39
yətinin qədim şərq sivilizasiyasının tərkib hissəsi olduğu
fikrini müdafiə edirlər. O ki qaldı qarşılıqlı təsirin hansı
üsullarla həyata keçməsi məsələsinə, burada alimlərin
qədim yunan və Yaxın Şərq xalqlarının folkloruna, mifo-
logiyasına, epos yaradıcılığına dair tədqiqatları xüsusilə
böyük əhəmiyyət kəsb edir. Bu məsələyə toxunarkən, biz
mövzumuza – şərqdə antik ədəbiyyatın tədqiqi tarixinə
bilavasitə yaxınlaşmış oluruq. Belə ki, qarşılıqlı təsirin ən
başlıca üsullarından biri yazılı və şifahi ədəbi abidələrdir.
Ədəbiyyat, ədəbi təsir olan yerdə isə ədəbi-tənqidi fikir
də mütləq mövcuddur. Bir xalq digər xalqın ədəbiy-
yatından bəhrələnərkən, ilk növbədə o ədəbiyyatı seçib-
ayırmaq işindən başlayır. Ədəbi nümunələrin seçilməsi
işi isə ədəbi-tənqidi və estetik görüşlərin mövcud
olmadığı şəraitdə mümkün deyil. Deməli, biz e.ə. III-II
minilliklərdən üzü bəri Yaxın Şərq mədəniyyətinin və
ədəbiyyatının qədim yunan arxaik mədəniyyətinə və
şifahi ədəbiyyatına təsirindən danışırıqsa, təbii olaraq
həmin dövrlərdə ədəbi-tənqidi və estetik görüşlərin də
müvafiq səviyyəsindən danışa bilərik.
Yaxın Şərqin qədim yunan ədəbiyyatı ilə təmas və
təsir üsullarından biri mifologiyadır. Homer, Hesiod
yaradıcılığında üzə çıxan bir sıra miflər öz kökləri ilə
sami xalqların mifoloji mətnləri ilə əlaqəlidir və bu
əlaqələr, qarşılıqlı təsir Miken dövründə daha da
güclənir. Yaxın Şərq mifologiyası ilə bağlı olan yunan
mifləri sırasına Kadm haqqında silsilə, Avropa, Feniks,
Harmoniya, Tiresi, Bellerefont, uçan qəhrəmanlar (İkar,
40
İdas və b.), Yason haqqında və bir çox başqa miflər
daxildir. Bu miflərin Yaxın Şərq kökləri mövzusuna qərb
klassik filologiyasında xüsusi tədqiqat işləri həsr
olunmuşdur (məs., M. Esturun tədqiqatları). Burada
Dionisi mərasimini ayrıca qeyd etmək lazımdır. Belə ki,
bu bayramın və bayramla əlaqədar meydana çıxan
mıflərin Yaxın Şərqlə əlaqələri haqqında bir neçə
görkəmli alim öz fikrini bildirmişdir (məs., V. İvanov,
“Dionisi və dionisiçilik”). Fikrimizcə, Dionisi ilə, bu
obrazın Şərq və xüsusilə Azərbaycan-türk folkloru ilə
(baharla bağlı mərasimlərimiz) əlaqələri mövzusu hələ
də öz həllini gözləyən problemlərdəndir və ümid edirik
ki, gələcəkdə klassik filologiya və folklorçünaslıqla
məşğul olan alimlərimiz bu mövzuya dair öz həlledici
sözlərini deyəcəklər. Yuxarıda adı çəkilmiş miflərdən
savayı, Odisseyin yeraltı dünyaya səyahəti mifi, İo
haqqında mif, həmçinin Polifemlə bağlı miflərin də Yaxın
Şərq kökləri olduğu ehtimal edilir. Xüsusilə, yunan
mifologiyasındakı Polifem obrazının Yaxın Şərq epos
motivləri və epos qəhrəmanları ilə əlaqələri bir çox
alimlərin diqqətini çəkmişdir. Məsələn, K. Oberhuber və
M. Noks belə hesab edirdilər ki, şumer-akkad eposunun
baş qəhrəmanı Gilqamışın etimologiyası bu obrazın
əvvəlcə birgözlü olmasını göstərir (M. Noks təpəgözün
e.ə. III minilliyə aid üç şumer təsvirinin məlum olmasını
qeyd edir). Bu sahədə bəzi rus alimlərinin (məs., F.
Polyakov) də arxeoloji və filoloji tədqiqatları mövcuddur.
V. İvanov Hesiod “Teoqoniya”sında allahların mübarizəsi
41
təsvir olunan hissədə bir misranın hetlərdə elə həmin
hadisəyə (allahların mübarizəsinə) həsr olunmuş
mifdəki bir cümlə ilə eyniliyini göstərir: “Kumarbi allah
Anu allahın kişilik alətini dişləyib qopardığı zaman”.
İvanov Hesiodda olan cümlənin hett cümləsindən
tərcümə olduğunu bildirir. Şumerin və Akkadın qədim
yunan əraziləri ilə birbaşa təmasları haqqında heç bir
tutarlı fakt aşkarlaya bilməyən alimlər bu əlaqələrin
daha çox Suriya, Finikiya vasitəsilə baş verdiyini qeyd
etmişlər.
Beləliklə, qarşımızda e.ə. III-II minilliklərə aid Yaxın
Şərq və qədim yunan əlaqələrinin geniş mənzərəsi canla-
nır. Bu əlaqələr özünün rəngarəngliyi və əhatəliyi ilə
fərqlənmişdir. Hər halda yalnız ədəbi əlaqələrə aid xeyli
faktların aşkarlanması incəsənətin digər sahələrində də
qarşılıqlı təsir elementlərinin mövcudluğu haqqında dü-
şünməyə əsas verir. Xüsusilə, son illər ərzində Azərbay-
can ərazisində aparılan arxeoloji qazıntılar, tapılan mad-
di-mədəniyyət nümunələri fikrimizi bir daha sübut edir.
VI əsrinin sonu – VII əsrin əvvəllərində Yaxın və Orta
Şərq regionunda mühüm ictimai-siyasi hadisə - İslam di-
ninin yaranması və qısa zamanda regionun bütün ərazi-
lərini birləşdirən mərkəzləşmiş islam dövləti olan Xilafə-
tin qurulması isə bu əlaqə və qarşılıqlı təsirin tarixində
yeni mərhələnin başlanğıcını qoydu.
42
§ 2. Şərq peripatetizmi. Azərbaycan peripatetikləri.
Xilafət VII-XI əsrlərdə Yaxın və Orta Şərqi vahid
dövlət hüdudlarında birləşdirməklə bu regionda yaşayan
xalqların ictimai-siyasi, iqtisadi və mədəni həyatında
köklü dəyişikliklər yaratmaqla bərabər, elmin inkişafına
da əhəmiyyətli təkan verdi. Belə ki, bir çox hallarda qılınc
gücü ilə fəth olunmuş əraziləri və müxtəlif etnik tərkibli
xalqları uzun müddət zorakı vasitələrlə tabeçilik altında
saxlamağın qeyri mümkünlüyü tezliklə aydın olmuş, bu
da öz növbəsində elmin müxtəlif sahələrinin inkişaf
etdirilməsi zərurəti yaratmışdı. Bir sıra dəqiq elmlərlə
yanaşı, fəlsəfə, dilçilik, ədəbiyyatşünaslıq kimi humanitar
elmlərin sürətli inkişafı da məhz bu ehtiyacdan doğurdu.
Mədəni, ədəbi, dil cəhətdən tamamilə fərqli millətləri
daha yaxşı idarə edə bilmək üçün bu sahələrlə bağlı
elmlər diqqət mərkəzinə çəkilməli idi.
Elm sahəsindəki bu canlanmanın mühüm əlamətin-
dən biri də müxtəlif fəlsəfə məktəblərinin yaranması və
inkişafı idi. Onlardan biri sırf dini fəlsəfədən, kəlam el-
mindən uzaqlaşan, onun başlıca prinsiplərini antik dün-
yanın fəlsəfi irsi ilə (ilk növbədə Aristotel və Platonla)
uzlaşdırmağa çalışan peripatetizm cərəyanı idi. Əsası
ərəbdilli müsəlman filosofları tərəfindən (Fərabi, Kindi,
İbn Sina, İbn Rüşd, Biruni, İbn Tüfeyl və b.) qoyulsa da, az
müddətdə o, çoxmillətli islam dünyasının ümumi fəlsəfə
Dostları ilə paylaş: |