Yer Kürəsi Nizamnaməsi
ÖN SÖZ
Yer Kürəsi tarixinin kritik bir anında, bəşəriyyətin öz gələcəyini seçməli olduğu bir dövründə yaşayırıq.
Dünya getdikcə daha da qarşılıqlı asılı və həssas olduqca gələcək indidən böyük bir təhlükə ilə qarşı
qarşıyadır. Mədəniyyətlərin və həyat tərzlərinin müxtəlifliklərinin əhatəsində irəliləmək üçün eyni taleyə
sahib olan bir bəşər ailəsi və vahid Yer Kürəsi cəmiyyəti olduğumuzu bilmək məcburiyyətindəyik.
Təbiətə, universal insan hüquqlarına, iqtisadi ədalətə və sülh mədəniyyətinə hörmət əsasında qurulmuş
davamlı qlobal cəmiyyəti meydana gətirmək üçün birgə işə başlamalıyıq. Bu cəhdlə biz, Yer Kürəsi
insanları olaraq bir-birimizə, daha geniş bir cəmiyyət həyatına və gələcək nəsillərə qarşı məsuliyyətimizi
bəyan etməliyik.
Yer Kürəsi - Bizim Evimiz
Bəşəriyyət daim inkişaf edən nəhəng kainatın bir hissəsidir. Bizim evimiz olan Yer Kürəsi vahid həyat
cəmiyyəti ilə mövcuddur. Təbiət qüvvələrinin yaşamın varlığını təhlukəli və etibarsız bir macəraya
çevirməsinə baxmayaraq, Yer Kürəsi həyatın təkamülü üçün əhəmiyyət kəsb edən şərtlərin əsasını təmin
etməkdədir. Həyat cəmiyyətinin möhkəmliyi və insanların rifahı bütün ekoloji sistemlə sağlam
biosferanın, zəngin çeşidli bitkilərin və heyvanların, münbit torpaqların, təmiz suların və təmiz havanın
qorunmasından asılıdır. Məhdud ehtiyatlara sahib olan qlobal ətraf mühit bütün insanların ortaq
qayğısıdır. Yer Kürəsinin həyatiliyinin, müxtəlifliyinin və gözəlliyinin qorunması müqəddəs borcdur.
Qlobal vəziyyət
İstehsal və istehlakda hökm sürən nümunələr ətraf mühitin viran qalmasına, sərvətlərin tükənməsinə və
çox sayda heyvanların kökünün kəsilməsinə səbəb olmaqdadır. Bəşəriyyət sarsılmaqdadır. İnkişafın
faydası cəmiyyətdə ədalətlə bölünməməkdə, varlı ilə kasıb arasında boşluq getdikcə artmaqdadır.
Ədalətsizlik, yoxsulluq, nadanlıq və konfliktlər geniş yayılmaqda və çox sayda əzab-əziyyətə səbəb
olmaqdadır. Dünya əhalisinin sürətli artımı ekoloji və sosial sistemlərin həddən artıq ağırlaşmasına
gətirib çıxartmışdır. Qlobal təhlükəsizliyin əsasları təhdid altındadır. Bu cərəyanlar risqlidir, amma
qarşısıalınmaz deyil.
Irəlidəki çağırışlar
Seçim bizimdir: Yer Kürəsinin və bir-birimizin qeydinə qalmaq üçün qlobal əməkdaşlığı formalaşdırmaq
və ya özümüzü və həyatın müxtəlifliyini risqə atmaq. Dəyərlər sistemimizdə, qurumlarımızda və həyat
tərzimizdə əsaslı dəyişikliklərə ehtiyacımız var. Dərk etməliyik ki, başlıca tələbatların qarşılanması insan
inkişafının daha çox şeyə malik olması deyil, hər şeydən öncə daha cox mövcud olması deməkdir. Ətraf
mühitə mənfi təsirimizi azaldacaq və hamıya çatacaq qədər bilik və texnologiyaya sahibik. Qlobal
vətəndaş cəmiyyətinin yaranması demokratik və humanist dünyanın qurulmasına yeni imkanlar
yaratmaqdadır. Ekoloji, iqtisadi, siyasi, sosial və mənəvi çətinliklərimiz qarşılıqlı əlaqəlidir və birlikdə
ümumi həll yollarını tapa bilərik.
Ümumi məsuliyyət
Bütün bu cəhdləri reallaşdırmaq üçün özümüzü bütün yer kürəsi cəmiyyətinə bərabər tutaraq ümumi
cavabdehlik hissi ilə yaşamaq qərarını verməliyik. Biz eyni zamanda fərqli millətlərin, yerli və qlobal
cəmiyyətin birləşdiyi bir dünyanın vətəndaşlarıyıq. Bəşər ailəsinin və geniş yaşam dünyasının indiki və
gələcək rifahı üçün hərkəsin bölüşdüyü bir məsuliyyət vardır. Mövcudluğumuzun sirrinə hörmətlə
yanaşaraq, yaşam hədiyyəsinə minnətdar olaraq, insanın təbiətdəki yerinə itaət göstərərək insan
həmrəyliyini və qardaşlığını gücləndirə bilərik.
Meydana gəlməkdə olan dünya cəmiyyətinə etik bir qurum yaratmaq üçün təcili olaraq əsas dəyərləri
özündə əks etdirən ortaq bir görüntüyə ehtiyacımız var. Bu səbəbdən bütün fərdlər, təşkilatlar, işgüzar
dairələr, hökümətlər və transmilli insitutlar tərəfindən rəhbər tutulmalı olan və davranışlarının
qiymətləndirilməsi üçün davamlı həyat tərzinin qarşılıqlı prinsiplərinin ümumi standartları kimi aşağıdakı
prinsipləri təsdiq edirik:
Yer Küresi Nizamnaməsi
Prinsiplər
I. HƏYAT BĠRLĠYĠNƏ HÖRMƏT VƏ QAYĞI
1. Yer kürəsinin və həyatın müxtəlifliyinə hörmət etmək.
a. Bütün varlıqların qarşılıqlı əlaqəli olduğunu qəbul etməli və həyatın hər mövcudiyyəti insanlar üçün
əhəmiyyətindən asılı olmayaraq qiymətləndirilməlidir.
b. Bütün insan varlıqlarının daxili ləyaqətə və bəşəriyyətin intellektual, bədii, etik, mənəvi potensialına
etibarı təsdiq edilməlidir.
2. Həyat cəmiyyətinə anlayış, şəvqət və sevgi ilə qayğı.
a. Təbii sərvətlərə sahib olmaq, onları idarə və istifadə etmək haqqı ilə birlikdə, ətraf mühitə zərərin
qarşısı alınmalı və insan hüquqlarını qorumaq üçün vəzifə borcları yarandığı qəbul edilməlidir.
b. Geniş yayılmış azadlıq, bilik və güc ilə birlikdə ictimai faydanı inkişaf etdirmə məsuliyyətinin
meydana gəldiyi sübut edilməlidir.
3. Ədalətli, davamlı və dinc demokratik cəmiyyət qurmaq.
a. Bütün səviyyələrdə icmalar, insan haqlarını və təməl azadlıqları təmin etməli və hər kəsə öz
potensialını reallaşdırmaq imkanına zəmanət verilməlidir.
b. Ekoloji cavabdehliyi olan təhlükəsiz və mənalı bir yaşam yaradılmasına imkan verilərək, sosial və
iqtisadi ədalət inkişaf etdirilməlidir.
4. Indiki və gələcək nəsillər üçün Yer Kürəsinin səxavətliliyini və gözəlliyini qorumaq.
a. Hər bir nəslin fəaliyyət azadlığı gələcək nəsillərin ehtiyacları ilə müəyyən olunduğu dərk edilməlidir.
b. Yer kürəsinin insan və ekoloji icmalarının uzun müddətli çiçəklənməsini dəstəkləyəcək dəyərlər,
ənənələr və qurumlar gələcək nəsillərə ötürülməlidir.
Bu dörd böyük öhdəçiliyi yerinə yetirmək üçün aşağıdakılar zəruridir:
II. EKOLOJĠ BÜTÜNLÜK
5. Həyatın mövcudluğunda əsas rol oynayan təbii proseslərə və bioloji müxtəlifliyə xüsusi qayğı
göstərilərək, Yer Kürəsinin ekoloji sistemlərinin bütünlüyü qorumaq və bərpa etmək.
a. Bütün səviyyələrdə ətraf mühitin tamlığını saxlayan və bərpasını təmin edən davamlı tərəqqi planları və
nizamnamələri qəbul edilməlidir.
b. Yer Kürəsinin yaşamı dəstəkləyən sistemlərini qorumaq, biomüxtəlifliyi saxlamaq və təbii mirasımızı
hifz etmək üçün yabanı torpaqlar və su əraziləri də daxil olmaqla davamlı təbiət və biosfer ehtiyatları
bərqərar olunmalı və qorunmalıdır.
c.Təhlükəyə məruz qalmış heyvan növlərinin və ekosistemlərin bərpası inkişaf etdirilməlidir.
d. Yerli cinslərə və ətraf mühitə zərərli olan genetik şəklini dəyişmiş ziyanlı orqanizmlər yoxlanılmalı və
kökü kəsilməli; bu cür zərərli organizmlərin qəbulunun qarşısı alınmalıdır.
e. Regenerasiyanın artmasının qarşısını almaq və ekosistemin sağlamlığını qorumaq üçün su, torpaq,
meşə və dəniz məhsulları kimi yenilənə bilən sərvətlərdən istifadə etməyə nail olunmalıdır.
f. Minerallar və üzvi yanacaqlar kimi tükənən sərvətlərin əldə edilməsi və istifadəsi, tükənməsini
azaldacaq və ətraf mühitə ziyan verməyəcək bir şəkildə idarə edilməlidir.
6. Ətraf mühitin qorunmasının əsas metodu kimi ziyanın qarşısı alınmalı və elmi məlumat məhdud
olduğu halda önləyici mövqelərə müraciət edilməlidir.
a. Elmi biliyin natamam və ya əsassız olduğu bir halda belə, ciddi və ya səthi ziyanlardan qaçmaq üçün
hərəkətə keçmək lazımdır.
b. Təklif edilən fəaliyyətin önəmli bir zərərə səbəb olmayacağını mubahisə edənlərə qarşı
dəlillər irəli
sürülməli və cavabdeh tərəflərə ətraf mühitə verdiyi ziyana görə məsuliyyət daşıdığı qəbul etdirilməlidir.
c. Qərar qəbulu proseslərinin, insan fəaliyyətlərinin birgə, uzun müddətli, dolayı, uzun məsafəli və qlobal
nəticələrə unvanlandığına zəmanət verilməlidir.
d. Ətraf mühitin istənilən hissəsindəki çirklənmənin qarşısı alınmalı, radioaktif, zəhərli və digər zərərli
substansiyaların tikilməsinə imkan verilməməlidir.
e. Ətraf mühitə zərər verən hərbi fəaliyyətlərin qarşısı alınmalıdır.
7. Yer Kürəsinin regenerativ bacarığını, insan haqlarını və ictimaiyyətin sağlamlığını qoruyan
istehsal, istehlak və təkrar istehsal nümunələri qəbul edilməlidir.
a. Istehsal və istehlak sistemlərində istifadə edilən materiallar ixtisar edilməli, təkrar istifadə olunmalı və
yenidən istehsal edilməli; qalıqların ekoloji sistem tərəfindən assimilyasiya edilməsi təmin edilməlidir.
b. Enerjidən təmkinliklə və səmərəli istifadə olunmalı, günəş və külək kimi tükənməz enerji mənbələrinə
daha çox güvənilməlidir.
c. Ekoloji cəhətdən qüsursuz olan texnologiyaların inkişaf etdirilməsi, qəbul olunması və onların bərabər
bir şəkildə ötürülməsi həyata keçirilməlidir.
d. Xidmətlərin və malların ekoloji və sosial dəyərləri satış qiymətlərində əks olunmalı və ən yüksək sosial
və ekoloji standartlara cavab verən məhsulların istehlakçılar tərəfindən müəyyənləşdirilməsi təmin
edilməlidir.
e. Reproduktiv sağlamlığı və məsuliyyət daşıyıcısı olan təkrar istehsalı həyata keçirtmək üçün universal
səhiyyə imkanlarına zəmanət verilməlidir.
f. Sonu olan bir dünyada maddi kafiliyi və həyat keyfiyyətini vurğulayan yaşam tərzlərı qəbul
olunmalıdır.
8. Ekoloji dayanıqlığın tədqiqini inkişaf etdirmək və əldə olunmuş bilgilərin geniş tətbiqini və açıq
şəkildə mübadiləsini təmin etmək.
a. İnkişaf etməkdə olan xalqların ehtiyaclarına xüsusi diqqətlə yanaşmalı, davamlılığa dair beynəlxalq,
elmi və texniki əməkdaşlığa dəstək olunmalıdır.
b. İnsan rifahına və ətraf mühitin mühafizəsinə yardım edən bütün mədəniyyətlərdəki ənənəvi və dini
inanclar tanınmalı və qorunmalıdır.
c. Genetik informasiya da daxil olmaqla, insan sağlamlığına və ətraf mühitin mühafizəsinə həyati
əhəmiyyət gətirən informasiyanın ictimaiyyətə çatdırılmasının mümkünlüyünə inanılmalıdır.
III. ĠCTĠMAĠ VƏ ĠQTĠSADĠ ƏDALƏT
9. Yoxsulluğun etnik, ictimai və ətraf mühitdən doğan zərurilik olmasını kökündən kəsmək.
a. Əldə olunan milli və beynəlxalq resursların bölüşdürülməsi yolu ilə içməli su, təmiz hava, qida
zəmanəti, çirkləndirilməmiş torpaq, sığınacaq və təhlükəsiz sanitariya xidməti ilə təmin olunmaq hüququ
verilməlidir.
b. Hər bir şəxsə təhsil almaq və lazımi səviyyədə həyat sürmək üçün şərait yaradılmalı və özlərini təmin
etmək iqtidarında olmayanlara sosial təminat göstərilməli və təhlükəsizliyi qorunmalıdır.
c. Diqqətdən kənarda qalanlara qayğı göstərilməli, zəiflər qorunmalı, yardıma ehtiyacı olanlara kömək
edilməli, onlara öz bacarıqlarını inkişaf etdirmək üçün yol göstərilməli və onların bu yolda təşəbbüsləri
izlənilməlidir.
10. Bütün səviyyələr üzrə iqtisadi müəssisələrin bərabər və davamlı tərzdə insan inkişafına
köməklik göstərəcəyinə əmin etmək.
a. Millətlər daxilində və millətlərarasında sərvətin bərabər sayda bölünməsi dəstəklənməlidir.
b. İnkişaf etməkdə olan millətlərin intellektual, maddi, texniki, sosial resurslarla təmin olunmasına imkan
yaradılmalı, onlara çətinlik törədən beynəlxalq borclardan azad edilməlidir.
c. Hər bir ticarətin davamlı resurs istifadəsinə, ətraf mühitin qorunmasına və proqressiv əmək
standartlarına müvafiq olduğuna zəmanət verilməlidir.
d. İctimaiyyət qarşısında şəffaf davranmaq və davranışımızın nəticəsinə qarşı məsuliyyət daşımaq üçün
çoxmillətli əməkdaşlıqlar və beynəlxalq maliyyə təşkilatlarının yaradılması tələb edilməlidir.
11. Lazımi dərəcədə inkişaf etmək üçün ilk öncə gender bərabərliyini təsdiq etmək, təhsil, səhiyyə
və iqtisadi imkanlara ümumi axını təmin etmək.
a. Qadınların və qızların insan hüquqları qorunmalı və onlara qarşı zorakılığa son qoyulmalıdır.
b. Qadınların tam və bərabərhüquqlu, ortaq qərar qəbul edən, lider və haqlardan yararlanan şəxslər kimi
həyatın bütün iqtisadi, siyasi, sivil, mədəni və ictimai aspektlərində fəal iştirakı təmin edilməlidir.
c. Ailələr möhkəmləndirilməli, bütün ailə üzvlərinin təhlükəsizliyi təmin edilməlidir.
12. Yerli xalqların və milli azlıqların hüquqlarına xüsusi diqqət ayıraraq və heç bir ayrıseçkilik
yaratmadan, hamının təbii və ictimai mühitə, sağlam bədənə və mənəvi dəstəyə olan haqları
qorunmalıdır.
a. Ayrıseçkiliyin hər bir növü, məs: irqi, cinsi, cinsi oriyentasiya, dini, dil və milli, etnik və ya sosial kimi
ayrıseçkiliklər aradan götürulməlidir.
b. Yerli xalqların dinə, təhsilə, torpaq və resurslara və düzgün yaşam tərzinə dair hüquqları təsdiq
edilməlidir.
c. Cəmiyyətimizdəki gənclər davamlı cəmiyyət yaratmaqda öhdələrinə düşənləri yerinə yetirməyə kömək
edilərək dəstəklənməlidir.
d. Xüsusi əhəmiyyət daşıyan dini və mədəni məkanlarımız qorunmalı və bərpa edilməlidir.
IV. DEMOKRATIYA, QEYRI-ZORAKILIQ VƏ SÜLH
13. Bütün instansiyalarda demokratik qurumlar gücləndirilməli, idarəetmədə şəffaflıq və hesabat
verə bilmələri, qərar qəbul etməkdə və haqq-ədalət əldə etməkdə iştirakı təmin edilməlidir.
a. Hər bir kəsin öz maraq dairəsinə uyğun olaraq bütün inkişaf planlarından və fəaliyyətlərindən xəbərdar
olmaq və ətrafda baş verənlərlə bağlı dəqiq və aydın məlumat almaq hüququ inkişaf etdirilməlidir.
b. Yerli, regional və qlobal mədəni cəmiyyətləri dəstəkləmək və qərar qəbul etməkdə maraqlı olan hər bir
şəxs və təşkilatın iştirakına şərait yaradılmalıdır.
c. Fikir və özünüifadə azadlığı, sərbəst toplaşma, yığışma və müxalifət hüqüqları qorunmalıdır.
d. Inzibati və müstəqil məhkəmə proseslərində effektiv iştirakı, problemin həlli yolları da daxil olmaqla
təmin edilməlidir.
e. Dövlət və özəl müəssisələrdə korrupsiyanın qarşısı alınmalıdır.
f. Yerli cəmiyyətlərdə ətraf mühitin qayğısına qalmaq imkanları artırılmalı və bununla bağlı öhdəliklər
daha böyük səmərə verə biləcək dövlət səviyyəsinə qaldırılmalıdır.
14. Davamlı həyat tərzi sürmək üçün lazım olan dəyərlərin, bilik və bacarıqların həyat boyu
öyrənilməsi və formal təhsilə inteqrasiyası.
a. Davamlı inkişafa fəal köməklik etmək üçün, hami, xüsusilə uşaqlar və gənclər tədris imkanları ilə
təmin edilməlidir.
b. Davamlı təhsildə dəqiq elmlərlə yanaşı, humanitar elmlərin də iştirakı təmin edilməlidir.
c. Ekoloji və ictimai çətinliklər haqqında məlumatlandırmaqda kütləvi informasiya vasitələrinin rolu
xüsusi olaraq genişləndirilməlidir.
d. Sağlam həyat sürmək üçün əxlaqi və mənəvi təhsilin vacibliyi qəbul edilməlidir.
15. Bütün canlılara hörmətlə və düşüncəli bir şəkildə davranılmalıdır.
a. Cəmiyyətdə saxlanılan heyvanlara qarşı qəddarlığın qarşısı alınmalı və onlar zorakılıqdan
qorunmalıdır.
b. Dözülməz və qaçılmaz əziyyətə səbəb olan ovçuluq, tələqurma, balıqçılıq kimi usullardan vəhşı
heyvanlar qorunmalıdır.
c. Nəsli kəsilməkdə olan heyvanların məhvinin mümkün dərəcədə qarşısı alınmalıdır.
16. Tolerantlıq, qeyri-zorakılıq və sülh mədəniyyətinin geniş yayılması.
a. Millətlərdaxili və millətlərarası bütün fərdlər arasında qarşılıqlı anlaşma, birlik və əməkdaşlıq təmin
edilməlidir.
b. Zorakılıq hallarının qarşısını almaq üçün hərtərəfli strategiya həyata keçirilməli, ətraf muhitlə bağlı
münaqişə və başqa ziddiyyətləri aradan qaldırmaq üçün əməkdaşlıq üsullarından istifadə edilməlidir.
c. Milli təhlükəsizlik sistemləri qeyri-provokativ müdafiə səviyyəsinə çatdırılmalı, ekoloji bərpaetmə də
daxil olmaqla, hərbi resurslar sülhməramlı məqsədlərlə istifadə edilməlidir.
d. Nüvə, bioloji və bu kimi zəhərli kütləvi qırğın silahları məhv edilməlidir.
e. Orbital və digər kosmik vasitələrin ətraf mühitin və sülhün qorunmasına yardım etməsi təmin
edilməlidir.
f. Insanların özləri ilə, digərləri ilə, digər mədəniyyətlərlə, digər həyat və Yer Kürəsi ilə və hər şeyin bir
parçası olduğu daha geniş bir bütünlə birlikdə sülhün düzgün münasibətlər əsasında qurulan bir bütünlük
olması tanınmalıdır.
Ġ R Ə L Ġ G E D Ə N Y O L
Tarix boyu olmadığı bir tərzdə, ümumi tale bizi yeni başlanğıc axtarmağa vadar edir. Bu yenilik
göstərdiyimiz Yer Kürəsi Nizamnaməsinin prinsiplərinin özülünə çevrilir. Bu məqsədə çatmaq üçün biz
Nizamnamənin dəyər və məqsədlərini qəbul etməyə və yaymağa məcburuq.
Bu da öz növbəsində qəlbdə və ağılda dəyişiklik tələb edir. Bu qlobal daxilimüstəqillik və ümumi
məsuliyyət tələb edir. Sağlam həyat tərzinin yerli, milli, regional və qlobal görüntüsünü təsəvvür və tətbiq
etməliyik. Mədəni irsimiz
vacib və qiymətlidir, hər bir mədəniyyətin bu görüntünü dərk etmək üçün öz
üsulları vardır. Dünya Nizamnaməsini ümumiləşdirən qlobal dialoqu dərinləşdirməli və
genişləndirməliyik, bu yolla həqiqət və müdrikliyə dair bundan sonrakı əməkdaşlıqdan çox şey öyrənə
bilərik.
Vacib dəyərlər arasında həyat hər zaman gərginlik doğurur. Bu isə müxtəlif seçimlərə gətirib çıxarır.
Bununla belə, biz müxtəliflik və vahidlik, azadlıq hissi ilə ümumi mükəlləfiyyət, qısamüddətli niyyətlərlə
uzunmüddətli məqsədlər arasında ahəngdarlıq yaratmalıyıq. Hər bir fərdin, ailənin, təşkilatın və birliyin
özünəməxsus həyat yolu var. Humanitar və dəqiq elmlər, din və təhsil müəssisələri, kütləvi informasiya
vasitələri, biznes təşkilatları, qeyri-hökümət və hökümət təşkilatları yaradıcı idarə olunmanı təyin
etməlidir. Daha münasib idarəçilik üçün hökümət, cəmiyyət və biznes əməkdaşlığı daha böyük əhəmiyyət
daşıyır.
Davamlı qlobal birlik yaratmaq üçün dünya xalqları BMT-yə olan öhdəlikləri yeniləməli, mövcud
beynəlxalq sazişlərə dair öz öhdəliklərini yerinə yetirməli, ətraf mühit və inkişafa dair beynəlxalq qanuni
vasitlərlə birgə Yer Kürəsi Nizamnaməsinin prinsiplərini dəstəkləməlidir.
Qoy bizim vaxtımız həyat üçün yeni yaradılışın oyanması, davamlılığın qazanılması, ədalət, sülh və şən
həyat uğrunda mübarizənin sürətlənməsi dövrü olsun.
Dostları ilə paylaş: |