___________Milli Kitabxana_____________
11
iştirak etmışdir. Bu illərdə o, əsas diqqəti 18 kənddən, bir
neçə yaylaq və zavoddan ibarət təsərrüfatı nizama salmaq və
onu yeni qaydada idarə etmək işinə yönəltmiş, yollar
çəkilməsinə, körpülər salınmasına, məktəb binası tikilməsinə
illik gəlirdən xüsusi fond ayırmışdır. "Qafqaz" qəzeti
Şamaxıda təsis olunan "Svyataya Nina" qızlar məktəbinə
Xurşidbanunun min manat yardım göstərdiyini xəbər
vermişdir.
İncəsənətin bütün növlərinə bələd olması Natəvanı
dövrünün görkəmli sənətkarları ilə yaxınlaşdırmışdır. Onun
düzəltdiyi ziyafətlərin, söhbət məclislərinin iştirakçıları çox
vaxt müxtəlif sənəti təmsil edən ziyalılar olmuşdur. Uzaq
şəhərlərdə oxuyan azərbaycanlı tələbələr, yoxsul alim, şair və
sənətkarlar Xurşidbanudan yardım almışlar. "Qarabağla
birlikdə bütün Zaqafqaziyanın sənət sahibləri onun
himayəsinə sığınırdı" ("Kaspi" qəzeti, 1911;№l46).
Həyatını dövrün tələbləri səviyyəsində qurmağa adət
edən Natəvanın vətənində yaratdığı yeniliklərin, zövq və
həvəslə gördüyü işlərin sədası uzaq ellərə yayılmışdır. Onun
bəslədiyi Qarabağ cinsli köhlənlər 1867-ci ildə Parisdə,
Əlcəzairdə, 1869-cu ildə isə Moskvada Dünya sərgisində
birincilik qazanmış, qızıl medala, fəxri fərmana layiq
görülmüşdür. Tiflisdə təşkil edilən ölkə kənd təsərrüfatı
sərgisində şairin əl işləri, becərdiyi buğda, arpa və dən
sortları ən yaxşi eksponat kimi münsiflər heyətinin
təriflənməsini almışdır.
Natəvanı Qarabağın abadlaşdırılması, Şuşanın mədəni
görkəm alması məsələsi ciddi düşündürmüşdür. O, 1873-cü
ildə yüz min manat sərf edərək, yeddi kilo-
___________Milli Kitabxana_____________
12
metrlik məsafədən sıldırım qayaların döşü ilə Şuşaya içməli
su çəkdirmişdir. Şəhər əhalisi bunu asl fədakarlıq,
vətənpərvərlik nümunəsi kimi alqışlamışdır. Yüksək
ideallarla, pak niyyətlərlə yaşayan bu qeyrətli qadın, şəhər
sakinlərinin yüz illik arzusunu həyata keçirdikdən sonra
bulaq çəkdirmişdilər su ambarı, hamam, buzxana tikdirmiş və
park saldırıb camaatın istifadəsinə vermişdir. Əsl mənada
Natəvan vətənin rifahı naminə canını, varını əsirgəməyən,
xalq yolunda ürəyini məşəl edən el anası olmuşdur.
Natəvan yavadıcılığının coşqun çağları Qarabağ ədəbi
məclislərinin fəaliyyət göstərdiyi dövrlə sıx bağlıdır.
F.Köçərli bu dövrü "XIX əsr ədəbiyyatının xoşbəxt zamanı"
adlandırmışdır. 1872-ci ildə Xurşidbanunun təşəbbüsü və
maddi yardımı ilə əsası qoyulan "Məclisi-üns" ədəbi məclisi
öz ətrafına otuza yaxın şair toplamışdır. "Məclisi-üns"
üzvlərinin sayına və tərkibinə görə sonradan təşkil edilən
"Beyti-Fəramuşan" (Şuşa), "Macməüşşüara" (Bakı) və
"Beytüssəfa" (Şamaxı) məclislərindən fərqlənmişdir.
F.Köçərli Şuşa ədəbi məclislərinin ümumən şerimizin
inkişafındakı rolundan danışarkən qeyd etmişdir: "Xüsusən
Qarabağ şairləri nəhəng qartallar kimi Şuşa dağlarının poetik
zirvəsində məskən salaraq, öz fövqlərindən poeziyaya ton
vermişlər".
Natəvanın 20 ilə qədər rəhbərlik etdiyi "Məclisi-üns" də
Azərbaycan, fars dilləri ilə yanaşı, cığatay dilində də qiymətli
mənzumələr yaranmışdır. Məclisdə klassiklərdən tərcümələr
edilmiş, Xaqani, Nizami və Füzuli kimi qüdrətli qələm
sahiblərinin əsərlərinə nəzirələr yazılmışdır. Şeirlərin bir
qismi də məşğələ zamanı məclis üzvlə-
___________Milli Kitabxana_____________
13
rinin bədahətən söylədikləri beyt və ya düzəlmişdir.
Aşağıdakı mənzum parça buna yaxşı nümunə ola bilər:
Natəvan. Kaş əzəldən gəlməyəydim, ey fələk, dünyaya mən,
Kiminə, Gəldiyim gündən əsirəm bir quru sevdayə mən.
Fənn. Vermişəm dü, bağlayıb bel bir vəfasız dilbərə,
Nävrəs. Salmışam billah, bəlasız başımı qovğayə mən.
Hasən. Əhli-aləmdə, könül, nə sidq vardır, nə səfa,
Məxfi. Mehrisizdirlər sərasər, kimsədə yoxdur vəfa.
Təhib. İndi ki, var dustaqlarda hiyləvü kizbi-riya,
Afiq. Nə gorəydim hiyləni, həm nə düşəydim vayə mən,
Qarabağ şairləri Azərbaycanın bir çox şəhərləri ilə
birlikdə, Tiflis, Orenburq, Həştərxan, Buxara, Mərv,
Bombey, Kəlkotə və Bağdad şəhərləri ilə də ədəbi əlaqə
saxlamışlar. Bu məclislərdə adlı-sanlı şair, musiqiçi və
rəssamların sənətkarlığı izlənmiş, onların incəsənətə
gətirdikləri yenilik müzakirə edilmişdir. Bu zaman
Xurşidbanunun ilhamla qələmə aldığı "Eylar", "Gətirir",
"Mən idim", "Sən idin", "Bənzətdim" və "Ölürəm" rədifli
ürəyəyatan qəzəlləri Azərbaycan
şairləri arasında
şeirləşmələrə səbəb olmuşdur. Qarabağ, Şəki, Şirvan, Bakı,
Quba, Gəncə, Naxçıvan, Ordubad şairləri Natavan
əsərlərindəki yüksək sənətkarlıqdan təsirlənərək, onlarca
nazirə və təxmis yazmışlar.
Natəvan yaradıcılığının bir hissəsini da şairin şəxsi
faciəsi ilə əlaqadər olaraq 1885-1886-ci illərdə yazdığı silsilə
şeirləri təşkil edir. Bu əsərlərdə oğlunun ölümü ilə
___________Milli Kitabxana_____________
14
ağır matəmə batan, mənəvi sarsıntılara məruz qalan və göz
yaşları içərisində boğulan bədbəxt ananın ah-naləsi eşidilir.
Xurşidbanunun iztirabları, əzabları çoxaldıqca, şəxsi kədər
dairəsindən kənara çıxıb, çox analara məxsus olan ələm və
qüssə həddinə çatmışdır. Üz vermiş fəlakət bəzən də talesiz
aşiqlərin başına gələn müsibətlər timsalında təzahür etmişdir:
Nə hicrli yarə təqatü halinı vəfa edər,
Nə vəslə çatmaz əl, edibən dad, ağlaram.
Şair, bəzən də çəkilməz dərdlərini bəşəri faciə
səviyyəsinə qaldırır:
Düşəydı çərx gərdişdən, olaydı dəhri-dun viran,
Bəşər tab eyləməz hərgiz, zəminü asiman ağlar.
Xurşidbanu başına gələn bədbəxtliyin səbəbini yenə də
cinayətkar mühitdə, şər qüvvələr içərisində axtarmış,
fənalıqlara bais olanlara nifrət yağdırmışdır;
Hicrani-yar səbəb oldu ağlamağıma,
Ya rəb, görüm həmişə səbəbkarı ağlasın.
Xurşidbanunun bu mövzuda yazdığı şeirlərində
analarımızın ağır dərdlərə dözmək, bəlalara sinə gərmək
bacarığı böyük ustalıqla nümayiş etdirilir.
Natəvanın 1886-cı ildə tərtib etdiyi və hal-hazırda
Respublika Əlyazmaları fondunda saxlanılan 227 səhifədən
ibarət "Gül dəftəri" adlı məşhur albomunda on üç
Dostları ilə paylaş: |