Tekshiruv boʻyicha davlat organi yuqoridagi vaziyatga asoslanib tadbirkorning litsenziyasini bekor qilishi mumkinmi? Litsenziyani bekor qilish oqibatlarini tahlil qiling. (15 ball)
Ushbu holatdan kelib chiqib “ARSHAN BULOQ SHIFO MED PHARM” MCHJ dori vositalarini “Pharm Trade” MCHJdan sotib olganligi uchun qanday javobgarlikka tortilishi mumkin? (15 ball)
Ushbu holatdan kelib chiqib Ustavni shakllantirish shartlari buzilganmi? Tahlil qiling. (15 ball)
“Pharm Trade” MCHJ solidar javobgarligini tahlil qiling. (15 ball)
KAZUS № 3
“Elif” MCHJ (Sotib oluvchi) va “Anor Trade” MCHJ (Sotuvchi) oʻrtasida 2022-yil 30-iyunda oldi-sotdi shartnomasi tuzilgan. Ushbu shartnomaga muvofiq, Sotuvchi sut mahsulotini 20 million soʻm evaziga Sotib oluvchiga 2022-yilning 7-iyul sanasigacha yetkazib berish majburiyatini olgan edi.
Sotib oluvchi 2020-yilning 1-iyul kuni shartnoma summasi boʻlgan 20 million soʻm miqdoridagi pul mablagʻini Sotuvchiga bank toʻlovi orqali oʻtkazib berdi. Lekin, “Elif” MCHJ (Sotib oluvchi)ning bir necha bor ogʻzaki va yozma talablariga qaramasdan, Sotuvchi 2020-yilning 13-noyabr sanasigacha ham kelishilgan sut mahsulotini yetkazib bermadi.
Shartnomada taraflar majburiyatlarini bajarmagan yoki lozim darajada bajarmaganligi uchun javobgarlik choralari kelishilmagan. Sizga Sotib oluvchining rahbari yuridik yordam soʻrab murojaat etdi va ushbu vaziyatda Sotuvchiga nisbatan shartnoma boʻyicha qanday talablar qoʻyish mumkin ekanligi haqida huquqiy tushuntirish berishni soʻradi.
Siz “Elif” MCHJ (Sotib oluvchi)ning yuristi sifatida “Anor Trade” MCHJ (Sotuvchi)ga yuboriladigan talabnomada qanday talablarni qoʻygan boʻlar edingiz? (15 ball)
Tadbirkor tomonidan Talabnomaga javob bermaslik oqibatlari nimalarga olib keladi? Javobingizni asoslang. (15 ball)
Ushbu shartnoma boʻyicha Sotuvchidan penya undirishning imkoni bormi? Bor boʻlsa qancha miqdorda undirish mumkin? (15 ball)
Dostları ilə paylaş: |
