9
yazır: "Azərbaycanın bu bölgəsində iskit (skif)-sak dövründən başlayaraq
ümumtürk tarixinin bütün qatlarından dərin izlər qalıb. ―Daş Oğuz‖dan yadigar
qalan ―Daş üz‖, qıpçaqlardan yadigar qalan ―Qıpçaq‖ kəndi buradadır. Oğuzun
nəsil şəcərəsindəki türk sərkərdəsi Belekanın adından yadigar qalan və yerli
camaatın indi də ―Bələkon‖, ―Beləkan‖, ―Belekan‖ adlandırdığı ―Balakən‖ də
burdadır‖. (124, s. 58).
Oxuculara təqdim etdiyimiz bu tarixi araşdırma arxiv materiallarına,
statistik müşahidələrə və müxtəlif xarakterli məlumatlar toplularına, təsvirlərə,
aktlara, siyahıyaalmalara əsaslanır.
İstifadə etdiyimiz mənbələr içərisində 1866 -1904-cü illərdə Tiflisdə nəşr
olunmuş 12 cildlik ―Qafqaz Arxeoqrafiya Komissiyasının Aktları‖ (AKAK) xüsusi
yer tutur. Aktlarda toplanan sənədlər Qafqazın XVIII-XIX əsrlər tarixinin
öyrənilməsində mühüm əhəmiyyətə malik olmaqla yanaşı, eyni zamanda Rusiya
imperiyasının Qafqazda yeritdiyi müstəmləkəçilik siyasətinin əsl mahiyyətini
açmağa imkan verir sənədlər içərisində iqtisadi və sosial münasibətlər tarixinə aid
materiallar nisbətən azlıq təşkil etsə də, dövrün siyasi tarixinin bir çox
məqamlarının açılmasına xidmət edən sənədlər bizə həm də şimal-qərbi
Azərbaycan əhalisinin demoqrafik durumunu, etnik tərkibini izləmək üçün bütöv,
zəngin faktik material verir.
XIX yüzilliyin əvvəlində Car-Balakən, İlisu və Şəki xanlığında yaşayan
əhalinin etnik tərkibi, demoqrafik durumu ilə tanışlıq göstərir ki, məhz əsrin
əvvəlində baş verən siyasi hadisələr bu prosesə ciddi şəkildə təsir göstərirdi.
Rusiya imperiyasının Azərbaycana qarşı Gürcüstan ərazisindən başlanan işğalçılıq
siyasətinə qarşı çıxış edən dağlı tayfalarının azadlıq mübarizəsi, çarizmin
repressiyaları və köçürmə siyasəti nəticəsində əvvəllər Baş Qafqazın dağlıq
ərazilərində yaşayan avarların düzənliklərə axışması prosessinin XIX əsrin
əvvəlində sürətlənməsi məhz siyasi hadisələrin nəticəsi idi. Bu, bir tərəfdən işğala
qarşı mübarizədə Qafqaz xalqlarının vahid islam-türk birliyinin yaranması, digər
tərəfdən vadilərin əlverişli iqtisadi şəraiti ilə əlaqədar idi.
Aktlardakı sənədlərdən aydın olur ki Rusiya Car-Balakəni işğal edən zaman
bu ərazidə yaşayan türk əhalisini onların ata-baba torpaqlarına - Gürcüstanın
içərilərinə köçürmək, əvəzində isə burada Rusiyanın mərkəzi quberniyalarından
köçürülən rusları yerləşdirmək niyyətində idi. Bu məqsədlə də o zaman 1000 türk
ailəsi Car-Balakəndən - öz yaşayış yerindən zorla çıxarılaraq Gürcüstanın
içərilərinə köçürülmüşdür. Köçürülən əhali yenidən öz əvvəlki yaşayış yerinə
qayıdarkən rus hərbçiləri onların ərazidə məskunlaşmasına hər vasitə ilə maneçilik
törədirdi.
1852-ci ildə siyasi və hərbi səbəblərə görə keçmiş Dağ mahalının (Saxurun)
bütün əhalisinin Zaqatala dairəsinə köçürülməsi haqqında da aktlarda maraqlı
sənədlər var.
10
Aktlardakı sənədlərin təhlili göstərir ki Xoy hakimi Cəfərqulu xan
tərəfindən Şəkiyə gətirilən erməni ailələri məhz Rusiyanın himayesi və qayğısı
nəticəsində bu ərazidə saxlanmış, erməni generalı V. Q. Madatov Qarabağdan
Şəkiyə qaçan erməniləri (keçmiş albanları - Z. S.) xüsusi erməni mərkəzi yaratmaq
məqsədi ilə zorla öz əvvəlki yaşayış yerinə qaytarmışdı.
Aktlarda Rusiyanın XIX əsrin əvvəlində köçürmə siyasəti, rus
təriqətçilərinin Şimali Azərbaycana, o cümlədən qeyd etdiyimiz əraziyə
köçürülməsi, ərazinin yerli əhalisi olan qədim türk etnoslarının, ingiloyların,
udinlərin (utilərin) xristianlaşdırılması siyasətini izləməyə imkan verən sənədlər də
xüsusi maraq doğurur.
Bununla yanaşı aktlardakı sənədlər içərisində şimal-qərbi Azərbaycanda
çarizmin müstəmləkə əsarətinə qarşı çevrilən milli-azadlıq mübarizəsinin xarakteri,
gedişi və bu mübarizənin qəhrəmanları haqqında qiymətli materiallar vardır.
Azərbaycan Respublikasının Mərkəzi Dövlət Tarix Arxivində saxlanılan bir
çox sənədlər tarixi araşdırma zamanı xüsusi rol oynamışdır. Bu sənədlər içərisində
siyahıyaalmaların özünəməxsus yeri var.
1
Tarixi araşdırma zamanı istifadə etdiyimiz mənbələr içərisində
siyahıyaalmalardan başqa təsvirlərin və statistik müşahidələrin xüsusi rolu
olmuşdur.
2
Rusiya Mərkəzi Dövlət Hərbi Tarix Arxivindən tapılan sənədlərin
toplusundan ibarət olan sənədlər külliyatı
3
Car-Balakən və İlisu sultanlığının
əhalisi, yaşayış yerləri haqqında maraqlı məlumat verir.
XIX yüzilliyin əvvəlində Şimali Azərbaycan Rusiya tərəfindən işğal edildi.
Qafqazı işğal edən rus hərbçiləri işğalın ilk günündən bu ərazinin tarixini, onun
təbii sərvətlərini, əhalisinin etnik tərkibini, dini mənsubiyyətini, xalqın
etnoqrafiyasını öyrənməyə xüsusi diqqət yetirirdi. Qafqazın, o cümlədən şimal-
qərbi Azərbaycanın hərtərəfli öyrənilməsində yalnız bir məqsəd-işğal olunmuş
ərazilərdə çarizmin müstəmləkəçilik siyasətini möhkəmləndirmək məqsədi
güdülürdü. Məhz bu maraq nəticəsində XIX əsr rus zadəgan tarixşünaslığının
1
Описание Шекинской провинции составленное в 1819 г. ген. май. Ахвердовым и статским
советником Могилевским - Печатное. Тифлис, 1866. ЦГИА Азерб., ф. 24. оп. 1. д. 71;
Камеральное описание жителей города Нухи и Шекинской провинции за 1824 год. ф. 24. оп. 1. д.
162; Опись с переводами по Шекинской провинции 1831. ф. 24. оп. 1. д. 364; Опись с переводами
Шекинской провинции камеральное описание 1831, часть IV, ф. 24. оп. 1. д. 365; Камеральное
описание мусульманских провинций (списки жителей семей) 1830, ф. 24. оп. 1. д. 331; Описи с
переводами Шекинской провинции. Камеральное описание. 1831, ф. 24. оп. 1. д. 363;
Камеральное описание жителей города Нухи, платящих подати, ф. 29, оп. 1. д.9; Камеральное
описание крестьян селений Нухинского участка, часть 1, ф. 29. оп. 1, д. 21; Камеральное
описание селений Нухинского участка, часть II, ф. 29. оп. 1, д. 12. və s.
2
Обозрение Российских владений за Кавказом. СПб., 1836, Статистическое описание
Закавказского края. СПб., 1833; Статичтические труда И. Ф. Штукенберга. СПб., 1860 və s.
3
История, география и этнография Дагестана XVIII—XIX вв. Москва, 1958.