____________Milli Kitabxana____________
55
sovet romanlarını yazırlar. Onların yaradıcılığında xəlqilik və
partiyalılıq keyfiyyətcə yeni ideya-estetik məsələlərin bədii
həllində aparıcı rola malikdir və sosializm quran xalqın tarixi
taleyinə münasibətdə yaradıcılıq prinsipinin, metodunun nəzəri
əsasına çevrilir. 1920-1930-cu illər ədəbiyyatını istər həmin
dövrün ədəbiyyatşünaslığı, istərsə də sonrakı ədəbi fikir “keçid
dövrü ədəbiyyatı” adlandırır. Lakin, əlbəttə, “keçid”, “dəyişmə”,
“yeni dövrlə əski dövrün arası”, “yeniləşmə” və s. kimi sosial-
tarixi əlamətlər bu ədəbiyyatın yaranma zəminini, şərtini,
şəraitini göstərsə də, səciyyəsini ifadə edə bilməz. Həmin
illərdə yeni ədəbiyyatın bədii metodunu təyin etmək uğrunda
mübahisələr, metod nəzəriyyəsinin işlənməsi marksist
ədəbiyyatşünaslığın metodoloji meyarlarını formalaşdırmış,
yeni nəzəri-tarixi mərhələyə keçid üçün nəzəri zəmin
hazırlamışdır.
Nəhayət, sosialist realizmi formalaşır və Azərbaycan sovet
ədəbiyyatını da əsas yaradıcılıq metodu kimi əhatə edir.
1.4. Sosialist realizmi – ədəbiyyatda siyasət
Bu gün bir ədəbi metod kimi sosialist realizmi öz rolunu
və əhəmiyyətini itirsə də və hər cür tənqidə məruz qalsa da,
____________Milli Kitabxana____________
56
ədəbi fikir onu XX əsr hadisəsi hesab edir. Qeyd olunur ki,
1920-1930-cu illərin inqilabi sənəti kimi formalaşan bu
konsepsiya ilkin mərhələdə bir sıra diqqətçəkən sənət
nümunələri də vermişdir. Lakin sosialist realizmi yaranandan
sonrakı illərin ədəbi təcrübəsində özünü göstərən məzmun
monotonluğu, üslub yeknəsəkliyi, obraz sxematikliyi və s.
nəzərə alınmamışdı. Bunlar isə metodun doqmatikliyinin,
ideoloji ölçülər çərçivəsində hərəkətinin real nəticələri idi.
Otuzuncu illərdə dünya kapitalizm aləmi dərin ictimai-iqtisadi
və mənəvi böhran keçirirdi. Bir tərəfdən də qorxunc bir hadisə
olan faşizmin bütün Avropaya yayılmaq təhlükəsi vardı. Belə
bir şəraitdə SSRİ-nin təbliğat maşını protetariat başda olmaqla
dünya inqilabının artıq gerçəkləşməkdə olduğu haqda car çəkir,
proletar ədəbiyyatını ümumdünya səviyyəsinə qalxmaqda olan
ədəbi-mədəni hadisə kimi təqdim edir, sosialist realizmini isə
yeni dünya ədəbiyyatının metodu, real perspektivi kimi
görürdü. Dünyanın bir çox ölkələrindən olan ədiblər bu metoda
diqqətlə və rəğbətlə yanaşmağa başlayırdılar.
1917-ci ilin oktyabr inqilabından sonra partiya həmişə
ədəbi prosesi nəzarətdə saxlamağın mexanizmini axtarmışdır.
Kreml rəhbərləri artıq 20-ci illərdə kütləvi informasiya
vasitələri və ədəbiyyat üzərində total diktatura yaratmağa
____________Milli Kitabxana____________
57
çalışırdılar. Partiya üçün ədəbiyyat məsələsi siyasi məsələ idi.
“Partiyanın bədii ədəbiyyat sahəsində siyasəti haqqında” 18
iyun 1925-ci il tarixli qərar bu istiqamətdə həyata keçirilən çox
mühüm addım oldu. RAPP-ın və Azərbaycanda da müvafiq
yazıçı təşkilatlarının yaradılması nəzarət mexanizminin güclü
halqası idi. Ədəbiyyatı öz təbii inkişafından ayrılıb partiyalı
istiqamətə çəkən bu qərarla yazıçılar da proletar və qeyri-
proletar (burjua-qolçomaq, cığırdaş) yazıçılara bölünmüşdü.
1925-1932-ci illərdə fəaliyyət göstərən Rusiya Proletar
Yazıçılar Assosiasiyası, milli respublikalarda (o cümlədən
Azərbaycanda) müvafiq təşkilatlar partiyanın ədəbiyyat üzrə
orqanı və Stalinin effektiv ruporu idi.
İyirminci illərdə kommunist partiyası və sovet
hakimiyyətinin siyasi diktaturası şəraitində mədəni (o cümlədən
estetik, bədii, üslubi) plüralizmə yol verilirdi. Bu dövrdə bədii
istiqamətləri və ideya ayrılıqları ilə fərqlənən müxtəlif ədəbi
qruplar yaranmışdı: incəsənətin sol cəbhəsi (LEF),
konstruktivistlər, “Kuznitsa” qrupu, Rusiya proletar yazıçıları
assosiasiyası və s. Proletkult yazıçılar üçün kollektivizm,
faydalılıq prinsipi, maşın estetikası xarakterik idi: “insanlar –
mıx, insanlar – bıçaq”. Onlar zavodu, inqilabı və hətta inqilab
naminə amansızlığı belə tərənnüm edirdilər. Futurist
____________Milli Kitabxana____________
58
S.Tretyakov “incəsənət işçisi”ni (elm adamı ilə birlikdə)
“psixo-mühəndis”ə, “psixo-konstruktora” çevirməyi təklif
edirdi. Sonralar Stalin bu fikri təkrar etmiş, sosialist realizmi
yazıçısının mahiyyətini belə müəyyənləşdirmişdi: “Yazıçı –
insan qəlbinin mühəndisidir” ( bax: 156 ).
Həmin illərdə avanqardçılar sənətdə, bolşeviklər isə
siyasətdə müvəqqəti müttəfiqlər idilər. Lakin “avanqard” sənəti
həyatda mədəniyyətin üstünlüyü uğrunda mübarizə aparırdısa,
bolşeviklər siyasəti prioritet hesab edirdilər. Bolşeviklər
kütlələrə dayaqlanmağa çalışırdılar, “avanqard”çılar isə siyasi
mənada deyil, fəlsəfi mənada “inqilabi” idilər, ona görə də
zəhmətkeşlər tərəfindən anlaşılmırdılar.
Rappçılar ədəbiyyatda partiya rəhbərliyinə tərəfdar
çıxırdılar. Lakin ölkədə RAPP-dan kənarda qalan yüzlərlə,
minlərlə yazıçılar ordusu yaranırdı və bu, partiyanın siyasi-
ideoloji xəttinin həyata keçirilməsində ciddi problemlər
yaradırdı. 1932-ci ilin 23 aprelində partiya MK-sı “Ədəbi-bədii
təşkilatların yenidən qurulması haqqında” qərar qəbul etdi. Bu
qərar partiyanın proletar yazıçılarına və proletar ədəbiyyatına
gözlənilməz “hədiyyəsi”, əsl ədəbi çevriliş oldu. RAPP-ın
fəaliyyəti sovet ədəbiyyatının inkişafına məneə, “bədii
yaradıcılığın ciddi vüsətini ləngidən” amil hesab edildi və bu
Dostları ilə paylaş: |