5
sədaqət, türk qılıncının - Yataqanının zəfər ənənələri, "qara donlu kafirlər"ə qarşı
nifrət və intiqam hissi igidlər dalınca igidlər yetirmişdir Şimal-Qərbi
Azərbaycanda!
Qərbdən sel kimi tökülüşüb gələn Bizans-səlibçi quldurlarına - "qara donlu
kafirlər"ə qarşı qəhrəmanlıq mübarizəsindən, qanlı "oğuz-qıpçaq" qardaş
qarşıdurmalarından - qırğınlarından sonra Şəki dövrü başlanır Şimal-Qərbi
Azərbaycanın tarixində! Şəki hakimliyi Böyük Azərbaycan Məmləkətinin Şimal-
Qərbində müqəddəs Yurd sərhədlərimizin alınmaz qalasına çevrilir! Bu yerlərdə
Azərbaycan dövlətçiliyinin keşiyində durur Şəki! Yurdun qərb sərhədlərində yağı
hücumları ara verəndə Vətənin başqa bölgələrinin də dadına çatır Şəki hakimləri!
Vətən yolunda, Yurdun azadlığı naminə şəhidlik məktəbi keçmiş Şəki igidləri XIV
yüzilliyin sonunda özlərini Əlinəcəqalanın qəhrəman müdafiəçilərinin köməyinə
də yetirir, misilsiz igidliklər göstərir, qədim Naxçıvanımız, Əlincə qalamız uğrunda
döyüşlərdə şəhid düşürlər!
Bütün orta əsrlər boyu yurdun Şimal-Qərbində basılmaz sərhəd qalasına
çevrilən Şəki hakimliyi, eyni zamanda, İran əsarətinə qarşı bütün Şimali
Azərbaycanda ən qüvvətli azadlıq hərəkatı mərkəzinə çevrilir. Qüdrətli sərkərdə -
böyük İran hökmdarı Nadir və onun saysız-hesabsız hərbi qüvvələri də Hacı
Çələbinin başçılıq etdiyi Şəki igidlərini məğlub edə bilmirlər. Bu dövrdə - XVIII
yüzilliyin 40-cı illərində Azərbaycanda İran zülmünə qarşı xalq azadlıq hərəkatının
gedişində ilk müstəqil Azərbaycan dövləti - Şəki xanlığı da Yurdun bu guşəsində
yaranır.
Öz mənafeləri xatirinə bir-birilə didişən ayrı-ayrı xanların aciz hala
saldıqları və qüdrətli dövlətlərin yağlı tikəsinə çevrilməkdə olan Azərbaycanı
birləşdirib qüdrətli və vahid dövlətə çevirmək kimi nurlu ideyanın doğulduğu
məkanlardan biri də məhz Şəki, həmin ideyanın banisi isə Azərbaycanın
qəhrəman oğullarından biri olan Hacı Çələbi xan idi. Lakin el qeyrəti çəkən,
cəsurluğuna, hökmdar qətiyyəti və tədbirliliyinə, döyüşlərdə göstərdiyi şəxsi
igidliyinə görə başqa Azərbaycan hakimlərindən fərqlənən Hacı Çələbi də
yaxınlaşan Rusiya işğalı ərəfəsində Azərbaycanı birləşdirmək planını həyata
keçirə bilmədi. Azərbaycanın digər xanları ona qarşı birləşdilər və Qərbi
Azərbaycan torpaqlarını, o cümlədən Şimal-Qərbi Azərbaycanı zəbt etmək üçün
məqam gözləyən qonşu ölkənin hökmdarını - çar Teymurazı oğlu İrakli ilə
birlikdə köməyə çağırdılar (kimə qarşı?!). Lakin özləri düşdülər toxuduqları
düşmən toruna - əsir alındılar yağı düşmən tərəfindən! Lakin Vətənin
qeyrətini, Yurdun şərəfini uca tutan Hacı Çələbi qeyrət səlnaməmizə daha bir şanlı
səhifə yazdı. Ona düşmənçilik, Vətənə isə xəyanət edən Azərbaycan xanlarının
yadellilər tərəfindən əsir alınıb aparılmasını qeyrətinə sığışdırmadı. Qoşun çəkib
xarici düşmənin hərbi qüvvələrini pərən-pərən saldı, "Azərbaycan xanları" adlanan
daxili dönükləri xilas etdi.
6
Beləcə, Rusiya və İran işğalçılarının qəsbkarlıq müharibələri ərəfəsində
Azərbaycanı birləşdirmək üçün edilən daha bir cəhd də baş tutmadı. Öz içindən
parçalanmış Azərbaycanın qara günləri başlandı. Qafqazın şimalında dağlıların
getdikcə alovlanmaqda olan azadlıq hərəkatını mühasirəyə almaq, Azərbaycanı
Dağıstanla əlaqələndirən dağ keçidlərini ələ keçirməyi qarşısına məqsəd qoymuş
Rusiya cəlladları Şimal-Qərbi Azərbaycanı qanlı qırğın meydanına çevirdilər.
Oxucuya təqdim olunan bu kitab - istedadlı tədqiqatçı Zərinə Cavadovanın
"Şimal-Qərbi Azərbaycan (tarixi-demoqrafik tədqiqat)" əsəri də məhz tariximizin
bu dövrünün işıqlandırılmasına həsr olunmuşdur.
Əsər zəngin tarixə malik olan şimal-qərb bölkəmizin tarixi-demoqrafik
baxımdan öyrənilməsi məqsədinə xidmət edir. Qafqaz Arxeoqrafiya
Komissiyasının Aktlarında (AKAK) toplanan mühüm sənədlər, həmçinin digər
qiymətli arxiv sənədlərinin əsasında yazılan bu kitabda müəllif XIX yüzilliyin I
yarısında regionun tarixinə qısa bir nəzər salır, Azərbaycanın Rusiya tərəfindən
işğalının məhz bu əlverişli strateji məntəqədən başlanmasının təsadüfi olmadığını
açıqlayır.
Müəllif özünün bu qiymətli tədqiqatında oxucunu işğal ərəfəsində Şimal-
Qərbi Azərbaycanda mövcud olan dövlət qurumlarımız - Car-Balakən camaatları,
İlisu sultanlığı və Şəki xanlığının ictimai-siyasi vəziyyəti ilə tanış edir, işğal
zamanı rus hərbçilərinin - Sisianovların, Qulyakovların, Madatovların törətdiyi
amansız vəhşilikləri və qəddarlıqları gözlərimiz önündə canlandırır.
Kitabda tarixi az öyrənilmiş bir dövlətimizin -İlisu sultanlığının keçmişinə,
Azərbaycanın qəhrəman oğlu Daniyal sultanın başçılığı altında gedən azadlıq
mübarizəsinə, Car-Balakən camaatları və İlisu sultanlığının Rusiyaya
qatılmasından sonra inzibati idarəçilikdə baş verən dəyişikliklərə toxunan müəllif
qeyd edir ki, Rusiya işğalçıları təkcə Azərbaycanı iki hissəyə parçalamaqla
kifayətlənməmiş, Şimal-Qərbi Azərbaycanı ayrı-ayrı dövlətlərin tərkibində
Rusiyaya birləşdirmək kimi məkrli bir planı da həyata keçirmək istəmişdilər.
Yalnız bölgədə genişlənən xalq azadlıq mübarizəsi nəticəsində, habelə qaniçən
general Sisianovun öldürülməsi sayəsində Şimal-Qərbi Azərbaycanı bütünlüklə
Gürcüstanın tərkibində Rusiyaya birləşdirmək niyyəti boşa çıxmışdı. Bununla belə,
1859-cu ildə, yaranmış fürsətdən istifadə edən Rusiya İlisu sultanlığına məxsus
tarixi Azərbaycan torpaqlarının bir hissəsini - dağ mahalını Dağıstanın tərkibinə
qatmışdı. Beləsə, keçmiş İlisu sultanlığının bir hissəsi - tarixi Azərbaycan
torpaqları Dağıstanın tərkibində Rusiyaya qatılmışdı.
XIX yüzilliyin əvvəlində çarizmin Azərbaycanda yeritdiyi müstəmləkəçilik
siyasətinin ən mühüm tərkib hissəsi onun "uzaqgörən" köçürmə siyasəti idi.
İmperiya siyasətinin icraçıları olan qanlı Rusiya generalları bu zaman strateji
cəhətdən misilsiz əhəmiyyəti olan Car-Balakəndən 1000 Azərbaycan-türk ailəsini
zorla öz tarixi ata-baba torpaqlarından qoparıb Gürcüstanın içərilərinə
köçürmüşdülər.