____________Milli Kitabxana____________
30
səsləşir də, toqquşur da, mübahisələr, polemika üçün zəmin də
yaradır. Məsələn, XX əsr ədəbiyyatının dövrləşdirilməsinin
indi ictimai-ədəbi fikirdə əsasən qüvvədə olan təsnifatını –
əsrin əvvəlləri, sovet dövrü və müstəqillik dövrü mərhələlərinə
ayrılmasını Ş.Alışanlı ictimai təfəkkürün mexaniki olaraq bədii
fikrə tətbiqi hesab edərək, bu prinsipin ciddi elmi meyarlardan
məhrum olduğunu göstərir.
Akademik Bəkir Nəbiyev yazır: “Ədəbiyyat tarixi, hər
şeydən əvvəl, ədəbiyyatı hərəkətdə, zənğinləşmə prosesində,
üslub və cərəyanların qarşılıqlı münasibətində tədqiq etmək,
onun qanunauyğunluqlarını aşkara çıxarmaq deməkdir. Bu
cəhət ədəbiyyatın inkişafını dövrləşdirmək problemini əlahiddə
bir vəzifə kimi elmimizin qarşısına qoyur. Əvvəlki ədəbiyyat
tarixlərində ədəbiyyatın dövrləşdirilməsində elmi prinsiplərə bir
o qədər də ardıcıl əməl edilməmişdir. Sovet cəmiyyətinin
tarixinin, yaxud Kommunist partiyasının tarixinin
dövrləşdirilməsi sxemləri çox vaxt mexaniki olaraq ədəbiyyat
tarixinə də tətbiq edilmişdir. Belə qeyri-elmiliyə məruz
qalmamaq üçün alimlərimiz ədəbiyyatın öz inkişafından, onun
cəmiyyət həyatı ilə əlaqəsinin xüsusiyyətlərindən, bədii sənətin
öz qanunauyğunluqlarından çıxış etməlidirlər”(76, 178-179).
____________Milli Kitabxana____________
31
XX əsr ədəbiyyat tariximizin mərhələləri haqqında məsələ
artıq doxsanınci illərin əvvəllərindən ədəbi-elmi araşdırmaların
gündəminə daxıl olmuşdu. Görkəmli ədəbiyyatşünas alim Yaşar
Qarayev öz mülahizələrini 1992-ci ildə yazdığı “Ədəbiyyat
tarixi konsepsiyası (dövrləşdirmənin meyarı və prinsipləri)”
adlı məqaləsində irəli sürmüşdü. Y.Qarayev yazırdı ki,
ədəbiyyat tarixlərində ədəbi xammalı yerləşdirməyin, onu təsnif
etməyin üsulu kimi tarixi formasiya prinsipini əsas götürənlər
olub. Yalnız tarixi-xronoloji meyarlara əsaslananlar da az deyil.
Hətta xarici ədəbiyyatşünaslıqda ədəbi dövr, mərhələ vahidi
kimi ayrıca, müstəqil şəkildə bədii mətni əsas götürən və ədəbi
prosesin təhlilini həmin mətnlərin təhlili yolu ilə həyata keçirən
nümunələrlə də rastlaşırıq. Ayrı-ayrı fəlsəfi və bədii-estetik
hərəkatları əsas götürüb ədəbiyyat tarixini qurmaq üsulu son
dövrlərdə daha çox yayılıb. Məsələn, Avropa ədəbiyyatı
tarixləri, adətən, aşağıdakı sxemlə başlayır: antik dövr, orta
əsrlər, renessans, maarifçilik, romantizm, realizm, modernizm
və s. (59. 21). Müəllif daha sonra qeyd edir ki, qədimdə milli
ədəbiyyatlardan birinə, tutaq ki, “Roma ədəbiyyatı”, digərinə
“Osmanlı ədəbiyyatı”, üçüncüsünə “Xilafət ədəbiyyatı”
dediyimiz ədəbi dövrlər olub. İmperiyaların adlarını
ədəbiyyatların özünə və tarixinə veriblər. Qəribə bir fenomen
____________Milli Kitabxana____________
32
bizim dövrümüzdə baş verib: imperiyanın adı yox, onun sosial-
struktur şəbəkələrinin birinin (ən əsasının) adı ədəbiyyata və
onun tarixinə verilib: bütün keçmiş Sovetlər birliyinin
ədəbiyyatı “Sovet ədəbiyyatı” adlanıb.
“Dövrləşdirmədə tarixi müddət vahidi məhz daxili
qanunauyğunluğa, ədəbi prosesin bədii mahiyyəti və obyektiv
tərəqqinin məntiqi ilə şərtlənən estetik meyara əsaslanmalıdır.
Özü də bu zaman milli bədii tərəqqinin mərhələləri obyektiv-
tarixi və sosial-iqtisadi inkişafın təsnif sxemi ilə üst-üstə
düşməyə də bilər”(59. 41) – mülahizəsi üzərində dayanan
Y.Qarayev sovet dövrünün yetmiş ilini partiya tarixlərindəki
məlum cədvəllər üzrə “ədəbi onillər”ə bölərək öyrənmək
üsulunun özünü doğrulda bilməyəcəyini vurğulayırdı. “Bu
yeddi on ildə, əslində, cəmi iki bitkin, qərarlaşmış ədəbi
mərhələ vardır: 1920-1950-ci illər – repressiya, ehkam, kult və
qrafomanlıq ideologiyasının tam hakim olduğu klassik dövrün
bədii ədəbiyyatı və 1960-1990-cı illər – yeni ictimai əxlaqın
düşüncə tərzinin təşəkkül tapmağa başladığı və yetişib bərqərar
olduğu müasir epoxanın bədii ədəbiyyatı ki, onun tarixi sonu,
finalı “yenidənqurma” deyilən mərhələ oldu. Bu mərhələlərdən
birini, yaxud, digərlərini tarixin arxivinə vermək yolu doğru
deyil, hər ikisini olmuş, baş vermiş real keçmişimizin öz tarixi
____________Milli Kitabxana____________
33
təzadları, faciəsi, səhvləri və uğurları ilə birlikdə, bədii
idrakımızın və sosial əxlaqımızın dərsləri kimi öyrənmək yolu
yeganə doğru yoldur” (59. 46-47).
“Ən yeni dövrün Azərbaycan ədəbiyyatı” məqaləsində
Y.Qarayev “ən yeni dövr” deyilən ədəbi-tarixi mərhələni
Azərbaycan türklərinin iyirminci illərdən başlayaraq doxsanıncı
illərə qədər gələn dövrü əhatə etdiyi qənaətində dayanır və bu
mərhələni XX əsrin əvvəlindən və ilk Azərbaycan
Cümhuriyyətinin yaranmasına gətirib çıxaran milli intibahdan
sonrakı dövr hesab edir. “1920-ci ilin bolşevik çevrilişi, onun
elmi-ədəbi düşüncədə, ideologiyada ifadəsi olan vulqar
sosiologizm milli intibahın bu son iki ilinin nəinki irsinin, hətta
özünün bir tarix kimi üstündən bir qara xətt çəkmişdi. Belə ki,
bizim bu vaxta qədərki elm və tədris təcrübəmizdə bir ədəbi
mərhələ kimi onuncu illər 1918-ci ilin mayında tamamlanmış,
iyirminci illər isə 1920-ci ilin aprelində başlamışdır. Ortadakı
iyirmi üç ay iki tarixi dövrü birləşdirən yox, ayıran çərək kimi,
az qala boşluq kimi bir kənara atılmışdır. Azərbaycanda ən
yeni, son, müasir ədəbi intibahın tarixini çar rejiminin,
monarxiyanın və imperiyanın deyil,...ilk müstəqil, suveren,
milli Respublikanın süqut etdiyi (!) vaxtdan hesablamağa
başlamışlar. Bu artıq vulqar-siyasi sosiologiyanın, ritorika-
Dostları ilə paylaş: |