazghan qesidini oqup attilaning baturliqi we we ghelbilirini mediylidi. U qeside oquwartqan chaghda ordining ichi timtasliqqa chömüp, méhmanlarning hemmisi qesidige meptun bolup qélishti. Ötken chaghdiki shanliq ghelbining tilgha élinishidin yürek tari chékildi. Yasawullarning közliride ghelibige intilish ekis etse, qérilar emdi jenggahta qélich oynitip at chapturalmaydighanliqini oylap közlirige yash élishti. Arqidin herbi meshiq we herbiy exlaq toghrisida nutuq sözlendi. Kéyin, qiziqchiliq bashlinip kishlerning jiddiy keypiyati peseytildi. Qiziqchiliq asasen mollilar we saklar bolup, ghelite kéyimlerni kéyiship, latin tili, got tili we hun kishlerning keypiyatini yoqiri kötürdi. Pütün zalni külke sadasi qaplidi. Bu qiziqchiliq aldida peqet atilar temkin turp özining éghir bésiq qiyapitini namayen qildi»[8].
Ti’odorus Ⅱ miladiye 450-yili ölüp uning textige marsi’an warisliq qildi. Marsi’an öz qoshunini pa’al islah qilip, dölet mudapi’esini kücheytip, purset tépip hunlargha qayturma zerbe bermekchi boldi.
Attila miladiye434-yili texitke chiqqandin bashlap450-yiligha qeder gherbiy rim impériyisi bilen dostane munasiwetni saqlighan. U gerche sherqiy impériyside anche chong tesir qozghiyalmighanliqtin, miladiye 448~449-yilliri, attila bilen gherbiy rim impéryisiniing munasiwiti burundin sörilip bir ish tupeylidin yrikliship ketken, shuning bilen bille attila yene impérator waléntinayanⅢning achisi honuriya bilen toylishishni otturigha qoyup, impératordin honuriyani özige yatliq qilishni hem gherbiy rim impériyisi zéminining yérimini qiz méli süpitide özige bérishni telep qildi. Uning telipi ret qilin’ghandin kéyin, attila gherbiy rim impériyisige urush qozghash qararigha keldi.
Attila hujum qozghashta italiye ziminini eme, galliyini nishan qilp tallidi. Chünki galliye bu waqitta bir qanchilighan yérim musteqil padishahliqlar bölünüp ketken bolup, u gherbiy rim impériyisige hujum qilsam bu yawayi millet padishahliqlirining yardimige érishelmeymen dep qarighan idi. Miladiye 451-yili attila shexsen özi zor qoshun bashlap (éytishlargha qarighanda, qoshunning sani 500 mingdin köp iken)réyin deryasidin ötüp, galliyining shimaligha bésip kirdi. Deslepte nurghunlighan muhim sheherlerni ishghal qildi, métizni bulang-talang qildi, galliyidiki muhim herbiy orun orli’anninmu qorshawgha aldi. Del mushu waqitta rim impériyisining serkerdisi a’éti’os qoshun bashlap shimalgha yürüsh qildi hem köpligen yawayi millet padishahliqlirining, meslen, gherbiy gotlar, burgundilar we bir qism alanlarning qollishigha érishti. Shunga, u attila bilen kataloniye tüzlenglikide, hel qilghuch urush qildi. Bu urush uzaqqa sozuldi, her ikki tereptin chiqim intaniy éghiz boldi. Éytishlargha qarighanda,bir kün ichidila 150 ming adem jengde ölgen. Bu deshhetlik urushta ikki terep ottursidiki yéngish-yéngilish ayrilmighan bolsimu, atilaning urush qilghusi kelmey qoshunlirini wén’giriyige chékindürüp ketti. Miladiye 452-yili atilar gherbiy rim impiéryisige yene urush qozghidi. Uning bu qétimqi urush nishani galliye bolmastin, belki italiye boldi. Attila qoshunlirini bashlap alip téghidi ötüp, aldi bilen akuyliyani igellep, sheherdiki qorulushning hemmisini weyran qilwetti. Italiyining shimalidiki nurghunlighan yerlernimu bolang-talang qildi. Arqidin padoya, wérona we milan qatarliq sheherlernimu igellep bolang –talak qildi, andin nishanni rimge qaratti. Lékin, bu chaghda qoshunning ichide acharchiliq we késel tarap ketti, yene kélip sherqiy rim impériyisining yardemchi qoshunliri yétip kélip, attilagha köp qétim qayturma zerbe berdi. Shuning bilen, attila qoshunlirini chékindurup donay deryasining sherqidiki hun padishahliqining paytextige qaytip ketti. Kéyinki yili (453-yili) u sharabqa we ishqiwzliqqa bek bérilip kétip, yéngidin teqdim qilin’ghan bir sahibjamal bilen «toy qilghandin kéyin, éghir keyipchilikte qan qusup öldi»[9].
Attilaning hayat pa’aliytini we hunlarning gherbke köchüshining yawropagha körsetken tesirini yighinchaqlap mék gowérin qisqiche mundaq baha bergen:
«attila heqiqetenmu bir ulugh shexs, lékin uning menggülük töhpiliri intayin az. Hunlarning yawropagha hujum qilishi keltürüp chiqarghan muhim netije yaki menggülük netije, gotlar we bashqa gérman nesillik qowmlarni gherbke yürüsh qilip, rim impériyisige tajawuz qilishqa mejburlash bolghan bolsimu, lékin bu ish attiladin burunla orunlinip bolghan; Her qaysi milletlerning chong köchüshidimu attilaning töhpisi anche zor emes. Uning eng ulugh töhpisi bir qudretlik hun impériyisini berpa qilghanliqida. Lékin, bu impériyemu xuddi baldur échilip, güldek nahayti tézla yimirildi. Attilla ölüp uzun ötmey, hunlar yawropaning gherbidin menggü qoghliwétildi [10].
Hun padishahliqining yimirilishige asasliqi aliy hökümranlarning ichki nizami seweb bolghan bolup, attilaning oghllirining hemmisila ayrim musteqil padishahliq qurushni oylaytti. Padishahliqning hökümranliqida turiwatqan gérmanlar, jümlidin jibotlar we sherqiy gotlar bolsa pursettin paydilinip qarshiliq körsitip, hunlarning kontirolliqidin qutulush oyida idi. Miladiye 454- yili ikki terep wén’giriye tewesidiki nédal deryasi boyida qattiq jeng qildi. Netijide hunlardin nechche ming adem ölüp, attilaning chong oghli ilekmu öltürüldi. Hunlarning asasliq qisimi karpat taghlirining sherqige köchüshke mejbur bolup, 70 nechche yildin buyan jenubiy rosiye yayalaqlirida yashap kéliwatqan hun qérindashlirining yénigha bérip panahlandi. Hun padishahliqining merkiziy rayoni wén’giriye hunlarning hökümranliqigha qarshiliq körsitip ghelbe qazan’ghan gérmanlarning qoligha chüshüp kétip, jibutlar donay deryasining sherqidiki keng ziminlarni igilidi. Sherqiy gotlar donay deryasining sherqidiki pannoniyeni igilidi. Nechche yillardin kéyin attilaning ewlatliri yene gherbke yürüsh qilip, eslidiki zéminlirini qayturwalmaqchi bolghan bolsimu, jibutlarning qattiq zerbisi tüpeylidin peqet ularning zéminining jenubidiki (donay deryasining töwen éqini) azraq yernila igelliyelidi.
Bu chaghda attilaning oghli erneqmu az sandiki hunlarni bashlap donay deryasi éghizining jenubidiki dobruga dégen yeni igilidi. Uningdin bashqa yene ikki hun shahzadisi sherqiy rim impériyisining gherbidiki jaylarni igellidi. Bashqa bir nechche top hunlar yenila sherqiy rim impériyisi tewesidiki her qaysi jaylarda qélip qaldi.
Miladiye 461- yili attilaning yene bir oghli dénggizik gherbke qoshun tartip hunlarning hökümranliqini eslige keltürüshke orundi. U donay deryasini boylap ilgirlep, jibutlardin özini tartip, pannoniyede turiwatqan sherqiy gotlargha biwaste hujum qozghidi we ulargha yéqin yerde bir nechche yil turdi. Miladiye 468- yili (junggodiki shimaliy wéy padishahliqining padishahi shyen wéndi toghbat xungning xuangshing 2- yili) u jenupqa yürüsh qilip donay deryasidin ötüp, sherqiy rim impériyisige tajawuz qildi. Impériye küchlük qayturma zerbe bérip hunlarni meghlup qildi we dénggizikni öltürdi. Bu gherb tarixnamiliridiki hunlarning yawropadiki pa’aliyiti heqqidiki eng axirqi bir qétimliq xatire hésablinidu [11]. Shuningdin bashlap, hunlar yawropaning tarix sehnisidin chékinip chiqti. Junggoda bolsa bu wqit shimaliy wéy padishahliqining ottura mezgilliri bolup, hunlarning tarmaqliri- jenubiy hunlar, tugha hunliri, lüshüy hunliri we toba hunliri besh ghuz on alte padishahli dewri hem jenubiy, shimaliy sulaliler dewrining deslepki mezgilide ayrim- ayrim halda xen- aldinqi jaw, shimaliy lyang, büyük shya qatarliq hakimiyetlerni qurdi. Lékin hemmisi 460- yilidin burun ilgiri- kéyin bolup yoqaldi. Shunglashqa yawropada hun padishahliqining yimirilishi we attilaning oghullirining döletni elsige keltürüsh yolidiki urushlirining meghlup bolushi, hunlarning dunya miqyasida tarix sehnisidin chüshkenlikining belgisi bolup qaldi.
Izahlar:
[1] rim impériyisining axirqi mezgilidiki tarixshunas ammi’anus marsélinusning «tarix» namliq esiri. Chi sixé qatarliqlar terjime qilghan «dunya tarxiy matériyalliri mejmu’esi deslepki toplimi. Ottura esirning deslepki mezgilidiki gherbiy yawropa» gha qarang. Senliyen kitabxanisi 1958- yili neshri, 35- bet.
[2] ammi’anus mundaq deydu: «rim impériyisning serkerdiliri we yerlik emeldarliri yéngidin kelgen. Hichqandaq gunahi bolmigha chet’ellerge intayin nachar mu’amile qilghan.
.... Yawayi qowmler deryadin ötüp kelgendin kéyin, uzuluq yétishmeslik intayin éghir bolghan. Bu qebih serkerdiler nahayti peskesh bir sodini oylap tépishqan. Ular keng rayunlardin it tutup kélip yawayi qowmler bilen bir itqa bir qolini almashturghan. Nurghunlighan yawayi qowmler, hetta qebile bashliqlirining oghullirimu shundaq qilishqa mejbur bolghan» (ji sixé qatarliqlar terjime qilghan «dunya tarixiy matériyalliri mejmu’esi deslepki toplimi» 38- betke qarang).
[3] mékgowérinning «ottura asiyadiki qedimki döletler tarixiy», jang jüen terjime qilghan nusxisining 7- babi «yawropagha tajawuz qilghan hunlar» gha we ottoma’énchin xélfinning «hunlar dunyasi» 2- bab 4- paragiraf «yildiz» gha qarang.
[4] «ottura asiyadiki qedimki döletler tarixiy» 7- bab «yawropagha tajawuz qilghan hunlar»,
184 ~ 185- betler.
[5] mékgowérinning «ottura asiyadiki qedimki döletler tarixi» , jang jüen terjime qilghan nusxisining 7- babi «yawropagha tajawuz qilghan hunlar» gha we ottuma’énichin xélfénning «hunlar dunyasi» 2- bab, 6- paragirah «okya we ruga» gha qarang.
[6] périskusning «seper xatirisi» de miladiye 440 ~ 472- yillar ariliqidiki ishlar xatirlen’gen. Bu hunlarning yawropadiki tarixigha a’it eng ishenchilik birinchi qol matéryaldur. Esli eserning toluq nusxisi yoq. Yawropaliq meshhur alim fréytaf özining «gérmaniyining ötken dewrlerdiki xatirliri» dégen esiri 1- tom «milletlerning chong köchüsh dewri» de bu eserning parchilirini némis tiligha terjime qilghan. Yéqinqi zamandiki en’giliye tarixshunasi gibbon «rim impériyisining halak bolush tarixi» dégen esiride, yawropadiki hunlarning pa’aliyitini pütünley mushu parchilargha asaslinip yazghan. Parchilarning tarixy matériyalliq qimmiti élimizidki «tarixiy xatiriler» bilen oxshaydu.
[8] en’giliyilik wéllisning «dunya tarixiy tézisliri» din élin’ghan. Lyang sichéng qatarliqlar terjime qilghan nusxsi (1927- yili shangxey shangwu basmixanisi neshiri) 1- tom 418- bet. Bu abzas bayanni séllisimu gibonning «rim impériyisining halak bolush tarixi» din alghan.
[9] mékgowérinning «ottura asiyadiki qedimki döletler tarixi» 7-bab «yawurpagha bésip kirgen hunlar»gha we xélfénning «hunlar dunyasi» 2-bab 7-pargiraf «attila» we 8-pargiraf «attila padisahliqi» gha qarang.
[10] «ottura asiyadiki qedimki döletler tarixi» 7-bab 197 ~198-betler.
[11] mékgowérinning «ottura asiyadiki qedimki döletler tarixi» we xélfénning «hunlar dunyasi».

تىزىمغا كىر

مۇنازىرە

بەت

تارىخ كۆرسەت

مەنبەنى كۆرسەت

ئوقۇ

يولباشچى

باش بەت

ئىجتىمائى رايون باش بېتى

نۆۋەتتىكى ھادىسە

يېقىنقى ئۆزگەرتىشلەر

ئىختىيارىي بەت

ياردەم

قورال ستونى

بۇ جايدىكى ئۇلانما

مۇناسىۋەتلىك ئۆزگەرتىشلەر

ئالاھىدە بەتلەر

باسقىلى بولىدىغان نەشرى

مەڭگۈلۈك ئۇلانما

بۇ بەتنى 21 تومۇز 2011 ئاخىرقى قېتىم 21:30 دا ئۆزگەرتكەن.


Yüklə 0,96 Mb.

Dostları ilə paylaş:
1   ...   12   13   14   15   16   17   18   19   20




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə